Hekari
SquallX سابقاً
بدون ترتيب توب 10 بس حسب ذكري للمهمات ذول يشمل مهمات فرعية وقصة.
مهمات ال Fetching ( توصيل أشياء )
هي مهمات يرسل صاحب المهمة البطل لتجميع عدد معين من الأدوات وبعد مايحصلهم يرجع لصاحب المهمة ويستلم جائزة وتتواجد بكثرة بألعاب ال RPG أمثلة عليهم : فاينل فانتسي 7 ريميك مؤخراً ، وزينو بليد كرونيكلس ريماستر ( مش متاكد مالعبتها بس سمعت الشباب يتكلموا عنها ) ، دراقون كويست 11 ، بوردلاندس .. ولاننسى في لعبة صدرت مؤخراً على ال PC مبنية بكبرها على هالكونسبت الي هي ديث ستراندينج.
لما تصنع عالم مفتوح لاتحط لي مهمات فرعية جمع سنانير - قطاوة - أو أيتمز معينة وتضطر تدور شبر شبر باللعبة شي ممل ماحد يحب يضيع وقته وهذا الي تسويه مهمات التجميع بالضبط .. مضيعين للوقت !! ، مالهم قصة او باكجراوند ، ولايكشفوا اي شي جديد لك باللعبة وأساساً تشوف الأشياء قدام عينك قبل ماتبدي المهمة بعضهم ماتقدر تاخذ الادوات او تتفاعل مع القطاوة مثلاً إلا إذا أستلمت المهمة .. والمشكلة أيضاً المهمات هذه ماتختبر مهاراتك الي اكتسبتها فاللعبة باي طريقة كانت .
يحطوا هالمهمات فقط عشان يمططوا مدة اللعبة كل الي تسويه تروح للمنطقة الي فيها الادوات ، تجمع زهرات معينة مثلاً ، تقتل عدد معين من الاعداء ، ترجع للقرية وتسلمهم ، والأسوء لما يكون تحتاج 5 قطع او اكثر من نفس الاداة تجمعها.
الصور فوق امثلة على مهمات سيئة : تجميع ريش الطيور باساسن كريد 2 كانت العائق للأغلب بين البلاتنيوم والتروفي هنترز ، المثال الثاني مهمات تجميع ألغاز Riddlers بسلسلة باتمان أركام المشكلة بالجزء نايت مسخوها حطوا لك 315 لغز لريدلر وتحتاج تخلصهم كلهم عشان تشوف النهاية الكاملة للسلسلة ، يعني شي مزعج يعطوك نهاية ناقصة لو تخلص اللعبة بشكل عادي .. وإضطريت أشوف النهاية الكاملة يوتيوب بسبب هالشي، GTA 5 مهمة قصة أساسية انك تجمع مخلفات نووية بتحت البحر أذكر وكان التحكم معاق وثقيل.
مهمات تتبع الأثر
أكثر شي إنزعجت فيه بباتمان وويتشر 3 ومؤخراً جوست أوف تسوشيما ، عارف اول اثنين جزء من شخصيتهم انهم Detective بس مو لدرجة تترك الحصان / المركبة الداعمة عشان تدقق بتفاصيل الأرض وتضطر تمشي بطيئ عشان تتبع أثر القاتل ، ويتشر 3 كانت المهمات الفرعية رتمها ممل : استلم المهمة وشوف تفاصيل القصة ، و تروح تدق مشوار ، وتروح تضطر تقتفي الأثار وتترك الحصان وهو اسوء شي بكل مهمة ، وبعدها تقاتل الخصوم ، وتكملة تفاصيل القصة وتروح لصاحب المهمة وتعرف نهاية تفاصيل المهمة للقصة وتستلم جائزتك .
مهمات مرافقة أشخاص
هي مهمات تكون انك تكون كانك جليس أطفال وتدافع على شخص ضعيف وفي لعبة مبنية بكبرها قصتها على الشي مثل رزدنت ايفل 4 الهدف الاساسي لها كان تنقذ بنت الرئيس إذا ماخانتني الذاكرة ، ومشكلة هذه المهمات يكون ال AI جداً سيئ لبعض الشخصيات ويموتوا بسهولة لانه تصرفاتهم غبية وانت عليك انك تدافع عنهم وتقتل الاعداء بينما تستكشف المنطقة مع ال NPC ( الشخصية غير قابلة للعب ) ، مهمات مرافقات الاشخاص تخليك تضطر تركز على منطقة معينة لما يجوا الخصوم
يبوك توصل ال NPC من نقطة أ ل ي ، يبين عندك سهل .. صح ؟ بس الاسوء انه تخسر لاسباب خارجة من ارادتك بسبب غباء ال AI يعلق لك بداخل البيئة ومايقدر يتحرك .
طبعاً ب Resident Evil 4 وإيكو هنا هي مثال جيد أشلي لإنه تقدر تخليه تتخبى بالصناديق ويجي لها ضرر ضخم بدون ماتموت وتحل لك الغاز.
مثال ممتاز ثاني بلعبة Yoshi Island
ماريو الصغير يبين كانه عقبة بطريقك بسبب حركته ، بس مستحيل تخسر باللعبة بسبب انه تهاجم ويحتضر لما كان ماريو بظهر يوشي حتى لما يطيح من عندك في عد تنازلي تقدر ترجعه لك ، تخسر بالمرحلة فقط إذا طحت بسطح مؤذي ( مثل السلايات ) ، أو إذا ماريو إناخذ منك وعداد إنقاذ ماريو وصل لل 0 .
ميكانيكة اللعبة كانت فلة ! لانه بدلت عداد ال HP والموت بعداد تنازلي متجدد . واستمتعت بملاحقة الزومبي لأشلي في ريزي 4 ، وبنفس الحالة مع البنت فإيكو . يس ، حسيت هذه الطريقة مرة فحالة تستعملها كطعم لما يكون عدد الخصوم زايد عن اللزوم ضدك.
أشوف هذه المهمات يقدروا يحلوا مشاكلها المطورين لو خلوا اللاعب يتحكم بشخصية ال AI أو يعطيها أوامر .. يعني يقولها Just stay here ويتركها بمكان آمن ويروح يقاتل الاعداء لحاله أو لما تنقص طاقة ال NPC يعطيها أدوات علاج.
أمثلة من نفس النوع سيئة : مهمة ملاحقة أخت اوتاكون بمتل جير سوليد 2 وايفا ب مجس 3
مهمات تصليح المعدات الإسطورية
لقيت سلاح / خوذة / درع إسطوري و Over-Powered ومتحمس تجرب قدراته وقوته ؟ عندي خبر سيئ لك .. السلاح خربان ولازم تجيب أدوات من كل منطقة بالخريطة وطريقة الحصول عليهم مزعجة ومتعبة وتدق مشاوير طويلة عشان تجيبهم واخر شي تروح للحداد ويجمعهم الادوات لك ويسويه لك.
انتوا وش رايكم ؟ لو عندكم انواع أخرى مزعجة للمهمات شاركونا
مهمات ال Fetching ( توصيل أشياء )
هي مهمات يرسل صاحب المهمة البطل لتجميع عدد معين من الأدوات وبعد مايحصلهم يرجع لصاحب المهمة ويستلم جائزة وتتواجد بكثرة بألعاب ال RPG أمثلة عليهم : فاينل فانتسي 7 ريميك مؤخراً ، وزينو بليد كرونيكلس ريماستر ( مش متاكد مالعبتها بس سمعت الشباب يتكلموا عنها ) ، دراقون كويست 11 ، بوردلاندس .. ولاننسى في لعبة صدرت مؤخراً على ال PC مبنية بكبرها على هالكونسبت الي هي ديث ستراندينج.
لما تصنع عالم مفتوح لاتحط لي مهمات فرعية جمع سنانير - قطاوة - أو أيتمز معينة وتضطر تدور شبر شبر باللعبة شي ممل ماحد يحب يضيع وقته وهذا الي تسويه مهمات التجميع بالضبط .. مضيعين للوقت !! ، مالهم قصة او باكجراوند ، ولايكشفوا اي شي جديد لك باللعبة وأساساً تشوف الأشياء قدام عينك قبل ماتبدي المهمة بعضهم ماتقدر تاخذ الادوات او تتفاعل مع القطاوة مثلاً إلا إذا أستلمت المهمة .. والمشكلة أيضاً المهمات هذه ماتختبر مهاراتك الي اكتسبتها فاللعبة باي طريقة كانت .
يحطوا هالمهمات فقط عشان يمططوا مدة اللعبة كل الي تسويه تروح للمنطقة الي فيها الادوات ، تجمع زهرات معينة مثلاً ، تقتل عدد معين من الاعداء ، ترجع للقرية وتسلمهم ، والأسوء لما يكون تحتاج 5 قطع او اكثر من نفس الاداة تجمعها.
الصور فوق امثلة على مهمات سيئة : تجميع ريش الطيور باساسن كريد 2 كانت العائق للأغلب بين البلاتنيوم والتروفي هنترز ، المثال الثاني مهمات تجميع ألغاز Riddlers بسلسلة باتمان أركام المشكلة بالجزء نايت مسخوها حطوا لك 315 لغز لريدلر وتحتاج تخلصهم كلهم عشان تشوف النهاية الكاملة للسلسلة ، يعني شي مزعج يعطوك نهاية ناقصة لو تخلص اللعبة بشكل عادي .. وإضطريت أشوف النهاية الكاملة يوتيوب بسبب هالشي، GTA 5 مهمة قصة أساسية انك تجمع مخلفات نووية بتحت البحر أذكر وكان التحكم معاق وثقيل.
مهمات تتبع الأثر
أكثر شي إنزعجت فيه بباتمان وويتشر 3 ومؤخراً جوست أوف تسوشيما ، عارف اول اثنين جزء من شخصيتهم انهم Detective بس مو لدرجة تترك الحصان / المركبة الداعمة عشان تدقق بتفاصيل الأرض وتضطر تمشي بطيئ عشان تتبع أثر القاتل ، ويتشر 3 كانت المهمات الفرعية رتمها ممل : استلم المهمة وشوف تفاصيل القصة ، و تروح تدق مشوار ، وتروح تضطر تقتفي الأثار وتترك الحصان وهو اسوء شي بكل مهمة ، وبعدها تقاتل الخصوم ، وتكملة تفاصيل القصة وتروح لصاحب المهمة وتعرف نهاية تفاصيل المهمة للقصة وتستلم جائزتك .
مهمات مرافقة أشخاص
هي مهمات تكون انك تكون كانك جليس أطفال وتدافع على شخص ضعيف وفي لعبة مبنية بكبرها قصتها على الشي مثل رزدنت ايفل 4 الهدف الاساسي لها كان تنقذ بنت الرئيس إذا ماخانتني الذاكرة ، ومشكلة هذه المهمات يكون ال AI جداً سيئ لبعض الشخصيات ويموتوا بسهولة لانه تصرفاتهم غبية وانت عليك انك تدافع عنهم وتقتل الاعداء بينما تستكشف المنطقة مع ال NPC ( الشخصية غير قابلة للعب ) ، مهمات مرافقات الاشخاص تخليك تضطر تركز على منطقة معينة لما يجوا الخصوم
يبوك توصل ال NPC من نقطة أ ل ي ، يبين عندك سهل .. صح ؟ بس الاسوء انه تخسر لاسباب خارجة من ارادتك بسبب غباء ال AI يعلق لك بداخل البيئة ومايقدر يتحرك .
طبعاً ب Resident Evil 4 وإيكو هنا هي مثال جيد أشلي لإنه تقدر تخليه تتخبى بالصناديق ويجي لها ضرر ضخم بدون ماتموت وتحل لك الغاز.
مثال ممتاز ثاني بلعبة Yoshi Island
ماريو الصغير يبين كانه عقبة بطريقك بسبب حركته ، بس مستحيل تخسر باللعبة بسبب انه تهاجم ويحتضر لما كان ماريو بظهر يوشي حتى لما يطيح من عندك في عد تنازلي تقدر ترجعه لك ، تخسر بالمرحلة فقط إذا طحت بسطح مؤذي ( مثل السلايات ) ، أو إذا ماريو إناخذ منك وعداد إنقاذ ماريو وصل لل 0 .
ميكانيكة اللعبة كانت فلة ! لانه بدلت عداد ال HP والموت بعداد تنازلي متجدد . واستمتعت بملاحقة الزومبي لأشلي في ريزي 4 ، وبنفس الحالة مع البنت فإيكو . يس ، حسيت هذه الطريقة مرة فحالة تستعملها كطعم لما يكون عدد الخصوم زايد عن اللزوم ضدك.
أشوف هذه المهمات يقدروا يحلوا مشاكلها المطورين لو خلوا اللاعب يتحكم بشخصية ال AI أو يعطيها أوامر .. يعني يقولها Just stay here ويتركها بمكان آمن ويروح يقاتل الاعداء لحاله أو لما تنقص طاقة ال NPC يعطيها أدوات علاج.
أمثلة من نفس النوع سيئة : مهمة ملاحقة أخت اوتاكون بمتل جير سوليد 2 وايفا ب مجس 3
مهمات تصليح المعدات الإسطورية
لقيت سلاح / خوذة / درع إسطوري و Over-Powered ومتحمس تجرب قدراته وقوته ؟ عندي خبر سيئ لك .. السلاح خربان ولازم تجيب أدوات من كل منطقة بالخريطة وطريقة الحصول عليهم مزعجة ومتعبة وتدق مشاوير طويلة عشان تجيبهم واخر شي تروح للحداد ويجمعهم الادوات لك ويسويه لك.
انتوا وش رايكم ؟ لو عندكم انواع أخرى مزعجة للمهمات شاركونا