NSider
Contributing Editor
Phoenix Wright Ace Attorney: Trials and Tribulations
المطور: Capcom
الناشر: Capcom
الجهاز: Nintendo DS
تاريخ الإصدار: اليابان: 23 أغسطس 2007
ـ ـ ـ ـ ـ ـ ـ ــ ـ ـ ـ أمريكا: 23 أكـــتـــوبــر 2007
الموقع الرسمي الياباني
اللعبة لها نفس جيمبلاي الجزء الثاني تماماً. الـpsych-locks وعداد الـ"health" اللي يستمر طول القضية موجودين بنفس الطريقة. المحكمة نفس نظام الجزء الأول (ما عدا الـhealth وتقديم الـprofiles كأدلة اللي من الجزء الثاني).
القصة والسكريبت كالعادة ممتازين جداً وهم سبب شراء اللعبة. اللعبة تكملة للي صار بعد الجزء الثاني، ما عدا القضية الأولى اللي هي prequel مثل ما كثير منكم يعرف. مثل ما صار مع النسخة اليابانية من الجزء الثاني، لاحظت وجود أخطاء إملائية بسيطة جداً في الترجمة الانجليزية، وأكيد راح تتعدل في النسخة الأمريكية بعد شهرين. الشخصيات الجديدة كلها فلة من اللي شفته، والحمدلله أني ما شفت
Oldbag
الموسيقى ممتازة طبعاً. موسيقى المحكمة أفضل من الجزء الثاني بكثير، لكنها مو مثل الأول للأسف. المقطوعات الجديدة كلها حلوة، وفي مقطوعات كثيرة من الجزئين الأول والثاني يرجعون في الثالث.
هل ممكن تكون أفضل من الأجزاء السابقة؟ همم.. أغلب اللي لعبوا نسخ الأدفانس يقولون أنها أفضل جزء من الثلاثة، لكني حالياً ما أقدر أحكم (ما زلت في القضية الثانية). لكن يتهيأ لي أن السكريبت مكتوب بطريقة أفضل ومضحكة أكثر.
النسخة اليابانية فيها ترجمة انجليزية، لكن شباب أتمنى لو الكل يشتري النسخة الأمريكية لما تنزل (حتى لو لعب اليابانية) عشان ندعم كابكوم في أنها تترجم الجزء الرابع! اللي يبغى يشتري النسخة اليابانية فهي متوفرة في Play-Asia وهم بدؤوا يشحنونها من يومين (قبل صدورها بـ4 أيام).
اللي ما لعب الجزئين الأولين أنصحه يلعبهم قبل ما يلعب PW3! الجزء الثالث يعتمد كثير على قصص الأجزاء السابقة.