hits counter

يقولون أفلام ديزني غالية و متعوب عليها .. لول

LOVER

Casual Gamer
مولان فعلا من اجمل الافلام اللي قدمتها ديزني
فلم ملحمي مليئ بالمواعظ والعبر .. كل ماشوفه يتجدد انبهاري بطريقة الرسم الرائعه اللي احسها تشبه رسم خطوط الاحرف الصينيه .. والموسيقى اللي تفوح بعبق الحضاره الصينيه
القصه نفسها اقل مايقال عنها ابداع ..
مشهد مولان وهي جالسه تحت المطر وفجأه تقوم وتقرر انها تدخل الجيش وتقص شعرها والموسيقى المصاحبه لها اعتبره من اروع المشاهد السينمائيه اللي شفتها على الاطلاق
اذكر مره كنت اقول لولد خالتي افكر ادخل الجيش مولان مش احسن مني @@ .. وكانت طالعه من قلبي لول .. فكان يقولي الحمدلله والشكر مولان كارتون كيف تقتدي فيها .. انا نفسي مو فاهم كيف كنت اتكلم عنها وكأنها فعلا موجوده وشخصيه حقيقيه
في مشهد بالفلم جدا احبه لما جات من الخاطبه وفشلت بأنها ترفع راس اهلها
غنت اغنية ريفلاكشن وكانت ماسحه نص المكياج عن وجهها والنص الثاني كان بدون مكياج .. كنت احب هالمشهد خصوصا لما تتسائل من هالبنت اللي تشوف انعكاسها على سطح المرآه وماتعرفها
والاحلى لما خلصت الاغنيه وجلست جنب شجره ازهارها جميله ومتفتحه .. جاها ابوها وجلس جنبها ومن غير مايسألها او يعاتبها وضع زهره بشعرها وقالها حكمه جميله مازلت عالقه بذهني
قالها شوفي الازهار كيف هي جميله .. بس شوفي في زهره بينهم مازالت مسكره .. انا متأكد انها لما تفتح راح تكون اجمل زهره بين الازهار كلها
يا الله على الحكمه ورفع المعنويات !!
كذلك من بين الحكم الكثيره الموجوده بالفلم لما طلب الامبراطور جندي واحد من كل بيت بالصين .. وقال بأنه حبة رز وحده بإمكانها تقلب الميزان .. ورجل واحد بإمكانه يكون السبب بالنصر
اللي احبه بفلم مولان هو فكرة التضحيه وعدم اليأس اذا فشلنا بشي معين بحياتنا .. وفكرة ان المرأه شي اعمق واهم من مجرد كونها شكل فارغ بلا مضمون وتعيش حياتها كلها بإنتظار العريس فقط

ذا بلو كنج ..
تقدر تنزل الفلم من موقع انمي داون لو تحب .. بس اذا تبي النسخه الاصليه اعتقد صعبه تحصل بالنت
الا اذا لقيت احد ثقه تطلب منه يشتريلك النسخه ويطرشها لك
 

Suzuki Yu

True Gamer
مولان فعلا من اجمل الافلام اللي قدمتها ديزني
فلم ملحمي مليئ بالمواعظ والعبر .. كل ماشوفه يتجدد انبهاري بطريقة الرسم الرائعه اللي احسها تشبه رسم خطوط الاحرف الصينيه .. والموسيقى اللي تفوح بعبق الحضاره الصينيه
القصه نفسها اقل مايقال عنها ابداع ..
مشهد مولان وهي جالسه تحت المطر وفجأه تقوم وتقرر انها تدخل الجيش وتقص شعرها والموسيقى المصاحبه لها اعتبره من اروع المشاهد السينمائيه اللي شفتها على الاطلاق
اذكر مره كنت اقول لولد خالتي افكر ادخل الجيش مولان مش احسن مني @@ .. وكانت طالعه من قلبي لول .. فكان يقولي الحمدلله والشكر مولان كارتون كيف تقتدي فيها .. انا نفسي مو فاهم كيف كنت اتكلم عنها وكأنها فعلا موجوده وشخصيه حقيقيه
في مشهد بالفلم جدا احبه لما جات من الخاطبه وفشلت بأنها ترفع راس اهلها
غنت اغنية ريفلاكشن وكانت ماسحه نص المكياج عن وجهها والنص الثاني كان بدون مكياج .. كنت احب هالمشهد خصوصا لما تتسائل من هالبنت اللي تشوف انعكاسها على سطح المرآه وماتعرفها
والاحلى لما خلصت الاغنيه وجلست جنب شجره ازهارها جميله ومتفتحه .. جاها ابوها وجلس جنبها ومن غير مايسألها او يعاتبها وضع زهره بشعرها وقالها حكمه جميله مازلت عالقه بذهني
قالها شوفي الازهار كيف هي جميله .. بس شوفي في زهره بينهم مازالت مسكره .. انا متأكد انها لما تفتح راح تكون اجمل زهره بين الازهار كلها
يا الله على الحكمه ورفع المعنويات !!
كذلك من بين الحكم الكثيره الموجوده بالفلم لما طلب الامبراطور جندي واحد من كل بيت بالصين .. وقال بأنه حبة رز وحده بإمكانها تقلب الميزان .. ورجل واحد بإمكانه يكون السبب بالنصر
اللي احبه بفلم مولان هو فكرة التضحيه وعدم اليأس اذا فشلنا بشي معين بحياتنا .. وفكرة ان المرأه شي اعمق واهم من مجرد كونها شكل فارغ بلا مضمون وتعيش حياتها كلها بإنتظار العريس فقط

ذا بلو كنج ..
تقدر تنزل الفلم من موقع انمي داون لو تحب .. بس اذا تبي النسخه الاصليه اعتقد صعبه تحصل بالنت
الا اذا لقيت احد ثقه تطلب منه يشتريلك النسخه ويطرشها لك

وصف دقيق ورائع للفلم "نقطة على السطر"

بس نسيت تذكر التنين الاسطوري اللي معاها :laugh::

بالفعل الفلم هذا من افضل افلام ديزني اللي مرت علي اذا ماكانت الافضل
 
مولان فلم ما يمكن ينسى .. فلم - زي كل افلام ديزني - مهما عدته يشدك له كأنه تتابعه أول مرة
مشهد لما كانوا يتدربون على اطلاق الصورايخ في المعسكر و انحرف الصاروخ و أحرق الوزير و خيمته .. أقوى مشهد كوميدي شفته في فلم :xd:
و الدبلجة المصرية كمان اعطته طعم ثاني .. أنا دائما اكره اني اتابع دبلجة ماهي فصحى لكن أفلام ديزني استثناء قوي !
 

Rare Games

True Gamer
كل هالمدح لمولان صراحه يستاهل

بس ايشرايكم بالجزء الثاني ؟؟؟
 

iCrow

Hardcore Gamer
^^^^

أي جزء ثاني لـ ديزني 90% راح يكون كارثه

افلام تجاريه درجه اولى . يستغلون الاسم بـ قصه تافهه وسطحيه

صحيح اني ما شفت الجزء الثاني من مولان
بس عندك مثلاً " أطلانتنس " الجزء الاول منه من اجمل ما شفت بـ الـ Top 5 لـ فلام ديزني بالراحه بالنسبه لي الجزء الثاني منه تقدر تقول مسلسل من 3 حلقات متصله :annoyed:
وعندك فلم " حياه الامبرطور " الجديد ضحك للصباح وفريق العمل اعتقد هو نفسه الي اشتغل لـ فلم علاء الدين . الجزء الثاني ماله اي دخل بـ الجزء الاول يدور حول الشخصيات الثانيه بالجزء الاول ومجموعه جديده من الشخصيات ونفس الكلام مع الاسد الملك و ليلو و ستتش

الي سلم من مجموعه الجزء الثاني
مئه مرقش و مرقش اذكر انه كان جيد وعلاء الدين بـ 2 و 3 و حكايه لعبه طبعاً

وبمانسبه للفيديو الي بـ اول رد " مدامهم خذو افكار الرقص من بعض مش مشكلها اهم شي انها مش من برا " ... دهنا في مكبتنا :xd:
 

Solay

Double Jumper
^
بس الجزء الثالث للأسد الملك ابداع كوميدي
 

Super Shadow

True Gamer
بوكاهونتاس 2 من أسوأ ما شاهدت :sarcastic:

بخصوص حياة الامبراطور ما شفت الجزء الثاني منه و انما شفت مسلسل كرتوني ماله و كان مدبلج بالفصحى
 

LOVER

Casual Gamer
Yu Suzuki .. الله يخليك يارب .. انا لو بيدي كنت سويت كتاب عن فلم مولان لانه صدقني هالفلم المليء بالمشاعر مايوفيه كم سطر

بالنسبه للاجزاء الثانيه للافلام الكلاسيكيه .. اتفق معاكم بأنها ابداً مش بجودة الافلام الاصليه .. وبعضها اساء للفلم الاول .. بس الحمدلله ان ديزني تداركت الموضوع واتخذ جون لاستر قرار بتوقف انتاج هالافلام نهائياًَ ..
بس الصراحه في اجزاء ثانيه اعتبرها استثناء .. ممتعه وجميله وتستاهل المشاهده مره بعد مره .. مثل :

* بوكاهونتاس 2 .. تتمه جيده للقصه الاصليه .. ولو اني ماحبيت موقف بوكاهونتاس من جون سميث خصوصا بعد قصة الحب العاصفه اللي مرت فيهم بالجزء الاول .. عدا هالشي الفلم جميل واغانيه جيده .. اكثر لحظه احبها بالفلم لما وصلت بوكاهونتاس لندن وراحت تتجول بالمدينه وكلها فضول وشغف بهالمكان الغريب عنها والمثير بنفس الوقت .. حسيت انها وصفت احساسي بالضبط لما ازور اي بلد جديده كلياً علي .. والفلم فيه حكمه حلوه ايضاً ..
* مئة مرقش ومرقش 2 .. ممتع جداً .. الكلب الممثل يذكرني شوي في بولت ..
* حورية البحر 2 .. من اجمل الاجزاء اللي انعملت لفلم اصلي .. فعلاً هالفلم تحفه .. حبيت كيف ان ديزني تطرقت لحياة حورية البحر بعد ماتزوجت وانجبت بنت وصارت ام .. وكيف بعدها صارت بنتها تحلم عكس حلم امها لما كانت حوريه وصارت تتمنى لو انها تعيش بالبحر ويكون عندها زعانف .. حبيت كيف ان ديزني حطت اريل بنفس موقف ابوها الملك شيبان بالجزء الاول وخلوها تذوق من نفس الكاس اللي ذوقته ابوها لما كانت بنت طايشه كل همها تروح عالم البشر .. الفلم كأنه يقول للمراهقين احترموا خوف اهلكم وحرصهم عليكم .. ماراح تحسون بمشاعرهم الا لما تصيرون اباء وامهات .. الفلم رسالته جداً رائعه ومؤثره ومهمه .. واغانيه جميله جداً .. خصوصاً اغنية ميلودي لما تحولت لحورية ..
* بيتر بان 2 .. فلم ممتع ومستوى الرسم جيد جداً ..
* الاسد الملك 3 .. فلم كوميدي حتى الاشباع .. فكرته غريبه وجديده عن باقي الاجزاء الثانيه لافلام ديزني .. الفلم كله يدور خلف كواليس الفلم الاصلي الكلاسيكي .. طبعا الفلم مليان عبط وضحك .. وجودة الرسوم عاليه .. ماتخيلت ابداً ان كل المواقف اللي مرينا فيها بالجزء الاول كان وراها تيمون وبومبا لوول .. مثل مشهد انحاء الحيوانات لسيمبا بإحتفال ولادته .. او سقوط الحيوانات لما كان يغني معاهم سيمبا .. هالمشهد كنت دايما لما اشوفه استغرب واقول ليش طاحوا ؟ .. وتيمون وبومبا ماقصروا لول .. فسروا لنا السبب على طريقتهم ..
* المغامرة النمورية .. انا اعشـــق سلسلة افلام ويني الدبدوب او ويني ذا بو .. لكن هالفلم بالذات اعتبره رااائع واجملهم على الاطلاق .. نمور السعيد اللي دايماً عايش حاله من الفرح والنشاط يقود هالمغامره المليئه بالحب والوفاء والاخلاص في سبيل بحثه عن شجرة عائلته .. الفلم مؤثر لابعد الحدود ويوصل رساله هامه لكل انسان .. طفل او كبير .. عن اهمية وجود العائله والمحبين في حياتنا .. الرسوم جداً رائعه والاغاني جميله ومعبره .. خصوصا اغنية النهايه .. كل ماقول لاي شخص اني اعشق شخصيات ويني ذا بو يقولي من صجك ؟ انت طفل صغير عشان تحب هالشخصيات وهالسلسله الكارتونيه ؟ فيكون جوابي لهم بأني كل ماشوف هالشخصيات اشعر انهم يطلعون الطفل الصغير اللي مازال موجود فيني .. احب غبائهم وراسهم المحشو بالقطن .. احب غابتهم الخضراء اللي ترد الروح .. احب روح الصداقه اللي بينهم
 

Knightmare

Hardcore Gamer
أكثر فلم ديزني مضحك بالنسبة لي "حياة الامبراطور الجديدة" بالانجليزي و المصري كلهم "تحفة" و حتى القصة حلوة و فيها عناصر معبرة و كوميديا ساخرة لا تُمل :laugh::

أكثر فيلم يعجبني كقصة "مولان" كل شي يجذبك كأنك تشوفه أول مره, قصة معبرة و رسوم رائعة و شخصيات تندمج معها بالفعل :inlove:

اللي ماشافهم يروح يشوفهم الآن

فيه غيرهم مثل حكاية لعبة و الأسد الملك و علاءالدين اشوفها تحف فنية بعد و ما فيه اي شي راح يغير نظرتي فيهم.
 

Ze Truth

Banned
اوكي شباب تبون تعرفون عبقرية دزني(وحقيقتها)؟ ابحثوا في يوتوب عن Disney Subliminal Messages. اتمنى الحين يجي لفر ويدافع عنهم.
 

Rare Games

True Gamer
^^^^

حياة الامبراطور

ازما رهيبة
كرونك رهيب
كاسكو رهيب
باتشا سخيييييييف :)
 

Knightmare

Hardcore Gamer
Ze Truth

لا تقولي سالفة الـ "illuminati" ؟
 
التعديل الأخير:

LOVER

Casual Gamer
Ze Truth .. مادري ليش حاس اني مزعلك :whistle:

الفيديو غبار وسبق وعلقوا عليه ديزني وقالوا ان في رسامين تعمدوا يضمنون بعض الرموز الخفيه على سبيل الدعابه مثل الكلمه اللي ظهرت بالاسد الملك .. والصورة اللي بمشهد ذا ريسكيورز قاموا بحذفها اول ماكتشفوها
انا مادافع عن ديزني لمجرد الدفاع ولاهي شركة ابوي عشان احرق قلبي عشانها
بس جد استغرب من الفاضي اللي يترك فلم بكبره ويتصيد حركه مرت خلال أجزاء من الثانيه الوحده بس عشان يثبت ان ديزني فاشله بأي طريقه ..
واتحدى اي واحد منا لاحظ هالاشياء وفهمها بهالطريقه حتى بعد ماكبرنا .. لو ديزني تهدف انها تفسد عقول الاطفال لأفسدت عقولنا من زمان ..
انا ماقول هالمشاهد كلها غير مقصوده .. بالعكس بعض الرسامين اعترفوا بأنهم كانوا قاصدينها خصوصا حركة الاسد الملك .. بس انا مستحيل اصدق ان ديزني تعطي موافقتها لهالرسامين ويكون عندها علم بهالامور المخفيه اللي تمر بمشهد سريع .. ديزني مش غبيه تبيع تاريخها وتهدمه عشان مشهد غبي
في ناس مريضه دايما تشوف النص الفاضي من الكوب وتعيش نظرية المؤامره وتشك حتى بثيابها ..

لاتعتبر كلامي دفاع اعمى عنهم لول .. بس قلت اللي حاس فيه : )
 
التعديل الأخير:

Ze Truth

Banned
^

نو. دزني تسوي في افلامها رسائل مخفية تروج للجنس والستيروتايب.

تسمح لي اسأل وشي هي سالفةال"illuminati"؟
 

Knightmare

Hardcore Gamer
عشان ما نطلع برا الموضوع شيك عالملف الشخصي
 

LOVER

Casual Gamer
ياخي غريبه انا عشت حياتي كلها وانا اشوف افلام ديزني
شمعنى مالاحظت هالرسائل ؟
شمعنى ماخذت من ديزني الا خيالها الرائع وسحرها الجميل واستفدت من العبر والحكم المفيده الموجوده بأفلامها ؟
لهالدرجه انا غبي وعلى نياتي ؟ لول
اتصور المسأله تعتمد على ثقافة المتلقي بالاخير .. كل شي بالحياه تقدر تشوفه من زاويه نظيفه او العكس وتحلل مثل ماتحب
يمكن يطلع كلامك صح .. مادري .. بس انا شخصيا عمري مالاحظت ان ديزني توصل هالرسائل الهدامه من خلال افلامها !!
 

Ze Truth

Banned
وهنا العبقرية لفر, انك ما لحظتها وانا بعد ما لاحظتها لكنها حتما موجودة ومتقدر تنكر هالشيء.

الفيديو غبار وسبق وعلقوا عليه ديزني وقالوا ان في رسامين تعمدوا يضمنون بعض الرموز الخفيه على سبيل الدعابه مثل الكلمه اللي ظهرت بالاسد الملك .. والصورة اللي بمشهد ذا ريسكيورز قاموا بحذفها اول ماكتشفوها

حط في بالك ان هالفلام موجهه لاطفال وفوق كذا الرسامين(وانا متاكد منهالشيء) مايرسمون خط واحد والاهو مطلوب. وحتى اذا كان بالعقل ما في احد يخاطر بمهنة علشان يحط كلمة sex بشكل مخفي. هذي الامور كلها بموافقة دزني. وبالنسبة للاشياء المحذوفة وهذي الاشياء هي اللي تكون وصلت المديا وماتقدر دزني تتجاهلها.

وبعدين اللي يتكموا عن الاشياء مو شرط فاضين او حاقدين او كارهين لدزني, هم لاحظوا اشياء موجودة ووضحها لناس لا اكثر ولا اقل.

وانا اكلمك مو باللي احس فيه انا اكلم بالوقائع والادله.(ولا تراني انا اموت في افلام دزني ماتتخيل كيف وبالذات اناستازيا)

شوف لفر انا متاكد ان هذي بتقعنك لانها واضحة 100% ابحث عن مشهد لفلم The Rescuers. فيه وحده من الثواني تطلع انثى عارية الصدر حتى الاعمى يقدر يشوفها.
 

Knightmare

Hardcore Gamer
^
أناستازيا مش من ديزني و لا أنا غلطان؟
 

LOVER

Casual Gamer
والله مادري اي انثى تقصد .. ياليت تقولي بأي مشهد وانا بعمل لها برنت سكرين
واكييد انا عارف ان افلام ديزني موجهه للاطفال .. بس النقطه هي اني مانتبهت لهالرموز لا وانا طفل ولا وانا كبير !!
ساعات احس ان في مبالغه كبيره بتفسير بعض المشاهد

وعلى فكره انستازيا مش من انتاج ديزني .. لول
 

Ze Truth

Banned
دآه...علشان كذا سموها سبلمانل هي مو الفروض انك تشوفها اصلا لكنها تأثر على العقل الاوعي بدون ما تحس. وسواء كان مبالغ فيها او لا, الصور هذي الافكار موجودة في افلام موجه للاطفال. the end
 

Bakloyd

True Gamer
خلاص Ze Truth ديزني زي ماقلت ...بس برضو كلامك مايناقض انها شركه اسطوريه وافلامها اسطوريه وساحره.
 
ديزني ما تحتاج من يدافع عن اسطوريتها ..

طفولتي * هذا اذا مريت بهاذي المرحله xD * .. تدافع .

عندي VHS كل افلام ديزني اللي صدرت بعد الجميله والوحش .. ناوي اسوي كولكشن P=
 

LOVER

Casual Gamer
شباب شرايكم افتح موضوع خاص بتغطية اصدارات ديزني العربيه ويكون الموضوع ابديت للسوق ؟
لاني عامل مثل هالموضوع بأكثر منتدى
بس للامانه مالقيت ناس تناقش تفاصيل افلام ديزني بنفس العمق اللي شفته بنقاشات أعضاء ترو جيمنج ..
 
التعديل الأخير:

iCrow

Hardcore Gamer
عندي VHS كل افلام ديزني اللي صدرت بعد الجميله والوحش .. ناوي اسوي كولكشن P=


لو ناوي تسوي كولكشن VHS ما اتوقع تلاقي اخر فلم نزل VHS لـ ديزني كان " اخي الدب " على ما اعتقد بعدها توقعت شركه الخيول عن الانتاج لمده 3 سنوات يمكن ورجعت الافلام مع شركه روتانا على DVD فقط
وطبعاً النسخ القديمه من شركه الخيول انسحبت من السوق على حد علمي

وبالنسبه لـ الجميله والوحش الي ابتديت فيه هو نفس الي كان مكتوب عليه " اصدار خاص وبكميات محدوده " ولا كانت نسخه قديمه قبل الدبلجه ؟ :what:​
 

iCrow

Hardcore Gamer
شباب شرايكم افتح موضوع خاص بتغطية اصدارات ديزني العربيه ويكون الموضوع ابديت للسوق ؟
لاني عامل مثل هالموضوع بأكثر منتدى
بس للامانه مالقيت ناس تناقش تفاصيل افلام ديزني بنفس العمق اللي شفته بنقاشات أعضاء ترو جيمنج ..

مواضيعك كانت مصدر اخباري عن افلام ديزني بالاسواق الخليجيه :smug:

حط الموضوع وان شاء الله احنى وراك :w00t:
 
لو ناوي تسوي كولكشن VHS ما اتوقع تلاقي اخر فلم نزل VHS لـ ديزني كان " اخي الدب "

يب .. هو ونيمو على ما اظن اخر شريطين VHS اخذتهم ..

الباقي دي في ديز ..


وبالنسبه لـ الجميله والوحش الي ابتديت فيه هو نفس الي كان مكتوب عليه " اصدار خاص وبكميات محدوده " ولا كانت نسخه قديمه قبل الدبلجه ؟

عندي القديم .. اللي صدر 91 انجليزي .. حالته معفوسه .. مافيه ولا ستيكر -_- .

وعندي اللي صدر الاخير وهو اللي نظيف .. واخذت منه اثنين .. اذكر كنت ابغى اعطي بنات عمي الصغار ولقيته عندهم -_- .. فـ عندي الاثنين xD .
 

Jonas

True Gamer
كأنه فيه عضو قال ان افلام ديزني فيها رسائل مخفيه ؟ طيب ممكن يوضح اكثر ؟
 

Solay

Double Jumper
^
كلام وصخ صور وصخه بس انها تجي بسرعه او ماتكون واضحه مرة..

عموما هي مستقصدة بس مااتوقع ان ملاحظتها سهله مرة,يعني ليون كينج كنت اشوفه ثلاث مرات يوميا او اربع مرات وللحين اشوفه من شهر لشهر وللحين مااستوعبت انه كان فيه شي مكتوب بالسماء..
 

iCrow

Hardcore Gamer
بالنسبه لـ Disney Subliminal Messages

شفت كم فيديو في يوتيوب لها اتوقع لو يبون يوصلون رساله راح يكون بشكل مختلف راح تدخل في ايطار القصه من هنا ولا من هنا

مثل الي بـ فلم الاسد الملك اتوقع لو شفت المشهد 10 مرات ما راح الاحظ شي واحس انها مو مقصوده

اما فلم The Rescuers فلو ديزني كانت تدري عن ها الشي فـ هذا استهبال رسمي من ديزني وحركه مالها داعي :annoyed:

اما الي على غلاف فلم little mermaid شاهد الاشياء الي حواليك وشوف كم شغله ممكن تكون بنفس الصوره


قريت من فتره طويله انه بعض المخرجين والشركات تتعمد مثل هذي الحركات على شان يزيد الكلام عن الفلم والقيل والقال ياخذ له شعبيه شوي :laugh::
 

Solay

Double Jumper
^
بس لو تفكر فيها مين اللي بيقرب الصورة لهالحد عشان يشوف الشي المخفي..:whistle:
 
أعلى