Black Noir
True Gamer
اخوي حتى انت متأثر بكلام سوني، سوني تحاول اقناع الكل بأن مايكروسوفت ستحصر كود، مايكروسوفت قدمت عرض 10 سنوات لسوني يعني حتى بعد صدور ال PS6 بخمس سنوات مستقبلا ستظل كود على البلايستيشن، مايكروسوفت فعلتها مع ماين كرافت، والعرض قابل للزيادة والتجديد، ممكن نقول كلامك صح لو مايكروسوفت قررت حصر العنوان.اوكي فيه دراستين للموضوع، وحدة منهم تقول كود هي اكثر سلسلة طلعت عوائد بالتاريخ والثانية تحطها المركز الثالث (بعد سلسلتين اكبر منها عمراً بكثير واللي هم ماريو وبوكيمون)
لذلك للاسف مافيه مليون سلسلة بهالحجم بالسوق، مافيه الا وحده
وعشان نوضح الصورة اكثر لان نتكلم بارقام صعب نستوعبها بضرب مثال ابسط مع فارق التشبيه
الآن انت مشرع تمام؟ عندك ٣ اكشاك تبيع عصيرات
الاول مملوك من مسثمر وسعرت قيمته وطلعت 19 الف ريال
ثاني كشك يملكه شخص قيمته 1050 ريال
ثالث كشك على قد حاله 460 ريال
المهم يتنافسون بينهم، المستثمر الثاني يبيع عصيرات اكثر لانه مركز على موضوع الاكشاك، ويتعامل مع المصانع انه ياخذ عصيرات حصرية ويعطيهم مقابل الحصرية نص ريال ويسويها كثير والرجل شغال بالهلل ياخذ ميزات لكشكه
المهم جا صاحبنا الاول تضايق وقال تدري؟ بدخل بقوتي الماليه واسوي اشتراك عصيرات يكسر سعر السوق، وبستحوذ على اكبر مصنع واخليه ملك لي
المهم راح شاف مصنع عنده عصير كل سنة يكون رقم 1 بالمبيعات ويعتبر اذا ماكان اكثر عصير دخل فلوس بالتاريخ توب 3، قام دفع 700 ريال
انت الحين كمشرع وشخص يبي يحافظ عالتوازن، بتقول ايه عادي الكشك الثاني يدفع هلل ويحصر عصيرات عنده، خل هذا يدفع 700 ريال ويحط العصير اللي مكسر الدنيا بااشتراكه ويحصره عنده، ولا بتقول لا لحظة دقيقة لازم تعطينا تعهدات وضمانات ولازم ندقق معاك
المثال مبسط بشكل مرعب ادري، وكل الارقام تمثل الواقع مقسومه على 100 مليون عشان نقدر نستوعبها اكثر ولا 1050 ريال ماتفتحلك بسطه حتى (&)
اعتقد كذا راح يوضح التصرف المنطقي اللي المفروض يصير
معليش بس النقاش ماراح يتحول لكوني مع سوني، ماجبت طاريها بردي وغير مهتم بنقاشات فانز لذلك آسف
بس حتى مثالك مايخدمك، ايه سوني عندها اقسام ثانية ادري وتدعم قسم بلايستيشن، وبرضه مع كل هذا قيمتها السوقية 105 مليار مقابل ترليون و900 مليار لمايكروسوفت
تدري وش فيه شركة ثانية قيمتها السوقية ترليون و900 مليار؟ ارامكو لول
ايه انا ضد الاستحواذات كلها وسوني عندها نصيبها الطيب من التصرفات السافله وبيوم من الايام كانت هي الحوت بهالسوق اللي ياكل البقية
فالموضوع مو دفاع عنها بااي شكل يعني، لكن مقارنة بمايكروسوفت ماتتصنف شيء حتى
مايكروسوفت مافيه شركات بحجمها الا شركتين، ارامكو وآبل، جنون انه ينظرلهم كمستضعف بهالسيناريو عشان قسم الاكس بوكس حقهم متخبط
عموما اعتقد الصفقة بتمر ومابيكون فيه تغييرات meaningful بهالسوق تخدم المستهلك والمنافسة، واللي هو مش شيء مفاجئ لما تنظر لكل الصناعات الاخرى في هذا النظام الاقتصادي الرهيب (&)