منتديات تروجيمنج

شكرا على ردك
هو الموضوع ليه اسباب ، من جهة أنا مقتنع إن مافيش عمل هيعجبك بنسبة 100% (أو حتى 90% إلا فيما ندر) و لو انتظرت العمل ده فغالبا مش هتلاقيه و تعرض المتابع لتجربة محبطة شئ وارد حتى مع أفضل الأعمال و على سبيل المثال عمل ليه شعبية مهولة زى جورين لاجان إنطباعى عنه كان سلبى فى معظمه ، لو عاوز تشوف عمل شوفه و من غير توقعات و استمتع بالأجزاء الجيدة منه ،من جهة تانية إنت فعلا ممكن تمر بكوارث

و منغصات مع الأعمال الموسمية و أكثر من مرة أشوف حاجات عشان تحرق دمى فى الآخر بس فى نفس الوقت ممكن تطلع بأعمال جيدة فعلا ، للأسف مع كم الأعمال اللى بتطلع حاليا فى أعمال جيدة بيتم ظلمها لأنها مش مشهورة بما فيه الكفاية و مع الوقت قدرتك على البحث هاتبقى أحسن و هاتتعرف على الأعمال الجيدة بشكل أسرع و للسبب ده أنا ضد إعتبار إن كل الأعمال الجديدة سيئة و إن كان ده محتاج صبر فى البداية فعلا

و كنت اتكلمت عن طرق البحث بالتفصيل فى موضوع أنيميات شتاء 2017 و إزاى إنك مش محتاج تتابع كل حاجة عشان تتعرف على الأعمال الجيدة لأن بصراحة محدش يقدر يعمل كده مهما كانت شهيته باستثناء إنه يكون متفرغ بشكل تام بس فى الآخر ممكن تقول إن السبب الحقيقى يبقى فقدان إهتمامى بمعظم أنواع الميديا التانية و إنى لازم أقبل بالموجود ^^"

عموما فقدان الشهية للمتابعة شئ طبيعى و الكل بيمر بيه و حتى أنا فقدت الشهية للمتابعة اكثر من مرة آخرهم الموسم اللى فات و فى الفترات دى ماتضغطش على نفسك و اعتبرها فترة استراحة عشان ماتزهقش من الأنمى و زيك بالضبط بدأت فى متابعة جوجو مؤخرا و ده اللى رجع شهيتى للمتابعة تانى (و إن كنت متوقف حاليا عند الموسم الثالث) و عموما السنة دى فيها أكثر من عمل ممكن يثير إهتمامك ، متفق معاك بالنسبة ل The Promised Neverland و فى أعمال

تانية زى Dr Stone من الموسم الجاى ممكن تعجبك و بالنسبة لى لسه هابتدى فى متابعة أعمال الموسم الحالى عشان أحدد الأعمال الجيدة

اتذكر قبل سنوات كنت ادخل مثلاً أحد مواقع الانميات، و أشاهد بشكل يومي و ادماني، كل كوفر لانمي يعجبني في القائمة xD و فعلاً كثير مرات أستمتع و أكتشف انميات ممتازة لا أحد يتكلم عنها.

أنا أيضاً ضد من يقول أن الانميات الحديثة سيئة، شخصياً أعتبر الـEra الجديدة من الانميات من 2011، أفضل من الـ10 سنين التي سبقتها منذ التحول للانتاج الرقمي، يوجد أعمال ممتازة طبعاً لكن الانميات التي تلقى شهرة و يتكلم عنها الجمهور غالباً ما تكون سيئة باستثناء حالات معدودة

بالنسبة لجوجو أستغرب كيف انك لم تبدأه إلا مؤخرا @@ ظننتك شاهدته خصوصاً أنك تقريبا متابع لكل اعمال الشونين المشهورة، العمل مميز و يتحسن بكل بارت ستشاهده.

متفق معاك بالنسبة للأنيميات من 2011 و الأعمال المشهورة بين الجمهور ، بالنسبة لجوجو فالسبب غريب نسبيا و هو إن على عكس معظم المتابعين كان عندى صعوبة حقيقية فى تقبل تصميم الشخصيات الغريب ^^" (خصوصا من الأجزاء الأخيرة) و كنت بحس بنفور منها و ده اللى خلانى أتأخر فى متابعة العمل بس الكلام المستمر عنه خلانى افضل مهتم بيه و أخيرا لقيت وقت مناسب و قررت أديه فرصة و عجبنى جدا و ناوى اكمله للآخر إن شاء الله

هو تصميم الشخصيات في البارتات الاخيرة فعلاً مثير للجدل و شاذ بشكل كبير، لكن الشخصيات نفسها رجولية لول، القضية فقط تعود على التصاميم و مع الوقت ستصبح عادية و شخصياً أصبحت افضلها مقارنة مع التصاميم القديمة xD
البارت 3 بالخصوص نقطة تحول السلسلة للافضل و أفضل بارت بالانمي بالنسبة لي لحد ما ظهر، البارت 2 أفضل كأجواء و كخلفيات عظيمة وكـ بوزات.
اذا انتهيت من البارت 3 اكتب انطباعك عنه