hits counter

الموضوع الرسمي Dark Souls التحدي المظلم يعود! فهل انت مستعد لكسر يد التحكم خاصتك مجددا؟(سبولرات)

Eye

السوسة
زعماء 1 افضل من 3؟؟ كيف؟

بغض النظر عن الوقت الي نزلت فيه اللعبة الاصلية و معاييرها..لو تقارن بين الزعماء فاللعبتين الحين..فرق شاسع و الثالث يتفوق بجدارة..
ما اتكلم عن موضوع السرعة و البطء..لانه هاي ميكانيكية اللعبة..و كل ميكانيكية كانت تناسب الجزء الي نزلت به..

الاول فيه كم زعيم مميز و كم واحد جيد و الباقين دون المستوى (زعماء Demon Ruins و Lost Izalith كلهم سيئين...ناهيك عن التكرار المريع للـAsylum Demon...ثلاث مرات؟؟ ليش؟)
الثالث فيه زعماء مزعجين (الشجرة و يمكن Aldrich و Oceiros) بس بشكل عام اشوف مستواهم و قتالهم افضل من خل نقول: الـDemons كلهم (Capra, Taurus و شلة الـAsylum) و Moonlight Butterfly و النكتة الاكبر Pinwheel
لو يبنا اضعف -او اسهل- زعماء الثالث مثل: Deacons و Vordt و يمكن حتى الـCrystal Sage..هل بنظركم الاسماء المذكورة فوق من الجزء الاول يتفوقون عليهم؟؟
الي بيقولي Yohrm و Ancient Wyvern بقوله هالاثنين وضعهم غير..لانك تقدر تقاتلهم بالتريك الي عطتك اياه اللعبة و تقدر تقاتلهم باسلوب ثاني...الخيار لك في جعل قتالهم صعب او سهل.

لو تشوف فيديوات theDeMocracy الي يعرض فيهم ترتيب افضل الزعماء..الثالث نصيبه اكبر بالمراكز المتقدمة مقارنة بالاول (التصويتات من الكميونيتي)

Solay

مبروك على انهائك اللعبة..يالله..شد حيلك و ابدأ الثاني..

ايش هالمقياس العجيب ، الأول فيه زعماء أسوء أجل خلاص أسوأ!!!!

وين راحو الجارجويل؟ الغوليم؟ نيتو؟ الهايدرا؟ سييث؟ برسلا؟ بدون الدلس بعد ، مع انه اساسا من اللعبة وانقص عشان المساحة.. مش نظام ٢ النصبة.. بس يلا

معليش بس مقارنتك غلط ترا ، والكومينوتي ترا مب مقياس يعتد فيه لان يجيك واحد صنفة يحب الدانسر لانها كيوت (&) او الأخوين لأنهم مساكين ..

تبي تقارن صح تشوف تصميم كل بوس وتحكم عليه
 

Anaxiroshe’lir

Kojirō Sasaki
زعماء 1 افضل من 3؟؟ كيف؟

بغض النظر عن الوقت الي نزلت فيه اللعبة الاصلية و معاييرها..لو تقارن بين الزعماء فاللعبتين الحين..فرق شاسع و الثالث يتفوق بجدارة..
ما اتكلم عن موضوع السرعة و البطء..لانه هاي ميكانيكية اللعبة..و كل ميكانيكية كانت تناسب الجزء الي نزلت به..

الاول فيه كم زعيم مميز و كم واحد جيد و الباقين دون المستوى (زعماء Demon Ruins و Lost Izalith كلهم سيئين...ناهيك عن التكرار المريع للـAsylum Demon...ثلاث مرات؟؟ ليش؟)
الثالث فيه زعماء مزعجين (الشجرة و يمكن Aldrich و Oceiros) بس بشكل عام اشوف مستواهم و قتالهم افضل من خل نقول: الـDemons كلهم (Capra, Taurus و شلة الـAsylum) و Moonlight Butterfly و النكتة الاكبر Pinwheel
لو يبنا اضعف -او اسهل- زعماء الثالث مثل: Deacons و Vordt و يمكن حتى الـCrystal Sage..هل بنظركم الاسماء المذكورة فوق من الجزء الاول يتفوقون عليهم؟؟
الي بيقولي Yohrm و Ancient Wyvern بقوله هالاثنين وضعهم غير..لانك تقدر تقاتلهم بالتريك الي عطتك اياه اللعبة و تقدر تقاتلهم باسلوب ثاني...الخيار لك في جعل قتالهم صعب او سهل.

لو تشوف فيديوات theDeMocracy الي يعرض فيهم ترتيب افضل الزعماء..الثالث نصيبه اكبر بالمراكز المتقدمة مقارنة بالاول (التصويتات من الكميونيتي)

Solay

مبروك على انهائك اللعبة..يالله..شد حيلك و ابدأ الثاني..

قصدك هذا الفيديو؟


شايف وجود 4 بوسس من الأول ومثلهم من الثالث؟ مثل ما قلت اللي لاعب الأول بعد الثالث مستحيل يقدرها ويحس بعظمتها .. فرق السرعة كبير ومتفهم هذا الشيء.
 

Sky Walker

True Gamer
تبي تقارن صح تشوف تصميم كل بوس وتحكم عليه
مش بس التصميم .. بالنسبة لي : القتال والمكان وفكرة القتال وحركات البوس والتصميم والثيم كلهم مهمين للحكم على البوسز.
 

Solay

Double Jumper
تبي تقارن صح تشوف تصميم كل بوس وتحكم عليه

معليش بس وش الفايدة من التصميم لحاله؟ هو أحد العناصر طبعا بس الأكيد أنه موب أهمها.

سيف واحد من أفضل زعماء سولز تصميما بس بكل صراحة قتاله كان جدا عادي.
 

Eye

السوسة
مش بس التصميم .. بالنسبة لي : القتال والمكان وفكرة القتال وحركات البوس والتصميم والثيم كلهم مهمين للحكم على البوسز.

معليش بس وش الفايدة من التصميم لحاله؟ هو أحد العناصر طبعا بس الأكيد أنه موب أهمها.

سيف واحد من أفضل زعماء سولز تصميما بس بكل صراحة قتاله كان جدا عادي.

التصميم يشمل كل اللي قلتوه يا شباب ، انتو حسبتوني أتكلم عن التصميم الرسومي ، حقكم علي

التصميم يبدا من اللور تبع البوس دخولا على الكت سين وانتهاء بالموف ست ؛ هذا اللي يخلي سيف من أعظم البوسز بسولز

بداية هو جرو للذئاب الرمادية من الفصيلة العظيمة اللي تستوطن كهوف الغابات النافضة وتحديدا غابة اولوسيل الملكية.
بعدما لوث متقصي الظلمات كاث عقول سكان أولوسيل بايقاظهم مانس محول كل شي إلى عبد للظلام، فارس واحد ، الذئب أرتورياس أقام عقد مع وحوش الظلام عشان يقدر يمشي بلا موت في الظلام. وخلال معركته مع مانس ضحى بنفسه عشان يصد ضربة كانت هي القاضية عليه لكي يحمي صديقه الصغير.
بعد سنين طويلة سيف العظيم إخلاصا لصديقه اللي ضحى بنفسه قرر يحمي قبر منقذه من النهاب ولصوص القبور ، حاملا نفس سيف الشخص اللي اعطى حياته وانسانيته عشان جرو بلا حول ولا قوة.
شخص واحد اللي انتقم لارتورياس وانهى اب الظلام مانس عاد في العهد الجديد ليأخذ ما سيأله لانهاء ملوك الظلام الأربع. لكن سيف وفاءا لصاحبه راح يدافع عن قبر حاميه ارتورياس حتى لو عنى ذلك يحارب الشخص اللي شفى غليله بأب الظلام. حتى لو تكسرت عظام ورجول سيف ، حتى لو عنى ذلك حياته ، ما راح يتخلى عن وفاءه لراعيه. وتحت ليلة مقمرة ، المختار يحصد وثيقة الظلام بعد ذبح سيف. كل هذا عشان الوصول لعرش العالم وفرن النار الأولى
 

ASWD

True Gamer
سولاي حاول تحارب سيف بعد إنهاء الدي ال سي.واذا مالك نية شوف هالمقطع

 

Solay

Double Jumper
سولاي حاول تحارب سيف بعد إنهاء الدي ال سي.واذا مالك نية شوف هالمقطع


اوووه يتغير بعد ارتورياس، معجب بالإهتمام البسيط بذي التفاصيل.
 

Grumpy

True Gamer
أوافقك بشدة وقد قلتها من قبل دارك سولز 3 ممكن تكون أفضل لعبة في قتال البوسس بالصناعة كلها.

بالنسبة للسرعة ما كان قصدي سرعة اللاعب فقط وكنت أقصد تحركات الزعماء، لما تحارب ارتورياس من نفس اللعبة بتعرف وش أقصد، شخصية بتحركات سريعة وذكية وبنفس الوقت موب سريعة بشكل غبي ولك فرصة تتفادى ضرباته وتضربه بالوقت المناسب زيه زي أغلب زعماء دارك سولز 3.

بالنسبة للي حطيتهم بقائمة المزعجين أنا أشوفهم خورافين باستثناء اوسيريوس، ونفس الكلام لكريستال سيج مع أني أتفهم كيف الناس ممكن يشوفونه عادي بس لأنه ذكرني بأسلوب ديفل ماي كاراي، وديكونز اوف ذا ديب حبيت فكرته وأتموسفيره جدا، وأما فورت فيمكن يكون رأيي غير معتاد بس أنه بوسي المفضل باللعبة 3> واللي بيقاتله بدون درع بيحبه أكثر.

وبالنسبة للثاني لول ما أتوقع أني ابلعبه، لعبت شوي منه وما أعجبني اللي جربته أبدا، ورجعت شفت كم فيديو وكم مراجعة وكل مالي أقتنع أكثر وأكثر بأنها سيئة أو على الأقل موب على ذوقي، الخطوة الجاية ديمونز سولز ان شاءالله بس ابشوف اذا بيعلنون عن ريماستر لها بتي جي اس والا لا. وصح كم أخذت منك ديمونز سولز بما أنك لعبتها وأنت فاهم أسلوب السلسلة.

فاهم قصدك بموضوع السرعة..و صدقني..على ان الباقين ممكن يكونون بطيئين..الا انهم مثل ما ذكرت سابقا..جزء من ميكانيكية اللعبة و سرعتهم تناسب سرعة اللاعب..مافيها ظلم بنظري للاعاب نفسه..

بخصوص الزعماء المزعجين..بغض النظر عن تصمايمهم..قتالهم يعتبر مزعج -بنظري- للاسباب التالية:

الشجرة: اذا ما تعرف وين تضرب..بتاخذ وقت طويل تلف و تدور حوالين الزعيم و انت تنضرب + ان حركاته مملة و مافيها متعة.
الدريتش: زعيم RNG-Based..و باكثر من حركة يعتبر غير عادل اذا ما كنت محظوظ معاه..هالشي اكتشفته و حسيت فيه بالـSL1 معاه..
اوسايرس: اول ما قاتلته عجبني جداً..بس موضوع انك تلحقه من مكان لمكان جداً مزعج..و ينرفز..وايد وقت يضيع و انت تركض وراه..

شخصياً و بالرغم من الملاحظات الي ذكرتها عنهم..ما اشوف ان دارك 3 تحمل زعيم سيء. و في تنويع حلو بقتالاتهم..
الغريب انه اكثر جزء فيه زعماء Humanoid -اذا مش غلطان-..و هالنوع عقدتي دايماً.

فوردت زعيم مسكين ياخي..تحس ودك تقوله ياخي تعال اضرب شوي عشان يستانس..
و بخصوص Sif..ان اهالزعيم اكثر واحد كنت انتظره بسبب فيديو قديم شفته له..حبيت تصميمه..
و يوم لعبت معاه فعلاً حسيت ضرابته عادية..
بس المشكلة مب فيه..المشكلة فينا احنا الي سبق و قاتلنا زعماء مشابهين و ممكن يكونون افضل..
لو لعبنا ضد سيف على ايامه..كانت بتكون نظرتنا غير..


بخصوص دارك 2..ياخي عطها فرصة..لا تحبط نفسك جيه من البداية..
بعدين صدقني..الـDLCs شي خرافي و ما يتفوت..نصحية..عطها فرصة ثانية..

ديمنز سولز هي جزئي المفضل من بعد بلودبورن..و اكاد افضلها على دارك 3...
بصراحة ما اذكر كم خذت مني..اتوقع 50 ساعة بتكون كافية و زيادة اذا بتحللها..
بس حط ببالك..نظام الـNPCs و مهماتهم هو الاكثر تعقيدا بالسلسلة بسبب ميكانيكية معينة اقل ما يقال عنها عبقرية..
ممكن تقرا عنها اذا تحب..الي هي الـWorld Tendencies..

ايش هالمقياس العجيب ، الأول فيه زعماء أسوء أجل خلاص أسوأ!!!!

وين راحو الجارجويل؟ الغوليم؟ نيتو؟ الهايدرا؟ سييث؟ برسلا؟ بدون الدلس بعد ، مع انه اساسا من اللعبة وانقص عشان المساحة.. مش نظام ٢ النصبة.. بس يلا

معليش بس مقارنتك غلط ترا ، والكومينوتي ترا مب مقياس يعتد فيه لان يجيك واحد صنفة يحب الدانسر لانها كيوت (&) او الأخوين لأنهم مساكين ..

تبي تقارن صح تشوف تصميم كل بوس وتحكم عليه

تراني قلت في زعماء ممتازين و فيه جيدين..الي ذكرتهم يندرجون تحت الجيدين..باستثناء Seath الي اعتبره من الزعماء السيئين P:..قتاله مافيه متعة..ما تقدر تشوفه اصلا..طول الوقت انت تحته و تدعي ان الكرس ما يقتلك..
الهايدرا زعيم فرعي و ممل جداً..غير انك تقاتله مرتين..ياخذ فترة طويلة على ما تحصل فرصة لضرب الراس بشكل صحيح..خاصة يوم يقل عددهن..
لو تشوف الباكج كامل..بنظري عدد الزعماء السيئين اكبر مقارنة بدارك 3..الي بنظري ما فيها زعيم سيء..مزعج مثل ما ذكرت ممكن..بس مش س

قصدك هذا الفيديو؟


شايف وجود 4 بوسس من الأول ومثلهم من الثالث؟ مثل ما قلت اللي لاعب الأول بعد الثالث مستحيل يقدرها ويحس بعظمتها .. فرق السرعة كبير ومتفهم هذا الشيء.

نعم هذا احد الفيديوات..انا ما اتكلم عن التوب 10 فقط..قصدت ككل..ترتيب زعماء دارك 3 افضل من 1 -ان ما خانتني الذاكرة-.
موضوع السرعة ابدا ما كان عامل بتقييمي..لازلت مقتنع ان اللعبة مافيها بطئ بحكم انها تناسب ميكانيكيتها بذاك الوقت..سرعة الزعماء مناسبة لسرعة اللاعب و ما في ظلم بالميكانيكية ابدا..
بس طبعاً تعتبر بطيئة اذا قارناها بدارك 3..

انت ذكرت برد سابق لك -اتوقع انه انت :sweatsmile:- ان دارك 3 فيها زعماء سيئين مقارنة بدارك 1 الي مافيها زعيم سيئ..يهمني اعرف الي تقصدهم..
 

Solay

Double Jumper
جزء من ميكانيكية اللعبة و سرعتهم تناسب سرعة اللاعب..مافيها ظلم بنظري للاعاب نفسه..

صحيح وما قلت هالكلام انا كان قصدي انه سرعتهم ممله ومخليه رتم القتال بارد.

الشجرة: اذا ما تعرف وين تضرب..بتاخذ وقت طويل تلف و تدور حوالين الزعيم و انت تنضرب + ان حركاته مملة و مافيها متعة.

لول يا رجل الــ Balls تلمع من على بعد ميل وهو ما قصر فاتح لك رجلينه، وانا على عكسك حركاته أعجبتني خاصة الحركة اللي يوقف فيها ثم يطيح عليك اوووف عالايبكنس، وكان فيه حركة الدحرجة بعد ممتازة. ممكن حركة اليد كانت ترفع الضغط شوي.

ديمنز سولز هي جزئي المفضل من بعد بلودبورن..و اكاد افضلها على دارك 3...
بصراحة ما اذكر كم خذت مني..اتوقع 50 ساعة بتكون كافية و زيادة اذا بتحللها..
بس حط ببالك..نظام الـNPCs و مهماتهم هو الاكثر تعقيدا بالسلسلة بسبب ميكانيكية معينة اقل ما يقال عنها عبقرية..
ممكن تقرا عنها اذا تحب..الي هي الـWorld Tendencies..

سهل أني أفهمها خلال اللعب والا أشوف لي فيديو يشرح هالشي قبل ما ابداها؟ مع اني عموما ما قد حبيت مهمات الانبيسيز بالسلسلة.
 

Grumpy

True Gamer
سهل أني أفهمها خلال اللعب والا أشوف لي فيديو يشرح هالشي قبل ما ابداها؟ مع اني عموما ما قد حبيت مهمات الانبيسيز بالسلسلة.

بالنسبة لي..ما قدرت افهمه الا من بعد عدة قراءات و شرح بعض الشباب..
اللعبة حسب ذاكرتي ما تشرح لك شي عن هالموضوع..و اذا فيه اكيد طافتني..
بتختيمتي الثانية -الي هدفها كان اني اجرب هالشي و امشي عالـNPCs- اضطريت امشي على غايد..

اذا تفكر بالبلات..لازم تفهم هالنظام و تطبقه..
 

Solay

Double Jumper
بالنسبة لي..ما قدرت افهمه الا من بعد عدة قراءات و شرح بعض الشباب..
اللعبة حسب ذاكرتي ما تشرح لك شي عن هالموضوع..و اذا فيه اكيد طافتني..
بتختيمتي الثانية -الي هدفها كان اني اجرب هالشي و امشي عالـNPCs- اضطريت امشي على غايد..

اذا تفكر بالبلات..لازم تفهم هالنظام و تطبقه..

لا ما أفكر بالبلاتينيوم، فهل يحتاج أني أحوس نفسي معها وتسوى المتعة؟ أخاف تنكد علي باقي اللعبة.
 

Grumpy

True Gamer
لا ما أفكر بالبلاتينيوم، فهل يحتاج أني أحوس نفسي معها وتسوى المتعة؟ أخاف تنكد علي باقي اللعبة.
انا عن نفسي استمتعت بهالشي..فبالنسبة لي كانت تسوى السالفة..
اغلب كويتسات الـNPCs تعطيك سلاح او خاتم..فاذا مهتم لازم تجرب.
و ايضاً في ايتم معين لتطوير الاسلحة تحتاج انك تغير الـWT عشان تحصله..

ما راح تنكد عليك..انا بس ودي بما انك راح تلعب اللعبة انك تجرب كل شي فيها..عشان تحس بعظمتها..
 

Anaxiroshe’lir

Kojirō Sasaki
انت ذكرت برد سابق لك -اتوقع انه انت :sweatsmile:- ان دارك 3 فيها زعماء سيئين مقارنة بدارك 1 الي مافيها زعيم سيئ..يهمني اعرف الي تقصدهم..

على سبيل المثال كريستال سيج والديمون كينق. فيه كذا واحد غيرهم ايضا. دارك 3 لسه قدامها اضافتين, اكيد راح نشوف بوسس رهيبين فيهم
 

Solay

Double Jumper
شباب وش سالفة الحب العجيب لسولاير اوف استورا وجملة برايز ذا سن؟ توقعت أني أبفهم السالفة لو خلصت الأول بس لول للأمانه ما فهمت شي.

وبما أن الكلام عن الشخصيات فشخصيتي المفضلة بالسلسلة سيجوارد اوف كاترينا 3>
 

zlatanovic

True Gamer
شباب وش سالفة الحب العجيب لسولاير اوف استورا وجملة برايز ذا سن؟ توقعت أني أبفهم السالفة لو خلصت الأول بس لول للأمانه ما فهمت شي.

وبما أن الكلام عن الشخصيات فشخصيتي المفضلة بالسلسلة سيجوارد اوف كاترينا 3>
لسببين:
1- لأن شكله سبيكه، وحركته اسبك.
2- لو مشيت في الكويست حقه، بتشوف واحدة من احزن القصص على الاطلاق =(

ونهاية سيجارد لا تقل عنه حزنا =(
 

s3rorh

True Gamer
أوكى .... اللعبه عندي بستيم ، و صراحة أحس ما فيني صبر للصيف على ما ألعب بلدبورن .. فا قلت أطقطق عليها .

و زي اخر مره لعبت فيها هاللعبه ... وين ما أروح ، اتمصخر و اشبع طق ...

نزلت تحت ، لقيت اشباح ، رحت المقابر ، لقيت جماجم مزعجيين ... حاولت كذا مرا اتخطاهم بس ما قدرت ، قلت يمكن في مسلك أخر ... بس ما لقيت شي !!

شفت لي walkthroughع اليوتيوب ، و طلع فعلاً في مكان اصعد له و فيه جسر و كم وحش طيب ...
فا وقفت ال walkthrough و قلت احاول اشوف فيديو عربي ، يشرح الايتيمز و الشغلات الضروريه ألي لازم اعرفها ! ولكن ما لقيت شي أبداً !!!

فا قلت ما لي إلا انتم ... احد ينصحني بشي معين !؟ *غير اني اكون صبور لووول* ... هل في فيديوهات او مواقع ينصح بها !!؟
 
التعديل الأخير:

m7tram

True Gamer
أوكى .... اللعبه عندي بستيم ، و صراحة أحس ما فيني صبر للصيف على ما ألعب بلدبورن .. فا قلت أطقطق عليها .

و زي اخر مره لعبت فيها هاللعبه ... وين ما أروح ، اتمصخر و اشبع طق ...

نزلت تحت ، لقيت اشباح ، رحت المقابر و لقيت جماجم مزعجيين ... حاولت كذا مرا اتخطاهم بس ما قدرت ، قلت يمكن في مسلك أخر ... بس ما لقيت شي !!

شفت لي walkthroughع اليوتيوب ، و طلع فعلاً في مكان اصعد له و فيه جسر و كم وحش طيب ...
فا وقفت ال walkthrough و قلت احاول اشوف فيديو عربي ، يشرح الايتيمز و الشغلات الضروريه ألي لازم اعرفها ! ولكن ما لقيت شي أبداً !!!

فا قلت ما لي إلا انتم ... احد ينصحني بشي معين !؟ *غير اني اكون صبور لووول* ... هل في فيديوهات او مواقع ينصح بها !!؟

اي أهم شي .. لا تلعب اللعبه هكذا!!

لازم تنزل الباتش الي يخلي اللعبه من أسوء نسخه الى افضل نسخه اسمه DSFIX اكتب بقوقل راح يطلع لك واتبع التعليمات.

لما تتقدم باللعبه راح تحصل بلاك سميث شايب .. أشتر منه أدوات تخليك تصلح/تطور الاسلحه عند كل بون فاير لان لو ما شريت منه راح تضظر انك تطور اسلحتك او تصلحها عنده فراح تطق مشوار كل شوي.

لما تكون انسان شكلك راح تستطيع تستدعي ناس يلعبون معك اونلاين تشوف علاماتهم فالارض وتصير انسان عن طريق قتلك لبوس او تستخدم اداة اسمها هيومنتي او وانت تلعب وتقتل اعداء فوق عاليسار صوب الطاقه في عداد ارقام لما يصير 01 معناته انك تقدر تصير انسان عن طريق البون فاير في خيار يخليك انسان اسمه هيومنتي؟ لول نسيت والله من زمان عن دارك1 .

لا تفكر تدش دعوم حاول تجذب عدو عدو بروح بروح لان لو جمعتهم عليك راح تاكل خوش موته .. وفي شي يسهل عليك اللعبه من الحين :D .


وكل ما تاخذ سلاح وعلشان تعرف انك قادر انك تشيله روح للسلاح وطق مثلث او مربع الي يخليك تشوف شنو المتطلبات الي يبيها تلقاها عند العلامات الي نفس الايد .. الخ .
 

s3rorh

True Gamer
اشكرك ع الرد السريع ...

طيب انا ألعب نسخه الستيم prepare to die ... PC
هل ما زلت لازم احمل الباتش يدوياً !؟

بالنسبه للضرب ، لاحظت انه يمديني اسوي ضربه قاضيه اذا كنت بخلف العدو، هل هالشي ينفع مع الكل !!؟

ايش سالفه الـ fat rolling !؟

شنو فايده او مضار Hallow او هيك شي ... ألي فيه تكون شخصيتي ورديه !!!
 

Jhin

True Gamer
اوك بديت اللعبة لأول مرة .. وحطيت فيها يمكن ساعة او ساعتين ..
عندي سؤال لأهل الخبرة ::fdoly::
انا بشكل عام احب الكاتانا . وعادة لم اجيبه اطوره وما اغيره .. في بلودبورن اول ما حصلت الـ Chikage خلاص علقت فيه وطورته ومعد غيرته ..
و نفس الشي في دارك سولز 3 مع الـ Onikiri & Ubadachi .
ف بسأل .. ايش افضل كاتانا في اللعبة ؟ و هل في كاتانا اقدر احصله من بداية اللعبة ؟ يكون كويس طبعا :D؟
 

Solay

Double Jumper
طيب انا ألعب نسخه الستيم prepare to die ... PC
هل ما زلت لازم احمل الباتش يدوياً !؟

يب لأنه تكتشرز باك وموب رسمي، بس لا تفوته أبدا أبدا مظهر اللعبه فرق جيل يا رجل بالتكستشرز.

النسبه للضرب ، لاحظت انه يمديني اسوي ضربه قاضيه اذا كنت بخلف العدو، هل هالشي ينفع مع الكل !!؟

مرحبا بك بسولز، واحد من أفضل العناصر بالسلسلة، يب تقريبا تقدر تسويها مع كل الأعداء الا كم عدو ضخم والزعماء اللي يصيرون أكبر منك بشكل واضح.

ايش سالفه الـ fat rolling !؟

اللعبه بعكس سولز فيها أوزان، يعني كل شي باللعبه له وزن من أسلحه ودروع وغيرهم الأشياء اللي تسوي لها ايكوب طبعا أما الأشياء الأسلحة والأدوات اللي ما تستخدمهم وبس موجودين عندك فمالهم وزن.

اللعبه فيها أربع أوزان:

- خفيف (خفيف جدا بس مشكلته أنه لازم تقريبا تكون مفصخ فبتتدمج دمج عالي جدا)
-متوسط (الأفضل)
-ثقيل (فات رول على قولتك)
-ثقيل جدا (ما يمديك حتى تسوي رول)

فهو بعد ما تلبس دروعك سو رول وبتعرف أنت بأي قسم، حاول دايم أنك تكون متوسط، فإذا شفت أنك بالفات رول ستيت غير درعك أو شل خوذتك مثلا أو أن سلاحك ثقيل جدا الى ان توصل للمتوسط. بتلقى الأوزان مكتوبه على كل أداة.

هاذي بالبداية اذا تقدمت ولفلت الـ Endurance ولقيت خواتم معينه تساعدك بهالشي فما راح تشيل همها أبدا.

شنو فايده او مضار Hallow او هيك شي ... ألي فيه تكون شخصيتي ورديه !!!

هو الفائدة الكبرى أنك تلعب أونلاين فما أعتقد يهمك هالشي وأنه يكون شكلك موب قبيح، وقياسا على افاتارك أعتقد القبح موب مشكلة عندك.

فائدتها الثانيه وهو أن الاستس فلاسك(الهيلينج ايتم) موب زي بلودبورن تحتاج تجمعه، لا هنا عند كل بونفاير بيرجع لك العدد اللي عندك حتى لو تموت ألف مرة و اذا تبغى تزيد الاستس فلاسك عندك تقدر تزيده عن طريق البونفاير وهو أنك تختار Kindle the flame.

عشان تختار كيندل ذا فليم تحتاج أنك تكون هيومن وعشان تسوي كيندل بيستهلك هيومانتي، فيعني عشان تسوي كندل لازم تستهلك 2 هيومانتي وحدة عشان تصير هيومن ووحدة للبونفاير.

بس أنت بتسوي كندل لبونفاير اللي أنت حددتها بس يعني لو سويت كندل وصار يمديك تشيل عشرة استس ومت ورجعت لذا البونفاير فبتشيل 10 من جديد، أما اذا تقدمت باللعبه ورحت لبونفاير ثاني فبيرجع زي العدد الأول الا لو رحت ارتحت عند البونفاير المحدد اللي أنت سويت له كندل.

فمن الآخر احفظ الهيومانتي معك للكندل، ولا تسوي كندل لكل بونفاير أنت فيها، البونفاير اللي تشوف أنك علقت بمنطقتها كثير أو أنك ترجع لها كثير سو لها كيندل ويمديك تسوي كم مرة عاد على كيفك.

و زي اخر مره لعبت فيها هاللعبه ... وين ما أروح ، اتمصخر و اشبع طق ...

نزلت تحت ، لقيت اشباح ، رحت المقابر ، لقيت جماجم مزعجيين ... حاولت كذا مرا اتخطاهم بس ما قدرت ، قلت يمكن في مسلك أخر ... بس ما لقيت شي !!

اللعبه مفتوحه شوي فالمنطقة اللي تشوف أنك اذا ضربت الأعداء ما ينقصون بشكل واضح فأعرف أنها موب المنطقة اللي المفروض تروح لها بلفلك هذا ورح لغيرها. المقبرة كمثال لو تروح تضرب الهياكل العظمية الدامج حقهم يضحك فأسحب عليها وشف غيرها لأنك موب المفروض أنك تدخلها الحين.

يشرح الايتيمز و الشغلات الضروريه ألي لازم اعرفها ! ولكن ما لقيت شي أبداً !!!

حاول اي ايتم تاخذه تقرأ فائدته يعني لا تستعجل وتقرا الحين كل شي. الأدوات اللي بتستعملها صدق قليله أصلا.

واذا ما فهمت اداة معينه فحنا حاضرين.

ممممم ما ادري وش اقول لك غير كذا. ما فيه تنقل سريع ببداية اللعبه وما راح يجيك التنقل الا بعد نصف اللعبه بس اللعبه مصممه بشكل ممتاز جدا ومناسبها ذا الخيار لأن الباكتراكنج وتشابك المناطق هنا ممتاز جدا جدا. واذا اخذت خواتم فهي تعطيك قدرة معينه وتزيد لك أشياء معينه فاقراها وشف فايدتها واختر اللي يناسبك.

اذا ضغطت Y أو مثلث فبيمديك تشيل سلاحك بيدين ثنتين وبكذا بتدمج دمج أعلى بشكل واضح بس بتصير بدون درع وبتستهلك ستامينا أكثر.

وبس. رافقتك السلامه.
 

Solay

Double Jumper
اوك بديت اللعبة لأول مرة .. وحطيت فيها يمكن ساعة او ساعتين ..
عندي سؤال لأهل الخبرة ::fdoly::
انا بشكل عام احب الكاتانا . وعادة لم اجيبه اطوره وما اغيره .. في بلودبورن اول ما حصلت الـ Chikage خلاص علقت فيه وطورته ومعد غيرته ..
و نفس الشي في دارك سولز 3 مع الـ Onikiri & Ubadachi .
ف بسأل .. ايش افضل كاتانا في اللعبة ؟ و هل في كاتانا اقدر احصله من بداية اللعبة ؟ يكون كويس طبعا :D؟

بعد بحث بسيط لول ألعب باللي تبي حاليا لأن الكاتانا مطول وما راح يجيك الا بعد مدة.
 

s3rorh

True Gamer
للتو فزت على الوحش ألي بالممر .... أما لو تعرفون الطريقه الجبانه ألي غلبته فيها ::laugh::

اتسلق السلم ، أرميه بقنبله و انتظره يقفز، بمجرد ما يقفز ، اكون انا نزلت ... وهكذا، لغايه ما غلبته ::laugh::::laugh::

بس لاحظت بأني لما اقفز فوقه و اضغط R1 ... ارواحه ما تنقص وايد !!! كذالك ارواحي تنقص من الطيحه !! هل هالشي طبيعي !؟ ولا انا ما عرفت انفذ الضربه القاضيه صح !؟

ايضا ، لقيت فارس اسود .. و الملعون مصخرني لما قال بس ، بعدين اكتشفت item يخلي السلاح كهربائي !!! اهني وكلته تبن ... و أخذت غراضه .... بس للاسف ما قدرت استخدم سيفه !!! شالحل !! ... صحيح @m7tram شرح الطريقه فوق ، بس مع ذلك ما قدرت افهم الشرح !!!


بخصوص لما اموت ، هل فقط الsouls يروحون علي !؟ ام بعض الايتمز يختفون ايضا !؟

كيف طريقه الاونلاين !؟ .. كلمت واحد قبل التنين ، و عطاني شي و مكتوب جمبه 1 .. و واصفينه انه للاونلاين ... فا شنو النظام !؟

بخصوص الDSFix ... نزلته ، و للامانه ما احس بأي فرق !! لووول ، ما يمديني افرق بين ال٦٠ إطار من غيره ::fdoly:: بس اللعبه ماشيه زين، مع شويه تباطئ بالشخصيه ::whistle::

شنو تنصحون الشي ألي اسوي له level up !? .. لانه حالياً ما قاعد أطور خاصيه مقاومة السم نهائياً !! ... فا انت شنو تنصحون ؟

قتلت أول بائع ، و نسيت اشتري عدة التصليح !! شالحل !؟ (&)

 
التعديل الأخير:

s3rorh

True Gamer
من الساعه ٧ المغرب وأنا ألعب .... ألحين الساعه ١ ونص ليلاً

ما بغيت أفك منها ... أحس جنون سلسلة دارك سولز بدا يسيطر علي :p


وصلت لغايه مكان يشبه المعبد، و لقيت ٣ فرسان ضعيفيين و فارس واحد اسود ماسك مطرقه .. قعدت اقرب بحرص، و إذ بشعاع من فوق ، يطق قفاي ..و دخلني حالة الخطر ....
خليت شخصيتي سونيك ، و قدرت اسوي مناوره ١ ٢ عليه .. و اخذ الأيتم ألي وراه *هل هي ضروريه, شنو فائدتها !؟* و أنحاش !

ومن الخرعه كان يا أني اروح يمين يا يسار ، فلتت يسار وإذ بمصعد ، ركبته.. ولا يرجعني لبدايه اللعبة :eek:.... ياللهول على الليفل الديزاين المجنون :eek:

صعدت المصعد ، و او ما فتح ، شغلت النيترو N2O ... و طلعت طوالي لممر طووويل ، وصلني لواحد متين جالس جم بوابه حزين و ما عطاني شي ... و بعدها وصلت لواحد حداد يصلح اسلحه !!! .. كملت تحت و إذ بوحش ، ماني عارف ، هل هو قوي ولا عادي ، بس راسه مقطوع و يطلق برق !!

عملت له ١ ٢ ... و إذ بي اتخطاه .... فجأة ، ولا دخلت عالم كله نباتات !!! من كثر ما تصميمهم غريب !! صرت مو عارف كيف اضربهم !!! لووول

متت و رجعت لمصعد مره أخرى .... اول ما وصل المصعد لفوق ... وإذ في درج/سلم يساري !!! ... صعدت فيه ، ولا أحصل فارس واحد اسود يرقص !!! o_O
و يوزع تشاكرا للي معاه !!! حاولت أستدرجهم واحد ورا واحد بس عجزت !!!! ... من بعد ٤ موتات ... قررت اعمل مناورة ١ ٢ عليهم ، علشان اشوف ايش وراهم ..

تسلقت سلم أحمر ... و إذ بي أقاتل boss فوق السطح :rolleyes:


طيب ، ايهوا الطريق هو الصحيح ، !؟
:p
 

Solay

Double Jumper
بس للاسف ما قدرت استخدم سيفه !!! شالحل !! ... صحيح @m7tram شرح الطريقه فوق ، بس مع ذلك ما قدرت افهم الشرح !!!

اضغط X على السلاح أو مربع اذا تلعب بكونترولر بلايستيشن الزبدة الزر اللي يقول Toggle Display وشف الأرقام المحددة:

Ao6YQ.jpg


هاذي تعلمك وش تحتاج تلفل عشان تشيل السلاح، اللي لونها يصير أحمر يعني هي اللي المفروض تلفلها واذا أنت موب عارف وش هم بالضبط فشف الصورة اللي جمب الرقم وهاذي قائمة بالأسماء تطلع لك على اليمين:

YIQxr.jpg


عموما لا تتحمس تلفل بشكل واحد عشان سلاح معين بس خاصة ببداية اللعبه، وعموما اذا اول مرة تلعب اللعبه ما أنصحك تلعب بأسلحه ثقيله مثل هذا لأن اللعب فيها بطئ جدا فيصعب عليك اللعبه خاصة عند الزعماء.

بخصوص لما اموت ، هل فقط الsouls يروحون علي !؟ ام بعض الايتمز يختفون ايضا !؟

بس السولز وتقدر ترجع تاخذهم لو ما مت مرة ثانيه بالطريق(أعتقد أنك عارف ذا النقطة بس قلتها احتياطا).

كيف طريقه الاونلاين !؟ .. كلمت واحد قبل التنين ، و عطاني شي و مكتوب جمبه 1 .. و واصفينه انه للاونلاين ... فا شنو النظام !؟

ما أنصحك تلعب أونلاين أبدا لأنه يخرب عليك التجربة بشكل كبير، وطريقته لحالها غثيثه أصلا.

بخصوص الDSFix ... نزلته ، و للامانه ما احس بأي فرق !! لووول ، ما يمديني افرق بين ال٦٠ إطار من غيره ::fdoly:: بس اللعبه ماشيه زين، مع شويه تباطئ بالشخصيه ::whistle::

أكيد ما فعلته صح أو أنك مسوي شي خطأ، اللعبه الفرق فيها خورافي خاصة بموديلات الشخصيات، ولو تحول بين الـ 30 إطار والـ 60 إطار الأعمى ممكن يشوف الفرق بالسلاسه.

افتح الملف اللي حملته اللي اسمه DSfix وتأكد من الفريم ريت أنه مفتوح ومحطوط على ستين، شف الفيديو ذا دقيقة 1:30


وتأكد أن الريزلوشن تكون 1920 1080 تلقاها أول خيار بالملف وموقعه بالضبط بالفيديو بأول كم ثانيه وهو حاط 2000 1500.

شنو تنصحون الشي ألي اسوي له level up !? .. لانه حالياً ما قاعد أطور خاصيه مقاومة السم نهائياً !! ... فا انت شنو تنصحون ؟

أهم شي:

Vitality
Endurance
Stength
Dexterity

الريززتنس موب مهم مرة بس لفله اذا تبي، أتوقع أنت انخرشت منه لول بسبب الفئران والا؟

قتلت أول بائع ، و نسيت اشتري عدة التصليح !! شالحل !؟ (&)

هههههههههه ياخي أنت ملقوف، القاعدة الأولى بسولز: لا تقتل أحد موب جالس يضربك.

بس ما أدري مين تقصد بالضبط للأمانه، أهم شي الشايب الحداد أبو لحيه حق الأسلحه لا تلمسه هو اكثر واحد تحتاجه باللعبه وهو اللي بالغالب بتشتري منه باقي البائعين ممكن تكمل اللعبه بدونهم لأنهم يصيرون يبيعون أشياء محددة جدا بس لا تصير ملقوف يمكن تحتاجهم.

ومن الخرعه كان يا أني اروح يمين يا يسار ، فلتت يسار وإذ بمصعد ، ركبتها .. ولا يرجعني لبدايه اللعبة :eek:.... ياللهول على الليفل الديزاين المجنون :eek:

ما شفت شي للحين، بينفجر مخك من اتصال العالم مع بعضه، قلتها من قبل فروم سوفتوير أفضل من يسوي ليفل ديزاين بالصناعه كلها بالراحه.

عملت له ١ ٢ ... و إذ بي اتخطاه .... فجأة ، ولا دخلت عالم كله نباتات !!! من كثر ما تصميمهم غريب !! صرت مو عارف كيف اضربهم !!! لووول

متت و رجعت لمصعد مره أخرى .... اول ما وصل المصعد لفوق ... وإذ في درج/سلم يساري !!! ... صعدت فيه ، ولا أحصل فارس واحد اسود يرقص !!! o_O
و يوزع تشاكرا للي معاه !!! حاولت أستدرجهم واحد ورا واحد بس عجزت !!!! ... من بعد ٤ موتات ... قررت اعمل مناورة ١ ٢ عليهم ، علشان اشوف ايش وراهم ..

تسلقت سلم أحمر ... و إذ بي أقاتل boss فوق السطح :rolleyes:

لول حاول تقلل 1-2 لأنك بتحتاج تقتل عشان تلفل وبتحتاج تعرف اذا هم يتدمجون او لا عشان تعرف اذا انت بالمنطقة الصحيحة والا لا.

عموما يب مكانك صح بالبوس اللي فوق السطح بس الوحش الكهربائي اللي عند الحداد لا لا تروح له الحين.
 

s3rorh

True Gamer
صفحه ١٠ ، جداً مفيده ....

شكلي بقرأ الموضوع صفحه صفحه
:p
 

Mogrim

Raven
الي بلعب اللعبة في اسلحة ممتازة في بداية الجيم. عرفت المقابر والهياكل العظمية هناك فك جري بينهم وخذ كل الآيتمات، لا تحاول تقتلهم لانهم جامدين. مني متذكر ايش كانت الاسلحة لكنها مفيدة كبداية.

بالنسبة لأفضل كاتانا اسمه chaos blade تحصله عند خامس بوس تقريباً
 

ASWD

True Gamer
للحين هالموضوع الحجري عايش !!! O:

نصيحة للي دخل منطقة الهياكل العظمية من الفايرلينك شراين*ناسي اسمها*.فيه سلاح سايث*منجل* استخدموووه على طول أرهب جزء لاسلحة السايث ايڤر.سلاح متوحش خصوصا مع الابقريد نتفت ريش غالب الزعماء بيه.عكس مهزلة أسلحة السايث في الثاني والثالث

وهالله هالله بالذنب*الذيول* حقت الزعماء :D
 
أعلى