منتديات تروجيمنج

تبهدلت الأيام اللي فاتت وأنا أبحث عن كوميكس مترجمة بس ماش، خصوصًا إني من النوع اللي أفضِّل أقرأ من الجوال بدل اللاب توب (&) أسهل وما يأخذ جهد، بس.......ميه

اهلا اهلا، ههههههه ماادري اذا اقدر اسمي نفسي "مهتم" بالكوميكس او لا بس جتني فتره قريت فيها كثير من قصص باتمان وقريت كم قصه من هنا وهناك لعدة شخصيات فيب ممكن نتشارك نفس المكان. قبل سنه ونص تقريبا شريت لسته كبيره من الكوميكس المتفق على مستواها من الكثير بس فجأه طحت بالمانجا وغرقت فيها فممكن. الكوميكس فيها مشاكل كثييير مقارنة بالمانجا بس مع ذلك لا زلت احبها وابرجع لقائمتي عما قريب ان شاءالله.

اللغه كانت مشكله عندي زمان وممكن هي اللي خلتني احب الكوميكس والمانجا اكثر لأني كنت احلم فيها ومااقدر احصلها، لدرجة اني كنت اشتري كوميكس مثل واتشمين ومانجا مثل ديث نوت واحطها على الرف متفائل اني بيوما ما ابرجع اقراها.

اوافقك انه ما فيه زي اللغه الأم بس للأسف ما فيه احد هنا يترجم كوميكس والمهتمين عموما قليل فالحل هو الاقتناع بالموجود والتعود عليه وللأمانه بأشياء زي كذا الانجليزيه افضل بسبب ضعف المترجمين بذا المجال.

مهتم اعرف وش قريتي؟ ومن وين تقرين وتجيبين الكوميكس؟

بالطبع كلمة مهتم مب نفس كلمة "مهووس" XD لأن قلما تعرف أشخاص يعرفون نظام الكوميكس أصلًا.
مثلك تمامًا، شفت بعض الأعداد لباتمان مثل one year ، وقرأت بعض أعداد نايتوينج القصيرة، وفي قصة لريد هود، وبعض القصص للجاستيس ليج بشكل عام. بالنسبة لعالم مارفل لِسَّه أعتبر نفسي مبتدئة فيه XD بالرغم من إني سمعت بعض المدح لقصص سبايدر مان وبعض الأبطال الآخرين.

فعلًا فعلًا، يمكن أجمل شيء في الموضوع هو إحساس "إنه صعب تحصلها" وبعدين لما تلقاها تحس نفسك ملكت الدنيا (&) خصوصًا من النقاط الحلوة هنا هو تعلقك بالشخصيات كونك تعرفها من الصغر ، والشغف الكبير في إنك تبي تعرف المزيد من الجوانب عنها.
اوه مانجا، رائع! وش آخر الأشياء اللي قريتها؟ أنا ايضًا عندي الكثير من المانجا المفضلة، وهي اللي وجهتني للكوميك بشكل عام.

للأسف ما حصلت فرصة إني أحصل على كوميك ورقية، وكل قرائتي من النت، وبعض الأحيان إذا ما قدرت أحملها أتجه للقراءة اونلاين.
لذلك أحب أعيد توجيه السؤال، من وين تقرأ الكرميك أو تحصل عليها؟
اوه، وسمعت كثير مدح لكوميك خارج نطاق السوبر هيرو، مهتمة جدًا فيها لاحقًا.

يب الكوميكس من اكثر الأشياء اللي تكرهني فيها حوستها وكيف انها تمر على عشرين كاتب وعشرين رسام، تتبع القصه تسلسليا متعب ونوعا ما غير منطقي. بس الجميل أنه أغلب الرنات الممتازه والمشهوره تكون مجمعه بعدد واحد او عددين.

انا زيك بديت بدي سي أول وتحديدا باتمان، هههههه اتوقع باتمان دايم البدايه للكل بما انه تقريبا اشهر شخصية كوميكس وكان لك انميشن ممتاز وحنا صغار وافلام وغيرها.