Punished Noctis
A Silver Bullet
زي أي انسان يحترم نفسه، قاعد اعيد في تريلر Final Fantasy VII Remake من يوم ما نزل. تريلر نار صراحة. حابب تصميم كلاود الجديد، وتصميم ايريث 10/10. في اشياء كثير واعدة وأشياء مثيرة للقلق لكن الجو العام هايب ونار وشرار.
من الأشياء اللي من أول تريلر تحس أنك عارف ايش تتوقع منها، سواء اعجبك أو لا، هو الباتل سيستم. هذه فيرسس 13 صح؟ يعني، فاينل فانتسي بجيمبلاي كينجدوم هارتس. حتى ان مصمم النظام القتالي لكينجدوم هارتس 2 شغال عليها (كيندا). واضحة، صح؟
غلط. أو كدة اعتقد يعني...
صح المينيو بأول تريلر كان يشبه Kingdom Hearts بشكل جداً سسبشس بل ومؤكد للشكوك... بس حتى من وقتها كان في اشياء مثيرة للاهتمام وتوحي أن الموضوع مش كدة.. وبالتريلر هذا في أشياء أكثر من نفس النوعية.
يعني أول شيء أثار شكوكي هي هذه اللقطة:
ليش كلاود ياخذ دامج وهو يصد؟ هذا مش منطقي لنظام كينجدوم هارتس، ولا للعبة أكشن آر بي جي عموماً. الألعاب هذه مصممة، في العادة، أنها تسمحلك تخلصها بدون ما تاخذ أي دامج، احياناً كـ LV1 حتى. حتى Final Fantasy XV ماتسوي كدة. صح أن الصد ممكن مايكون خيار تفادي الهجمات الوحيد، لكن على هالسيرة، شفنا تريلرين كاملين وولا مرة شفنا كلاود يقفز أو يتفادى. غريب؟
ثاني شيء اثار شكوكي هو هذا:
ليش العدو هنا ما يحصله Stagger رغم ان كلاود نازل عليه كومبو؟ ليش مجرد اللاعب ضغط مربع كلاود اتجه directly للعدو اللي عليه lock-on الأول قبل ما يهاجم؟ لو تفكرفيها هذا اللي صار بالـ GIF اللي قبله برضو. صحيح أن Kingdom Hearts II كان فيها Close-in ability تسوي شيء مشابه.. بس هذه شكلها.. اوتوميتد أكثر؟
تلخيصاً:
- انت تاخذ damage عند الصد في FFVIIR.
- انت في الغالب ماتقدر تتفادى او تنط في FFVIIR.
- الـ positioning مايهم في FFVIIR ومجرد تضغط هجوم بيوديك للعدو لوحده.
- بعض الأعداء (لو مش أغلبهم) مايصيرلهم Stagger اما تهاجمهم في FFVIIR.
إيش المعنى من هذا الكلام؟
علمي علمك. هو الأكيد ان اللعبة شكلها Automated ومعتمد على الستيتس والأرقام أكثر من Kingdom Hearts أو حتى Final Fantasy XV. الشعور اللي يعطيني اياه الفيديو هو انك قاعد تعطي كوماندز لكلاود وتشوف تأثيرها بناء على الـ states. هاجم، صد، استعمل سحر، استعمل ابيلتي، إلخ، لكن بدون الحاجة لـ action skills، بدون أهمية للـ positioning والـ maneuvering... بعدين it hit me. في لعبة سكوير نزلتها وكانت كدة فعلاً. نزلتها قريب نسبياً حتى، وأغلب اللي اشتغلوا عليها شغالين على FFVIIR. لعبة أعتقد ان عندها واحد من أفضل الأنظمة القتالية في سلسلتها.
Final Fantasy XIII: Lightning Returns
هاه!؟
الشبه يصعب عدم ملاحظته للي لعبوا اللعبة، بل وتقدر تشوفه من مقارنة الـ GIFs. الداش المباشرة للعدو عند ضغط زر Attack، الـ Stagger الشبه معدوم، أخذ دامج عند الصد، غياب القفز والتفادي، حتى الـ animation pacing لضربات لايتننج، أقرب لضربات كلاود من Kingdom Hearts أو XV.
النظرية: Final Fantasy VII Remake هي لعبة RPG تستعمل باتل سيستم Lightning Returns كأساس لها وتطوره وتمزجه بعناصر من Final Fantasy VII الأصلية. شكلها مؤكشن، زي ما LR شكلها مؤكشن، لكنها مش لعبة أكشن. على الأقل مش للدرجة اللي أعتقد الكل مفترضها.
طيب كيف تنلعب؟
هو الصراحة مشاركة نظريتي هذه كان الهدف الرئيسي من الموضوع، بس مادام وصلنا هنا، خلوني اشرح كيف اعتقد النظام القتال للعبة بيشتغل.
خلونا نلقي نظرة على القوائم.
قوائم 2019:
اوك، الواضح مبدأياً ان زر هجومك الرئيسي هو المربع، المثلث يسمحلك تسوي ضربة أقوى تاكل من العداد الأزرق، الدائرة تفتح الـ command menu من التريلرز والصور القديمة، بالغالب هناك الـ Magic والـ Materia والـ Items.
بس في عدادات كثير.. وكيف ضربة المثلث تشتغل بالظبط؟ Dead End؟ كان بيكون، لولا ان صور القوائم من 2017 تخلي الأمور أوضح شوية.
قوائم 2017:
أوكى، هذا أوضح وأسهل. أول تأكيد هنا هو أن الـ Command Menu زي ماوصفت، تعطيك أوبشن لاستعمال الـ Magic والـ Materia والـ Items. أول تريلر في 2015 كانت تعطيك خيارات Summon وGuard برضو. مش متأكد Guard لسه خيار تختاره من المينيو ومش زر تضغط (اتمنى زر)، لكن أفترض ان Summon دمجوها مع Materia، او بس بتنفتح لاحقاً.
الانترستنج فعلاً هي الصورة الثانية، عندنا 4 عدادات. الـ HP والـ MP يشرحوا نفسهم مافي مشكلة، لكن بعدها عندنا ATB وLimit. بنفترض انهم العداد الأزرق والأصفر من التريلر الأخير، بالترتيب.
ATB كما هو واضح في الصورة يسمحلك تستعمل ضربة المثلث، لكن الانترستنج ان الضربة لها Level بناء على كم بار ATB مليان في اللحظة. مدري لو هذه ميكانيك محذوفة ولا لسه شغالة. الـ Limit من اسمه، يسمحلك تستعمل Limit Break الشخصية، زي ما نشوف هنا:
الحين لو نرجع لهذا الـ GIF:
بننتبه أن الـ Limit ازداد لـ Cloud وBarret اما اخذوا دامج.
طيب معقولة الـ ATB يستعمل بس لضربة المثلث؟ أكيد لا. اعتقد ان الـ ATB يستعمل لكل شيء في اللعبة غير الهجوم العادي، ولنفهم كيف محتاجين نروح لمينيو اخفيتها للضرورة الدرامية:
Shortcut Menu تفتحها بـ L1. اللي لعبوا Kingdom Hearts يعرفوا كيف الشيء هذا يشتغل. هنا تقدر تحط الأبيلتيز، الماجيك، السومونز، والأيتيمز اللي تبغى يكون عندك اكسيس سريع ليها بدون استعمال القوائم. الانترستنج ان تقدر تشوف ان تحت كلمة Shortcuts علطول على اليمين في representation للـ ATB Bar حق كلاود، بشكل يوحي أن كل شيء هنا يستعمل من هذا البار، وفعلاً نشوف كدة اما كلاود يستعمل ضربة Braver في التريلر، تقدر تشوفها في بداية هذا الـ GIF:
وتقدر تلاحظ أنها اخذت Bar من الـ ATB ليستعملها. من المينيو برضو تقدر تلاحظ ان التبديل بين الـ Party Members بيكون بالـ L2 وR2، زي تبديل كلاسات لايتننج في LR.
سؤال أخير، ليش في ضربة مربوطة بالمثلث وضربات ثانية في الماتيريا/شورتكت؟ استنتاجي هنا هو أن ضربة المثلث مربوطة بالسلاح اللي تستعمله (زي Episode Duscae) بينما ضربات الـ Materia.. مربوطة بالـ Materia.
خلاصة الموضوع
- Final Fantasy VII Remake لعبة مبنية على Lightning Returns، بس Real Time أكثر وتدمج عناصر من VII الأصلية وKingdom Hearts.
- مابيكون في قفز أو تفادي، أو اهمية للـ Positioning.
- الصد مش واضح لو مربوط بزره الخاص (مافي زر فاضي في الكنترولر بشكله الحالي إلا R1) ولا خيار من المينيو. تاخذ دامج عند الصد، بس لو زي LR، تقدر تسوي Perfect Guard بالفريم المناسب علشان ماتاخذ دامج.
- تهاجم بمربع، تستعمل الـ ATB لتسوي ضربة أقوى مربوطة بالسلاح اللي تستعمله بالمثلث. ممكن الضربة هذه يكون لها أكثر من ليفل حسب كمية الـ ATB اللي عندك.
- الـ ATB يتملى اوتوماتيك مع الوقت، الـ Limit يحتاج انك تاخذ دامج أو تصد.
- تضغط دائرة لتستعمل باقي ادوات الشخصية من Magic وMateria وItems وخلافها، كل هذا يستعمل ATB. الـ Magic أفترض بيحتاج الإثنين ATB وMP.
- في طريقة لـ Staggering الأعداء زي الجندي المسكين الواقع على الأرض او الوحش اللي ياكل ليميت بريك كلاود، لكن لازم توصلها بطريقة ما زي LR، بالحالات العادية مافي Stagger.
- تبدل بين الشخصيات بـ L2 وR2.
- تستعمل الـ Shortcut Menu بـ L1.
تحديث: النتائج
التعديل الأخير: