95% من الألعاب اليوم لم تعد تبهرني كالسابق !

بالحرف الواحد 3 ألعاب فقط استمتعت فيها لهذه السنة
( شادو اوف وار و انجستس 2 و فيفا) ..و بقية الألعاب لم تثير اي اهتمامي .. حتى الألعاب التي انهيتها مثل هورايزن و اساسن كنت ألعبها بسبب الفراغ و ليس لأني مهتم فيها .. حتى باتل فرونت طلبتها مسبقا لكني لعبتها ساعة واحده فقط!
و بالنظر للألعاب السنه القادمة فقط 3 او 4 ألعاب مهمتم فيها

ما اعرف اذا العمر له دور (عمري 27) او انه فيتج ممتدد لسنوات لول .. لكن واضح ان مسيرتي في هذا السوق على مشارف النهاية!
احد مر بهذا الشي؟

الجيل السابق قل لعبي كثير بسبب قلة الالعاب اللي عجبتني علىPS3 وهو الجهاز الوحيد اللي امتلكته ... لكن مع ال PS4 رجعت العب اكثر من السابق ودخلت على عالم الاربيجي وشفت تحف وعناوين ممتازة ... ما اعتقد العمر له دور يمكن تكون شغلة مزاجيه او انشغال وانا اكبر منك في العمر .

خذلك راحه من الجيمنج.. عادي انا في أشهر تمر علي ما العب (هالسنة غير طبعاً)
لاحظت من العابك كلها واقعية أو خيال علمي تميل للواقعية،، جرب تلعب شي ثاني.. انا نظامي أحب انوع عشان ما أمل (مثال: العب اربيجي - بعدين اكشن - بعدين بلاتفورم - العب لعبة بآرت انمي - بعدين واقعية.. وهكذا) واذا مالي خلق العب مو لازم العب عادي اوقف شهر أو شهرين.. هي بالاخير هواية مو واجب.

صارلي سنة امر بنفس اللي تمر فيه بالضبط حرفيا .. فقط العب فيفا وماريو اوديسيي وفقط لانها بجهاز محمول وعندي العاب بالهبل ولا قادر اكملها وخفت ان العمر له دخل "عمري نفس عمرك" ..

والله حسيت بحزن عميق حرام يختفي شغفي للالعاب احس تو الناس.. مع ذلك احس انه بسبب توجه المطورين للالعاب .. لانه اغلبها صارت بلا متعه وهالشي ابدا ما جا بجيل ال ps3 -_-"

تصير معايا .. خذلك راحة .. انا اخذت اوف يمكن سنة كاملة واكثر واليوم رجعت متحمس جدا .. وبعدين حاول تنوع اكثر بالالعاب .. ملاحظ انك مليت من العاب العالم المفتوح .. جرب العاب الانديز .. او العاب تيلتايل مثلا خفيفه وحلوه ، انا بصراحه صرت العاب اي جنرا بس لكل لعبه وقتها ..

بعدين مافي شي اسمه كبرت على الالعاب خاصة نهاية العشرينات الوقت المناسب الي يبدا الطفل الي بداخلك يتحكم فيك .. انا باكمل ٣٠ سنة وشهيتي للالعاب وحتى مؤخرا الانمي مفتوحه على الاخر ، واحس نفسي صراحه رجعت صغير .. لا وكملت كمان غرفتي صايره كلها اميبو:emoji_grin:

غريبه resident evil ماعجبتك هالسنه هاللعبه رجعت لي انبهار الطفوله عموما لاتضغط نفسك واسحب على الألعاب حسب مزاجك الفتره اللي تمر فيها تحتاج لعبه تبهرك مسألة وقت وتجدها

انا بالعكس.. هالسنة تحديدا من افضل السنوات بحياتي
خصوصا اول نص منها.. كنت حرفيا منذهل من كمية الالعاب الممتازة.. وللحين انتظر بعض الالعاب ترخص.. وسلسلة ياكوزا تكتمل الريماسترات او الريميكات وباخذهم كلهم

مستغرب من مثل هالكلام.. حرفيا الصناعة تعيش افضل افضل اوقاتها من زمن طويل ما مريت بهالفترة والزخم الكبير من الالعاب الممتازة.. يعني العاب هالسنة اللي ما لعبتها وافكر فيها

ياكوزا 0 والريميك
تيلز
نيير اوتوماتا
وار اوف موردور
كراش

وللحين مواصل في اساسين كريد .. وبشوف بعدها شنو بختم السنة.. شكلها اختياراتك للالعاب محتاجة لاعادة نظر

Veeto قال:

انا بالعكس.. هالسنة تحديدا من افضل السنوات بحياتي
خصوصا اول نص منها.. كنت حرفيا منذهل من كمية الالعاب الممتازة.. وللحين انتظر بعض الالعاب ترخص.. وسلسلة ياكوزا تكتمل الريماسترات او الريميكات وباخذهم كلهم

مستغرب من مثل هالكلام.. حرفيا الصناعة تعيش افضل افضل اوقاتها من زمن طويل ما مريت بهالفترة والزخم الكبير من الالعاب الممتازة.. يعني العاب هالسنة اللي ما لعبتها وافكر فيها

ياكوزا 0 والريميك
تيلز
نيير اوتوماتا
وار اوف موردور
كراش

وللحين مواصل في اساسين كريد .. وبشوف بعدها شنو بختم السنة.. شكلها اختياراتك للالعاب محتاجة لاعادة نظر

أنقر للتوسيع...

اللعب نيير يا برهوم واعطينا رايك فيها

Dark_N11 قال:

ما اعرف اذا العمر له دور (عمري 27) او انه فيتج ممتدد لسنوات لول .. لكن واضح ان مسيرتي في هذا السوق على مشارف النهاية!
احد مر بهذا الشي؟

أنقر للتوسيع...

مالها دخل بالعمر انا ٣٥ ومازلت مستمتع خصوصا هالجيل اللي رجعني لزمن لبلاي٢ وغزارة الاصدارات وتنوعها حتى مع ضيق الوقت.انا حرفيا عندي كومة العاب تكفيني لنص السنة الجاية!!

اتوقع الذوق خصوصا اذا كان منغلق على توجه واحد

انا عمري 37 واعتبر هذه السنة من افضل سنوات حياتي الجيمزية منذ البلاي ستيشن 2 سواء من ناحية زخم الالعاب عالية الجودة او حتى من ناحية كمية الالعاب اللي لعبتها وانهيتها لدرجة ماكنت اتوقعها
نصيحة ريح شوية والعب انديز

ASWD قال:

مالها دخل بالعمر انا ٣٥ ومازلت مستمتع خصوصا هالجيل اللي رجعني لزمن لبلاي٢ وغزارة الاصدارات وتنوعها حتى مع ضيق الوقت.انا حرفيا عندي كومة العاب تكفيني لنص السنة الجاية!!

اتوقع الذوق خصوصا اذا كان منغلق على توجه واحد

أنقر للتوسيع...

اتفق ، ها الجيل لحد الان يبشر بالخير و هو اكثر جيل لعبت فيه عكس الجيل السابق

نفس حالتك تقريباً، ما تعجبني العاب الـopen world، الاكشن، أو الاكشن آربيجي. ومو لاعب كثير العاب تعتبر من عواميد الصناعة مثل انشارتد، ذا ويتشر، دارك سولر، ياكوزا، او ميتل جير.
أفضل المحمول عموماً، ونينتندو بشكل خاص، وعندي سلاسل معينه اتابعها واحبها.
بالسنوات الماضية، معدل لعبي سنوياً ما يتعدى ٥-٦ ألعاب.

المهم الشخص يستمتع باللي يلعبه بدون توقعات او peer pressure

تقريبا هالسنة مالعبت غير ست العاب وراضي عن خمس منهم

بس فيه العاب أخرى مالعبتهم ومنتظر عليهم تخفيض مغري فاقدر اقول راضي عن هالسنة :emoji_blush:

عزيزي بين أفليك كذآ مسميك في خيالي
طبعا كلامك ليس بالضرورة صحيح لكن انا اقول بشكل عام
عدم استمتاعك له أسباب منها ؛
لإكثار من قراءة المراجعات وربط الذوق بمجرد أرقام قد توضع اقول قد توضع بشكل غير دقيق والدخول على اللعبة بحس ناقد عالي مبالغ فيه غالبا يؤثر عليك، ايام كنا نشتري اللعبة عن طريق اعجابنا بالغلاف أو توصية صديق كنا نستمتع فيها أكثر بكثير من الآن، ما اتكلم عن النوسطلجيا لا، هذا أمر آخر،
ألعب واستمتع قدر الإمكان، إذا كنت غير معجب بالنوع غيره لا تحصر نفسك على نوع واحد، غير طريقة لعبك إذا كنت تلعب لوحدك حاول تكون اجتماعي، لا اتكلم هنا عن العاب الحفلات بالضرورة لكن فيه العاب ربما تستمتع بها أكثر لو كان معك مساعد بوجهك في حل الالغاز والاستكشاف، أيضا من الأمور المؤثرة المكان والزمان في اللعبة يعني تلعب ايفل ويذن في النهار معازعاج الأطفال ومقاطعتهم لك ثم تقول اللعبة ما تخوف أو ما أعجبتني لا هنا اسمح لي اقول لك انت غلطان لأنك ما هيأت نفسك العاب الرعب تلعب في الليل وحيدا لأجل أن تعيش التجربة كاملة
أيضا من الأمور المهمة انك ما تلعب وانت تحس بتأنيب الضمير لأنك أهملت شيئا من التكاليف أيا كانت التكاليف
لووول احس اني طولت عليك وقلبتها نصايح وإرشادات
انا أعجبتني العاب مثل زيلدا وماريو وهوريزن واعجبني بشكل أقل ايفل ويذن وريز7 وفيه العاب ما ناسبتني مثل بيرسونا شريتها وتورطت فيها مع انها مرشحة للقوتي وتقييمها عالي جدا وفيه لعبة أعجبتني وماحد درى عنها وتقييمها متوسط مثل the surge

كلنا مرينا بنفس حالتك . غير نوعية الالعاب اللي تلعبها . حاليا جالس العب ريماستر فالكاريا شورنيكال . اخر مره لعبت لعبة زيها كان قبل اكثر من 10 سنوات فعشان كذا العبه اعطتني شي كنت مفتقدة من فترة . كنسل لعبة الـ AAA القادمة اللي ناوي تشتريها واشتري بسعرها كم لعبة من التخفيضات السنوية من جنرا انت ما لعبتها لفترة ...

المهم لا تشتري العاب لمجرد انك تشتري والاهم ان هذا شي عادي وواحد من الحلول البحث عن هواية جديدة او زي ما قلت نوعية العاب جديدة

3 إلعاب رقم زين ولا كيف عاد التي تأخذ ساعات طويلة أعلى من متوسط اللعبة الفردية مثل فيفا! بالطبع ما أقول أن ما عندك مشكلة اهتمام لكن الشئ هنا أستفيد من هذا كتحول جديد للميديم ذا. ولاحظت شئ أنك مهتم بالأخبار أكثر من أنك تلعب وبصراحة أشوف ذا الشئ أكثر متعة من اللعب نفسه (@).

وشئ ثاني نسيت اذكره فردي الاول.اترك عنك ربط اقتنائك للالعاب على حسب معدل مراجعاتها ياما العاب انطلمت وهي تستحق اكثر وياما العاب تم رفعها للسما وهيا ماتسوى

خلك على انطباعات ومراجعات اللاعبين فالمقام الاول

لي شهر او اكثر مقاطع الالعاب
اعتقد بان للعمر علاقة بالامر دون شك، وان اختلف الامر بين شخص وآخر
لكن نصيحة لك، احصل لنفسك علي زيلدا نفس البرية

ترى عادي انا قعدت حوالي ثلاث سنوات ماكنت استمتع باي شي بالحياة وفعلا كانت احس بشي ناقص نصحيتي اترك الألعاب لمدة كم شهر وممكن اقطع عن اخبارها بعد لانه اللعب حاليا اصبح مجرد عادة بالنسبة لك

ASWD قال:

مالها دخل بالعمر انا ٣٥ ومازلت مستمتع خصوصا هالجيل اللي رجعني لزمن لبلاي٢ وغزارة الاصدارات وتنوعها حتى مع ضيق الوقت.انا حرفيا عندي كومة العاب تكفيني لنص السنة الجاية!!

أنقر للتوسيع...

اساسا معدل اعمار الاعبين جدا عالي بس لو تشوف اعمار اعضاء المنتدى انا اعتبر من اصغر الاعضاء وعمري بيدخل ال21 فمالها علاقة اتذكر ايام وعمري 12 سنة كانت تجيني فترات اطفش من الالعاب ثمين تجي لعبة ترجعني بقوة

جرب
Titanfall 2
NieR : Automata

و راح تدعي لي

ما يخصه العمر

للامانه، العاب زي فف ١٥ ومجس ٥ رجعوا لي رغبة اللعب! ع الرغم اني شخص مااحب شي اسمه عالم مفتوح، بس في هذول اللعبتين الاقي نفسي قاعد اتفحص كل شبر!!!
* ذكرتهم كمثال لانهم اخر ماجربت *

هممم، انا عمري ٣٠ متزوج عندي ٣ اطفال، اقدر اقول لك ان العمر وحتى حالتك الاجتماعيه مال امها خص في متعتك باللعب من عدمه. انا من التوب ١٠ في سماش قطر. وكلش عادي ماخصه شي في الاحتراف وخلافه.

هذا شي، الشي الثاني عن نفسي اميل للالعاب اللي عمرها ماينتهي، لذلك افضّل جنرا الفايت ع باقي الاصناف الثانية. والعاب التحدي عموما مب شرط فايت. وهالعنصر لقيته بهالجيل، وللمعلوميه اني مريت بحالتك بس مؤقت يمكن شهر بس ورجعت طبيعي.

الحاله اللي انت فيها هي حالة تشبّع بشكل عام، ماعليك مؤقته وبتعدّي ماعليك :emoji_muscle:

اللي تمر فيه طبيعي وكثير يمرون فيه، انا جاتني قناعة ان لما يجيني هالشعور علطول اوقف لعب لما اشتاق فعلا لجو الفديو قيمز مرة ثانية. مااغصب نفسي على لعبة مش قاعد استمتع فيها لان المتعة هي اول عامل المفروض احس فيه لما العب لعبة معينة.

نصيحة اشتري سويتش او ثري دي اس وغير جو شوي فيهم خذ راحه من العاب التريبل اي الجديه
بتصادف عالم مليان من المتعه بالعاب نين
أو خذ راحه من القيمنق بشكل عام او نصيحة ابتعد عن كميونتي القيمنق

انا ابتعدت عن كميونتي القيمنق لانه يخليك تاخذ القيمنق بعض الاحيان بجديه زايده ف يفسد متعة الالعاب عليك

أول الشيء إنسى تفكر في شيء إسمه عمر، العرب يتحسسوا أكثر من اللازم في هذا الجانب لما يمارسوا هواية و يخافوا من إلي يقوله الناس عنهم لو عرفوا هواياتهم، و هو شيء شخصيا ما أعطيه ذرة إهتمام و مو مهم عندي رأي أحد في هواياتي

عموما عزيزي @Dark_N11 أنا أزعل لما أشوف لاعب ما إستمتع هذي السنة، لأنها من أفضل السنوات في تاريخ الجيمنج، أنصحك تفك القيود و تفتح مجال أكبر لخيارات أكثر، أنصحك تشتري Nintendo Switch حتى تزيد من خياراتك و قد يؤثر و يغير في ذوقك هذا القرار، ماريو اوديسي و زيلدا نفس البرية راح يعطونك شعور أنك تلعب في التسعينات، لا أونلاين لا مايكروترانزكشن و لا يمسكون يدك في اللعب pure joy

و نقطة ثانية، لاحظت أن ألعابك غربية فقط، هذا قرار خاطئ في هذا الجيل و خصوصا هذي السنة إلي قدم فيها المطور الياباني ألعاب بمستويات أسطورية، في تجارب راح تغير ذوقك للأبد، جرب ياكوزا زيرو لأن طالها الكثير من المديح و إعتبرها الكثيرين أفضل التجارب هذي السنة من الناحية القصصية، و كذلك نيير اوتوماتا و سلسلة السولز و جرافتي رش، ضروري تتجه للألعاب اليابانية، و لا تنسى تجارب الآندي الرهيبة

إختصار كلامي في نقطتين :
- تشتري السويتش مع أفضل ألعابه
- تتجه للألعاب اليابانية من كل المنصات
- تلعب ألعاب آندي أكثر

شبه متأكد أن راح يصير شيء لذوقك و قرارك بترك الهواية.

أنا العام الماضي صار لي نفسك بالضبط لمدة شهر و شوي ما صار لي نفس العب او بالأحرى ما عندي تحفيز العب العاب كنت مهتم فيها قبل فحاولت اشيل من راسي فكرة اللعب لفترة زمنية معينة-اسبوعين- و اسوي نشاطات مختلفة تماماً و تستهلك تركيز و وقت مشابهين-دخلت في نادي تجديف مع واحد من معارفي- في مدة الأسبوعين و سبحان الله رجعت مثل اول و اكثر. و ان كان برايي لو تجرب اصناف و تجارب العاب مختلفة يمكن يجدد روتينك شوي و يفيدك اكثر.

السؤال هو وش الألعاب اللي حاولت تلعبها اصلا؟

من قرائتي لردودك احسك رابط نفسك بعناوين المينستريم الكبرى وشكلك صرت تركز وتحط وقتك بمتابعة الاخبار والاعلام اكثر من استمتاعك باللعب نفسه.

فحاول تطلع من منطقة الألعاب اللي انت معتاد عليها، العب العاب اندي، العب العاب نينتيندو، العب العاب من جنراز مختلفة ما كنت تلعبها.