hits counter

الموضوع الرسمي Fall Guys: Ultimate Knockout " باتل رويال بنكهة الحصن "

m7tram

True Gamer
Fall-Guys-Ultimate-Knockout-1318748.jpg


الاسم : Fall guys : Ultimate knockout
الاجهزة : البلاي ستيشن 4 والبي سي
موعد الاصدار : 4/8/2020
السعر : 19.99 دولار ( مجانا على البلاي ستيشن بلس )
المطور : mediatonic
الناشر : devolver Digital


اللعبة عبارة عن باتل رويال لكن بطريقة الحصن حرفيا, تعودنا على الباتل رويال يكونون قتال الى ان تنتهي اللعة بأخر لاعب عايش, لكن طريقة فال قايز هي بانكم تبدون وانتم 60 شخص في المرحلة وفيها عقبات للوصول الى خط النهاية واول 45 شخص يصل يتاهل الى المرحلة التالية ومن ثم تلعبون بمرحلة اخرى بعدد اقل واول 30 يفوزون يتاهلون وهكذا الى ان تصلون لاخر مرحلة ويتاهل واحد من 10 او 8 على حسب المراحل.

فيها 25 مرحلة حاليا واعتقد مع الوقت راح يسون ابديت لمراحل جديده.




* ملاحظة اللعبة فيها مشكلة حاليا اذا كانت لغة جهازك عربي فماراح تشتغل لازم تحول لغة جهازك الى انجليزي علشان تشتغل وهذا الي صار معاي شخصيا.

---------------------------------------------




اعتذر عن الموضوع الخفيف جدا لكن لعبة جدا ممتعة ومضحكة وامس كل الليل نلعبها انا والشباب فحبيت يكون لها موضوع خاص فيها وتحديثاتها مع الوقت.

 
التعديل الأخير:

AzureFlame

Moderator
مشرف
اللعبة روعة بس المشكلة مو قادر ادش قيم واحد T_T..

السيرفر جدا تعبان.
 

m7tram

True Gamer
اللعبة روعة بس المشكلة مو قادر ادش قيم واحد T_T..

السيرفر جدا تعبان.

جد ؟ غريبة امس من الساعة 12 بليل لي 7 الصبح كنت العب وكان سريع وبسرعه يحصل ونلعب دايم .. في مشاكل بعض المرات يصير ايرور ونطلع لكن 90% كان الوضع ممتاز ودايم في ناس.

هم من الصبح الى الان في ايرور بالسيرفر لانهم يسون صيانه ... يمكن هذا السبب؟
 

KH_m

True Gamer
والله اللعبة ضحك
ما في لعبة باتل رويال دخلتها واستمتعت فيها على طول مثل ذي
مشكلتها في ميني قيمز الفرق، أغلبهم مزعجين، اتمنى ينزل تحديث يخليني افلتر الميني قيمز وارتاح منهم
 

bits

True Gamer
البلس السعودي شايف فيه العاب الشهر الماضي لسه ::confused::
 

cryptic

Hardcore Gamer
الفريق نفسهم ما توقعوا هذا الإقبال على اللعبة وهذا سبب ضغط على السيرفرات تصوروا معي مليون ونص لاعب لعبوا اللعبة في يومها الأول أو الثاني.

رأيي باللعبة خفيفة ومسلية في البداية لكن سرعان ما تبدأ تفقد بريقها وتصبح تجربة مكررة لما تلعب أكثر. وصح أشوفها مناسبة جدًا للفئات العمرية من ٦ إلى ١٠ سنوات بالذات.

والله اللعبة ضحك
ما في لعبة باتل رويال دخلتها واستمتعت فيها على طول مثل ذي
مشكلتها في ميني قيمز الفرق، أغلبهم مزعجين، اتمنى ينزل تحديث يخليني افلتر الميني قيمز وارتاح منهم

بالضبط خصوصًا مراحل الأبواب الغثيثة والي تعتمد على ال RNG والحظ بصورة كبيرة.
 

The Last Lombax

In a new adventure~
اضفتها لمكتبة الألعاب ولكن مافي غيرها. لعبة fall guys مش موجودة.
كود موجودة لكن لازم تدور عليها لسبب ما ومش مع العاب الشهر. فال جايز لسا موضوعها مطول الظاهر
 

النسر الأسود

TG news editor
اللعبة ممتعة فعلا، لكن للأسف السيرفرات لازم يشتغلون عليها. حاولت اليوم كثير ألعب لكن بدون فائدة.
 

Suzuki Yu

True Gamer
ادمان غير طبيعي دخلت فيه مع اللعبة هذي اليومين.
ما احب العاب الباتل رويال لكن هذي غيييييير.

جنان ضحك صراخ ومتعة لا نهائية وانا العب فيها.
اللعبة مصممة بشكل جدا متقن يخلي تجربتك دائما فريش وممتعة.
جدا مبسوط من الاقبال عليها وان اللعبة حتندعم على شكل سيزونز يضيفون خلالها منافسات جديدة وتحديثات على الموجود.

الالوان جميلة جدا باللعبة أيضا.
مشكلتها الحالية مع السيرفرات اللي مو قادرة تستوعب كمية الاقبال عليها.


للان فزت بالمسابقات المركز الاول ٧ مرات رغم اني وصلت النهائي اضعاف هذا العدد :sweat:
 
التعديل الأخير:

Tia

ᴛʜᴇ ROTTEN-UNTAINTED
فيها لوكال ملتيبلاير؟
 

Tia

ᴛʜᴇ ROTTEN-UNTAINTED

::cry::

شايف شباب كثير يلعبونها ومستانسين واللعبة مبين رهيبة فعلى بالي تنلعب ملتي نعزم الربع عليها لكن السالفة يبدو اونلاين فقط، نرجع لألعاب ننتيندو اجل :/
 

m7tram

True Gamer
::cry::

شايف شباب كثير يلعبونها ومستانسين واللعبة مبين رهيبة فعلى بالي تنلعب ملتي نعزم الربع عليها لكن السالفة يبدو اونلاين فقط، نرجع لألعاب ننتيندو اجل :/

هي تحتاج عدد كبير .. فعلشان جذي صعب تكون لوكال ملتي بلاير.
 

Suzuki Yu

True Gamer
::cry::

شايف شباب كثير يلعبونها ومستانسين واللعبة مبين رهيبة فعلى بالي تنلعب ملتي نعزم الربع عليها لكن السالفة يبدو اونلاين فقط، نرجع لألعاب ننتيندو اجل :/
تقدر تخش game session فيه كل أصدقائك.
لكن اللعبة ماتصممت انها تكون co-op حتلعبوا مع بعض بس مش معناه رح تكونوا مع بعض في نفس التيم... هذا غير انه الجولات اغلبها مو تيم-بيسد.
لكن still وناسة وضحك للصبح لأنه حتى لو احد صار له elimination من بدري يقدر يتابع بقية الراوندز مع اصحابه الباقيين.
 

The Last Lombax

In a new adventure~
كالعادة جماعة اكسبوكس هم عيال بطة السوداة
لا ادري لما لم تصدر عليه ؟
ماصدرت عالسويتش برضه. والناشر نفسه له العاب ما صدرت عالبلاي ستيشن وصدرت على الاكسبوكس/سويتش
 

Veeto

True Gamer
يبدو انني سيء جدا في الالعاب التنافسية
وصلت للنهائي ٧ مرات ولا مرة فزت .. اقرب مرة كان بيني وبين الفائز ثانية واقتنص التاج مني
 

The Last Lombax

In a new adventure~
يبدو انني سيء جدا في الالعاب التنافسية
وصلت للنهائي ٧ مرات ولا مرة فزت .. اقرب مرة كان بيني وبين الفائز ثانية واقتنص التاج مني
عادي، دائما تحصل ::laugh::

امس لعبتها مع مجموعة شباب ويا كمية الضحك والوناسة حق سنة قدام والله xD
 

النسر الأسود

TG news editor
يبدو انني سيء جدا في الالعاب التنافسية
وصلت للنهائي ٧ مرات ولا مرة فزت .. اقرب مرة كان بيني وبين الفائز ثانية واقتنص التاج مني

نفس الشي. دائما تفرق معي على شي بسيط جدا، بس اليوم أخيرا جبت الفوز. عطوني تروفي فرحت فيه، لكن تفاجأت في تروفي تفوز ٥ مرات متتالية لول
 

The Last Lombax

In a new adventure~
نفس الشي. دائما تفرق معي على شي بسيط جدا، بس اليوم أخيرا جبت الفوز. عطوني تروفي فرحت فيه، لكن تفاجأت في تروفي تفوز ٥ مرات متتالية لول
هذا التروفي بيكون عقبة للي ناوي عالبلاتينيوم! احس اغلب التروفيات ممكن تضبط معاك باللعب فقط، هذا التروفي يبغاله حظ اقصى شي عشان تجيبه @@
 

tomi

Hardcore Gamer
صار لي ايام متحمس لها للحين انتظر ينزلونها على الستور السعودي ::cry::
 

Suzuki Yu

True Gamer
هذا التروفي بيكون عقبة للي ناوي عالبلاتينيوم! احس اغلب التروفيات ممكن تضبط معاك باللعب فقط، هذا التروفي يبغاله حظ اقصى شي عشان تجيبه @@
يب أنا فايز للآن حول العشرين مرة لكن 5 مرات ورا بعض؟؟؟ هههههه Good luck
 
أعلى