The Doctor
Once a Voyager on a Cursed Sea
منت لحالك... ما أدري إذا السبب الحلقة نفسها، أو بكل بساطة مستوى الموسم بأكمله، لكن لاقيت صعوبة بالإهتمام باللي يحصل، بالرغم من إن هالأحداث في وقت آخر كانت بتخليني سعيد جداً.شكلي أنا الوحيد اللي الحلقة ما فجرت مخه. كل العالم يقولون "واو" :/
أشوفها حلقة جيدة لا أكثر حقيقة.
لما أجزئ الحلقة و أطالع وش صار في كل جزء منها، فعلى الورق المفترض تكون من أفضل الحلقات بالمسلسل على الإطلاق. بس بالرغم من هذا، ما حبيتها... ما كرهتها أيضاً، بس ما حبيتها.
نعم، تدريب آريا تم تقديمه بشكل مثالي. إستعراض لكيفية عمل جماعة الMany Faced God. و Maisie اخيراً عطوها فرصة ثانية تكون badass.
بس بنفس الوقت، هالجزئية كانت المفترض تحصل قبل حلقتين، على الأقل. لو إننا شفنا هالجزء بحلقة أبكر في السيزن، و هالحلقة شفناها تقتل أحد، و بعدين تصير يلعبوا شوي بوش يصير لما تستمر... ما راح يكون أفضل؟
الpacing غريب جداً هالسيزن أكثر من أي سيزن سابق. بعض الأشياء مستعجلة جداً، و بعضها بطيء بزيادة,
قصة داني ما زالت تعيسة، بالرغم من وجود تيريون. و الline بشأن I will break the wheel إبتان بشدة إنهم كتبوه لأنه يبدو رهيب في تريلر، بس في المشهد غير منطقي أبداً.
الحديث بينها و بين تيريون و قبولها إنه يصبح مستشارها المفترض يكون توضيح إستيعاب داني لصحة كلامه، إنها ما تقدر بكل بساطة تزحف على Westeros و تاخذها. بس بعدين تقول لك I will break the wheel، و اللي هي نفس إستراتيجيتها مع ميريين، يعني البنت ما تعلمت شي.
لو إني مكان تيريون، كان بعد هالفلسفة الفاضية آخذ روحي و أهرب. ما تفرق وين أروح، أهم شي أبعد ما يمكن عن هالمريضة ذي!
من بعد داني، الحلقة ترجع تكون جيدة مع سيرسي... يمكن أول مرة تمثيل لينا هيدي لسيرسي كشخص فقط عنيد طلع مفيد هنا. بس عدا عن ذلك ما ترك لي إنطباع قوي...
النهاية مع جون هي أفضل شي، و أكثر شي مخيب للأمل بالنسبة لي.
في أشياء كثيرة حبيتها بهالجزئية. تعامله مع الwildling و النقاش اللي حصل، تقديمهم للشخصيات المختلفة في المخيم كان جداً، جداً متقن. كل هذا كان عاجبني. اللي خيب أملي هي المعركة نفسها.
لسببين: السبب الأول، تصويرهم للمعركة كان جداً سيء. نفس تصوير أفلام الأكشن السيئة باللقطات القريبة جداً و الediting اللي ما يخدم الأكشن ولا القصة بشكل جيد.
فرق ضخم بين تعاملهم مع حلقة العام الماضي، The Watchers on the Wall و التخطيط المرعب لذيك الحلقة، و بين اللي شفته هالأسبوع، و اللي كان choreography متوسط، و editing سيء.
السبب الثاني هو إن لما شفت تركيزهم على Longclaw و بعدين تفاجئ جون سنو بقدرته على قتل الWhite Walker به، إبتان لي سبب المعركة بأكملها: إعلام Jon Snow إن الValeryan Steel قادر على قتلهم مثل الDragon Glass.
هالشي خرب علي الإستمتاع باللي يحصل كونها طريقة basic جداً لنقل معلومة المفترض ألريدي نعرفها بما إن Sam قراها مسبقاً...
محاولتهم بجعلنا نهتم قليلاً بشأن شخصية القائدة اللي ماتت و التركيز عليها ينحسب لهم، بس ما كان كافي لي هالمرة.
للأسف، ودي أحب هالحلقة، بس didn't click... أعتقد كنت أبحبها لولا ضعف أحداث الموسم بشكل عام، و اللي أضعفت إهتمامي بأغلب ما يحصل
يبمشهد اريا مافهمت وش المقصد منه .. تتقمص الكذبه؟