للأمانة مش متذكر الكثير عن الأنمي لكن النهاية بالذات عوضتني شوي عن الي صار في كاتشان. تاتش و اعمال اداتشي-سينسي بشكل عام من مفضلاتي لأنها ما تاخذ نفسها بجدية زيادة عن اللزوم. جانب السلايس اوف لايف يزاحم الجانب الرياضي و يتمازج معه و يعطينا مسلسلات ذوات معنى رائع.
صحيح ان سرد القصة بطيء بعض الشي لكن هذا الي نتوقعه من مسلسلات الثمانينات. فانز البيسبول راح يحبون تاتش. و فانز الدراما الي تلامس القلب راح يعشقونه.
أحب هذا الجانب جدًا في أعمال اداتشي وهذا اللي خليني أقدر كروس جيم وأجعله من مفضلاتي.
الأحداث الأخيرة في تاتش كانت حلوة واستمتعت معاها جدًا، وراقت لي قصة المدرب كثير
هو أنا أحب أجواء الثمانينيات، بعد ميجور صرت فان للبيسبول وأحب الدراما. لكن في تاتش، للمرة الأولى حسيت إن فقدان شخصية ما "جانب الدراما" أنقص بكثير من مستوى الأنمي بالنسبة لي بدل ما يرفعه.
في لحظة ما، وأقصد الحلقات (٢٥-٢٧) اعتبرت ان تاتش تحفة! بل أفضل ما قدم اداتشي! حتى مع حزني الشديد على اللي صار. لكن اللي حصل بعدها...
حتى الآن مهما نظرت للأنمي ومهما كان مستوى الأحداث الممتازة اللي صارت قدام أشوف إن اكثر الحلقات اللي حبيتها كانت الأولى واقصد اللي ظهر فيها كاتشان. اكثر لحظات حسيت فيها بالملل كانت اللي تلت موته (تدريب تاتشان وانضمامه للنادي..الخ)
مشكلة تاتش كانت اني تعلقت بكاتشان...كثير @@
.
فقدانه اعطى اتجاه للمسلسل و اضاف ابعاد للدراما الي فيه و خلاها اكثر اقناعاً برايي الشي الي سواه اداتشي مرة اخرى في كروس جيم. طبعاً ما يصير نقارن هنا لأن الشخصية المحورية في كروس جيم ودعت قبل ما يبدأ الأنمي حتى. هذي لمسات اداتشي-سينسي المعروفة.
كاتشان مش مستر بيرفكت مثل ما يقولون، خسارته في المسلسل مجازفة. لكن ما اعتبرها خربت المسلسل. اهم شي خلصتيه في وقت قياسي.(&)
أتفـق! أنا كمشاهد ما حصلت الشيء اللي ممكن يقنعني إن موت كاتشان كان شيء محتم لا بد منه. أفضل شيء في اداتشي انه يعرف نقاط ضعفه وسلبياته عشان ما يكررها مرة ثانية وهذا اللي سواه مع كروس جيم. هو تاتش كمستوى يمكن ما قل مستواه (يمكن باستثناء الفترة اللي تلت موت كاتشان مباشرة) لكن اللي قل هو استمتاعي به.
حاليًا وأنا أعيد كروس جيم أقدر ألاحظ هذا الشيء بشكل كبير. وأقدر ألاحظ إن أشياء كثيرة في كروس جيم مقتبسة من تاتش، وأيضًا اكتشفت إن أكثر رياضة يحبها اداتشي بعد البيسبول = الملاكمة (&)
الحمد لله إني خلصته في هذه المدة (@) انا استغربت من نفسي xD لكني سعيدة اني كملته، فعلًا.
شفت H2؟