منتديات تروجيمنج

الضياع في هولونايت كان متعب ، الضياع في سولز الاولى ما ازعجني وبالعكس بالاخير عجبني لما شفت ترابط العالم

ف حتى انا والله مدري عني لول

ملح و ملجأ مترابطة أكثر كليفل ديزاين(بطريقة محكمة أكثر من هولونايت) و تتشابه مع سولز الأولى في هالجانب كثير.

علي اسمك رهيب للي يفهمه
للاسف ٩٩٪ ماحد فاهمه ويفكره المسكن حق الصداع؜

أفكر أغيره لعلوش بداية السنة القادمة.@@

لاااا
لايق عليك الاسم خلاص

تغيير الأسامي تريند و يمدي أرجع لبندول بعدين. لكن أتخيل اغيره لعلوش ثم يجيني واحد يقول لي عالوش. كذا بنجلط.

ههههههه
اسم علوش يفكرني في مطعم شاورما عندنا :/

انا كمان افكر اغير اسمي بس مادري ايش احط
اسمي من النوع الخربطة الين لما يزبط معاك شي حتى تسجل بسرعة بالمنتدى :/

سوو مثل سليمان. أسمه القديم كان سولاي بمسافات و غيره لبدون مسافات انت سوو العكس.

ياريتك ساكت

أنا ما ضحكت الا على واحد الله يستر عليه غير أسمه لنفس الأسم لكن بخط مختلف.(&)

ههههه فضاوة

ههههههههه علي ياخي انا احاول ابعد اسمك عن اسم الحبوب، بس اشجعك تغير اسمك. ممكن باندا او باندادول عشان بعض الفانز واوعدك ما عاد اضيف ألف زياده.

وارسل اسم اللي غير الخط الله يعافيك خل بنضحك.

على طاري علوش حتى انا اعرف مطعم كان مشهور عندنا حق فلافل.

و أنا الي كان عاجبني علوش عز الله خربتوا صورته عندي خلاص ههههههه.

بندول مش حبوب يخي لا تخليني اطب من دريشة غرفتي. : (

علي غير اسمك الى " بندول الساعة "

هو الي يخليني أنقهر أكثر انك لما تبحث عن بندول في جوجل يجيك على طول في توب قائمة البحث بنادول. تحس العالم يبغى يترول علي.

معناه يجي كبندول الساعة، لكن الذي أقصده بالضبط هو الـ Pendulum أو الرقاص(أو النوّاس بنفس المعنى) الي هو جسم مربوط بنقطة محورية ثابتة بخيط/حبل بحيث يستطيع أن يتحرك بحرية في مستوي واحد ، من اليمين إلى اليسار.

و الشيء مش لشيء سوى انه كان عندي بندول في غرفتي وقت ما سجلت في منتدى قديم و أستمر معي الأسم لتي-جي.

بالنسبة للعضو الي غيّر الخط أبغي ازين العلاقة معه.@@

ههههههههه ياخي تحزن وانت تحاول تبرر، القصه معروفه بس معليش خلاص ركبت عليك. الا لو غيرت اسمك لـ Pendul ممكن يضبط.