منتديات تروجيمنج

هو بصراحة معك حق يمكن ما اعطيت العمل حقه بمتابعة بضعة اركس فقط, لأني دائما أزعل من الناس الي تقول ناروتو سيء وهم ما تابعو الا الاول, ولكن المشكلة ان العمل طويل فهل بيكون عندي حيل اتابعه كله ؟

صدقني رؤوف انت مفوت عليك عمل عظيم جدا، وكنت زيك يوما ما وشفت كم حلقة وسحبت عليه. فحاول يوما ما تعطيه جزء من وقتك ولو انت راعي مانجا فالمانجا افضل من الأنمي من نواحي كثيرة.

واهم شي لا تجلس تقارنه بناروتو او بليتش او غيرهم، قفل المقارنه براسك كليا عشان تستمتع بالعمل مثل ما هو. شخصيا اشوف ون بيس موب افضل انمي/مانجا، انا اشوف ون بيس افضل قصة على الإطلاق.

يب العمل طويل جدا، بس عادي لو تتابعه على مدى طويل. انا خلصت المانجا كامله خلال 11 شهور تقريبا بمعدل كم فصل يوميا.

ولو مرة متعيجز مستعد انصحك بأفضل الاركات وتشوف باقي الاركات اللي موب بنفس المستوى كملخص بيوتيوب.

ما اسامحك اذا قلت افضل قصة, لان اللقب يرجع لدارك سولز @@

بأحاول أعطيه فرصة بأقرب وقت, ولكن ما رح يكون قريب لان حاليا عندي قائمة اعمال كثيرة ابغي اتابعها, اول ما اخلصها ان شاء الله بشوفه.

انا اخر شخص يمكن يقرا مانغا xD قليلة الامور الي اشوفها اكثر مللا من قراءة صفحات ابيض واسود عليها بعض الصور الجامدة @@

هو اجل اذا تابعت حيكون عالمدى الطويل, ولكن في اي ارك ترى ان العمل صار يسوى ؟

حلو حلو، اهم شي لا تفوته.

اي ارك بدأ يصير يسوى؟ أنا برأيي ارك البرمائيين اللي انت مريت عليك كان اول ارك ممتاز، بس البدايه الحقيقيه بتكون بآرك Alabasta قريب جدا منك، انت الريدي دخلت للساجا اللي فيها نفس الآرك. بعدها بيجي ارك سكايبيا ممل شويتين، ثم بعده بيجي ارك هو اللي خلا العمل يوصل لسمعته الأسطورية ارك اسمه ووتر 7. عظيم قليله بحقه.

ايوه تذكرت, وش تابعت من الشيبودن ؟

فيه تفاوت بمستويات الاركات بعد كذا بس بالأغلب ممتعه، بس فيه آرك اسمه مارين فورد هذا مستعد أراهن معك الآن انه افضل ارك قصصي في التااااريخ.

البرمائيين هو الي خرب صورة العمل xD ما عجبني بتاتاً بالذات الرسم هههههه يلعن ابو الشوارب الضخمة كلما اتفكره اموت ضحك

اخاف اقول لك اني مااحب ناروتو وتزعل علي وما تشوف ون بيس

تابعت الموسم الأول كامل على وقته، وجزء لا بأس به من شيبودن. أجواء الأنمي ما ناسبتني ابدا من اني استمتعت بالموسم الأول.

حلو حلو بتابعهم ان شاء الله, ولكن السؤال هل فيه ترابط قوي بين الاركات ؟ لان الاركس الاولى كانت فردية شويتين ومستقلة في الغالب

يب فيه ترابط عام بين الاركات، فيه كم ارك شويه تحسهم جانبيه بس بالغالب بتدف القصه الأساسيه لقدام. بالبدايه يب فيه شوية استقلال لأنه حاليا انت بجزئية تجميع الشخصيات.

ههههه يا رجل وش هالكلام مو من طبايعي الزعل وفرض الراي xD

ولكن ابغي اعرف بالزبط وين وصلت بالشيبودن ؟ اخر شي تتفكره ؟

والله موب متذكر رؤوف أبدا، لأني بعدها حتى قطعت الأنميات لفترة طويله.

سليمان, انت لازم لازم ترجع تتابع ناروتو ! ياخي طايح ف حلقات بالارك الاخير تقطططر فخامة !

مااستبعد اني ممكن ارجع لها يوما ما، مع اني نوعا ما عارف النهايه وسامع كم معلومه عن القصه.

كيف بوروتو تابعته؟

اقلها تابع الارك الاخير بس ):

والله بيه قصص جميلة جدا ومؤثرة، وما عليك ترى انا اتكلم عالقصص الجانبية مش الرئيسية الي انحرقت عليك

بالمناسبة، اتوقع الافاتار الي كنت اتكلم عنه من لعبة ميغا مان ؟

لا ما تابعت بوروتو ولا عندي رغبة بصراحة xD

ممكن أجل يوما ما اشوف ملخص بيوتيوب وانقز للآرك الأخير.

ممممممم مااتذكر صراحة اني حطيت شي لميجامان.

يمكن قصدك النيمسس من ريزيدنت ايفل 3 ؟