Arashi
Dragon of Heaven
السلام عليكم ورحمة الله وبركاته
كنت ناويه أكتب موضوع عن IGN واغطي الحدث في المنتدى...لكن بعد البهدله اللي تبهدلناها قلت بدل التغطيه أفضحهم وأفضح تنظيمهم المعفن!
المعرض سمعنا عنه من بدايات 2014 وكنا متحمسين ان اخيرا بكون عندنا شي متخصص للألعاب والرسامين..حدث عالمي كبير للمره الاولى..وفرحنا أكثر لأنه بكون عندنا في قطر بدل ما نسافر لدول ثانيه على أساس في بلادنا الامور أسهل ويكون لنا دعم من الزوار والصحافه وتصير الناس هي اللي تجينا من الخارج.
على نهايات 2014 وبعد طلعة روح فتحوا لنا الموقع عشان نحجز طاولات (هذا بالنسبه لقسم الرسامين) وحجزنا عن طريق صفحة الامارات لأن ما كانوا فاتحين صفحه لقطر...جوفوا العبط من اولها! وبعد طلعة روح ثانيه فتحوا صفحة قطر.
المهم عبينا الفورم للحجز وكان في نهايته هالسؤال:
What is your reason for exhibiting at IGN Convention? Please keep in mind that you cannot sell any of your work.
وعدة اختار منها انك جاي تبيع منتجاتك اللي هي من عملك ورسمك...ومعظمنا حط على هذا الاختيار وتم الحجز
في ديسمبر يرسلون لنا فجأه ان البيع ممنوع بسبب ان هيئة السياحه عندنا ما راضيه تعطيهم ترخيص...قلنا طيّب نشتري الطاولات وننتظر لين بداية فبراير ان تغير شي نشارك عادي وان ما تغير ننسحب ونسترجع فلوسنا.
وتخيلوا طول هالمده يقولون ان الزوار من قبل المعرض لازم يشترون تذاكرهم من محلات Virgin بسعر75 ريال لأن لو انتظروا لين يشترونها في نفس يوم المعرض عند الباب راح يرتفع سعرها لـ100 ريال!!! والناس من خارج قطر تبي تشتريها مسبقا من الموقع لكن فيه خلل ومب شغال....يشتكون واحنا نشتكي لهم لكن مافي استجابه والتواصل معاهم جدا بطيء والرد متأخر.
بقينا على هالحال لا تذاكر ولا تصريح بيع ومنتظرين...لين بداية فبراير سمعنا من احدى المحلات المتخصصه عندنا بأمور الجيمز والانيمي ان منظمين IGN نفسهم أرسلوا لهم دعوه ان يشاركون ويبيعون في المعرض...طيب شلون والبيع ممنوع؟ فبنفسنا تواصلنا معاهم وسألنا ان كان هالكلام صحيح! قالوا "نعم" كلام صحيح والبيع مسموح وانهم سووا المسأله مع هيئة السياحه. طيب يالـ...مادري ايش اقول...ليش ما خبرتونا؟ يعني لو ما سألنا كنا خبر خير لين يوم المعرض ما مجهزين شي! فباجتهادنا تواصلنا مع ربعنا المشاركين وخبرناهم..وهم ولا تعبوا نفسهم يعلنون للكل >_>
وفي أقل من 3 اسابيع كرفنا واشتغلنا وجهزنا...وجانا ايميل يوم الاثنين قبل المعرض بثلاث أيام فيه قوانين وامور توضيحيه وفي الـFAQs جانا هذا الجواب:
يعني واضحه مثل الشمس صح؟
ويوم الثلاثاء نسمع خبر من نفس المحل المشارك - واللي خبرنا بسالفة السماح بالبيع - ان فجأه صار البيع ممنوع مره ثانيه! طيب تواصلوا ربعنا وياهم "ليش وشلون؟" ويقولون ان منظمي IGN يدعون ان هيئة السياحه سحبت الترخيص فجأه بدون سبب!
متنا قهر...بعد ما جهزنا وكرفنا وصرفنا عالطباعه ومنا اللي ما سافروا مع أهاليهم عشان يشتغلون واللي اخذوا اجازه من الدوام..شلون فجأه يصير جذي؟
ونراسل منظمين المعرض ونتصل ولا رد!!!
وفي يوم الأربعاء (قبل المعرض بيوم) يوصلنا هالايميل التعيس من IGN :
وغير هالرساله تفاجأنا انهم غيروا في صفحة حجز الطاولات ولغوا اختيار "بيع المنتجات" ولا كأن شي كان موجود:
http://ignconvention.com/qatar/?page_id=1014
وتخيلوا...الايميل جا الساعه 1ونص الظهر قريب نهاية الدوامات...ليش هالوقت المتأخر والخبر طلع يوم الثلاثاء؟ عشان ما يمدينا نتصرف مثلا؟ الله أعلم
وللمره الأولى يكتبون هالقرار علني في مواقع التواصل الاجتماعي مع انهم دايما يراسلونا بهالاخبار بالخفاء...ليش؟
لكن يستاهلون...ذاقوا كل انواع السب والانتقادات من الناس في المواقع والعالم كلها عرفت بهالشي
وهذا هو الحال...معظم الرسامين انسحبوا...واحنا مثل المجانين نتصل في حماية المستهلك وهيئة السياحه ولا احد رضى يساعدنا...وهيئة السياحه تقول أساسا ما كان في ترخيص للبيع عشان ينسحب..منو يكذب؟ المنظمين ولا الهيئه؟ الله أعلم...ما تحملنا وقمنا كلمنا احدى الجرايد تساعدنا
بعضنا قرر يشارك ويودي بضاعته على أمل يتغير شي..وفعلا يوم الخميس اخذنا معانا كل شي ورحنا وعلى وجوهنا علامات التعب من عدم النوم والانهيار والاحباط والصدمه
وكل من جانا من الزوار عارف الوضع ويقول الحزن والاحباط باين علينا...لكنهم ما رضوا يسكتون عن الوضع وقاموا يلحّون علينا نبيع مع ان البيع ممنوع...والاطفال بالذات ميتين يبغون منا دبابيس وتيشرتات واحنا نقول "لا ممنوع" وهم يلحون واهاليهم يلحون ويحاولون يعطونا المبالغ من تحت الطاوله واحنا محرجين ونرفض...واضطرينا نجامل البعض لكن المنظمين على طول صادونا ومنعونا...وسلطوا علينا عدد يراقبونا من قريب >_>
فقاموا الزوار وعصبوا عليهم وقالوا "احنا ليش دافعين سعر تذاكر وجايين عيل؟ احنا جايين عشان نشتري منتجات الرسامين القطريين وندعمهم..ايش الفايده؟"....وما خلوهم في حالهم..يستاهلون...وعلى اخر ساعتين مجموعه رهيبه من الاطفال اخترعوا حركه للبيع بالخفاء وقاموا الباقي قلدوهم X"D
اللي رفع معنوياتنا هو دعم الناس لنا من قطريين وحتى غير القطريين الله يجزيهم كل خير
ومن كثر ضغط الزوار عالمنظمين اضطروا يسمحون لنا بالبيع في يوم الجمعه لأنها اجازه والهيئه نايمه
وبعنا 95% من اللي عندنا والحمدلله ^^
والمنظمين من خوفهم من فشل المعرض لأن معظم الطاولات فاضيه عطوا هالطاولات لأي رسام يحصلونه ببلاش عشان ينترس المكان...طبعا احتجينا وطلبنا يرجعون فلوس طاولاتنا ايش معنى غيرنا ببلاش؟ :\
هذا بالنسبه لقسم الرسامين...اما الباقي:
دوري سوبرسماش وباقي الالعاب...حسب ما قال لنا واحد من الشباب:
التنظيم فاشل...دفعوهم رسوم للاشتراك...لما جاو انصدموا ان محد نظم الدوريات من الاساس فتبرعوا الشباب وساهموا بالتنظيم...وجابوا لهم لاعب محترف الظاهر مشهور عالميا عشان الناس تجرب تلعب ضده...هذا بعد عليه رسوم عشان تلعب معاه..ايش دعوه؟ تدفع عشان تخسر؟
عروض الكوزبلاي..أي كلام وسريع سريع والاغاني كل شوي تقطع وتشتتوا العارضين! حتى الـVIP المفروض يجهزون لهم كراسي خلوهم واقفين على رجولهم ايش كثر لين جابوا الكراسي...حرام فيهم هالـ500 ريال اللي دافعينها >_>
العالم كلها انتقدت وكل شي فشل ذريع وفي ناس ما قعدت أكثر من ربع ساعه وطلعت...وبعض المشاركين في الدوريات ما كملوا وطلعوا...الصراحه الايفينتات البسيطه اللي يسوونها عندنا طلاب جامعة قطر باجتهادهم تنظيمها أحسن بمليون مره من IGN هذا اللي يقولون اسم عالمي! حتى يوم كنا نراسلهم عشان اجراءات طلب طاولات وللدوريات وهالامور تعبنا وياهم...ما تجينا ردود الا بعد عدة مراسلات وزف...الصراحه كل هالذل على معرض تافه!!!!! وأي معرض ألعاب هذا؟ ما جفنا شي يديد ولا حطوا لنا ديمو ولا شي جديد نجربه ولا كان في اهتمام بالجميز ولا حسينا بوجودهم أصلا!!!!!
هاذي اول سنه لهم يسوون شي في الخليج ولوعوا جبودنا...يبا روحوا ما نبيكم...جايبين لنا أسوأ ما عندكم ولا مهتمين بجودة معرضكم عندنا >_>
يقولون IGN فشل في الامارت والبحرين بعد...الصراحه حتى كوميك كون مع ان تنظيمه اكثر من ممتاز لكن من تجاربي لاحظت التركيز والدعم فيه كله للأجانب سواءا من المنتظمين او من الزوار...والله احسن شي كل دوله يقومون أهلها بعمل مثل هالمعارض والنشاطات نفسهم بدون الحاجه لناس من الخارج ولا لأسماء عالميه
كنت ناويه أكتب موضوع عن IGN واغطي الحدث في المنتدى...لكن بعد البهدله اللي تبهدلناها قلت بدل التغطيه أفضحهم وأفضح تنظيمهم المعفن!
المعرض سمعنا عنه من بدايات 2014 وكنا متحمسين ان اخيرا بكون عندنا شي متخصص للألعاب والرسامين..حدث عالمي كبير للمره الاولى..وفرحنا أكثر لأنه بكون عندنا في قطر بدل ما نسافر لدول ثانيه على أساس في بلادنا الامور أسهل ويكون لنا دعم من الزوار والصحافه وتصير الناس هي اللي تجينا من الخارج.
على نهايات 2014 وبعد طلعة روح فتحوا لنا الموقع عشان نحجز طاولات (هذا بالنسبه لقسم الرسامين) وحجزنا عن طريق صفحة الامارات لأن ما كانوا فاتحين صفحه لقطر...جوفوا العبط من اولها! وبعد طلعة روح ثانيه فتحوا صفحة قطر.
المهم عبينا الفورم للحجز وكان في نهايته هالسؤال:
What is your reason for exhibiting at IGN Convention? Please keep in mind that you cannot sell any of your work.
وعدة اختار منها انك جاي تبيع منتجاتك اللي هي من عملك ورسمك...ومعظمنا حط على هذا الاختيار وتم الحجز
في ديسمبر يرسلون لنا فجأه ان البيع ممنوع بسبب ان هيئة السياحه عندنا ما راضيه تعطيهم ترخيص...قلنا طيّب نشتري الطاولات وننتظر لين بداية فبراير ان تغير شي نشارك عادي وان ما تغير ننسحب ونسترجع فلوسنا.
وتخيلوا طول هالمده يقولون ان الزوار من قبل المعرض لازم يشترون تذاكرهم من محلات Virgin بسعر75 ريال لأن لو انتظروا لين يشترونها في نفس يوم المعرض عند الباب راح يرتفع سعرها لـ100 ريال!!! والناس من خارج قطر تبي تشتريها مسبقا من الموقع لكن فيه خلل ومب شغال....يشتكون واحنا نشتكي لهم لكن مافي استجابه والتواصل معاهم جدا بطيء والرد متأخر.
بقينا على هالحال لا تذاكر ولا تصريح بيع ومنتظرين...لين بداية فبراير سمعنا من احدى المحلات المتخصصه عندنا بأمور الجيمز والانيمي ان منظمين IGN نفسهم أرسلوا لهم دعوه ان يشاركون ويبيعون في المعرض...طيب شلون والبيع ممنوع؟ فبنفسنا تواصلنا معاهم وسألنا ان كان هالكلام صحيح! قالوا "نعم" كلام صحيح والبيع مسموح وانهم سووا المسأله مع هيئة السياحه. طيب يالـ...مادري ايش اقول...ليش ما خبرتونا؟ يعني لو ما سألنا كنا خبر خير لين يوم المعرض ما مجهزين شي! فباجتهادنا تواصلنا مع ربعنا المشاركين وخبرناهم..وهم ولا تعبوا نفسهم يعلنون للكل >_>
وفي أقل من 3 اسابيع كرفنا واشتغلنا وجهزنا...وجانا ايميل يوم الاثنين قبل المعرض بثلاث أيام فيه قوانين وامور توضيحيه وفي الـFAQs جانا هذا الجواب:
يعني واضحه مثل الشمس صح؟
ويوم الثلاثاء نسمع خبر من نفس المحل المشارك - واللي خبرنا بسالفة السماح بالبيع - ان فجأه صار البيع ممنوع مره ثانيه! طيب تواصلوا ربعنا وياهم "ليش وشلون؟" ويقولون ان منظمي IGN يدعون ان هيئة السياحه سحبت الترخيص فجأه بدون سبب!
متنا قهر...بعد ما جهزنا وكرفنا وصرفنا عالطباعه ومنا اللي ما سافروا مع أهاليهم عشان يشتغلون واللي اخذوا اجازه من الدوام..شلون فجأه يصير جذي؟
ونراسل منظمين المعرض ونتصل ولا رد!!!
وفي يوم الأربعاء (قبل المعرض بيوم) يوصلنا هالايميل التعيس من IGN :
Hi Artists,
It brings us great sadness to announce that we have been informed by the Qatar Tourism Authority (QTA) that our sale license has been revoked.
This means that no one in the exhibition is allowed to sell anything, including the artist alley, retail, exhibitors and our own stands.
You are still permitted to showcase your art, take appointments, hand out business cards and networking. If you were planning on selling artwork at your artist alley table, we will be able to refund your booking in full, and still let you exhibit at the show.
We certainly understand if you do not want to attend, but we really wish to see you all there and hope you would still like to attend and showcase your work. We truly believe in supporting local artists.
It brings us great sadness to announce that we have been informed by the Qatar Tourism Authority (QTA) that our sale license has been revoked.
This means that no one in the exhibition is allowed to sell anything, including the artist alley, retail, exhibitors and our own stands.
You are still permitted to showcase your art, take appointments, hand out business cards and networking. If you were planning on selling artwork at your artist alley table, we will be able to refund your booking in full, and still let you exhibit at the show.
We certainly understand if you do not want to attend, but we really wish to see you all there and hope you would still like to attend and showcase your work. We truly believe in supporting local artists.
وغير هالرساله تفاجأنا انهم غيروا في صفحة حجز الطاولات ولغوا اختيار "بيع المنتجات" ولا كأن شي كان موجود:
http://ignconvention.com/qatar/?page_id=1014
وتخيلوا...الايميل جا الساعه 1ونص الظهر قريب نهاية الدوامات...ليش هالوقت المتأخر والخبر طلع يوم الثلاثاء؟ عشان ما يمدينا نتصرف مثلا؟ الله أعلم
وللمره الأولى يكتبون هالقرار علني في مواقع التواصل الاجتماعي مع انهم دايما يراسلونا بهالاخبار بالخفاء...ليش؟
لكن يستاهلون...ذاقوا كل انواع السب والانتقادات من الناس في المواقع والعالم كلها عرفت بهالشي
وهذا هو الحال...معظم الرسامين انسحبوا...واحنا مثل المجانين نتصل في حماية المستهلك وهيئة السياحه ولا احد رضى يساعدنا...وهيئة السياحه تقول أساسا ما كان في ترخيص للبيع عشان ينسحب..منو يكذب؟ المنظمين ولا الهيئه؟ الله أعلم...ما تحملنا وقمنا كلمنا احدى الجرايد تساعدنا
بعضنا قرر يشارك ويودي بضاعته على أمل يتغير شي..وفعلا يوم الخميس اخذنا معانا كل شي ورحنا وعلى وجوهنا علامات التعب من عدم النوم والانهيار والاحباط والصدمه
وكل من جانا من الزوار عارف الوضع ويقول الحزن والاحباط باين علينا...لكنهم ما رضوا يسكتون عن الوضع وقاموا يلحّون علينا نبيع مع ان البيع ممنوع...والاطفال بالذات ميتين يبغون منا دبابيس وتيشرتات واحنا نقول "لا ممنوع" وهم يلحون واهاليهم يلحون ويحاولون يعطونا المبالغ من تحت الطاوله واحنا محرجين ونرفض...واضطرينا نجامل البعض لكن المنظمين على طول صادونا ومنعونا...وسلطوا علينا عدد يراقبونا من قريب >_>
فقاموا الزوار وعصبوا عليهم وقالوا "احنا ليش دافعين سعر تذاكر وجايين عيل؟ احنا جايين عشان نشتري منتجات الرسامين القطريين وندعمهم..ايش الفايده؟"....وما خلوهم في حالهم..يستاهلون...وعلى اخر ساعتين مجموعه رهيبه من الاطفال اخترعوا حركه للبيع بالخفاء وقاموا الباقي قلدوهم X"D
اللي رفع معنوياتنا هو دعم الناس لنا من قطريين وحتى غير القطريين الله يجزيهم كل خير
ومن كثر ضغط الزوار عالمنظمين اضطروا يسمحون لنا بالبيع في يوم الجمعه لأنها اجازه والهيئه نايمه
وبعنا 95% من اللي عندنا والحمدلله ^^
والمنظمين من خوفهم من فشل المعرض لأن معظم الطاولات فاضيه عطوا هالطاولات لأي رسام يحصلونه ببلاش عشان ينترس المكان...طبعا احتجينا وطلبنا يرجعون فلوس طاولاتنا ايش معنى غيرنا ببلاش؟ :\
هذا بالنسبه لقسم الرسامين...اما الباقي:
دوري سوبرسماش وباقي الالعاب...حسب ما قال لنا واحد من الشباب:
التنظيم فاشل...دفعوهم رسوم للاشتراك...لما جاو انصدموا ان محد نظم الدوريات من الاساس فتبرعوا الشباب وساهموا بالتنظيم...وجابوا لهم لاعب محترف الظاهر مشهور عالميا عشان الناس تجرب تلعب ضده...هذا بعد عليه رسوم عشان تلعب معاه..ايش دعوه؟ تدفع عشان تخسر؟
عروض الكوزبلاي..أي كلام وسريع سريع والاغاني كل شوي تقطع وتشتتوا العارضين! حتى الـVIP المفروض يجهزون لهم كراسي خلوهم واقفين على رجولهم ايش كثر لين جابوا الكراسي...حرام فيهم هالـ500 ريال اللي دافعينها >_>
العالم كلها انتقدت وكل شي فشل ذريع وفي ناس ما قعدت أكثر من ربع ساعه وطلعت...وبعض المشاركين في الدوريات ما كملوا وطلعوا...الصراحه الايفينتات البسيطه اللي يسوونها عندنا طلاب جامعة قطر باجتهادهم تنظيمها أحسن بمليون مره من IGN هذا اللي يقولون اسم عالمي! حتى يوم كنا نراسلهم عشان اجراءات طلب طاولات وللدوريات وهالامور تعبنا وياهم...ما تجينا ردود الا بعد عدة مراسلات وزف...الصراحه كل هالذل على معرض تافه!!!!! وأي معرض ألعاب هذا؟ ما جفنا شي يديد ولا حطوا لنا ديمو ولا شي جديد نجربه ولا كان في اهتمام بالجميز ولا حسينا بوجودهم أصلا!!!!!
هاذي اول سنه لهم يسوون شي في الخليج ولوعوا جبودنا...يبا روحوا ما نبيكم...جايبين لنا أسوأ ما عندكم ولا مهتمين بجودة معرضكم عندنا >_>
يقولون IGN فشل في الامارت والبحرين بعد...الصراحه حتى كوميك كون مع ان تنظيمه اكثر من ممتاز لكن من تجاربي لاحظت التركيز والدعم فيه كله للأجانب سواءا من المنتظمين او من الزوار...والله احسن شي كل دوله يقومون أهلها بعمل مثل هالمعارض والنشاطات نفسهم بدون الحاجه لناس من الخارج ولا لأسماء عالميه
التعديل الأخير: