سوني تعلن عن معرض PlayStation Showcase 2021 خميس القادم

ملاحظة :
التوقعات شبه كبيرة ودا راجع لتوقعى ان سونى هتبقي عايزة عرض قوى اول الجيل ولكن عادة بخفض التوقعات وكدا كدا اغلب الالعاب وجودها شبه اكيد لانها ظهرت فى العرض السابق ولكن فى كام لعبة بس هما اللى يعتبروا فوق المتوقع حتى لو مظهروش العرض هيفضل ممتاز.


الطرف الاول/ التانى:
1- ragnarok ( santa Monica)
العرض هيبقي جيمبلاى مطول/ فيديو جيمبلاى ممنتج
معاد نزولها المتوقع؟
اتوقع النص التانى من 2022 معتقدش انها هتتاخر عن
يعنى الريبوت نفسه قعد حوالى 4 سنين و9 شهور
ودا باحتساب اليوم اللى رجع فيه كوري لحد ما اللعبة نزلت ودا كان ريبوت يعنى مش جزء جديد وأخذ منهم وقت لتحديد مسار اللعبة يعنى قبل فبراير 2014 كانت لسا فى مراحل قبل الإنتاج ومطورين قليلين جدا 10~
ونوفمبر 2022 هتبقي عدت حوالى 4 سنين و6 شهور على الجزء الاول.

2- horizon forbidden West

3- Gran Turismo 7
لعبة اخري مؤجلة من 2021 ل 2022
برضك وجودها اكيد و هيبقي عرض الجيمبلاى واتوقع نزولها النص التانى من سنة 2022
4- the last of us ii online ? / The last of us remake?
اتوقع الاقرب للعرض هيكون لعبة الاونلاين المنفصلة ل tlou
اتوقع انها مش بعيدة واتوقع الاعلان عنها مناسب هنا
معاد نزولها ؟ اعتقد هتنزل 2022 ممكن النصف الأول

اما the last of us remake اتوقع انها مش هيتم عرضها هنا ممكن لو قريبة يتم ادخارها ل the game awards
اما لو بعيدة فهتبقي لعرض السونى الكبير للسنة القادمة
واتوقع الريميك دا هيبقي من اقوى استعراضات للجيل الجديد واقوى من اى لعبة اخري لسونى من الناحية الجرافيكس..

5- لعبة غير معلنة من الطرف الأول؟
فى ظل الموضوع دا


اتوقع لو فى لعبة جديدة غير معلن هيتم الاعلان عنها

هتبقي لعبة guralla games التانية ان صحت الاشاعات فعلا او لعبة من فريق Insomniac اللى بيقسموا نفسهم لكذا فريق وسريعين فمش بعيدة ان يكون عندهم لعبة جديدة بس لا اتوقع ذلك
اما باقي الفرق فغالبا لسا فى مراحل أولية او حتى مفيش الحاجة للكشف عنها السنادى وهيتم ادخارها السنة القادمة

6- firewalk / Haven / Deviation / unannounced studio
احتمال صغير أن firewalk يعرض لعبته يعنى على عكس الفريقين التانيين هو اقدم منهم تأسس فى 2018 باقي الفرق مش هتبقي عندها حاجة تقدمها الفرق لانها لسا حديثة التأسيس 2020/2021
وممكن يبقي عند سونى تعاون اخر مع فريق معروف لنشر لعبتهم القادمة ممكن حتى تبقي لعبتين
هل ممكن يتم عرض لعبة formsoftware لو الاشاعة صحيحة?
انا اتوقع الاشاعة صحيحة
اما بخصوص الكشف
فاتوقع سونى هتبقي عايزة تقدم عرض قوى جدا فى اول الجيل وحتى اللعبة لو بعيدة جدا ممكن يتم الكشف عادى يعنى لعبة زى Elden ring تم الكشف عنها فى 6/2019 واول عرض ليها بعد سنتين 6/2021 فحتى لو بعيدة مش هستغرب اعلان cgi رغم عدم حاجة سونى لكدا بس اللعبة دى استثناء واعتقد لو فى فعلا صفقة ما بينهم الاعلان هيبقي مبكر ويكسبوا جمهور FromSoftware

او يمكن يعرضوا bloodborne remaster وبعد كدا يقولوا ان لعبة الفريق القادمة بالتعاون مع سونى

7- bluepoint
فى ناس بتتوقع انهم يعرضوا لعبتهم فى المعرض القادم ودا اللى مأخر كشف استحواذ سونى على الفريق
احتمالية موجودة ولكنى لا اتوقع ذلك ولكن ممكن يكشفوا فعلا عن لعبتهم القادمة

العاب الطرف التالت :
1- final fantasy xvi
المكان المناسب لعرضها
2- project athia
اللعبة اقرب كمان من final fantasy xvi فغالبا هتبقي موجودة
3- ghostwire tokyo
اللعبة اللى ظهورها قليل عكس deathloop أتوقع برضك ظهورها منطقي
4- hogwarts legacy
اللعبة اللى كشفها بقي رابع اكتر فيديو مشاهدة على قناة سونى ب 24 مليون
واللعبة هتنزل 2022 و مظهرتش من عرض السنة اللى فاتت فظهورها شبه اكيد
5- bioshock?
لو متعرفش ففى جزء جديد من bioshock بيتم تطويرها من فريق جديد فى take two بدون ken Levine والفريق تم تأسيسه من 2018 وكنت منتظر ظهورها فى e3 2021 ولكن حاليا اتوقع هتبقي فى مؤتمر سونى / the game awards وبالأخص فى مؤتمر سونى لان فى اشاعة مؤخرا ان سونى دفعت فلوس علشان حصر مؤقت
6- gta v remaster
لو مهتم يعنى فغالبا هيتم عرضها هنا
7- العاب طرف تالت كبيرة
هتبقي فى كام لعبة طرف تالت من شركات النشر الكبيرة مثلا لعبة من كابكوم قد تكون pragmataاو اى لعبة من كابكوم بشكل عام تقدروا تخمنوا من العاب كابكوم الجاية قريبا من التسريب المعروف وكذلك لعب من باقي الشركات الكبيرة او من فرق مستقلة زى quantic dream/ remedy حتى لو الالعاب مش حصرية
8- indie games / psvr 2
برضك هيبقي فى العاب من المطورين المستقلة بشكل عام ولكن اتوقع هتبقي مش كتيرة
ولو تم اعلان ps vr2 منطقي ان يبقي فى فيديو يجمع العاب جديده للجهاز
بشكل عام اتوقع ان سونى هتقدم عرض قوى

غياب سونى عن e3 ليه فوائد زى انهم بقي مش مرتبطين بوقت محدد ( الفترة قبل e3 عادة بتبقي فيها crunch كبير او ضغط بشكل عام من كلام بعض المطورين )
ودا سمح لهم انهم يقدروا يستنوا لما لعبة x تجهز اكتر للعرض او انهم يقدروا يحددوا ميعاد للعبة y او مثلا لو فى اتفاق مع فريق على لعبة فممكن يستنوا لحد ما الاتفاق يكتمل
فعامل الوقت بقي فى ايد سونى بدل ما كانت بتحاول تسابق الوقت
اه صح نسيت
One more thing
ختام العرض
silent Hill/ metal gear / big unannounced game
50/50 ٪