TGBoards

AM152
AM152
و عليكم السلام و رحمة الله وبركاته
الحمد لله بخير ، كيف حالك؟
نفس الوضع هنا ، من زمان جدا عنك :)
بصراحة كنت عاوز أكلمك من مدة ، اللى لاحظته إن مشاركاتك بقت قليلة جدا من فترة طويلة و ابتديت أحس إن اللى حصل مع وولفى و عدد تانى من الأعضاء بيتكرر :(
الإعجابات: Tohi__1
AM152
AM152
بالنسبة لسؤالك عن مانجا جينتاما فبالنسبة لى المستوى غير ثابت ، بعض أجزاء الآرك الأخير كانت جيدة فعلا و مثيرة للإهتمام بس بعضها ماكانتش بنفس القوة و إن كانت الأحداث الأخيرة مستواها احسن نسبيا ، المشكلة بالنسبة لى إنى مابقتش أقدر استمتع بالعمل زى الأول للأسف :(
AM152
AM152
أحد مشاكل جينتاما القليلة كانت بعض الحوارات التشيزى أحيانا بس دى كانت قليلة و متفرقة وسط أحداث قوية فما كانش في مشكلة بس مع 3 آركات طويلة ما قدرش انكر إنه جالى تشبع منها و بقت مزعجة بالنسبة لى
أظن إن الوضع ممكن يكون مختلف بالنسبة لمتابعى الأنمى لوجود فاصل طويل بين كل آرك ده غير رجوع الكوميديا قبل الموسم الأخير و ده كان قرار موفق
Tohi__1
Tohi__1
الحمد لله بخير :)
شكرًا لإهتمامك، أنا فعلًا للأسف فقدت قدر كبير من شغفي للكتابة أو حتى لمشاهدة الأنمي، حتى السنة الفائتة ما شفت فيها شيء يذكر @@ مع إني فعلًا أحاول قدر الإمكان إني أدخل هنا وأشارك، بس ماش :(
الإعجابات: AM152
Tohi__1
Tohi__1
هممم @@
أنا فعلًا ما حبيت كثير آرك راكويو مع إنه كان ممتاز وأنا نفسي ما أعرف السبب، بالنسبة للآرك الأخير، شفت الأربع حلقات اللي نزلوا وكانوا جدًا ممتازين بالنسبة لي وبينت إن الآرك فعلًا كبير هالمرة، حرب ضد الكون &
في نفس الوقت قينتاما لسه يحافظ على الكوميديا حقته، وفِي آخر حلقة ظهور الشينسينغومي :"(
الإعجابات: AM152
Tohi__1
Tohi__1
أقدر أتفهم هالشيء تمامًا، الحلو دائمًا في آركات قينتاما كان إنها كانت متفرقة، وكان العمل بشكل عام يوازن بين الكوميديا والأحسن بشكل ممتاز.
في النهاية، هل تعتقد إن العمل ممكن ينتهي بشكل جيد؟
الإعجابات: AM152
AM152
AM152
بالنسبة لموضوع الكتابة ففى آخر فترة كنتى نشطة فيها حسيت إنك بتضغطى على نفسك فى محاولة لتعويض ضعف المشاركة وقتها و ممكن يكون حصلك Burn out و بعد ما مشاهدة الأنمى و الكتابة عنه كانت هواية اتحولت لوظيفة و شئ ثقيل و ده احساس مريت بيه قبل كده و ممكن لو زاد يخلى الشخص يتوقف تماما
AM152
AM152
نقطة تانية و هى تغير الذوق و الإهتمامات مع الوقت ، فى حاجات كثيرة كنت مهتم بيها جدا زمان و ماكنتش متخيل إنى اتوقف عنها بس مع الوقت الإهتمام ده ضعف و فى الآخر توجهت لحاجات تانية و ده شئ طبيعى
اللى عاوز أقوله ماتضغطيش على نفسك ، فى الآخر الهدف الأساسى من المتابعة يبقى الإستمتاع بالأعمال و لو ده مش موجود يبقى مافيش أى مشكلة من التوقف
AM152
AM152
بالنسبة لآك راكويو هى المشكلة إن الكاتب كان المفروض يقدم المواجهة النهائية فى آرك واحد كبير بس ماظنش إنه خطط لده بالشكل الكافى و ماعرفش يقفل كل المواضيع المفتوحة فى آرك واحد و النتيجة كانت 3 آركات طويلة كل واحد فيهم ينفع كنهاية للعمل ، للسبب ده فبالرغم من إن مستوى الآرك فى حد ذاته كان جيد إلا إن إحساس التكرار قلل بشكل كبير من المتعة للأسف
AM152
AM152
بالنسبة للنهاية أظن إنه فاضل شابترين فقط على انتهاء العمل ، بصراحة العمل كان ماشى بشكل جيد حتى الآن بس آخر صفحتين من الشابتر اللى فات خلونى أقلق ، عموما كل حاجة هتبان قريب إن شاء الله