شابتر 913
ده انطباع سريع عن الآرك الحالى حتى الآن
الطريقة اللى أودا بدأ بيها الآرك كانت غلطة كبيرة
أرك وانو اتعمل له هايب غير عادى و المفترض إن بدايته تشعل حماس المتابعين لكن الطريقة الى تم قطع آرك الريفيرى بيها خلت الآرك يبتدى بالحيرة و التساؤلات بدل الحماس و الإنبهار ، ممكن فهم إن اودا كان عاوز يعمل كليف هانجر بس إنك تفتح عشرات المواضيع و تقطع الأحداث فجأة بعدها فده خرج من دائرة الكليف هانجر و دخل فى الترولة
ده شئ محزن لأن أول شابتر فى الآرك كان ممتاز فى حد ذاته و كان واضح جدا من كم التفاصيل و طريقة تقديم وانو و اللى ظهرت بشكل رائع مدى إهتمام أودا بالآرك
بغض النظر عن النقطة دى معظم الأحداث حتى الآن تمهيدية و تعتبر تعريف للشخصيات و لوانو فقط حتى الآن
تحكم كايدو فى وانو طلع أسوء بمراحل من اللى كنت متوقعه و تقريبا هو دمر معظم البلد ، ده بالإضافة لأن عدد مش قليل من الجيل الأسوء بقى يعمل عنده
طريقة تقديم وانو نفسها كانت مميزة ، فى البداية كنت قلقان من التصميم لأننا شفنا اليابان القديمة فى عدد كبير من الأعمال قبل كده بس أودا قدر يضيف بصمته الخاصة و يقدم وانو و تحديدا العاصمة بشكل مبهر ، فى المقابل واضح إن باقى المناطق تم تخريبها و بقت إما قرى فقيرة و أرض جرداء أو مصانع للأسلحة محاطة برجال كايدو
الملاحظ إن أودا حاول يضيف كل الصور التقليدية المتعلقة بالفترة فى التصميم بداية من منظر الأمواج و الشاطئ فى البداية و مرورا بتصميم الحيوانات و المبانى و إنتهاءا بالشخصيات بس اللى فاجئنى فعلا كان تصميم تسورو فى الشابتر الأخير و اللى كان مشابه لأسلوب رسم النساء فى اليابان القديمة ، التصميم كان غريب و مختلف بشكل واضح و لافت للإنتباه عن باقى الشخصيات
الشئ الثانى اللى فاجئنى (و أحبطنى) كان هوكينز ، من المواجهة و على عكس الشخصيات اللى شفناها قبل كده من الجيل الأسوء زى لاو و بيج ، هوكينز ظهر بمستوى أضعف بكثير و ماظنش إنه حتى يقدر يدخل فى مواجهة مباشرة ضد زورو و اللى كان بيوجه له ضربات قاتلة من غير أى رد فعل منه أو قدرة واضحة على الصد (و يعتبر إنه قتله مرتين فعلا) ، اما قدرته نفسها فواضح إنها ضعيفة و معقدة من غير داعى
بصفة عامة و على عكس أول شابترين فى الآرك فالشباتر الحالية بسيطة بس اتمنى إن ده يتغير قريب (و إن كان للأسف الاسبوع الجاى بريك للمجلة )
اعتقد لسه صعب معرفه اذا كانت تعرف او ماتعرف عن الهاكي ..كيكو واضح إنها قوية و ماكانش عندها مشكلة فى تحمل هاكى لوفى و ده يدل على الPotential اللى عندها بس فى نفس الوقت واضح إنها ماتعرفش الهاكى و إن لسه قدامها كثير
اعتقد لسه صعب معرفه اذا كانت تعرف او ماتعرف عن الهاكي ..
سالفه محاوله اختباءها وراء زورو لوحدها تعطيك انطباع انها تعرف / شعرت بقوته ..
شباب بعد حرق ون بيس لمن تصبح جاهزته مليار وشوية ايش في احداث من الحرق ؟
لم ارى هذا قادماً في الصفحة الاخيرة.. فعلاً صدمة قوية وبناءاً على حقيقة الوضع ممكن اودا يفتح الباب لاشياء جديدة تماماً ما كنا نتوقعها في ون بيس.
إنطباعي الاولي وتوقعي كان ان اودين حي يرزق وزيف موته هو واتباعه ليتجنبوا الملاحقة لكن في نظريات مجنونة اخرى زي إختلاف التوقيت الزمني بين وانو وبقية العالم وان الزمن فيها يمر ابطأ من باقي الجزر، وهالشيء ممكن يفسر كلام مومونسكي عن لقائه بروجر.
نظرية ثانية تتحدث عن انهم استخدموا قدرة خاصة ليدخلوا جميعاً في سبات استمر نحو عشرين سنة وما إستيقظوا إلا مؤخراً.. بصراحة هذه يمكن اكثر كشف محير وصادم في ون بيس واكثر حتى من مسألة القبعة الضخمة وإم ساما.
ايضاً اللي مهتم يشوف كيف اودا اقتبس بعض الشخصيات والقصص والاساطير من الثقافة اليابانية ودمجها في احداث هذا الآرك يشوف هذا الفيديو :
بداية الفيديو الى الدقيقة 36 هي إنطباعات عن الشابتر وبعدها يتحدث عن النظريات والاقتباسات.
بعضها الاساطير فيها تشابه كبير جداً مع ما يجري في القصة.
حنا هنا جالسين نتكلم عن اودين اودين؟ اله النورس؟
والا شخصيه بنفس الاسم كانت حاكمه المكان؟ وش اسم ابو مومونسوكي اللي قتل على يد كايدو؟
على فكره بالنسبه للشابتر أكثر شي وضح هو أنه البنت الصغيره سلاح فعال جدا ضد كايدو بما انه أغلب جيشه زوان تايب(او سمايل تحديدا).
شابتر 919
أظن إن تأثير التويست الجديد مش هايبقى بالحجم اللى معظم المتابعين متوقعينه
توقعى الشخصى بالنسبة لفكرة الإنتقال فى الزمن فى العمل إنها هاتبقى قدرة محدودة و مالهاش آثار كبيرة
لو كان فى إمكانية لإستخدام القدرة فى تغيير الزمن كان تم استخدامها من البداية لمنع إنقلاب أورورشى من البداية و بأكثر من طريقة بدل استخدامها كحل أخير للهروب فقط و إذا كنا هانفترض إن الرجوع للماضى مالوش تأثير (إلا للمعرفة فقط و مش لتغيير الأحداث) ففى الحالة دى القدرة أهميتها تبقى فى نقل الأشخاص للمستقبل فقط و ده مش هايبقى ليه تأثير كبير على المدى البعيد باستثناء إحتمال ظهور شخصيات كان المفترض إنها ماتت مثلا زى الحالة هنا و ده ممكن عمله بأى شكل تانى فى القصة
برضه صاحب القدرة ليه دور كبير هنا ، إذا كانت القدرة خاصة بزوجة أودن اللى ماتت فده معناه إن مافيش إمكانية لإستخدامها تانى فى الوقت الحالى إلا لو ظهر مستخدم جديد ليها (على إعتبار إنها قدرة ناتجة عن فاكهة) أما لو كانت قدرة واحد من التسعة اللى تم نقلهم فالوضع مختلف و ممكن نشوف إستخدام محدود ليها بعد كده و فى كل الحالات ماظنش إن الموضوع هايخرب القصة أو هاتبقى ليه الأهمية المتوقعة منه
بغض النظر عن كده فى عدد من النقط اللى لفتت إنتباهى فى الشباتر اللى فاتت
ال Headliners طلعوا اقل بكثير من اللى كنت متوقعه و ده بيظهر هوكينز بشكل سيئ بس ده مش كل حاجة
هوكينز بيعتمد بشكل كبير على تلقى اتباعه للضربات و لما لاو فهم ده فى المواجهة ضده قرر إنه يهاجم أتباعه و يقضى عليهم فى البداية قبل مواجهة هوكينز و السؤال هنا ، إيه هو مستوى هوكينز من غير أتباعه ؟
أظن إنه هايبقى أضعف من المتوقع بكثير و هايتم القضاء عليه بسهوله إلا لو أودا قرر إنه يخليه ينضم للاو
شخصية كيكو مش واضحة حتى الآن ، فى بعض الأوقات بتبقى مترددة بشكل زائد و فى أوقات تانية بتبقى قوية نسبيا و اتمنى نعرف اكثر عنها و عن سبب تصرفاتها بس من إنطباع لوفى عنها فى إحتمال إنها تبقى أقوى من المتوقع
المعلمة فى الشابتر فكرتنى بمونيه من بانك هازارد ، الإثنين كانوا يتعاملوا مع الأطفال و محبوبين منهم فى الوقت اللى طبيعتهم كانت مختلفة تماما عن مظهرهم الخارجى
النقطة الأهم بالنسبة لى كان تصرفات لوفى فى الشباتر اللى فاتت و اللى كانت مختلفة نسبيا عن غباؤه المعتاد ، لوفى مازال متهور كالعادة بس واضح إن تصرفاته فيها نضج أكثر و اقرب لقائد حقيقى
على سبيل المثال بمجرد لما كيكو قالت له عن علاقة هولدم بجاك، لوفى افتكر التفاصيل بخصوصه (و ده شئ نادر) و خد قرار سريع بتغيير طريقة التعامل مع هولدم و ما ضربوش إلا بعد ما خرج عن شعوره ، برضه فى مواقف تانية لوفى كان بيتصرف بسرعة و عنده فهم أكثر للى بيحصل حواليه على عكس المعتاد ، بصراحة كان عندى كره حقيقى لغباء و تهور لوفى فى مواقف كثيرة و سعيد إن شخصيته ابتدت تتغير أخيرا حتى لو بشكل بسيط
موب معقوله ان سالفة التنقل بالزمن بتنحصر على كذا، أحس فيه تويست مخبيه اودا عن هالنقطه.
كان فيه شخصيه معهم مغطين وجهها والا انا غلطان؟
بالنسبة لموضوع التنقل عبر الزمن فده اللى توقعته بالضبط
التوسع فى النقطة دى بالذات ممكن يخل بتوازن العمل و يعمل تناقضات كثيرة زى ما حصل فى أعمال تانية و ده اللى عدد كبير من المتابعين كانوا متخوفين منه و للسبب ده أودا كان حذر فى تعامله مع الموضوع و قدمه بطريقة ماتغيرش من طبيعة العمل أو تأثر عليه بشكل كبير و خلى القدرة تقتصر على إنتقال شخص للمستقبل فقط و إن كان ده بيطرح سؤال و هو ليه قدمه أصلا ؟
أظن إن لو كان فى تويست فى الموضوع هايبقى متعلق بنقطتين ، الأولى هى هوية توكى و ماضيها ، توكى جاية من الماضى البعيد و ده بيدى إحتمال إنها ممكن تكون عارفة أحداث ال Void Century أو حتى جاية من فترة قبلها و ممكن تكون سابت معلومات بخصوص التاريخ المفقود و الثانية تبقى هيورى أخت مومونوسكى و اللى لسبب ما توكى ما أرسلتهاش مع أخوها و ده شئ غريب و ممكن يكون ليه معنى بعد كده
كان فى فعلا شخصية معاهم و مغطيين وجهها
ممكن يكون فيه شخصيه مهمه نقل للمستقبل بنفس الطريقه، موب معقوله فاكهة قويه مثل كذا بتكون انتهت هنا. او انه الفاكهة هاذي بترجع من جديد.
على فكره ما فيه اي كلام عن أهل زورو؟ ماادري ليه احس الارك هذا ممكن يكشف شي عنهم.
ون بيس المانجا افضل من الانمي. حتى في بدايات القصة. حاليا وصل الى water 7
احسن ارك بالنسبة لي حاليا هو ارك تشوبر. ما عجبني الاباستا الصراحة.