hits counter

الموضوع الرسمي FINAL FANTASY XV | خيال مبني على الواقع

retha

from a parallel universe
فأحد عنده tips يخلوني بس استوعب شنو نظام القتال في هاللعبه بالضبط؟ @@
هو فعلاً الذكاء الاصطناعي لباقي الشلة يجلط. جربي نزلي الصعوبة إلى normal؟
 

Arashi

Dragon of Heaven
فيه مليون tips باليوتيوب جبت هذا بشكل عشوائي لول

اللي في الفيديو ما يجاوب على اسئلتي لكن still استفدت منه وطبقت اشياء منه اليوم... تسلم ^^

مااذكر اني مت في اللعبه (في المهام الرئيسيه) اللعبه كلها دايره دايره مع كم تفادي وخلاص ، نظام قتال سطحي يعتمد ع الابهار

وهذا اللي اسويه لكن بعد انضرب @_@


هو عموما تم اكتشاف خطأ شنيع في طريقتي في اللعب وهو اني ما استخدمت الـAscention صح، ما كنت ادري ان له صفحات (بالـR1 وL1) عشان اطور شغلات ثانيه مثل الـHP والـRecovery وغيرها. لحسن حظي احد نبهني على هالخطأ وسط مواجهتي لـBehemoth وعلى طول وزعت الـAP في الاماكن الصحيحه وصارت المعركه اسهل. لازلت متأزمه من نظام القتال بس اهون من قبل الحمدلله ::sweat::
 

Arashi

Dragon of Heaven
الحين بديت شوي احس انها لعبة فاينال فانتاسي
بالتحديد من عند احداث Leviathan لين نهايتها بموت Luna (كل هالدعايات وخساير تصميم شخصيه عشان تطلع لنا في كم مقطع وعقب تنذبح XD)
هل القتال في هالاحداث وايد سهل؟ كل شي مر بسهوله وسرعه عكس المعاناه اللي عانيتها منذ بداية اللعبه لين عمل مهمات الـHunting في هالمدينه!
كنت مستاءه من اخراج الحوارات لأنه كان سيء وناشف، لكن من هالنقطه تغير كل شي :relaxed:
وقفت عند النزول من القطار واتوقع بتستمر الاحداث في تطور والاخ نوكتس وربعه بصيرون رياييل Finally !!! ::an::
 

Unknown

Fake Gamer
القسم الاول من اللعبه عالم مفتوح وغالبا هو الي ممكن ماعجبك .. القسم الثاني تركيز كبير على القصه واللعبه تصير خطيه, ممكن من هنا بدت تعجبك اللعبه, واتوقع خلاص الى النهايه التركيز بيكون ثقيل بموضوع القصه
 

Arashi

Dragon of Heaven
القسم الاول من اللعبه عالم مفتوح وغالبا هو الي ممكن ماعجبك .. القسم الثاني تركيز كبير على القصه واللعبه تصير خطيه, ممكن من هنا بدت تعجبك اللعبه, واتوقع خلاص الى النهايه التركيز بيكون ثقيل بموضوع القصه

من عند
Altissia
وطالع.. فعلا كلها حوارات ومقاطع (لو ان الاخراج شوي متواضع في اغلبها بس اوكي) ^^

وعرفت وين المشكله بعد ما بحثت في النتن سيوف الملوك ملعونه (اقصد حرفيا فيها لعنه) هي اللي تاكل من الـhp وتمنع الـrecovery وتخرب الـblock وكل بلاوي الدنيا، يعني طول الوقت كنت كأني ألعب عالـvery hard @_@
استوعبت هالشي بعد معركة
الاخ Ravus مادري Ravis
اللي يقولون انها الاصعب في اللعبه، رجعت للـEngine Blade والحين قريب احوله Ultimate Weapon وبعدها برجع
للـWorld of Ruins
واختم اللعبه باذن الله <<< تقليد FF6 بس بعلق هالموضوع وغيره لما اختم اللعبه ::laugh::


 

Unknown

Fake Gamer
نايس .. لا تنسين بعد التختيم فيه دنجن سري ماتقدري توصلين له الا اذا طورتي السياره لأخر شي .. الى ذلك الحين شيكي على كيف توصلين للكهف ::grin::
 
التعديل الأخير:

game for new

True Gamer
كنت اقول ان جيم بلاي اللعبة ممتاز قبل سنين لكن اسحب كلامي كله عنه بعد لعب فاينل فانتسي 7 الريميك وكيف اعطت دروس للجزء 15 في كيفية صنع لعبة اكشن ار بي جي استراتيجية واتمنى الجزء ال 16 يشوف ويتعلم من الريميك كيفية صنع جيم بلاي صلب واستراتيجي وممتع في نفس الوقت .
 
التعديل الأخير:

Omni-Doom

The Last Quincy
كويست behemoth undertaking عبييييييط ، عشان أوصله لازم أروح لسايد كويست ؟! من الذكي اللي اقترح عليهم التويست الخايب.
 

Omni-Doom

The Last Quincy
أوكي تعقب الزعيم و قتاله كانوا ممتعين.
 

shiro 8

夢のような生活
كويست behemoth undertaking عبييييييط ، عشان أوصله لازم أروح لسايد كويست ؟! من الذكي اللي اقترح عليهم التويست الخايب.
تاباتا::fdoly::
 

Omni-Doom

The Last Quincy
اخوي اذا انت تلعب مهمات الصيد في مهمة اسطورية جدا احد افخم المعارك على الاطلاق بحق وحقيق في وحش اسمه Aykashi مستواه ١١٠ لازم تتحداه

أنا لسه مستواي ٢٠ يا ابن الحلال ، أرجع له بعدين ان شاء الله
 

Arashi

Dragon of Heaven
ختمت اللعبه وختمت الـDLCs وطبعا الفيلم اول شي والانيمي كل حلقاته. كم أقيم فف15 ككل؟ رحمة مني بعطيها 7 من 10، ليش؟ لأن ظالمينها، اقصد المطورين >_>

القصه:
الـconcept وايد حلو وعميق كونه أساسه الانتقام من نسل اخ حاسد دمر حياة اخوه عشان يقعد على عرش الملك، فالأخ الضحيه احول الى حاقد مجنون نوعا كل همه ينهي نسل اخوه، ونجح في هالشي في الاخير، واو، ما بقول انه مثل
Kefka اللي حصل على كل اللي طمح له ومات مرتاح على اساس الاول فاز بعرق جبينه وكان حر نفسه،
لكن Ardyn كان لعبه في يد ال(مابسميهم الـgods بسميهم guardians) وخلوه يمشي حس نبوءه لين النهايه. طيب الفكره هاذي ما وضحت عدل الا في DLC، اما اللعبه نفسها فكلها من منظور الاخ Noctis فقط! وشنو يعني Noctis؟ واحد ما يدري بالدنيا العالم يمشيه يمين ويسار شغله بس يسير على خط معين لين يضحي بنفسه الاخير. ايش جاف في طريجه ومن كلم ووين راح؟ ابد مافي شي مفيد >_>
للأمانه استمتعت بالـDLCs اكثر، حتى اخراج الحوارات سيء وناشف في اللعبه تقول يبون الفكه "هلا شخباركم يالربع؟ تدرون ان الاخت Luna رايحه حق Ramuh؟ طيب مع السلامه" ولا ردود افعال طبيعيه ولا حوار ولا اخراج ولا شي، عارفه يقلدون نوع مزعج من الالعاب (مابذكر امثله) لكن هذا ما يليق باسم FF! اسوأ شي لما Noctis يغيب 10 سنين ولما يرجع تجوف الربع عااااااااادي ولا محسسينك ماكلين هوا في عالم مدمر ومظلم ويوميا يقاتلون الوحوش من اجل البقاء، ولا مشتاقين لرفيجهم ولا شي!
سرد القصه فشل ذريع واي كلام والدليل اضطروا يضيفون شغلات مع التحديثات عشان هيييه شوي الواحد يقدر يفهم غير الانيمي والdlc بدل ما يخلون اللعبه نفسها قطعه وحده متكامله + منزلين كتاب مادري ايش علته! باختصار كل الاصدارات حلوه الفيلم والانيمي والاضافات، الا اللعبه الاساسيه -_-"

العالم:
من محظة بترول إلى محطه ثاني وهكذا، وين المدن اللي نسمع عنها في الحوارات ونقرا عنها في الملفات؟ بس ديكور عالخريـ... لحظه اي خريطه اصلا؟ لما جفت خريطة العالم بشكل واضح في حلقة Ardyn لاعت جبدي (اسفه عالوصف) لكن تقسيم القارات اصلا مب عملي للعبه سواءا خطيه او عالم مفتوح، واضح من التقسيم انهم بغوا يحبسونا في قطعة ارض وحده طول اللعبه. مدينه وحده زرناها Alitssa لكن كلها عشان نجوف شوية ديكور حلو وعلى طول تتدمر! اتوقع انها بلشه ابتلشوا فيها من ايام Versus ومشوها في فف15 وقالوا يالله خل نسوي لها سالفه لو غصب!
World of Ruins الاسم المأخوذ
من فف6 وياريت اختاروا اسم ثاني، انا توقعت بقدر شوي ادور لو مناطق معينه اجوف احوال الناس وايش صار عليهم طول هالعشر سنين، يعني هذا اللي جفناه في فف6 بروحه كان مثل ارك كامل مع ان بس مرت سنه سنتين من الدمار @__@
خيبه والله بس على طول اضغط زر وروح Insomnia وتذابح مع Ardyn واختم اللعبه >_>

الشخصيات:
وانا قدرت اجوف حد غير هالاربعه الغثيثين؟ هالتصاميم الدقيقه والـ3D modeling المكلف وممثلين وكل شي عشان يطلعون دقايق كلمتين ويختفون (وفي تناقص في بعض الشخصيات حتى في ردود افعالهم او ردود افعال الاربعه الغثيثين تجاههم بس ما نحتاج نتكلم في هالتفاصيل
).

الجيمبلاي:
مب دايركت ومزعج، ما تعودت من العاب فف اني لازم اروح اصيح في النت عشان افهم شلون العب! اظن حلطمتي في الردود السابقه تكفي XD
اوكي هم قالوا ان اللعبه تعتبر حقل تجارب لمحركهم التعيس لكن ما توقعت توصل لدرجة تدمير اللعبه وعدم الاهتمام فيها! لا صراحه صج ما جفت الا الاهمال
اللي خلاني اتأخر ما ألعبها هي كمية التحديثات والتعديلات + الـDLCs اللي ما بغت تخلص! ليش تنزلون لعبه ناقصه وفيها خلل من الاساس؟ اسمها FF ترى عييييييييب @__@
الـDLCs بروحها دليل انهم ليلحين يسوون تجارب عالمحرك لأن كل واحد الجيمبلاي فيه 180 درجه مختلف عن الثاني
ما استانست صراحه الا في كويست فف14 هههه كان خفيف وممتع من جميع النواحي، وDLC حلقة Ignis كان ممتاز من حيث الجيمبلاي والقصه وحتى اخراج الحوارات @@ (بس انا ضد النهايه السعيده نهايه بدليه على قولتهم، الحق حق لازم الملك يدفه ثمن التضحيات اللي ضحوها عشانه، الدنيا ما تمشي بالعافيه P: )

ليش اللعبه مظلومه؟
عالم فف15 وايد ممتاز واجوفه شخصيا احسن من اللي كان ممكن يسوون هفي Versus (لحد يقلبها حرب عالميه الحين XD)
كانوا يقولون Versus is like Romeo & Juliet اما الثانيه FF15 is like Hamlet وطبعا هامليت قصته اقوى ودارك وتراجيديه اكثر وتناسب كل الاذواق، ولا كنت بتحمل شبح عالم فف13 يرجع مره ثانيه La cie وEtro ومادري ايش (حوار Nocits وStella خلاني اتشاءم صراحه)، واساسا نومورا قال ان فيرسيس كان يبيها عالم مفتوح وطبعا نفس المحرك اللي بغوا يجربونه، فنفس السيناريو كان بصير بس بـconcept مب لايق على عالم مفتوح (هذا اللي اتوقعه ويمكن هو سبب تغيير الـConcept والله اعلم).

اخيرا
مع كل هالانتقادات ما ندمت اني لعبتها ولا اقول اني مليت منها، مجرد ما فهمت مشكلة الجيمبلاي ارتحت مع اللعب اكثر واستمتعت فيها لين النهايه واقول "الحمدلله جات بدل فيرسيس XD". وليلحين ببحث في النت عن معلومات فاتتني بخصوص القصه لأن مثل ما ذكرت الـConcept حلو وكلاسيك لو انه في عالم حديث. هل بلعبها مره ثانيه؟ لا طبعا >_>
 

shiro 8

夢のような生活
ختمت اللعبه وختمت الـDLCs وطبعا الفيلم اول شي والانيمي كل حلقاته. كم أقيم فف15 ككل؟ رحمة مني بعطيها 7 من 10، ليش؟ لأن ظالمينها، اقصد المطورين >_>

القصه:
الـconcept وايد حلو وعميق كونه أساسه الانتقام من نسل اخ حاسد دمر حياة اخوه عشان يقعد على عرش الملك، فالأخ الضحيه احول الى حاقد مجنون نوعا كل همه ينهي نسل اخوه، ونجح في هالشي في الاخير، واو، ما بقول انه مثل
Kefka اللي حصل على كل اللي طمح له ومات مرتاح على اساس الاول فاز بعرق جبينه وكان حر نفسه،
لكن Ardyn كان لعبه في يد ال(مابسميهم الـgods بسميهم guardians) وخلوه يمشي حس نبوءه لين النهايه. طيب الفكره هاذي ما وضحت عدل الا في DLC، اما اللعبه نفسها فكلها من منظور الاخ Noctis فقط! وشنو يعني Noctis؟ واحد ما يدري بالدنيا العالم يمشيه يمين ويسار شغله بس يسير على خط معين لين يضحي بنفسه الاخير. ايش جاف في طريجه ومن كلم ووين راح؟ ابد مافي شي مفيد >_>
للأمانه استمتعت بالـDLCs اكثر، حتى اخراج الحوارات سيء وناشف في اللعبه تقول يبون الفكه "هلا شخباركم يالربع؟ تدرون ان الاخت Luna رايحه حق Ramuh؟ طيب مع السلامه" ولا ردود افعال طبيعيه ولا حوار ولا اخراج ولا شي، عارفه يقلدون نوع مزعج من الالعاب (مابذكر امثله) لكن هذا ما يليق باسم FF! اسوأ شي لما Noctis يغيب 10 سنين ولما يرجع تجوف الربع عااااااااادي ولا محسسينك ماكلين هوا في عالم مدمر ومظلم ويوميا يقاتلون الوحوش من اجل البقاء، ولا مشتاقين لرفيجهم ولا شي!
سرد القصه فشل ذريع واي كلام والدليل اضطروا يضيفون شغلات مع التحديثات عشان هيييه شوي الواحد يقدر يفهم غير الانيمي والdlc بدل ما يخلون اللعبه نفسها قطعه وحده متكامله + منزلين كتاب مادري ايش علته! باختصار كل الاصدارات حلوه الفيلم والانيمي والاضافات، الا اللعبه الاساسيه -_-"

العالم:
من محظة بترول إلى محطه ثاني وهكذا، وين المدن اللي نسمع عنها في الحوارات ونقرا عنها في الملفات؟ بس ديكور عالخريـ... لحظه اي خريطه اصلا؟ لما جفت خريطة العالم بشكل واضح في حلقة Ardyn لاعت جبدي (اسفه عالوصف) لكن تقسيم القارات اصلا مب عملي للعبه سواءا خطيه او عالم مفتوح، واضح من التقسيم انهم بغوا يحبسونا في قطعة ارض وحده طول اللعبه. مدينه وحده زرناها Alitssa لكن كلها عشان نجوف شوية ديكور حلو وعلى طول تتدمر! اتوقع انها بلشه ابتلشوا فيها من ايام Versus ومشوها في فف15 وقالوا يالله خل نسوي لها سالفه لو غصب!
World of Ruins الاسم المأخوذ
من فف6 وياريت اختاروا اسم ثاني، انا توقعت بقدر شوي ادور لو مناطق معينه اجوف احوال الناس وايش صار عليهم طول هالعشر سنين، يعني هذا اللي جفناه في فف6 بروحه كان مثل ارك كامل مع ان بس مرت سنه سنتين من الدمار @__@
خيبه والله بس على طول اضغط زر وروح Insomnia وتذابح مع Ardyn واختم اللعبه >_>

الشخصيات:
وانا قدرت اجوف حد غير هالاربعه الغثيثين؟ هالتصاميم الدقيقه والـ3D modeling المكلف وممثلين وكل شي عشان يطلعون دقايق كلمتين ويختفون (وفي تناقص في بعض الشخصيات حتى في ردود افعالهم او ردود افعال الاربعه الغثيثين تجاههم بس ما نحتاج نتكلم في هالتفاصيل
).

الجيمبلاي:
مب دايركت ومزعج، ما تعودت من العاب فف اني لازم اروح اصيح في النت عشان افهم شلون العب! اظن حلطمتي في الردود السابقه تكفي XD
اوكي هم قالوا ان اللعبه تعتبر حقل تجارب لمحركهم التعيس لكن ما توقعت توصل لدرجة تدمير اللعبه وعدم الاهتمام فيها! لا صراحه صج ما جفت الا الاهمال
اللي خلاني اتأخر ما ألعبها هي كمية التحديثات والتعديلات + الـDLCs اللي ما بغت تخلص! ليش تنزلون لعبه ناقصه وفيها خلل من الاساس؟ اسمها FF ترى عييييييييب @__@
الـDLCs بروحها دليل انهم ليلحين يسوون تجارب عالمحرك لأن كل واحد الجيمبلاي فيه 180 درجه مختلف عن الثاني
ما استانست صراحه الا في كويست فف14 هههه كان خفيف وممتع من جميع النواحي، وDLC حلقة Ignis كان ممتاز من حيث الجيمبلاي والقصه وحتى اخراج الحوارات @@ (بس انا ضد النهايه السعيده نهايه بدليه على قولتهم، الحق حق لازم الملك يدفه ثمن التضحيات اللي ضحوها عشانه، الدنيا ما تمشي بالعافيه P: )

ليش اللعبه مظلومه؟
عالم فف15 وايد ممتاز واجوفه شخصيا احسن من اللي كان ممكن يسوون هفي Versus (لحد يقلبها حرب عالميه الحين XD)
كانوا يقولون Versus is like Romeo & Juliet اما الثانيه FF15 is like Hamlet وطبعا هامليت قصته اقوى ودارك وتراجيديه اكثر وتناسب كل الاذواق، ولا كنت بتحمل شبح عالم فف13 يرجع مره ثانيه La cie وEtro ومادري ايش (حوار Nocits وStella خلاني اتشاءم صراحه)، واساسا نومورا قال ان فيرسيس كان يبيها عالم مفتوح وطبعا نفس المحرك اللي بغوا يجربونه، فنفس السيناريو كان بصير بس بـconcept مب لايق على عالم مفتوح (هذا اللي اتوقعه ويمكن هو سبب تغيير الـConcept والله اعلم).

اخيرا
مع كل هالانتقادات ما ندمت اني لعبتها ولا اقول اني مليت منها، مجرد ما فهمت مشكلة الجيمبلاي ارتحت مع اللعب اكثر واستمتعت فيها لين النهايه واقول "الحمدلله جات بدل فيرسيس XD". وليلحين ببحث في النت عن معلومات فاتتني بخصوص القصه لأن مثل ما ذكرت الـConcept حلو وكلاسيك لو انه في عالم حديث. هل بلعبها مره ثانيه؟ لا طبعا >_>
مراجعة ممتازة واتفق معك بكل النقاط بإستثناء
"الحمدلله جات بدل فيرسيس XD".
لو تسأليني قبل نزول فاينل فنتزي XV، كان قلت لكي راضي بتغيير رؤية المخرج وراضي ان تاباتا ماسك المشروع وراضي وراضي وراضي... اللين مانزلت اللعبة قمت سحبت كل كلمة قلت فيها راضي إلى مو راضي!!
انعدام رؤية وانعدام انظمة لعب متقنه وانعدام تصاعد أحداث وأمور كثيرة جعلت من اللعبة ليس كما تخيلتها او كنت متوقعها على الأقل.
نومورا ليس المخرج الأفضل والمبدع بالساحة لكن الرجل نفسه عنده امور مبدع فيها
- أنظمة لعب متقنه وممتعه
- إخراج خارق
- قتال زعماء ملحميين(الشيء اللي كنا نتفائل فيه بتاباتا انه سودادي ومايرحم ودايماً عنيف وبالاخير مواجهة الزعماء زي مواجهتي معا علبة النودلز)
تاباتا قد تفوق عليه بأمر لا استطيع ان اجزم انه تفوق عليه بالكامل لانه ليس هناك مقارنة عادلة بينه وبين نومورا من هذي الناحية.
العالم المفتوح
بالاساس نومورا يريدها عالم مفتوح بمشروع فيرسس وهيا اول لعبة له كانت ستكون بعالم مفتوح، لذلك يصعب عليا تفضيل تاباتا من هذي الناحية لكن يظل نقطة طيبة لتاباتا بأنه حاول صنع عالم مفتوح يحتوي على انشطة و دناجن جيدة.
لكن ان قارنا بين الاثنين بشكل عام وخاصتاً بالألعاب الخطية، سنجد ان نومورا افضل واجمل منه وخيالي اكثر معا مكنيكيات لعب افضل وامتع من تاباتا.
يعطيك العافية على المراجعة واسلوبك ممتازة بالشرح والبساطة
 

Arashi

Dragon of Heaven
الرد فيه سبويلر من Kingdom Hearts3

نومورا انا غسلت يدي عنه من لعد KH3 صراحه، مشيتها مع المعمعه اللي سواها في KH DDD قلت يمكن KH3 يجمع كل المعلومات الملخبطه ويرتب كل شي ويوصلنا لنهايه ممتازه. اللي جفته زيادة خرابيط وعالم أغلبه يركز على ديزني ولعب يهال طول الوقت لين في الاخير شوي دخل في احداث القصه الرئيسيه ، انقاذ الشخصيات كان بايخ ماله أسباب منطقيه (لو نتكلم عن قوانين عالم KH يعني) وفي الاخير وكالعاده فتح على نفسه كم باب في النهايات السريه مالته. فهذا سبب نسيت اذكره من الاسباب اللي خلتني اقول "الحمدلله جات بدل فيرسيس" لأني حسيت فيرسيس كانت بتكون KH ثانيه @@"
وبط جبدي في FF7 Remake لما جاب هالاشباح وحرف في القصه ونثر مقاطع من المستقبل وخرابيط، ياحبه للخربطه ::an::
بس ماقدر اكرهه لازلت احترم خياله الواسع، بس ينقصه الترتيب وضع قوانين ثابته لعوالم ألعابه يمشي عليها، مب كل شوي يرقع قانون يديد ويسبب تناقضات وخلل مثل ما سوى مع KH، لو اكتب عن التناقضات ما بخلص -_-"

تاباتا ما تابعت أعماله صراحه لأني ما لعبت له الا كرايسيس كور وكانت حلوه، واجوفه هو بهد انظلم في فف15 لأن قطوا عليه مشروع أسسه شخص غيره وقالوا له "يالله تعال خذ وغير وكمل". انا لو منه ما بقدر امشي على أساس احد غير أسسه واحب ابدا من الصفر بنفسي. نوعا ما بين انه مبتلش بأمور أسسها نومورا وما كان يبيها بهاطريقه في اللعبه مثل المدن اللي فقط تم ذكرها وما قدرنا ندخلها، حتى الامبراطوريه نفسها (فكرة احتلال الامبراطوريه لأغلب المناطق في العالم بعد باشه ثانيه لأنها سوت lock عالعالم وما يقدر فريق Noctis يدخلها). يقولون تاباتا طلع من سكوير زعلان عشان كم DLC؟ ::what::

فاللي اجوفه نومورا مدعوم بجمهور قوي وله اسم وسمعه وسكوير قاطه جزء كبير من الbudget حق العابه، تاباتا واضح ان فف15 استعجلوه عليها يخلصها اي كلام والـBudget... مادري عن التكلفه بس ماجوف وايد وايد وايد يعني نفس الالعاب الثانيه @_@

في الاخير لا افضل هالمخرج ولا ذاك لأن ماقرت اجوف شي يخليني اسوي مقارنه عادله بينهم، للعلم احنا نجوف نومورا نوعا ما (احتمال) يكون هو بعد متغربل من ديزني عشان جذي معفس سلسلة KH ::xd::


يعطيك العافية على المراجعة واسلوبك ممتازة بالشرح والبساطة

الله يعافيك وتسلم عالرد ^^
 

shiro 8

夢のような生活
الرد فيه سبويلر من Kingdom Hearts3

نومورا انا غسلت يدي عنه من لعد KH3 صراحه، مشيتها مع المعمعه اللي سواها في KH DDD قلت يمكن KH3 يجمع كل المعلومات الملخبطه ويرتب كل شي ويوصلنا لنهايه ممتازه. اللي جفته زيادة خرابيط وعالم أغلبه يركز على ديزني ولعب يهال طول الوقت لين في الاخير شوي دخل في احداث القصه الرئيسيه ، انقاذ الشخصيات كان بايخ ماله أسباب منطقيه (لو نتكلم عن قوانين عالم KH يعني) وفي الاخير وكالعاده فتح على نفسه كم باب في النهايات السريه مالته. فهذا سبب نسيت اذكره من الاسباب اللي خلتني اقول "الحمدلله جات بدل فيرسيس" لأني حسيت فيرسيس كانت بتكون KH ثانيه @@"
وبط جبدي في FF7 Remake لما جاب هالاشباح وحرف في القصه ونثر مقاطع من المستقبل وخرابيط، ياحبه للخربطه ::an::
بس ماقدر اكرهه لازلت احترم خياله الواسع، بس ينقصه الترتيب وضع قوانين ثابته لعوالم ألعابه يمشي عليها، مب كل شوي يرقع قانون يديد ويسبب تناقضات وخلل مثل ما سوى مع KH، لو اكتب عن التناقضات ما بخلص -_-"

تاباتا ما تابعت أعماله صراحه لأني ما لعبت له الا كرايسيس كور وكانت حلوه، واجوفه هو بهد انظلم في فف15 لأن قطوا عليه مشروع أسسه شخص غيره وقالوا له "يالله تعال خذ وغير وكمل". انا لو منه ما بقدر امشي على أساس احد غير أسسه واحب ابدا من الصفر بنفسي. نوعا ما بين انه مبتلش بأمور أسسها نومورا وما كان يبيها بهاطريقه في اللعبه مثل المدن اللي فقط تم ذكرها وما قدرنا ندخلها، حتى الامبراطوريه نفسها (فكرة احتلال الامبراطوريه لأغلب المناطق في العالم بعد باشه ثانيه لأنها سوت lock عالعالم وما يقدر فريق Noctis يدخلها). يقولون تاباتا طلع من سكوير زعلان عشان كم DLC؟ ::what::

فاللي اجوفه نومورا مدعوم بجمهور قوي وله اسم وسمعه وسكوير قاطه جزء كبير من الbudget حق العابه، تاباتا واضح ان فف15 استعجلوه عليها يخلصها اي كلام والـBudget... مادري عن التكلفه بس ماجوف وايد وايد وايد يعني نفس الالعاب الثانيه @_@

في الاخير لا افضل هالمخرج ولا ذاك لأن ماقرت اجوف شي يخليني اسوي مقارنه عادله بينهم، للعلم احنا نجوف نومورا نوعا ما (احتمال) يكون هو بعد متغربل من ديزني عشان جذي معفس سلسلة KH ::xd::



الله يعافيك وتسلم عالرد ^^
بالطبع نومورا ليس المخرج المثالي بسكوير وبالصناعة بشكل عام.
و يعيبه زوبعته بالغموض والاحداث بالألعابه.
ونعم ديزني قد تكون ضاغطه عليه من ناحية أعمال كينجدوم هارتز وهذا الشيء اثر علينا كلاعبين ان نرى مشاريع جديدة منه بل اثر عليه هوا شخصياً كإنسان يملك خيال خصب وقله ما نراه بساحة الألعاب.
لكن يظل نومورا احد اهم الأسماء اللي رفعت سلسلة فاينل فنتزي كما الكل يراه الآن
تصميم زعيم النهائي بفاينل فنتزي6 جعلني اقدر واحترم مخيلة هذا الرجل اكثر واكثر، فما بالك بالاجزاء الأخرى.
لست ضد تاباتا لكن الشخص نفسه ما اثبت نفسه الا بلعبة كرايسس كور بعد ذلك لم أرى منه شيء يوازي كرايسس كور اللي بالمناسبة ليست أعظم لعبة او حتى افضل لعبة فاينل فنتزي.
الرجل بالنسبة لي معاييره ليست قوية بأن يحمل اسم فاينل فنتزي كاسم رئيسي.
اسم ثقيل.. بالطبع يحتاج لمخرج ثقيل.. او لنكن صرحين..
يحتاجون لأستاذ ولامعلم عظييييم مثل هذا الرجل
hpiqcznmn282.jpg
 

Arashi

Dragon of Heaven
الرجل بالنسبة لي معاييره ليست قوية بأن يحمل اسم فاينل فنتزي كاسم رئيسي.

هو مثل ما قلت، كل لعبه عطوه كانت عليه قيود مفروضه، لازم يعطونه شي يبدا فيه من الصفر عشان نقدر نحكم عليه، كرايسيس كور جزء من سلسلة فف7 مب شي هو اسسه ^^

يحتاجون لأستاذ ولامعلم عظييييم مثل هذا الرجل

عالاقل لما كان في سكوير، لما طلع ما قام ينتج ألعاب تستاهل ينذكر اسمها ):

احس بدينا نخرج عن الموضوع هههه، بخصوص صناعة عوالم فانتاسي والقوانين برويك شي يخليك تعرف قصدي بس مب هني P:
 

لُقمَان

True Gamer
يقولون تاباتا طلع من سكوير زعلان عشان كم DLC؟ ::what::
ماهو معروف السبب الرئيسي، بس الكلام أنه مشروعه اللي يشتغل عليه من بعد صدور 15 لين نهاية 2018 تم إلغائه وخرج من الشركة نتيجة هذا،
والمشروع تم إستبداله بالغالب بمشروع Forespoken الأخير، الإضافات ممكن أمر جانبي بعد لخروجه.
 

Omni-Doom

The Last Quincy
الحين وصلت عند لما جلاديوس يترك البارتي

هل ينفع ألعب إضافة جلاديوس هنا ؟
 

Omni-Doom

The Last Quincy
خلصت إضافة جلاديوس ، شكله الريميك استلهم الخطية من هنا (&).

أسلوب قتال جلاديوس أعجبني و يمكن ألعب فيه من فترة لفترة مع نوكتيس ، القصة حليلة ، تطور شخصية مش بطال لجلاديوس ، الألحان كانت على مستوى آخر ذكرتني بأسلوب Soken ، كور شخصية رهيبة بس الله يسامح اللي صمم له ملابسه طالع كأنه شايب هيبستر XD
 

MOSU

Another Side Another Story
ليش ؟ ، الريدي لعبتها و ما حرق عليي شيء

:disrelieved::disrelieved: خسارة مابغى احرق عليك كان ودي اقول شي بس يلا


المهم ارجوك لاتلعب الامور الباقي لاتخرب على نفسك
 

MOSU

Another Side Another Story
خلصت إضافة جلاديوس ، شكله الريميك استلهم الخطية من هنا (&).

أسلوب قتال جلاديوس أعجبني و يمكن ألعب فيه من فترة لفترة مع نوكتيس ، القصة حليلة ، تطور شخصية مش بطال لجلاديوس ، الألحان كانت على مستوى آخر ذكرتني بأسلوب Soken ، كور شخصية رهيبة بس الله يسامح اللي صمم له ملابسه طالع كأنه شايب هيبستر XD

صحيح فف٧ ريميك استلهم من اضافات فف١٥ الكثير وهذي وحدة منهم وصحيحة
 

AzureFlame

Moderator
مشرف
اعوذ بالله، مو وقته تسوون Revive حق هالموضوع (&)

خلصت إضافة جلاديوس ، شكله الريميك استلهم الخطية من هنا (&).

أسلوب قتال جلاديوس أعجبني و يمكن ألعب فيه من فترة لفترة مع نوكتيس ، القصة حليلة ، تطور شخصية مش بطال لجلاديوس ، الألحان كانت على مستوى آخر ذكرتني بأسلوب Soken ، كور شخصية رهيبة بس الله يسامح اللي صمم له ملابسه طالع كأنه شايب هيبستر XD

للأمانة يمكن أسوأ إضافة طلعت من سكوير ، Souls Wanna Be لول ، انا اشوف Orgins مستلهمة من هذي أكثر مو من الريميك XD .

وبصراحة مستغرب انها عجبتك.. بس عليك بالعافية anyway. باقي الإضافات أفضل من هذي بكثير برأيي الشخصي.
 

Omni-Doom

The Last Quincy
:disrelieved::disrelieved: خسارة مابغى احرق عليك كان ودي اقول شي بس يلا


المهم ارجوك لاتلعب الامور الباقي لاتخرب على نفسك

أوه لا الإضافات الثانية ما راح ألعبهم إلا بعد ما أنهي اللعبة (بالذات إيجنيس و آردين).


صحيح فف٧ ريميك استلهم من اضافات فف١٥ الكثير وهذي وحدة منهم وصحيحة

شايف كيف ؟! لول فعليا لو شايل الريميك و شخصياته و بدلتهم بشخصيات جديدة مع المحافظة على الفلسفة التصميمية كان الناس حشوها حش ، بس كلاود بيست بوي (&)
 

Omni-Doom

The Last Quincy
اعوذ بالله، مو وقته تسوون Revive حق هالموضوع (&)



للأمانة يمكن أسوأ إضافة طلعت من سكوير ، Souls Wanna Be لول ، انا اشوف Orgins مستلهمة من هذي مو الريميك XD.

بصراحة مستغرب انه عجبتك.. بس عليك بالعافية anyway. شوف الباقي أفضل من وجهة نظري بكثير.

ههههههههههههههههههههههههههههههه والله جبتها فعلا طالعة سولز وانابي XD ، مين قال إنها أعجبتني ؟ أنا قاعد أحاول أحفر بالإيجابيات هنا ::sweat::
 

S30D1999

True Gamer
حملت نسخة الرويال على الPs5 ومحتار ابدأ بالدبلجة الانجليزية او اللغة اليابانيه ؟
 
أعلى