hits counter

TGBoards

Tohi__1
Tohi__1
وأيضًا نسيت أذكر إني حاليًا ومن فترة ليست قصيرة توجهت للمانجا وقرأت كثير منها، لذلك، عندك أي توصيات؟
AM152
AM152
و عليكم السلام و رحمة الله و بركاته
أنا الحمد لله بخير ،كيف حالك؟

العفو و شكرا على ردك :) ، سعيد فعلا بيه و بتشجيعك و سعيد إنك لسه مستمرة فى متابعة الردود ، بالنسبة للمشاركة فاتمنى إنى أشوف ردودك هنا مرة تانية لأن أسلوبك فى الكتابة و قدرتك على التعبير ممتازين فعلا بس زى ماقلت قبل كده ماتضغطيش على نفسك ، مافيش مشكلة من التوقف و إن شاء الله ييجى الوقت اللى تتحمسى فيه للكتابة تانى :)
الإعجابات: Tohi__1
AM152
AM152
المانجا بصفة عامة جيدة جدا و مافيش اختلاف كبير بينها و بين الأنمى بس بالنسبة للآركات الأخيرة فالمسألة نسبية و بتعتمد على نظرتك للعمل ، فى 3 آركات أساسية بعد الآرك الحالى فى الأنمى، الأول تدريبى و المشكلة إنه جه بعد أرك قوى جدا و ده اللى خلى انطباع عدد من المتابعين ليه سيئ خصوصا اللى بيتابعوا العمل عشان الأكشن فى الأساس ، بالنسبة لى الآرك كان جيد نسبيا و إن كان ممكن يبقى أحسن
AM152
AM152
التانى كان جاد و ليه بوتنشيال كبير بس حسيت إن ردود الفعل تجاه الآرك اللى قبله أثرت على المؤلف و خلته يستعجل فى الدخول فى الأكشن و ماحبيتش الإتجاه اللى خده و بعض قرارت المؤلف فيه ، الثالث كان خفيف و حبيته و شايف إنه كان جيد فعلا بس عدد من المتابعين كرهوه للأسف ، الآرك الحالى شكله قوى بس لسه فى بدايته، أظن من معدل الإقتباس فى الانمى إنه ممكن يقتبس آركين كمان او حتى ثلاثة إلا إذا كان فى فيلر
AM152
AM152
بالنسبة للمانجا بتابع حاجات كثيرة مؤخرا بس مش متأكد إيه اللى ممكن يبقى مناسب ، هل بتبحثى عن فئة معينة ؟
Tohi__1
Tohi__1
شكرًا لك :) بإذن الله.

الأحداث الحالية في الأنمي فعلًا ممتازة جدًا في رأيي وصرت متحمسة أكثر أتطور ديكو وطريقه لذلك، وأيضًا طريق شيغاراكي @@ والآمر الأخير كان جيد جدًا. مع إني أشوف انتقادات كثيرة لآرك رخصة الأبطال؟ ولكن غالبًا في الأنمي الرتم بيكون أفضل، بشكل عام سعيدة إن العمل لسه محافظ على مستواه.
ولا زلت أتسائل إذا الأفضل أقرأ المانجا ولا لا xD
الإعجابات: AM152
Tohi__1
Tohi__1
أما عن المانجا ما عندي نوع معين، أي مانجا تفضلّها جدًا وتشوف إنها "واجبة القراءة"؟
صحيح إني قرأت الكثير لكن لسه أُعتبر ممبتدئة في هذا المجال &
AM152
AM152
آرك رخصة الأبطال هو فعلا اللى الآرك التدريبى اللى ذكرته و فعلا عدد كبير من المتابعين انتقدوه بس شخصيا كنت شايف إن الآرك جيد و الإنتقادات مبالغ فيها بصراحة و يمكن جزء منها سببه إنه جه بعد أكثر آرك حماسى فى العمل بالإضافة لوجود جزئيات فيها شرح طويل ، الشئ المزعج اللى لاحظته إن بعض المتابعين مهتمين بالأكشن فقط و بينتقدوا أى شابتر خالى منه حتى لو كان مهم و بيركز على تطور الشخصيات و أظن إن ده اللى حصل هنا
الإعجابات: Tohi__1
AM152
AM152
متفق معاكى فى إن الرتم هايبقى أفضل فى الأنمى و للسبب ده شايف إن الأفضل تنتظرى لإنتهاء الموسم الحالى للبدأ فى المانجا ، للأسف ماوضحتش ده فى ردى السابق XD
الإعجابات: Tohi__1
AM152
AM152
بالنسبة للمانجا هى الفكرة إن معظم الأعمال اللى بتابعها إما إنها خفيفة و صعب إنى اعتبرها واجبة القراءة أو إنك عارفاها بس دى بعض الأعمال اللى اتمنى إنها تعجبك :
Suiiki من مؤلفة موشيشي ، العمل قصير بس جميل فعلا
Angel Densetsu عمل كوميدى رائع من مؤلف مانجا Claymore
Jitsu wa Watashi wa العمل بدايته توحى بعمل هاريم تقليدى بس بيثبت إنه مختلف و يستحق المتابعة تدريجيا
الإعجابات: Tohi__1
AM152
AM152
Fire Brigade of Flames العمل شونين و الآركات الأولى عادية بس الوضع بيتحسن بعد كده لما معالم القصة تتضح و اللى بيساعد على ده إن عالم العمل مثير للإهتمام فعلا
Houseki no Kuni العمل كان ليه انمى السنة اللى فاتت بس المانجا تجربة مختلفة و حبيتها جدا
Yandere Kanojo عمل 4كوما رائع ، المانجا كان بتصدر فى مجلتين و كل مجلة بتقدم قصص مختلفة و تقدرى تعرفى ده عن طريق الترقيم (فى شباتر عادية و شباتر بترقيم 1.)
الإعجابات: Tohi__1
AM152
AM152
بس الأحداث فى الإثنين بيتحركوا مع بعض ، المتابعة بالشكل ده ممكن تكون مزعجة بس العمل يستحق فعلا
Once Again عمل تانى قصير و جميل بس مؤلم بصراحة
BLAME! و الPrequel ليه NOiSE العمل مشهور و يعتبر تجربة فريدة من نوعها
Yokohama Kaidashi Kikou للأمانة تابعت أول فوليوم فقط و ماكملتش لسبب شخصى بحت بس العمل ممتاز ، العمل ليه موضوع هنا فعلا من كتابة عبد الله و ممكن تلقى عليه نظرة قبل متابعتها
الإعجابات: Tohi__1