hits counter

الموضوع الرسمي PC GEARS | الموضوع الرسمي

الحالة
مغلق و غير مفتوح للمزيد من الردود.

killer360

Hardcore Gamer
الـ DDR4 ما يشتغل الا على الاجيال الجديدة السادس و السابع و الثامن من معالجات انتل المين ستريم
بالنسبة لكرتك ممتاز حق ريزولوشن الـ 2K لسه فيه روح , بس اذا تبي تسوي ابجريد انصحك تنتظر كروت نفيديا الجديدة
الاعلان عنها راح يتم في الشهرين الجايين فانصحك لا تستعجل و تاخذ الباسكال انتظر شوي
بالنسبة للمعالج انصحك تدخل على هذي الوصلة تبين لك الفروقات بين المعالجات بالاداء على ريزولوشن FHD و 2K


اي نعم فاهم بخصوص ddr4 .. واعرف ان كرتي فيه روح الى الان وما راح اشتري الكروت الحالية ومثل ما قلت ما راح افكر بالابجريد الا السنة الجاية مو الان ..
لكن انا سؤالي فقط لو الكروت الجديدة نزلت واخذت اقوى كرت منها الـTi .. هل المعالج حقي راح يتحملها ولا يعتبر معالج ضعيف مقارنة فيها ؟ هذا هو سؤالي
 

killer360

Hardcore Gamer
أصبر لحتى ما يعلنوا رسمياً عن الجيل الجديد من كروت انفيديا وبعدها بيجيك الجواب، لكن معالجك مع كرت الـ1080ti على سبيل المثال ماراح يعاني من عنق الزجاجه خصوصاً انك تلعب بدقة 2K.
يب يب انا عارف محد يقدر يحدد لي جواب لكن انا اتكلم عن توقع وبحكم خبرتكم فقط
لكن مبدئيآ كلامك ريحني ولو شوي .. يعني لو الكروت الجديدة ما قدرت اخذها بسبب المعالج يكون فيها مشكلة معها .. هنا ممكن اتوجه لكرت 1080 ti
 

Pineapple

True Gamer
اي نعم فاهم بخصوص ddr4 .. واعرف ان كرتي فيه روح الى الان وما راح اشتري الكروت الحالية ومثل ما قلت ما راح افكر بالابجريد الا السنة الجاية مو الان ..
لكن انا سؤالي فقط لو الكروت الجديدة نزلت واخذت اقوى كرت منها الـTi .. هل المعالج حقي راح يتحملها ولا يعتبر معالج ضعيف مقارنة فيها ؟ هذا هو سؤالي
ممكن اذا كسرت السرعة مع ان الـ i7 4790K اصلاً هو نفسه الـ i7 4770K بس مكسورة سرعته الى 4.8 اتوقع
اذا تقدر سو ابجريد للمعالج و البورد و الرامات الآن و بعد سنة سو ابجريد للكرت هذا بالنسبة لي افضل حل
افضل معالج حالياً بالسوق هو الـ i7 8700K خذلك معاه بورد Z370 و رامات DDR4 و الله يعينك على سعر الرام عالي جداً
 

ABUALI

True Gamer
لي فترة اسوي بحث عن هالموضوع وما لقيت جواب وافي واتوقع راح تقدرون تفيدوني باذن الله
انا جهازي يعتبر من الجيل السابق ..
المذربورد msi z97a gaming 6
كرتي gtx 980 ti
رام 16 و ddr3
وsdd للنظام وhdd لباقي الامور الاخرى
والمعالج i7 4790k

الجهاز شغال معاي تمام الى الان على 2k م شاء الله .. ممكن تخفيض بعض الاعدادات مثل anti aliasing والشادو يعطيني 60 فريم وفوق باغلب الالعاب مع بعض الدروبات الخفيفة للـ55 مثلا لكنها مو كثير وما تذكر
سؤالي هو ان انا ممكن اسوي ابجريد للكرت السنة الجاية باذن الله يعني مع الكروت الجديدة وباخذ كرت محترم يعني مثل gtx 1080 ti لكن من الجيل الجيل الجديد لكن السؤال الي يطرح نفسه هل جهازي بيتحمل الكرت الجديد ؟
واهم سؤال بالنسبة لي هو المعالج هل اذا بيغير الكرت احتاج معالج جديد ؟ لان مثل ما تشوفون المذر بورد حقي ما يقبل جيل ثامن او معالجات جديدة وما يقبل رامات ddr4 فاذا بغير المعالج انا مجبور اغير المذربورد ومعاها بغير الرامات الى ddr 4 وكذا الميزانية جدآ عالية كانه pc جديد ..
حتى اوضح سؤالي اكثر .. معالجي كم عمره الافتراضي ؟ يعني لو غيرت الكرت هل المعالج بيتحمله ولا بيكون فيه عنق زجاجة؟ لان صراحة كنت حاط خطة طويلة للمعالج يعني استخدم معاه كرتين او ابجريد مررتين للكرت معاه وبعدين اغيره
ومو المعالج فقط .. انا لما اخذت جهازي بـ2015 كنت حاط خطة انا بعد كم سنة ممكن 2019 مثلا اسوي ابجريد للكرت فقط وبقية جهازي يكون مثل ما هو لكن مع السنين الان صرت اقرا كلام ان جهازي كله يحتاج ابجريد اذا بغير كرتي

احس اني طولت وانا اشرح لكن اعذروني لان جد الموضوع مشغل بالي له فترة وما لقيت جواب الي يقول يتحمل والي يقول المعالج قوي بيتحمل كرت جديد وعادي والي يقول لا خلاص ما ينفع اذا بغير كرت لازم اغير معالجي .. اتمنى القى جواب
عندك ثلاث خيارات
الأول
تظل على نفس ما هو، ما شاء الله جهازك مافي عليه مشكله، في بعض الألعاب تستهلك من عتاد الجهاز الكثير، بسبب البقز اللي فيها، ولو رحت وين ما بيتغير الأداء شعره... وتنتظر لما يصير جهازك ما يتحمل تشغيل الألعاب ألترا وبعدها تبدل

الثاني
تبيع الماذربورد والمعالج والرامات والكرت، وتضيف عليهم چم فلس وتاخذ أشياء جديده، مع إني ما أنصحك بهذا الخيار

الثالث
تغير كرتك لو مو عاجبك، معالجك ما بيسبب عنق الزجاجة، والكرت بتستفيد منه بعدين اذا قررت تغير بقية القطع.
 

Eizu

Hardcore Gamer
NVIDIA GeForce Next-Gen PCB ‘Prototype’ Leaked Out – Features 12 GB, 384-bit GDDR6 Memory, Triple 8 Pin Power Connectors, NVLINK Support
تسربت بالأمس صورة عينة هندسية لـ PCB بطاقة رسومية من الجيل القادم بذاكرة GDDR6 من انفيديا
NVIDIA-GeForce-Next-Gen-Prototype-Board-740x416.jpg

التجهيز الموضح في الصورة هو لاختبار قدرة وجودة وتحمل PCB , بعد ان تتجاوز البطاقة مع المعالج الرسومي الاختبارات تدخل بعدها الى مرحلة التصنيع الكمي
التوقعات تقول انه بما ان البطاقة ما زالت في هذه المرحلة فاننا لن نرى بطاقات رسومية جديدة الا في الربع الرابع من العام الحالي على أقل تقدير , اي ليس قبل شهر اكتوبر
لكن على الاقل هذه التسريبات تؤكد ان نفيديا تعمل لاطلاق بطاقات رسومية جديدة نهاية هذا العام ان كنا محظوظين او ربما في بداية العام القادم
 

Pineapple

True Gamer
NVIDIA GeForce Next-Gen PCB ‘Prototype’ Leaked Out – Features 12 GB, 384-bit GDDR6 Memory, Triple 8 Pin Power Connectors, NVLINK Support
تسربت بالأمس صورة عينة هندسية لـ PCB بطاقة رسومية من الجيل القادم بذاكرة GDDR6 من انفيديا
NVIDIA-GeForce-Next-Gen-Prototype-Board-740x416.jpg

التجهيز الموضح في الصورة هو لاختبار قدرة وجودة وتحمل PCB , بعد ان تتجاوز البطاقة مع المعالج الرسومي الاختبارات تدخل بعدها الى مرحلة التصنيع الكمي
التوقعات تقول انه بما ان البطاقة ما زالت في هذه المرحلة فاننا لن نرى بطاقات رسومية جديدة الا في الربع الرابع من العام الحالي على أقل تقدير , اي ليس قبل شهر اكتوبر
لكن على الاقل هذه التسريبات تؤكد ان نفيديا تعمل لاطلاق بطاقات رسومية جديدة نهاية هذا العام ان كنا محظوظين او ربما في بداية العام القادم
كل الاشاعات و الاخبار تشير الى ان الاعلان عن البطاقات الجديدة راح يكون خلال الشهرين القادمين
لأن ميكرون من فترة بدأت برفع الانتاج لذاكرة الـ GDDR6 واضح راح تستخدم وين و راح تلحقها بشكل مؤكد سامسونج
غير ان نفيديا احتفلوا بعالم الرياضيات و الحاسبات الآلية المتوفي Alan Turing , الكل يعلم ان بطاقات نفيديا الجديدة اسم المعمارية حقها Turing
http://www.guru3d.com/news-story/nv...delay-new-upcoming-turing-graphics-cards.html
 

Pineapple

True Gamer
بعيداً عن الأخبار الرسمية هذا تقرير من قناة لاينس عن فندق في تايوان للاعبين تحديداً البي سي
 

شيطون

Fortnite Lover
يعني لو الكروت الجديدة ما قدرت اخذها بسبب المعالج يكون فيها مشكلة معها .. هنا ممكن اتوجه لكرت 1080 ti

دام كرتك الحالي ممتاز ومقتنع باللي يقدمه لك فانصحك انك تغير المعالج والمذربورد والرام الان وتضل على نفس الكرت
والعام القادم غير الكرت لافضل شيء متوفر وقتها حسب ميزانيتك
بحيث تتوجه لافضل شيء ممكن بدون ماتخاف من عنق الزجاجة
 

killer360

Hardcore Gamer
عندك ثلاث خيارات
الأول
تظل على نفس ما هو، ما شاء الله جهازك مافي عليه مشكله، في بعض الألعاب تستهلك من عتاد الجهاز الكثير، بسبب البقز اللي فيها، ولو رحت وين ما بيتغير الأداء شعره... وتنتظر لما يصير جهازك ما يتحمل تشغيل الألعاب ألترا وبعدها تبدل

الثاني
تبيع الماذربورد والمعالج والرامات والكرت، وتضيف عليهم چم فلس وتاخذ أشياء جديده، مع إني ما أنصحك بهذا الخيار

الثالث
تغير كرتك لو مو عاجبك، معالجك ما بيسبب عنق الزجاجة، والكرت بتستفيد منه بعدين اذا قررت تغير بقية القطع.

بالنسبة للخيار الاول راح اسويه الان وممكن اضل مع كرتي سنة قدام ان شاء الله واغير كرتي ع نص 2019 ان شاءالله

اما الخيار الثاني صعب جدآ اسويه وما اقدر عليه بهالفترة ابدآ

والخيار الثالث هو الي راح اسويه باذن الله لكن مو الان نقول بعد سنة ان شاء الله واتمنى الكروت الجديدة تكون ممتازة مع معالجي

ومرة اخرى شكرآ لكم شباب والله دايمآ تفيدوني وعمري مادخلت بهالموضوع الا وطلعت بفايدة عظيمة منكم .. شكرآ لكم
 

Pineapple

True Gamer
https://wccftech.com/nvidia-geforce-11-series-geforce-gtx-1180-graphics-card-lenovo-spills
الظاهر انه من الممكن ان تصدر بطاقات نفيديا في نهاية هذا الصيف الـ1170 و 1180 او اي كان اسمهم , بينما الـ1160 على الأغلب في خريف 2018
يبدو ان البطاقات راح يتم الاعلان عنها في معرض جيمز كوم :
http://www.guru3d.com/news-story/nv...-geforce-gtx-1100-series-during-gamescom.html
 

Pineapple

True Gamer
للضحك بس هههههههه , شخص فاليوتيوب احتفالاً بمرور عشرين عام على اصدار اول نسخة للويندوز 98 قرر انه يركب جهاز بقطع من ذيك الفترة :

معالجات الانتل شكلها مضحك و كروت الشاشة كانت تعمل على مسارات AGP قبل لا ننتقل للـ PCI-E
كرت الشاشة من شركة 3DFX اللي ما يعرفها هذي الشركة اللي شرتها نفيديا بعد ما افلست اسم كروتها الـ Voodoo
اللي بعدين تحول اسمها الى GTX
اللون الطاغي على القطع هو الاخضر و الكيسات كان لونها ابيض و مع الوقت تصفر هههههه
 

FARES_

True Gamer
يبدو ان البطاقات راح يتم الاعلان عنها في معرض جيمز كوم :
http://www.guru3d.com/news-story/nv...-geforce-gtx-1100-series-during-gamescom.html


اتمنى لاني للحين اجلت موضوع تركيب البي سي

مع العلم حاليا املك لاب توب بكرت ١٠٧٠ فحسيت ما تسوى ابني بي سي بكرت ١٠٨٠ti ... الافضل انتظر ١١٨٠
 

Pineapple

True Gamer
اتمنى لاني للحين اجلت موضوع تركيب البي سي

مع العلم حاليا املك لاب توب بكرت ١٠٧٠ فحسيت ما تسوى ابني بي سي بكرت ١٠٨٠ti ... الافضل انتظر ١١٨٠
تبي نصيحتي انطر نسخة الـ Ti افضل بعد , انا نفسك عندي لابتوب 1070 لكن عندي ديسكتوب 1080 و ناوي انتظر الـ 1180Ti ما ابي اكرر نفس الغلطة
 

Eizu

Hardcore Gamer
كروت AMD القادمة vega 20 ستدعم PCIe gen 4.0
AMD-Vega-20-PCIE4-850x497.jpg

AMD-VEGA-20-specifications-1000x377.jpg

PCIe-4.0-specs.jpg


الأغلب ان اللوحات الام القادمة هذا العام من AMD سوف تدعم الـPCIe 4.0
صراحة انا لا يهمني هذا بقدر ما يهمني ان تصدر AMD بطاقات قادرة على منافسة قريناتها من نفيديا على الأقل في الفئتين الدنيا و المتوسطة , هناك اشاعات عن رغبة AMD تصنيع بطاقة رسومية بقوة الـGTX 1080 و بثمن 200 دولار , اتمنى ان يتحقق هذا , لكن في الواقع اقوى بطاقات AMD للاعبين هي الـVEGA 64 و على ما أذكر فقد كانت مسعرة من الشركة ب500 دولار
 

Omni-Doom

The Last Quincy
شباب ايش هرجة intergalactic steam summer sale cards ؟
هل تعطيني تخفيض وقت يوم أجي أشتري من ستيم ؟؟
 

Pineapple

True Gamer
تحليل موقع ديجيتال فوندري لالفا باتلفيلد 5 :

المحرك جباااااااااااااار , مؤثرات الثلج و التركيز على التفاصيل مش ممكن , نسخة البي سي طبعاً كالعادة هي الافضل
 

شيطون

Fortnite Lover
خدمة ال game pass حق الاكس بوكس اقدر استخدمها على pc ??
 

Kambsha

Selective Perception
خدمة ال game pass حق الاكس بوكس اقدر استخدمها على pc ??
يب، ادخل متجر مايكروسوفت على الويندوز مو المتصفح واكتب Game pass وبتطلع لك الالعاب المتوفره عليها الخدمه، واللعبه لازم تدعم الـxbox play anywhere كذلك.
 

ALZA3EM

Hardcore Gamer
السلام عليكم


شباب الان لو ابغى اسوي PC يشغل جميع الالعاب على الالترا ويعيش كم سنة قدام كم ممكن يكلف ؟
مو شرط PC جدا قوي اهم شي يشغل الالعاب بشكل ممتاز ..
لان نويت اسويلي PC بس ابغى اعرف المبلغ التقريبي الي احتاج اجمعه ..
 

Kambsha

Selective Perception
السلام عليكم


شباب الان لو ابغى اسوي PC يشغل جميع الالعاب على الالترا ويعيش كم سنة قدام كم ممكن يكلف ؟
مو شرط PC جدا قوي اهم شي يشغل الالعاب بشكل ممتاز ..
لان نويت اسويلي PC بس ابغى اعرف المبلغ التقريبي الي احتاج اجمعه ..

::confused::

وعليكم السلام، حاسب يشغل الالعاب بشكل ممتاز ويعيش معاك كم سنه انا اقول حوالي 5 الف ريال.
 

شيطون

Fortnite Lover
السلام عليكم


شباب الان لو ابغى اسوي PC يشغل جميع الالعاب على الالترا ويعيش كم سنة قدام كم ممكن يكلف ؟
مو شرط PC جدا قوي اهم شي يشغل الالعاب بشكل ممتاز ..
لان نويت اسويلي PC بس ابغى اعرف المبلغ التقريبي الي احتاج اجمعه ..

اقوى لعبة عندي هي اساسن كريد اورجين وقدرت اشغلها على الالترا
تجميعتي كلفتني 3500 ريال تقريبا معا الشحن

بس على المواصفات اللي عندي ولكم سنة على الالترا مستحيلة علي
الا اذا نقصت الاعدادات في كم لعبة ثقيلة شوي
 

Pineapple

True Gamer
السلام عليكم


شباب الان لو ابغى اسوي PC يشغل جميع الالعاب على الالترا ويعيش كم سنة قدام كم ممكن يكلف ؟
مو شرط PC جدا قوي اهم شي يشغل الالعاب بشكل ممتاز ..
لان نويت اسويلي PC بس ابغى اعرف المبلغ التقريبي الي احتاج اجمعه ..
تقدر تحصل قطع رخيصة ما عدا الرام سعره مرتفع حالياً بشكل مبالغ فيه خصوصاً اذا تبي ١٦ جيجا لكن ٨ جيجا تكفيك فالوقت الحالي.

طبعاً اذا تبي تبني جهاز على الميزانية انصحك بمعالجات رايزن بما انها ارخص و تعطيك اداء ممتاز و بورداتها رخيصة و في متناول اليد ، كرت الشاشة انصحك بال GTX 1060 نسخة ال ٦ جيجا هذا افضل كرت 1080p بالسوق اذا بتشغل العاب على الهاي او الالترا ، لازم يكون عندك SSD على الاقل سعة ١٢٠جيجا و هاردرايف ١ تيرا على الاقل سرعته ٧٢٠٠ دورة و باور سبلاي على الاقل ٥٠٠ واط و باقي القطع حسب مثل الكيس هذي حسب حاجتك.
 

retha

from a parallel universe
مرحباً، عندي سؤال بسيط.
أنا جهازي لابتوب قيمنق لكن ما فكرت أبدأ استخدمه للألعاب إلا هذي الفترة بس، فصرت استخدم CanYouRunIt وأغلب الألعاب توافق المواصفات ما عدا بنقطة وحدة، الـ CPU Speed.
هل ممكن أغير هالشيء بجهازي أو لازم جهاز جديد؟
 

Pineapple

True Gamer
مرحباً، عندي سؤال بسيط.
أنا جهازي لابتوب قيمنق لكن ما فكرت أبدأ استخدمه للألعاب إلا هذي الفترة بس، فصرت استخدم CanYouRunIt وأغلب الألعاب توافق المواصفات ما عدا بنقطة وحدة، الـ CPU Speed.
هل ممكن أغير هالشيء بجهازي أو لازم جهاز جديد؟
شنو مواصفات جهازك؟
 

Kambsha

Selective Perception
مرحباً، عندي سؤال بسيط.
أنا جهازي لابتوب قيمنق لكن ما فكرت أبدأ استخدمه للألعاب إلا هذي الفترة بس، فصرت استخدم CanYouRunIt وأغلب الألعاب توافق المواصفات ما عدا بنقطة وحدة، الـ CPU Speed.
هل ممكن أغير هالشيء بجهازي أو لازم جهاز جديد؟
على حسب نوع المعالج اللي عندك، إذا يقبل كسر السرعه فنعم بإمكانك تغير هالشئ ولو اني ما انصحك لان اللابتوب اساساً مراوحه ماتكفي حتى تتحمل ضغط تشغيل الالعاب لفترات طويله فما بالك بكسر السرعه! لكن قبل هذا جرب وحمل ديمو من ستيم للعبه تتطلب مواصفات قويه وشوف بتشتغل معك بشكل مقبول ام لا إذا اشتغلت فماله داعي تكسر السرعه.
 

Pineapple

True Gamer
السلام عليكم


شباب الان لو ابغى اسوي PC يشغل جميع الالعاب على الالترا ويعيش كم سنة قدام كم ممكن يكلف ؟
مو شرط PC جدا قوي اهم شي يشغل الالعاب بشكل ممتاز ..
لان نويت اسويلي PC بس ابغى اعرف المبلغ التقريبي الي احتاج اجمعه ..
هذي تجميعة الاخ demon king تجميعة ممتازة اداءاً و سعراً
https://pcpartpicker.com/list/VQpkJ8

بس راح تعطيك سنتين الى ثلاث سنوات بالكثير لان التطور فالبي سي سريع سواءاً بالتقنيات الرسومية او الهاردوير نفسه.
 

retha

from a parallel universe
شنو مواصفات جهازك؟
"أغلب الألعاب" أقصد فيها الألعاب المتوسطة تقنياً.
مواصفات جهازي:

Processor
Intel(R) Core(TM) i7-2630QM CPU @ 2.00GHz

Video Card
NVIDIA GeForce GTX 560M

RAM
8.0 GB

Operating System
Microsoft Windows 10 (build 16299), 64-bit
 
التعديل الأخير:
الحالة
مغلق و غير مفتوح للمزيد من الردود.
أعلى