منتديات تروجيمنج

انا للحين مصدوم كيف براندون قدر يقدم شخصية بهذه العمق الفلسفي في رواية epic fantas بالكامل

بس ما تشوف أن شالان مش بالذكاء اللي تحاول انها توهم نفسها فيه، عندها ذكاء لفظي عالي، لكن استنتاجاتها ومستواها الفكري مش لهناك، على الاقل هذا اللي حسيت فيه

ويب، قدامك حوارات فلسفية وحكم كثيرة، جتى كالادين الاهبل عنده حكم يقولها ):

أكيد شالان لا تقارع يازناه بكمية المعرفة و الذكاء المنطقي و سالفة انها توهم نفسها انت شفت كيف أكثر من مرة ما توقعت بعض الاشياء اللي تصير لها لول
لكن، البنت ممتازة زي ما قلت في كيفية استخدام العاطفة و الالفاظ بتسخير الأمور أو استغلال عاطفة اللي قدامها. ذكاء عاطفي عظيم على عكس يازناه اللي عندها ذكاء منطقي خرافي! وهذه المحادثة اللي اصلا صارت بينهم هي قمة الصراع بين هذه الصفتين بينهم! واحدة تشوف الدين و الايمان ك poet

و الثانية تشوفه اكثر ك خدعة و جدار على العقل. عمومًا. لا تنسى ان شالان بالاخير عندها هدف ما غير عن كل اللي تسويه xD. لول ما عندها ذكاء عاطفي حاد كان مستحيل صبرت وتحملت هالمدة و قدام شخصية مثل يازناه! انا مستمتع جدًا بالقراءة. صارت يوميتي اللحين ساعتين ثلاث دام اني خلصت دانقان و ماعندي اي كونسل العب عليه لول. اتمنى استمر زي كذا.

يب كلامك صحيح، صراع الاديان والالحاد أو العلم والدين جلي وواضح ويأخذ حيز من القصة وبعض الاحيان يكون هو الدافع والمبرر لبعض الactions & consequences، واحد من افضل الاشياء اللي يبرع فيها براندون وفي كتابتها.

اتركك من هذا كله، ايش رأيك بال lore/world building؟ ايش الاشياء اللي قدرت تلاحظها هنا ومميزة؟ هنا بالذات موهبة براندون تتفجر وتوصل لمستوى استثنائي للغاية.

الlore بصراحة ما قدرت استنبط إلا ثيم واحد إنه لا تأخذ الأشياء for granted أو fact، على رغم نظام الأعراق الغريب هذا لكن كل شخصية من عرق لها صفات تنافي اللي يقال عنها. مثلًا على رغم إن Kaladin يوصفونها ب أوصاف شنيعة لكنه بالحقيقة كل هذا يصير بسبب كرهه للLighteyed بسبب الحادثة اللي صارت، ولو كان هو Lighteyed كان الناس ما راح ينظرون له بهالنظرة ذي أبدًا. غير إن أخر كلمات الملك للحين ما فيه اي شيء تلمح لها!

بالنسبة للworldbuilding غريب أكثر xD! سالفة الsperns، أو نظام الأعراق أو الممالك أو الأديان كلها مدري أيش أقدر أوصفها ما أقدر أقول ممتازة لأن لحد الآن ما أشوف بنفسي ركبت صورة واضحة الا لما أخلص الكتاب على الأقل، كيف و ليش الأشياء ذي قاعدة تصير.. لكن، مش سيئة أكيد، و ممتعة!

اللي عاجبني شيء ثاني في الشخصيات إن الكاتب مو قاعد يستذكي ويتلاعب بالنصوص إنها تقصد شيء ثاني، طول الوقت كنت مرتاح لول إن الشخصيات ولله الحمد واضحة و ما محتاج أتعب نفسي احلل و اركز كثير زي كتب مارتن xD

براندون يقسّم القصص لصنفين، mystery و anticipation، الكتاب الأول بمجمله مائل لل mystery اكثر، اسئلة واسئلة واسئلة وقليل من ال expositions، من هم الهيرالدز؟ النايت راديانتز؟ الsprens؟ الvoidbringers؟ ما هو الdesolation ولم نسمع عن دمار العالم بسببه؟ من يخاطب دالينار في رؤاه؟ لماذا يقول الناس أن النايت راديانتز خونة؟ من هو Odium؟

فوج من الاسئلة والاسرار اعطت TWoK صبغة الmystery مع احساس التحضير لشيء كبير مستقبلًا.

لكن علوش انا مستغرب من كلامك عن الworldbuilding *__* .. من صفحات الكتاب الأولى وهو واضح انه استثنائي، ما راح ادخل في التفاصيل خوفًا من الحرق، لكن خذ عندك مثال بسيط، انا قرأت روايات كثيرة، وما لاحظت من قبل هذا الاهتمام والعناية بهالجانب، براندون ما اهمل حتى توضيح طريقة وقوانين الشراء والتبادلات التجارية، هل انتبهت للعملة اللي يستخدمونها اثناء الشراء؟ والقوانين المفروضة على كل طبقة فيهم؟

هذه التفاصيل المهمشة عند بقية الكتّاب هي ما تعطي الcredibility لروشار وعوالم براندون.

وكره كالادين للlighteyes مبرر وصدقني بس تمشي فيها اكثر راح تعرف السبب وتكرههم انت كمان، انا حتى مش متخيل شعورك لما تشوف Sadeas وش راح يسوي بعدين @@

طيب أنا ما قلت إنه سيء يا أكرم، زي ما قلت لك أشوفه غريب، عناصر الفانتازيا متشعبة ومتداخلة فيه كثير بالمجتمع، بالطبقية، أجل لون العين هو يحدد الشخص؟ الShardblades؟ الSpheres اللي لحد الآن ما استوعبت أيش يعتبر اغلى من أيش xD، أو حتى تصميم المناطق لما أشوف حرب تقوم في Shattered Plains و سالفة الجسور استغرب!

ليش الأعداء ما يستخدمون مثلًا الشقوق هذه ب هجمة من الخلف أو مباغتة أو تسلل، ليش دائمًا يستخدم الجسور بهذه الطريقة؟ ليش أصلًا الBridge Four من بين الكل هو الأصعب؟!؟!؟؟؟!!؟؟؟ يمكن أكبر مشكلة هو إن الكتاب مافيه خريطة تساعدك مثلًا لإستيعاب بعض الأمور، زي مثلاً المناوروات الأسطورية بين Robb و Tywin مع الخريطة تفهم كيف كان Robb عبقري بالحرب! هنا؟ مافيه الا رسومات Shallan..