منتديات تروجيمنج

أهلا علي.

هو على حسب متطلباتك انت، انا كلفني الجهاز شامل الشحن 7000 بس حط ببالك اني ماخذ من اقوى القطع المتوفرة حاليا. لأني بغيته يجلس معي اطول مدة ممكنة ولأن كل شغلي عليه من عمل لتصفح للعب فأبي شي يتحمل.

ممكن تحصل شي بـ 5000 بالراحه بس اقل من كذا مااتوقع تلقى جهاز "ممتاز"

اهم شي شل من راسك مقارنة سعره بأسعار الكونسول.

الجهاز على قولتهم التميت مشين. كل شي بتسويه فيه(عمل-لعب-مشاهدة-تصفح-تحميل) فموب جهاز للعب فقط. مهما وصل السعر فاشوفه دايم منطقي على الفائدة اللي ممكن تحصلها.

غير ان اللي بتوفره على اسعار الالعاب على مدى سنتين بس ممكن يجيب لك فرق السعر بينه وبين الكونسول.

ايفل ويذن 2 ماخذها داي 1 بـ 35 دولار.

وولفنستين 2 ما نزلت حتى تقدر تاخذها الحين بـ 34 دولار.

واتكلم عن تاخذهم وتحطهم على ستيم موب نسخة تطلبها من الصين والا طرق خربوطية ثانيه.

الله لا يهينك على المعلومات القيمة هذي، هو سالفة السعر ذا مقدور عليه ما دامه ما راح يتعدى العشرة الآف لكن تتوقع كم راح ياخذ معي لو خذيت نفسك جهازك او قريب من مواصفاته لأن لو بقط مبلغ مثل هذا ابيه يطول معي سنين سواء لعب او مشاهدة افلام و شغل مثلك بالضبط.

و سالفة توفير اسعار الألعاب مع عروض المتاجر و التخفيضات الموسمية فهذا من اكثر العوامل الي يجذبني اصير بي سي جيمر. يا رجل ساحة الكونسولز و اسعار العابها في الخليج جشع مش طبيعي و ستيم و غيره من المتاجر يفكون ازمات و يوفرون الآف الريالات على مر سنين. عدى ان المظهر و الآداء خارقين اصلاً بدون مقارنة و الكونسولز للحصريات.^^

هو افضل شي انك ما راح ترجع تدفع نفس المبلغ ذا من جديد، كل اللي بتسوية هو انك تغير كرت الشاشة او المعالج. حتى القطع الثانيه بحسب حقين البي سي نادر جدا انك تحتاج تغيرهم الا لو خربوا.

بالنسبة لكم بيتحمل معك فالمفروض انه بيتحمل لمدة طويلة جدا جدا لو انت محافظ عليه وكل شي شغال بالسليم، وحتى لو خرب قطعه معينه بتغيرها ما راح تحتاج تغير كل شي.

اما كم المدة اللي بيكون يشغل فيها الألعاب بشكل ممتاز هاذي تعتمد على الوضوح اللي تبيه وهل تبي كل شي max والا لا.

انا هدفي 1080p- 60 اطار على المدى البعيد واتوقع يجيب هالمستوى بأغلب الألعاب لمدة الست سنوات الجاية خاصة ان الشركات بتصير تحط حيلها بالدقة اكثر من اي شي ثاني.. وحتى الألعاب الضخمه جدا اللي ماراح اقدر اجيب فيها هالشي ابقدر اجيبه لو لعبت شوي باعدادات اللعبه.

يخي كذا تعجلني اشتري(&)

يبي له نخوض غمار التجربة و الله على كمية الالعاب الخورافية في ستيم.

والله قرار مستحيل تندم عليه، بس اهم شي اذا صملت افتح موضوع وشاور الشباب لأن القطع تتجدد كل فترة.

ومن بدري قرر وش انت ناوي عليه(1080p-2k-4k) لأنهم بيأثرون بسالفة كم بتدفع وكم بيجلس معك جهازك.

انا كنت صامل ناوي على الـ 2K بس يوم اكتشفت انه لو بكرة مواصفات الألعاب ارتفعت وجهازي صار ما يقدر يشغلهم بشكل ممتاز على الـ 2K ما راح اقدر انزلهم للـ 1080p لأن مظهر الـ 1080 على شاشة 2k سئ وشوي مبكسل.