منتديات تروجيمنج

جونشي وادا إللا يفهم هو وش جالس يسوي ما مسك كل الحلقات فالنتيجة كالمتوقع.

الأمر الآخر و إلا يضحك عبد الله. الأنميات لما تقتبس مواد خايسة زي دانماتشي و كونوسوبا تطلع قوة الميديم. بس لما يحاولوا يقتبسوا حاجة جيدة ما يقدروا يتعاملوا إياها مطلقا للسبب إلا مذكور فوق.

نقطة التفوق حق المانجا هي إن طاقم الأنمي ما يحتاج يسوي شيء و أغلب شغله إنه يلون بانلز المانجا و يرسم الin-betweens فمن هالناحية بحكم إن مصدر السوء من طواقم الأنمي نفسها. فمعاك حق الأنميات إلا تقتبس مانجا تطلع أفضل لأن طاقم الأنمي ما يحتاج يسوي أي شيء creative و هذا يحمي الأصلي. بس طبعا نشوف التخبيص و مستوى الميديم الفعلي لما يحتاج يغير البيسنج و يختصروا أو يمدوا في امتداد الأحساس في القصة

ونقطة العواطف ذي مش فاهمها وكيف خبة قبة؟ لإن ميازكي مرة معتدل بذي النقطة ومحدداتها بينة من أول عمل له ﻻخر عمل له.

المشكلة هنا إني شخصيا ما أشوف المانجا مثيرة لحق الاهتمام بل باروح بعيد كفاية حق إني أقول إن إحنا بالكاد نحصل مانجا كويسة (إلا هي إلا تهمني أنا). فالخيار بالنسبة ليي دائما قمامة أقدر أشاهدها أو قمامة ما أهتم ليها و تعرف وش بختار.

مشاكلك ذي مع شغل الطاقم جزئية وتحصل كثير بس مغزى كلامك كلي وهنا غلط الطاقم الجزئي ما يحطم الميديا كلها "الأنمي". وعمل الأنمي يمكن يكون مكمل وأكثر إبداعي إذا حصل طاقم متمكن وحتى أحسن من المصدر الأصلي!

إذا الشيء مجرد خرابيش تتحرك و ما يحكي قصة أنا بوش أطلع منه عجل؟ إذا إنت ماتروي حاجة وش الهدف من إلا قاعد يصير إذا؟
إنت فاهم نقطة التضخيم العاطفي إنها صراخ و بكائيات و هي مش كذا. هي تضخيم تأثير مؤثر على الشخصية، تقدر تفكر في الشيء زي المحركات للشخصيات أو دواعي السرور/ الحزن...إلخ
و ترى حتى اللايت نوفلز الخايسة إلا أقراها مهي سليمة من هذا، بس في إختلافات معينة تخليني أقدر أتقبل الشيء أكثر.

والنقطة الأخيرة أننا ما لازم نغفل خصوصية بعض الأعمال لميديا ما وصعوبة نقلها لميديا ثانية وذي مهمة كثير سواء كانت مانجا أو فيجوال نوفل أو رواية.

ياه إنت تتكلم عن البوتينشال حق الميديم و أنا أقولك إنه ما منه قيمة لما في واحد يعرف وش جالس يسوي و مليون يخبصوا و بس. أنا ماعندي سبب عشان أوثق في الميديم كذا، أنا أعرف نقاط قوته جدا بالمناسبة. بس مشكلة كثرة الطباخين مش حاجة رح تروح في أي وقت.
أنا لسا أشاهد أنميات لأني أعرف الممكن، بس ما بحط أملي على المستحيل.

الوصف بخرابيش سهل علي وترى أمديني أمسك شئ مثل الشعر وأقول كلمات جميلة متراصة مع بعض كذا! والهدف ذي مش موضوعية لأنها ما لها محدد فعلي من شخص لشخص وعن نفسي مثلًا نعم أنا أستمتع بالصورة ذي أكثر من أن أطلع بمغزى يغير حياتي كلها @@

ياه أبغاك تتخيل كم الأنميترز إلا بموتوا لو الأنميات تحاول تسوي إلا تسويه عادة ويا المانجا لول. مشكلة اللايت نوفلز و الفيجوال نوفلز إنهم يعطوا حرية تفسير و تشكيل ضخمة جدا للطاقم، هذا يسمح بلحظات أجود بكثير إنها تكون موجود (تقدر تفكر بحلقة 14 في ستينز جيت أو حلقة 12من سكسك، حلقة 15 من ريزيرو...إلخ)، بس أيضا يسمح إن الصورة تكون مشوهة كثير و هذا إلا يصير.

التشبيه بالخرابيش عشان أبين افتراضك إنك تقدر تخلي صور تتحرك بس لأنها تتحرك. الحركة تروي حاجة و هالحاجة قصة و تقدر تكون ببساطة " جون مشى يذهب للبقالة". أي شيء يحصل يروي و هالرواية مش شرط تغير حياتك، موضوع تغيير الحياة نقاش بحد ذاته لأني بتضحك عليه عادة.
النقطة هي أي مادة تحكي قصة و هالقصة ليها جودة بناء على التأثير حقها في الوصول لهدفها سواء هالهدف إنك تضحك أو تبكي ... أو إلخ

هو للحق في سوء فهم لوش هي القصة و سوء هالفهم جاي من هوليوود بالطبع إلا علموا الناس إن القصة هي الطيخ طاخ و الشخصية إلا تمليك سطرين مالهم علاقة بالفلم في النهاية. بس إنت آخر واحد توقعته يكون عنده @@ أو على الأقل إنك تفترض إنه عندي محزن.

ما المشكلة في المفاهيم هنا @@ ﻹني ما أعتبر القصة هدف في العمل المرئي والمرئي ما يحتاج يشرح نفسه بحوار مثلا ليبين إيش يبغى يوصل ونقطة ثانية هي النوع ﻹن يدخل في صفها مدارس كثير مثل هولييود أو شئ يحطم ذا زي السينما اﻷوروبية.

إذا تقصد الصور الجميلة و الصور الجميلة بس، فأنا ما أهتم لهذي.

المنطلق والخلفية مختلفة بيني وبينك ويصير كذا الحوار صعب وغريب ممكن أحصل فرصة أشرحها بصورة ﻹني خلال السنين ذي مريت بصور أعجز عن تعبير محدد أو حتى تقليدي.

هو أحسك فاهم إني جادلك، بس أنا أشرح لك أنا موقفي من وين جاي لا أكثر. و مش حركة لطيفة تخش بيتي و تحقق ويايي عن موقفي بعدين تسحب عليي @@

في ملاحظة أهم هو في مدارس فكرية متعددة في الميديا. و في أيضا الديفايد حق ال Story Vs Experience إلا ماكان ليي خلق أدخل فيه لأني ما بغيت أفصل الشعور عن الأفكار... إلا ممكن خلط عندك سوء فهم أيضا.

هو شفت كذا جمل مستفزة خلتني أدخل خصوصًا أن منطلقي مختلف كثير فعلًا @@ والقصص كلها مملة هذه الأيام، يكفيني نشرات الأخبار فقط (@).

عشان تعرف ليش أنا حذر في إخراج كآبتي على الناس، و هي ما تنكتب كذا بعد بس وش تسوي.

الرمزية تكفي وبصراحة في شئ أسود عنها في قلبي بس أخاف أقوله وأتهم بمعاداة السامية (&).

يجب على البشر فقط محبة الموز.
لكن جيميني ليست ببشرية، وروبو ليست ببشرية كذلك @@