منتديات تروجيمنج

الفرق الأكبر اللي بتحسه هو عدد الإطارات طبعاـ أول مرة بتشغل فيها لعبة فبس على 120 اطار وتجرب سلاسة الماوس فيها اوف احساس خورافي.

فالسلاسة بالإطارات هي أبرز شي تلاحظه حتى بالألعاب اللي الكونسول ما يجيب فيها ذا العدد مثل ايفل ويذن 2 على 60 اطار.

والوضوح يفرق طبعا لأن الشاشة صغيرة فتكون البكسلات مضغطوه زي لما تلعب لعبة 720p على شاشة عادية بعدين تجرب نفس اللعبه على السويتش.

بالنسبة للكيبورد والماوس بتعتمد على احتياجاتك وميزانيتك.

يفرقون طبعا بالجودة والراحه وسالفة الاضاءة. أهم شي الكيبورد يكون Mechanical. الميكانيكال افضلهم جودة ويجلس معك فترة اطول غير انه الافضل من ناحية الاستجابة(يستجيب من مجرد ضغطة خفيفة جدا ما يحتاج تضغطه للآخر) ومن ناحية الاحساس والصوت.

فيه خيارات كثيرة بس ابحط لك خياراتي وابحث عاد على كيفك لو حصلت شي يناسبك أكثر.

الماوس: Razer DeathAdder Elite

الكيبورد: Razer BlackWidow X Tournament Edition Chroma

كنترولر الاكس بوكس 360 والاكس بوكس ون كلهم متوافقين والاهتزاز شغال ويب الألعاب تتوافق علاطول بس تشبك الكونترولر وتلعب زيه زي الكونسول.

واغلب الالعاب يمديك تنتقل بكل سهولة من التحكم العادي لكونترولر بمجرد ما تضغط زر سواء من الكونترولر او الكيبورد والماوس وكل شي يتغير حتى الازرار اللي تكون مكتوبة على الشاشة بالعادة.

طبعا الكلام على اغلب الالعاب والجديد منها. الألعاب القديمه خل نقول العاب جيل البلاي 2 وبدايات الـ 3 ممكن يصير فيها مشاكل بالتوافق وتحتاج تسوي كم تعديل او ان الكونترولر ما يكون متطابق اصلا وتحتاج تلعبها بكيبورد وماوس بس هاذي حالات نادرة.

وحط ببالك ان فيه العاب اصلا ما تدعم الكونترولر بس نادرة جدا جدا و90% منها العاب فبس او استراتيجي مثل كاونتر سترايك واللي اصلا غباء تفكر تلعبهم بدون ماوس وكيبورد.

كونترولر الاكس 360 متوافق مع العاب اكثر واقدم وللحين الدعم يجيه بكل الالعاب الجديدة.

شخصيا افضله عشان هالشي وعشان النسخة السلكية منه افضل من النسخة السلكية حقت الاكس ون من ناحية الجودة. سلك الاكس ون كلبي وخرب عندي اثنين منه.

ومع اني مااتوقع انك راح تحتاج نسخة وايرلس بس احتياطا ترا لو تبي تشبك وايرلس فيه قطعه لازم تشتريها.

بالنسبة لكرت الشاشة فأنا بعد بحث طويل جدا طحت على Evga وخاصة اللي حطيت لك رابطه. كثير يقولون انه افضل كرت بفئته وهو الأكثر مبيعا بأمريكا.

اول كم دفعه منه كان فيها مشاكل حريق ومن ذا الحوسه بس استرجعوهم وعدلوا كل النسخ الجديدة ومثل ما قلت لك انا مسألة انهم رجعوا وتأكدون من جودة منتجهم من جديد وانه خالي من المشاكل بعدين اطلاقه من جديد هالشي يطمني أكثر.

بس الخيارات كثيرة بالمجال والفروق موب جوهرية لدرجة انه كثير يقولون خذ ارخص شركة ما فيه ذاك الفرق. بس Evga اخترتها انا بعد بحث وبنفس الوقت يوم حطيتها للشباب هنا كلهم نصحوني فيها وكلهم يثنون على الشركة ومنهم ناس جدا اثق باراءهم وفاهمين بالمجال مثل ABUALI.

بس عضوين اعتقد هم اللي اتقدوا الشركة. فالبنهاية شاور نفسك وابحث شويتين بالمقارنات عشان تتطمن أكثر.

بالنسبة للمشكال لا ما قابلت فيه اي مشاكل. حتى اختبار الحرارة اللي سويته على لعبة ثقيله كان الوضع طبيعي جدا.

من ناحية الصوت لول جهازي فيه مروحتين بالكبس ومروحة على الـ CPU غير مراوح الكرت فصعب أميز وشي المروحة اللي تطلع اعلى صوت وقت الألعاب الثقيلة. فما اقدر صراحة افتيك بسالفة هل مراوحها اصلا تطلع صوت والا لا. الأكيد انه ما قد ازعجني شي او حل نقول لاحظت صوت غريب.

الكيس اللي انا اخترته: Fractal Design Define C

فيه كيس ثاني ايضا ممتاز اسمه: nzxt s340

بس اخترت الاول عشان ترتيب الاسلاك فيه اريح واسهل ويقولون ان الصوت فيه عازل اكثر.

بس عموما الكيسس كثيرة وتعتمد على التفضيل الشخصي سواء من ناحية الشكل او غيره فيبيلك تاخذ لفة على فيديوات اليوتيوب خاصة الـ Top...

لول أعتقد كذا كويسين ما نسيت اجاوبك عن شي والا؟

الله يعطيك ألف عافية ما قصرت !
أشكرك جدا على طول بالك معي و مع أسئلتي الكثيرة، افدتني كثير في تفاصيل صغيرة صعب ألقى عنها معلومات في التقارير على النت

و نعم جاوبت على كل الاسئلة ما قصرت، شكرا عزيزي و إن شاء الله راح أشارك في موضوع المشتريات قريب جدا، لأن ممكن ألهم شخص ثاني لدخول عالم ال PC ^___^

حياك الله بأي وقت.

نقطة اخيرة بس معليش: من الاشياء اللي خلتني اتجه للـ 1080p بدل الـ 1440 هو انه لو شريت شاشة 1440p وبعدين نزلت العاب ثقيلة ما تقدر تشغلها بذا الوضوح واحتجت تنزل الوضوح لـ 1080p بتطلع الصورة مبكسلة شوي لأنها ممطوطة او انك بتلعبها والصورة اصغر من حجم الشاشة وفيه اطار اسود يحطوها.

هاذي النقطة خاصة هي اللي وقفتني عن الـ 1440p لأني ماني مستعد اجلس الاحق التقنية واشتري قطع كل فترة وخيار التنزيل لصفاوة اقل يصير غير متوفر لي لو احتجته.

فممكن هالشي ما يهمك ويختلف من كل شخص واهتمامه بس حبيت انبهك عن هالشي لأني المعلومة ذي كانت مهمه جدا بالنسبة لي.

واوه حاجه ثانيه مهمه: الشاشة الـ 60hz ما تعرض اكثر من 60 اطار، ممكن الصورة تصير سلسة شوي أكثر بس بالحقيقية الشاشه موب جالسه تعرض لك عدد الاطارات اللي حطيته.

كل اطار بتردد فلو تبي تشغل لعبة بـ 120 اطار تحتاج شاشة بـ 120hz أو أكثر وهكذا.

بالغالب ما راح تلقى بالسوق اصلا الا 60hz أو 144hz ذولي الأشهر.

اذا عندك اي سؤال ثاني حاضر، ومبروك مقدما ومثل ما قلت لك قبل كذا قرار ما راح تندم عليه أبدا.

وسعيد اني قدت ثورة التحول للبي سي بالمنتدى P:

الظاهر راح اتجه لخيار ال 1080p لأن واضح أن راح يكون أفضل على المدى البعيد، بدون ما أذكر أن مش متأكد أن كرت الشاشة راح تقدر تشغل كل الألعاب القادمة حتى نهاية الجيل بدقة 1440p

شكرا مرة ثانية و غالبا راح يكون عندي أسئلة بعدما أركب قطع الجهاز و أبدأ في تشغيله، تحملوا القليل من الإزعاج وقتها لأن يمكن أواجه بعض الصعوبات في البداية قبل ما أستقر مع الجهاز و أكون فاهم الوضع ^__^

حياك بأي وقت.

بس لا تنسى سالفة الـ Hz تتأكد من الشاشة قبل ما تاخذها شي مهم جدا.

وسعيد اني قدت ثورة التحول للبي سي بالمنتدى P:


عما قريب رح أنظم لثورة ال بي سي هذي

اهلا اهلا ومرحبا بك معنا. صدقني قرار مستحيل تندم عليه وبالعكس بتندم انك أخرت هذا القرار لوقت طويل.

وممكن على ما تجمع جهازك يكون وقتها قربت تخفيضات ستيم الصيفية، فبيكون وقت مثالي.