أجل لازم تعطينا تواريخ الأيام يلي يصير فيها تخفيضات محترمة مثل Black Friday حتى نفتح عيوننا على مدى السنة.
انا اشتغل ب best buy , can confirm
*.او مواسم الذروة مثل عطلة نهاية السنة والخ.لكن فالوضع الطبيعي مثل ما تشوف السرعة مرضية بالنسبة لي لاخر درجة واكثر.للعلم خدمة شوب اند شيب تاخذ فوق 7 ايام من تاريخ وصول الباكيج للميل بوكس الين استلامها.فرق مهول بتقليص المدة ناهيك عن التكلفة اذا كان الباكيج فيه وزن بن كلب مثل باكيجز طلبية ويتشر3 والاغراض اللي معها اللي كان وزنهم اكثر من 8 كيلو لو جبتهم عن طريق خدمة شوب اند شيب كانو صلخوني بسعر لا يقل عن 240 ريال+ ناهيك عن التاكس المحسوب على ظهرك وانت مو عايش في امريكا اصلا.اما الشحن المباشر مافيه تاكس ولاهم يحزنون.قيمة الاغراض+تكلفة الشحن=المبلغ الكلي.ولو ودك فخدمة التوصيل في يومين اختارها لانها موجودة ايضا في خدمة الشحن الدولي واعتقد والله اعلم انه الناقل بيكون في هالحالة دي اتش ال او فيديكس.والخدمة الابطئ تكون عن طريق ارامكس واللي هي 4 ايام نام واصحى تلاقيها خلصت لوول
شكرا على النصيحة : )همم ، اهم شي البلاك فرايداي ، تابع حساب العاب امازون على تويتر . نيوجاف بنفسه يحطوا مواضيع عن التخفيضات لو كانت كبيره ، تابع حسابهم على تويتر.
اشترك بالمايلنج لست، او سويلك ايميل للoffers o mailing list زي ما انا مسوي .
طرق كثير ، بس ابحث شويتين.
همممم, و الله كلامك مغري جدا! و السعر تقريبا نصف يلي ممكن أدفعه على شحنة مثل شحنتك.اوكي اياد بعد ماوصلت الشحنة للبحرين اقدر ارد على استفسارك بخصوص الشحن والمدة
الباكيج حقي اللي هو مجس5 كليكتر اديشن ولعبتين ثانيين.مدة الوصول الزمنية موضحة فالصور*من تحت لفوق*.4 ايام استغرق وصولها من يوم طلعت من امازون وهي فطريقها للكارير الين ماوصلت البحرين.ولو وصلت الصبح او الظهر كنت استلمتها اليوم لكن بما انها وصلت بالليل فبكرا هي عندي.مدة جدا معقولة بهذ السعر.للعلم انا اخترت التكلفة الاقل للشحن لاني مو مهتم باليومين اللي بيفرقو للوصول اهم شي راحت الجيب لوول.وخذها قاعدة انه تاريخ التخمين تقديري وفالغالب توصل قبل التاريخ المخمن او بالاحرى كل طلبياتي اللي وصلتني عن طريق هالخدمة وصلت قبل التاريخ المخمن بايام.كمثال هالطلبية مخمن انها توصل 14 سبتمبر ومثل ما انت شايف وصلت متى
فيه عوامل تاثر على سرعة الوصول منها عوامل التعرية*الويكند والاجازات عندنا وعندهم
هني اهم نقطة في خدمة امازون الدولية.انت لما تدفع قيمة الشحن وقت ماتسوي اوردر معناه انت دفعت*كل*شي من ضريبة جمرك وتخليص الى اخره*مكتوب حرفيا بصفحة تعريف الخدمة*.ماراح تدفع*ولا فلس* زيادة وقت مايوصلك طلبك لا لشركت شحن ولا غيرها.وفيه شغلة ثانية السيرفيس لهذي الخدمة مختلف عن السيرفيس اللي يستخدم في خدمة شوب اند شيب بما ان الاغلب ارامكس بتكون هي الكارير لتوصيل الطلبات للسعودية حالها من حال البحرين.اول اختلاف مدة الشحن تتقلص لقرابة النص تقريبا.ثاني اختلاف الباكيجات ماينفتحو نهائيا يجونك مسكرين مثل ما امازون طرشهم.الباكيج الوحيد اللي انفتح هو كرتونة كوليكتر ويتشر3 لان حجمها يخوف لوول.اما غيره مافي ابدا كلهم مغلقين بستيكر امازون.الاختلاف الثالث واللي انا متاكد منه بنسبة 90% ان الامور الجمركية يخلصونها قبل ما تنشحن البضاعة لهذ اعتقد مايتم فتحها.على عكس الباكيجات اللي كنت استلمها عن طريق خدمة شوب اند شيب مافيه مغلف ما انفتح والجمرك حقهم الظاهر يتم تخليصه لما توصل الطلبية لبلد المستلم.يعني فالمطار.هذي ملاحظات بانت لي من اول مرة اتعاملت مع الشحن الدولي من امازون.شركات الشحن مثل دي اتش ال وفيديكس من ضمن الخيارات اللي ممكن توصل طلبك بس مدري سياسة الاولوية لامازون كيف تسير هل يختارو على حسب تكلفة الشحن اللي انت تختارها وقت ما تسوي اوردر او كيف ما ادري.واذا الشحن حسيته سحر مع دي اتش ال صدق او لا تصدق الشحن مع ارامكس صار بالنسبة لي*واااو*من بعد ما كانو خياس وقرف عندي.من مدة ماتقل عن 7 ايام وفالغالب10 لين ما توصل بضاعتي الى دوشة ووجع الراس مع الموظفين وهواش التكلفة الى مشوار استلام الباكيجات.الحين وانا فالبيت يوصلني طلبي فغضون ايام بدون ما ادفع فلس واحد ولاهم يحزنون
فرق يومين ما تعني لي شي انا شخصيا.اهم شي راحت الجيب عندي
بحاول في هاليومين اشتغل على الموضوع.المشكلة الجو ما يساعد ارجع من الدوام هلكان من هالرطوبة فما يكون عندي مزاج لشي بس بحاول.وانت لو نويت تجربها*وانا انصحك تجربها ولو مرة*راسلني وما يصير خاطرك اللا طيب.اهم شي يكون الطلب مجزي عشان تعرف تقارن بين التكلفة مع البقية
محمد تقدر تختار لما تعمل طلبية كبيرة برغبتك في الشحن, هل ترغب يرسلوها بسرعة و بالتالي ممكن تصل الأغراض متفرقة أو هل ترغم تجميعها و إرسالها في أقل عدد كراتين و بالتالي ممكن "شوي" تتأخر لكن تصلك في كرتونة أو اثنين.
*.ما اظن فيه اختلافات بين البلدين لان احنا بعد عندنا لمت قبل ما يحسبو عليك جمرك.وهني فايدة الشحن الدولي انك تدفع الجمرك وقت ماتسوي الطلب لانها متضمنة في قيمة الشحن الريدي.عموما حاول تجرب على طلبية العبا 3 او4 وجم شغلة من كيبل شحن وهالخرابيط ويكون سعرها معقول للتجربة 100 دولار وشوي معقول عشان تقارن بالتسعيرة مع البقية.اي شي انا حاضر وصدقني اذا جربتها بترتااااح فعليا مع اني كنت متخوف منها اكثر منك على فكرة.وشي ثاني الحلو فالخدمة انه توريك الاشياء المؤهلة للشحن عن طريق هالخدمة قبل ما تسوي اوردر ولا وجع راس.وانت ذكرتني بشغلة نسيت اقولها فردي السابق انا كلمت الكستمر سيرفس عن احتمالية اذا طالبوني بمبالغ اضافية وقت ما يوصلني طلبي.رد علي الموظف اللي كلمني بالفم المليان انت مو ملزم بدفع ولا قرش زايد لانك اوفيت بكل المستحقات يوم مادفعت قيمة الشحن واللي تشمل الجمارك وغيره.وخبرني اذا الزمو عليك بالدفع طالبهم بوصل استلام فيه المبلغ اللي دفعوك اياه صوره وطرشه لنا*امازون* واحنا بنتكفل بارجاع المبلغ الاضافي اللي دفعته ومنتفاهم مع الكارير او شركت الشحن
من تجربتي لهم لحدود السنه لاحظت إنهم إذا شتريت منهم العاب وأفلام وأشياء صغيره غالبا يرسلونها لك عن طريق أراميكس وتأخذ حدود الأربع أيام , والأشياء الكبيره مثل الكوليكتر والفيجرات غالبا تنرسل عن طريق i-parcel اللي متعامل مع البريد السعودي وتأخذ حدود الأسبوع , ما قد أرسلو شيء عن طريق dhl .
جربت للتو مع نسختين أنشارتد 4 الي طالبها والشحن طلع ب80 ريال فعلا! سعر ولا في الاحلام!
انت مكبر موضوع الـtax زيادة عن اللزوم!
