منتديات تروجيمنج

أكيد زي ما أنت عارف بيرزيرك عملي المفضل ويكفي انه كان بوابتي لعالم المانجا الخلاب قبل ما أكون anime only هطف. حزين كثير على وفاته. سعيد برضو بردودك الايجابية عنه لأنك طفشتني بالelitist (أنت وريثا ما يعجبكم شي الا اذا في 4 غيركم بالعالم شافوه) مود حقك كنت تذمه وتذم العمل كثير

جالس أحاول أتابع أشياء up-beat، زي ميجور سكند وعجبني الموسم الثاني كثير وكان مفاجأة حلوة بعد خياس الجزء الأول.

خخخخ هو أفرق عن ريثاء كثير وأشوف على الاقل، حتى مع نقدي لبعض توجهات المانجا لكن أحس بالكتمة وضيق الصدر كل ما أفكر عمل حياته وشغفه ما أكتمل، آخر مقابلة له ذكر هذا أنه وده يخلص العمل قبل ما يموت وكان متشوق للقاء جاتس جريفيث الثالث ويهيب له، المانجا انتهت على لقطة مونلايت بوي واللي يمكن أكثر جزئية كان ودي أعرف وش يحصل فيها، بس وش تقول؟

القدر بالنهاية وظريف كيف هي مانجا تلعب على هذا الثيم وكيف أقدرانا تتحكم فينا الخ.

فعلاً شي حزين ويقهر كيف انه حتى ما كمل شغف حياته وهو صغير! ومقابلاته بالغالب كان يشتكي من وضعه وعمله الزائد فلعله يكون مرتاح الحين عالأقل. كفان أكيد ودي يكملون المانجا بطريقة أو أخرى لكن مش أولوية واذا ميورا كانت نيته انه يكمل هو لوحده فبحترم رغبته وبقدر بيرزريك للأبد.

ايش تتابع الحين؟ أو تقرا؟

هو مقفل الحين كثير بس قاعد أرجع أشوف Paradise Kiss من نفس مؤلفة NANA، إذا ما شفته جربه فيه طرح شوي مختلف عن الانمي خصوصًا بموضوع العلاقات وأقرب إلى نانا يمكن يعجبك.