Omni-Doom
The Last Quincy
طلعنا السويتش من تحت الأنقاض علشان هاللعبة.
ياخي اتذكر بايونتيا ١ لما نزلت في وقتها كنا فاقدين احساس ونكهة الالعاب اليابانية خصوصا بعد الأمركة والتغريب اللي صار وقتها للالعاب فكانت لعبة جاية بوقتها صح.
عمومًا هذا مو موضوعنا.
لعبت فيها ساعة وحدة بس وكانت تقريبًا ٣ دقايق لعب وساعة من العروض والسينمائية والابتذال والنكت البايخة اللي ما تضحك.
حتى ال ٣ دقايق اللي لعبتها كانت فوضوية ومش واضح الشخصية فين والكاميرا تروح بعيد " والدريفت ساعد بالكاميرا وورك بعد &&"
وهنا جاني تساؤل انه متى اليابانيين يوزنون بين السينمائية واللعب بشكل مضبوط، احسها مشكلة انحلت من زمن طويل بس لسا بعض اليابانيين ما عرفوا لها.
اتفهم رغبتهم في تقديم انترو بسكيل ضخم، بس كمية المبالغات وتقديم كل شي على شكيل كت سين كانت مزعجة جدًا.
لما اتذكر كيف GOWII الكلاسيكية وباقي الاجزاء كيف كانت تدخلك في لحظات قابلة للعب وتتحكم فيها بالكامل وسط احساس سكيل ضخم ومجرد مقتطفات كت سينز من جد أضحك على اللي حاصل هنا في لعبة يابانية في 2022.
حتى أجزاء جاو الجديدة اللي المفروض سينمائية مرة لسا الانترو حقها تحسه playable اكثر من اللي حاصل هنا.
الانترو يحاول يكون ممتع وكول بس خلاص ماش ما عاد تضحك الحركات ذي خصوصا الشخصية المرافقة المأمركة اللي يذب ذبات خايسة كل شوي..
متأكد ان اللعبة في طياتها شي جميل وراح تذكرني اللعبة في باقي مراحلها بروعة بايونتيا. إنما انطباعي كان عن الانترو اللي الريدي لاحظت فيه سلبيات وحاجات لسا ما نضجوا فيها
حتى التوتوريال مو قاعد يتقدم لك بشكل واضح، ما قصروا برمي ميكانيكس كثيرة في اول دقيقتين بس لسا مافيه فرصة تطبق فيها الحركات بشكل مناسب وواضح.
يب أتفق ، الانطباع الاولي سد نفسي لفترة بس بعدين لما كملت انتهيت بأفضل تجربة هاك&سلاش ، مدري من الذكي اللي أقنعهم بجعل شينجوكو أول عالم :/