Naserano

أبداً ! القصة هي الافضل هنا و بالراحة ! أعتقد من شخص متابع للأفلام، أعتقد توافق أن مافي مقارنة بين مستوى المقاطع السينمائية في الاجزء السابقة و هذا، للاسف في قرار قصصي تم اتخاذه و هذا أنتج بعض الانطباعات السلسلة لهاردكور السلسلة، خليها يوم تخلص افضل و بقولك أيها، و ما أبغي أضحي و المح، فقط هذا الجزء راح يوضح لك طن من التساؤلات من الجزء الاول حتى هذا الجزء - هذا لو من جد مهتم في القصة و خلفيتها - .

متحمس أناقشك عن القصة، ما في احد هنا مهتم

أووو ناصر تلعب رفليشن حالياً ! نفسك حالياً، ما كنت مخطط اشتريها، لكن الأنترنت طاح و أوبا على طول رحت اشتريتها و ثلاث ايام خلصتها. على العموم قريت رايك، ما ادري بس خلصتها ؟ أخاف احرق عليك ولا شيء.

أح! يالمصلحجي >.>

مشرف >,>" ترا راس مالها شغل التنسيق الي كنت اسويه بين الاعضاء صار بصورة رسميه بس

كل ما أمشي في القصة أكثر ، كل ما تحلو أكثر ! هذي فعلا visual novel ، ساينس فيكشن تحديدا ، فيه تفاصيل كثيرة و دقيقة لكل حقيقة علمية ممكن تمر فيها خلال القصة ، و فيه وصف و description دقيقة لكل خطوة أو كل تصرف أو انفعال من أي شخصية

و كذلك ، فيه أحداث مثيرة و بتخليك تفكر و تتعجب فعلا ! البداية ما كانت كثييييييير interesting ، لكن الـbuilding خرافي ، أحس نفسي مو قادر أترك القصة ! أقفلها و بعد شوي أرجع لها على طول .. إدمان لووووول !

ناصر ، روح العب Ever 17 ! ما هذا يا رجل ؟؟!!
اللعبة أولها تبدأ بداية عادية نوعا ما ، و الكل رايح يزور الووتر البارك و مبسوط .. ولكن .. و لكن .. الأحداث تتطور تدريجيا و ببطء ، لتصبح .. رائعة ! جدا جدا رائعة !
لا تفوتك أبدا يا ناصر ! انت أيضا من الناس القليلين الي رح يقدروا يتذوقوا روعة اللعبة ( أو القصة ؟ ) الخرافية هذه بالكامل ، اذا بدأت فيها ، ما رح تقدر تتركها أبدا !XD

أمانة لا تنساني بانطباعاتك عن فينكس رايت والقضية الخامسة خصوصا ، و هوتل دسك ! بانتظارك

آآآخ يا ناصر ، انت قلبت علي مواجع أليمة لول

ناصر ، هوتل دسك لعبة معبرة بشكل غير طبيعي و أحلى شي انه فيه سكويل لها ! Last Window
الي من بعدها للأسف ، الفريق قفل أبوابه و أعلن إفلاسه !
فينكس رايت3 صحيح أحيانا كنت أحس فيها ببعض الملل من الجيم بلاي ، لكن الستوري كانت رهيبة جدا !
القضية الثانية الي انت تلعب فيها كانت إبداع ! القضية الثالثة كانت عادية ، الرابعة ما بحكي عنها شي
الخامسة .. يا الهي يا ناصر القضية الخامسة !! عمرك ما بتنساها بحياتك ! أنا اعترفلك هنا اني نزلت دمعة على نهايتها لول

http://www.youtube.com/watch?v=0azOoHjaVX4

اسمع بس :(

بما انه راحت السبويلرات ، خلنا ننقل النقاش هنا P:

هوتل دسك وحدة من أروع الألعاب القصصية الي مرت علي في حياتي

أول شي اللعبة مبنية بالكامل على الشخصيات ، و انا "أعشق" هالشي
ثاني نقطة .. الارت مميز جدا جدا ( رصاصي )
البلوت رائع ، و اللعبة فيها تجسيد واقعي بشكل غير طبيعي لحقبة السبعينات كأجواء و موسيقى

انا أحب هالنوع من الشخصيات بالعادة P:

نيلز و روزالين الاثنين كانوا رهيبين ، بس أي هنت الي تتحدث عنه ؟ @_@

متوقع جدا جزء ثاني ، النهاية كان مكتوب episode 1

على فكرة
حبيت شخصية ريفر بشكل كبير

بالمناسبة عزيزي ناصر
ودك تلعب لعبة أخرى من نوع "أشر و اضغط" و تعطيك قصة رائعة ؟
العب Gray Matter و ادعيلي

أنا شخص يحلم يدخل مجال تطوير الألعاب يوميا لول، أتخيل كيف راح أبني تجربة سنمائية جيمزية مش المفهوم السنمائي المتعارف عليه، كيف اعطيك لحظات مهمة من دون ما أتحكم فيك كلاعب 100% و الأهم لازم ما تفوتك هذه الأحداث، مجرد التعمق في هذه الأفكار كفيل أنه يقولك كيف تطوير الألعاب شيء معقد، خصوصاً لو تبغي تقدم شيء جديد.

لعبت أنشارتد 3 ؟ حاولت تسوي هذا الشيء على نسبة معينة " و فشلت نوعاً ما " ، نوتي دوج حاولت تعطيك مطاردة معينة و بغت تعطيك حرية في هذه المطاردة لكن راح تحس أنك موجه، و لو حسيت انك موجه راح تفشل المحاولة. في محاولات لكن التطبيق المثالي مش موجود.

‘‘ لكن شخصياً اشوف الجيمنج اندستري في طريقه ليكون رقم واحد في الـ storytelling ‘‘

ما راح يصير هذا الشيء إلا لو المطورين حصلوا حل للاعب الذي هو مخرج فاشل، أعتقد سمعت مقابلة كن لافين مع غييرمو ديل تورو، و ذكروا هذا الشيء. أنا شخص يفضل ابتعاد المطورين عن المقاطع السينمائية بأكبر قدر ممكن " لعبة متل جير استثناء :rockon: " ، لان المميز في الجيمنج أنت بمقدورك أن تتفاعل مع الأحداث و لو قدمت لعبة مشهد سنمائي تفاعلي بنفس مستوى الجيم بلي مش QTE، أعتقد هنا دخلنا مرحة جديدة تماماً، لكن كم مرة يا ناصر صار مشهد ملحمي أو انفجار عظيم أمامك و أنت كنت عطي ظهرك لهذا الحدث لول، طلعولك المطورين بحلول مثل يتحكمون فيك عند حدوث هذي الاحداث فقط عشان تشوف أو مثل جيرز يقولون لك اضغط الزر Y ، لكن ما ابغي يظل المطور يستخدم هذا الشيء، أبغي حل آخر، و هنا الصعوبة أعتقد

سلام عليكم ناصر ، كيف الحال
بغيت اسألك من وين احمل او اشتري to the moon لاني بحثت في جوجل وما حصلت لها موقع رئيسي

، قلنا ممكن نحصل فرصة و نلعب معاك بتل فيلد 3.

ليش ما نشوفك اون لاين

الله يسامحك

ههههههه مش معقول ! لازم لازم تكملها يا فتى !

افاتارك يذكرني داااااائما بأرهب قضية في سلسلة فينكس رايت : (

انا جهازي له 3 سنين ويشغلها بيرفكت، مع ان حالته حاله الجهاز، اكيد جهازك يقدر يشغلها. تصدق لعبت زيلدا ، شريت موشن بلس راعي المحل طلعه من علبه ثانيه لانه الظاهر بس القطعه اللي تنباع سيبرت اما اللي يصير الموشن بلس مدعوم فيها ماتنباع مفرقه وجيت بشتري شاحن وهونت وصلت على النهايه وفضت البطاريه وعلى حطة يدك مالمستها لا وحتى العبها بدون الكوبننت كيبل حسيت داون جريد اليم في البدايه لاني ما العب على الوي هذي اول لعبه بس مشى الوضع بعدين.

يعجبني كانك قاعد تلعب لعبه وسط لعبه يعني يذبون على نفسهم كثير، قليل تلقى مثل هالقصه في العاب الهاي بدجت، المفروض يتعلمون من الاندي، اللعبه ماهي ماخذه نفسها سيريسلي من هالناحيه بس التركيز على القصه غير العوامل الثانيه هذا اللي شادني لحد الحين ، ناصر اقول شي وماتزعل ؟ لعبت باستشن على البي سي التحكم رفع ضغطي وغيرته اكثر من مره بس مافي فايده وتركتها يمكن لاني مو متعود على العاب البي سي او لاني العبها على لابتوب

دخلت البيت الكبير ورجعت بالزمن يوم اروح لغرفة المناره اللي كانت مقفله ، شرحي يحسسك انه مسلسل خليجي عشان كذا ما اراجع العاب هههههه، ضحكت على مقطع الفايت ضحك مو طبيعي يوم يقول هذي مو ار بي جي ههههه.

الاسلوب الروائي في اللعبه خرافي ناصر، انا للحين ماخلصتها واضح انه شغل متعوب عليه من ناحية الكتابه، عرفت الالعاب اللي تعطيك محادثات تسوي سكيب طول الوقت ولاتعطيك نكت غبيه هاللعبه العكس تماما كثير من المحادثات قعدت اضحك على الكوميديا اللي فيها وغير كذا انترستنج طول الوقت مع ان قصص كثير من الالعاب ماتشدني بس هاللعبه شي ثاني متمحس بشوف وش بيصير ، انا قايل انت اختياراتك ممتازه وعرفت هالشي من طريقه تقييمك في موضوع المراجعات يبان الانسان من اسلوبه الممميز في التقييم ، ناصر واصل يابطل.

ايه ونسيت اقولك ترا شريت تو ذا موون بقولك رايي بعد ماخلصها، شفت ردك وتحمست ، ماشاء الله انت ذويق وهالالعاب زي ماقلت الاغلبيه مايعرفونها مع انها تجربه حلوه حتى مع زحمة الالعاب اقل شي الناس المفروض تعطيها نظره،

نصور يابعدي ، ارسلي روابط اذا فيه نقل مباشر للحفل لاهنت.

To the Moon


ممكن بوستر .. ولا غلاف ... ولا تريلر لهاللعبه !!؟ ... عجزت أحصل لها شي

الشيء الوحيد اللي اعرفه هو إنك ما راح تندم ابداً على Amores Perros!
--
يلا على ضمانتك بخليه فلم الويكاند

لأنه بلغة اسبانية و 3 ساعات وكاست جديد علي .. فصعب اتحمس اشاهدة