الموضوع الرسمي للـ Comics!

DoN JoKeR ~ قال:

محتوى مخفي: ....

http://im42.**********/j8imC.jpg

ثاني كوميك باتمـان امتلكه .. الأول كان The Killing Joke بما اني داي فان للجوكـر :inlove:
قرأت ان الكوميك هذا يحكي عن بداية باتمـان وينصح به للجدد على سلسلة كوميكس باتمـان .. قلت اختيار مناسب لي

بقرأها قريبا ان شاءلله .. btw, شي غريب ان مايعجبني من السوبر هيروز الا باتمـان ؟ جربت سوبرمان وسبايدرمان وديد بوول كلهم ماعجبوني
عندكم نصايح لسوبر هيرو ممكن يعجبني غير ذول الثلاث الي فوق ؟

أنقر للتوسيع...

ثور

^

نعم ؟

DoN JoKeR ~ قال:

^

نعم ؟

أنقر للتوسيع...

شخصية كوميك اسمها thor

اهاااا .. لوووول راح بالي بعيد :laugh::

ههههههههههههه عبد العزيز قاصدها مو؟ :joy:

YaWad قال:

^
يعطيك ألف عافيه يا يزيد بإذن الله راح أبدا أقرا دير ديفل
أفتكر شفت الفلم زمان وعجبني مره بالرغم اني متأكد أنه كان مخيس ههههه
حالياً قاعد أحمل التورنت إلي حاطه وناشب لي عند 97% مهو راضي يكمل
بالنسبه للكوميكس الثانيه بشوفها بعدين
أما سبايدي ههههه ملاقي صعوبه كبيرة أتقبله بعد الميمز إلي طالعه عليه

أنقر للتوسيع...

لول حلو انك شفت الفلم, عندك فكرة يعني ( بصراحة بن افلك ياليته عمل فلم ثاني من DD بدال ما يروح لباتمان -_- )
سبايدي للجدد, مافي أحسن منه , يعني فللة وقصته واضحة والبشر شايفة افلامه.

======


بديت أقرا كوميك جديد , سكارليت ( للي يحب V for venteda , بيعجبه هالكوميك )

شباب ""اكتشفت"" و أخيرا موقع يترجم كوميكس ... ما أدري اذا تعرفوه , عموما هذا هو

http://www.comicsgate.net/

لعبة باتمان الجديدة فتحت نفسي لباتمان من جديد :clap: قررت أني أفتح كم كتاب كنت خايف أفتحهم .. اول زمان -_-, من كتابة جرانت مورسن :: ( تجربتي معاه كانت سيئة نوعاً ما ) الحين مسوي شغلي تمام, بادي شوي قريب من الزيرو : )
Batman and son
, Batman the black glove,
batman rip



مدري أحط سبويلر أول لا :neutral_face: .. ببدى انطابعي من باتمان اند سون. باتمان طلع عنده ولد! أحببت دايمون على طول. بداية علاقته مع أبوه ضحك :::: (وروبن لول) الولد طالع متمرد! في شوي غباء هنا وهناك لكن عموماً الكتاب طالع حلو وأنا ارتحت مع مورسن. شغله مع الشخصيات عجبني. بس القصة فيها شوي فهاوة احس. وماعجبتني القصة الأخيرة حقت المستقبل , مالها داعي.

البلاك جلوف, يإلهي O_O أول قصة, دخلت جو واتش مان + كتاب اجاثا كرستي there is none , متعة (هنا بدينا ندخل في القصة الكبيرة ).. وقصة الThree cops ! سحقاً , هذا كان الهاي لايت بالنسبة لي. (طبعاً الكتاب هذا تكملة للأول, القصة اللي بدت بأول صفحاته) .. فيه ثلاث أشباح لابسين ملابس باتمان ,, ايش السالفة؟

ملاحظة صغيرة, دائماً يرتفع ظغطي يوم أسمع في IGN وفي أي مكان أنه باتمان أعظم محقق في العالم! انا اللي قاهرني أنه غصب حاطينه ذكي, مو حاس بهالذكى. الأن بديت أحس :clap:

هالشابتر كان بطل, كتابة مورسن :clap::clap::clap: تحليل باتمان للموقف وردت فعله, باتمان عرفنا عنده تجهيز مو طبيعي, غير المعدات, كل يوم قاعد يدرس ,يحط نفسه في مليون سيناريو , أفخاخ , مصايب, مجهز خطط للتعامل مع كل شي ( شغلات ماح تخطر على بالك ). ألفرد قاعد يعملنا كيف بروس مهووس بالبرفكشن, يعني مو بس اساليب القتال ممسترها. بل برضو الفلسفة والتفكير الخ. سحقاً! مقتل أهله خلاه كل هذا؟! وشوف شعل الهستريا ماوقف , الكتاب الثالث, Rip اللي هو تكملة التكملة, الكونكلوشن. والله جاب فكرة مجنوة.
Rip والقصة بشكل عام بالحقيقة شوي ملحوسة بس برضو لذيذة , وانا مدري حبيته ولاكرهته, رحت الوكيبديا عشان استوعب نص اللي صاير :sweat_smile: وعرفت انه فيه لحوسة ولازم اقرا كتب جستس ليج وغيره , وفيه أفنت>< أنلحس مخي. ماحب الكروس أوفرز نهائي. ليش لازم تلحسون مخي.
هالكتاب والله طلع شطحات واسئلة عجيبة
مدري اذا حاس أني ابالغ أو لا , بس والله هالقصص كانو روعة, فيهم ذكى. شي عجيب ماتوقعت أشوفه, مرة ريفرشنج بصراحة لاني مليت نوعاً ما من القصص الإعتيادية الى أشوفها في باتمان. مورسن, عجبتني كتابته للشخصية , ولو ان القصة ملحوسة.

اببدأ اليوم بكيلينج جوك,وبعدها دارك نايت ريترنز ان شاءالله..

عموما جاي أقول اللي ما قرا Death in the Family تراهو ما قرا باتمان,خورافيه وممتعه جدا وحركة ذبحة روبن حركة شجاعه من الكتاب ووضحت جانب عاطفي عند باتمان(موتته موب سبويلر على فكرة,من غلاف اللعبه تعرف انه مات).

( قلت نفسي أخلي الموضوع يموت أزين *_* )



Swamp thing
(1983)

من كتابة ألن مور، هاالست كتب، هالجراقك نوفل ، هال ... هال ... مو بس اعتبره من أروع أعمال الكاتب ،بل اعتبرها من أجمل الأعمال اللي خرجت فيها من الكوميكس كله !! . مفاجئة حقيقية ! فيه كثير أعمال قريتها وكثير منها اقدر اتخيلها كمجرد رواية .. لكن سوامب ثنج هو واحدة من الحالات الاستثنائية القليلة، ما اقدر أتخيلها غير كذا!!
هنا انتبهت حقيقتاً على البوتنشل الفعلي لهال مديا @_@ وكيف انه أكثر من مجرد كتابات + صور. هذي لوحة كلها لمعان من حس فني راقي ..وتصرخ شعر!! .. الإنسان والطبيعة. ( للي حاس نفسه مجبور يعبي الصفحة تكست للجنان بس .. صلحلك رواية ياخي )

الكتاب من إصدار الثمانينات، وقبل صدوره.. الكوميكس والسوبر هيروً كله كان بسيط وخفيف وعبيط و و و و p:
لكن السبع السنين اللي طلع فيها الأخ، عملت ثورة ، ألن موور (وكمان فرانك ميلر, كاتب سن سيتي, باتمان ..الخ ).. كانوا سبب في نضج هال ميديا للي هي عليه الآن. (كلام البشر )

وأي شي يدخلوه فيه دايم يطلع أسطوري. ولا استثناء هنا ..
هالشخصية ها النبتة .. أيا كان ، يدخل المفضلة. أول مرة أشوف كائن !!! ، شي عجيب بشكل ذا.
بالبداية كنت متردد بدخولي، لان السلسلة لم تبدأ مع ألن موور بل كان هناك كُتاب قبله. فتلحوست عاد اقرأهم أول أو لا. سعيد اني سحبت >_> الكاتب عبقري .. وبدايته مع الشخصية اعتبرها الصفر الحقيقي.

سوامب ثنج بدون ما أقرأ شي عن الشخصية متأكد انه شي زي كذا..بروفيسور ، جاه حادث بمختبر، تحول بعدها لكائن أخضر. لول وهذي هي السالفة. ألن مووور حول هالمصخرة إلى شي ما حد قدر يتخيله، (الأفكار والخيال اللي قدر يطلعه )



" the anatomy lesson" هالشابتر وبداية الكاتب الحقيقية ... عبقري !!!!!! عبقري !!! عبقررررر(اللف مرة)رررري أفضل سنجل تشابتر قريته في أي كوميك برااااحة وبدون مجاملات. برفكتيييي من كل ناحية ( لزيادة الهايب>>.. في أي مانجا، رواية، لعبة، مسلسل، مسلسل كرتون ...الخ الخ أحسن شي بالحياة .. هايب هايب ، لهالدرجة شايفه دمااااري ). سرد عبقري وفكرة مجنونة وتوست ألليم .. غيرت نظرتي عن هالشخصية وصدمتني. ثلاث مرات سكرت الكتاب ،، لأتنفس بس !

تذكرت سبايدرمان ، في احد الكُتاب حاول يلعب ب اورجن الشخصية .. مصدر قوته تحديدا . ويقولك .. "ايش لو فيه شي جا قبل العنكبوت؟" لوول .. يقلدو بعض ذولا p:
من كل الاورجن (لهالناس الخارقة) ،، مافي شي فجر بمخي زي سوامب ثنج.

عموماً أنا بالكتاب الرابع. ماحصلت الخامس والسادس لسا. ما كان ودي أكتب شي , الا من الفجعة يوم لقيت هال ... جوهرة. والله أنا اكره الكتب القديمة .. وذا فجعني بروعته, ونضجه , وكيف اني تسليت جداً معاه.. ( وجاء قبل نيل جايمن وسلسلة ساند مان@@ )

دخلت أخيراً في سوبر مان. لان الكومكس الحين مش مبزرة وعبط زي زمان. متحمس أشوف الشخصية الأقوى في العالم، البرفكتية، اللي ماتغلط .. الوسيم ، ساحر البنات ... الخ الخ مع كاتب عنده مخ. يا الله!!! كيف بيعاملها .. ايش ممكن يصير. الفكرة هذي ضلت تقتلني @_@


all star superman

ماخيبني الكاتب جرانت مورسن.. أعطى الشخصية حقها وزيادة :") والله رحمته، سوبرمان بكتب باتمان مو طالع غير .. انه يرفع الضغط . اول شئ هنا الفلسفة، شي رهيب ( قوته مالها حد ، سوبر مان كلما مايقرب من الشمس غير قوته ، ذكائه، خياله ، فضوله كلش يتوسع) ،،، ثانيا، شخصيته ما احلاها .. إنسان هادئ ومو شايف نفسه و و و ينحب !!! حتى جانبه الثاني كا كلارك :"( كل لحظة ، ومع تمثيله لشخص الاخرق، كل مرة يقع ويعملي فيها موقف طريف أو غبي .. تكتشف انه لايزال يساعد الناس .. في تلك اللحظة !!! في تلك ثانية!! .. بأسلوب لول ..والله الكتاب كله تجميل بشخصية بشكل .. تبا!! ممتاز )

شخصية أخرى ابدع كمان في إظهارها .. لكس لوثر. برافوو !! الشخصية طالعة ذكية ، ، مضحكة ، مثيرة للاهتمام .. علاقته وكرهه لسوبرمان رائعة أخرى هنا. قسم ضحك.. يعني غيرته وكرهه مالهم حد. سوبرمان المفروض ما جاء الارض ، خرب الجنس البشري بقدومه .. كنا الحين طلعنا علاج للسرطان و وصلنا للقمر و و و و الخ لكن بسببه .. الزبدة لكس لوثر يشوف سبب المصائب وعدم البلوغ عند الجنس البشري كله كله من سوبر مان!!! العالم صار متكل عليه وماحد صار يبي يوصل للقمر .. (سوبرمان يطير فينا لهناك *_* )

نعود لكلارك .. تنكره طالع جداً مقنع !! قاعد ينفخ بكرشه,يدنق برقبته . ..ًالخ يعني مو بس هي النظارة >_> وتحية شكله الدوركي الاخرق خطير. وقبل لا أنسى .. الرسام .. الأرت هنا جميل .. جداً جميل. ( حزنت يوم شفت الفلم المقتبس ما قدر يرسمه بنفس الشكل .. لأن جزء كبير من رهابته كانت هنا, مو عاجبني عارض الأزياء وحركات الهاندسوم والجنتل مان .. الخ p: )

تقييمي 5/4




Last son of krypton

هذا كتاب برفكتي ،، انصح فيه للجدد. فيه أكشن حلو، مع أرت تحفة، كتابة متماسكة .. وواضح ، مافيه لحسة مخ. استمتعت فيه جداً.

(سبويلر ؟) أبو كلارك قاعد يموت وينادي لابنه الوحيد، الذي الان قاعد في مجرة ثانية!!!! كلارك كان مشغول ويضحك , وفجئتاً " Paaaaa!!!!"صرااااخ ، ينادي لابوه ، قدر يسمع صوته من هالبعد؟ !!! (والله كبر بعيني) انجن كلارك، وبلا تردد وووووف .. يطير مسافة تبلغ ##### بسرعة ##### !!! ليصل الأرض.. ويجد نفسه يعيش آخر لحظات والده :"( ... الكلنكس وين راح. ابعدو عني الفلم الاخير .. :stuck_out_tongue_cl ( كلام ذا فقش ، بس واحد بيحمسني للكتاب وأنا اسمعه مخيلتي طارت لي بعيد. كلارك ماكان بمجرة ثانية بل )

بالنسبة لي بس ناقصه الخيال او المخ اللي ب all star >_>

5/4


Red sun

هذا من كتابة مارك ميلر .. كاتب kick ass و wanted ( لهم أفلام )

هذي "what if story" .. ايش لو سوبرمان ماطاح في أمريكا .. بل الاتحاد السوفيتي.
يخرب بيت النهاية!!! .. نجم الكتاب مجددا هو لكس لوثر.. أبو أي كيو ### الانسان اللي يقدر يحل مشاكل العالم في يوم وليلة.. اذا يبي ، بس مايبي >_> .. للان اشوف الاخ مو شاطر غير يتفلسف.
فاكت عن لكس لوثر وليش هو رهيب : جلسة واحدة .. يقدر يخلي سوبر مان ينتحر في 14 دقيقة. أو.. 5/5


secret identity
اخر كتاب فتحته للشخصية و ... من افضل الكوميكس اللي قريتها بحياتي !!!!
هذا كله سسبنس, أرت خورافي لأبعد حد وكتابة ... يووووه من اللي كتب هالتحفة ( طلع كاتب استرو سيتي @@ )
عموماً أنهيته بجلسة واحدة .. ومن زمان عن أخر كتاب خلاني أخلصه كيذا.

“Maybe I had a "secret identity", but then when you think about it, don't we all? A part of ourselves very few people ever get to see.

أنقر للتوسيع...

صح, كل الكتب ذي ستاند لحالها ، مالها علاقة ببعض.

ناوي إن شاء الله أبلش بقراءة باتمان ... فيا ريت لو تعطوني ترتيب الكتب الي ﻻزم اقرأها ووين أقدر أﻻقيها على النت ... علما بأني ما مريت على ردود الموضوع فلو حد تطرق لهالشيء يا ريت لو تعطوني رابط الرد المباشر ::

^^^
الصفحة الثانية >_> ثاني رد.
تحصلهم؟ تورنت.


======


gotham central

قاعد أقرء هذا الأن oint_up_2:، من كتابة إد بروبيكر وجريج روكا، والارت من الفنان مايكل لارك *_* >>> اعشق رسم هالأدمي!

اللي شاف مسلسلات بولسية وطقات..... هذا نفس النظام, جريمة وتحقيق. الكتاب مركزلك على شرطة جوثام واللي اذا قريت أخر كتب لباتمان ... يرفعو الضغط بشكل مو طبيعي >< !!! يعني جداً ما منهم فايدة والا أيش؟! ( بذات كتب سكوت سنايدر .. عمل فيهم مجزرة مو صاحية -_- )

عموما جوثام سينترال >>> واقعي، ونواري بشكل حلو .. وأحلى مافيه أنه باتمان طالع كا شخصية جانبية xD وراح تشوفه من عيون الشرطة والمحقيقين ( كاست رهيب! ) ..وعلاقتهم معاه؟ كيف شكلها ،، كل من هالامور عرضت بشكل جميل. (غير كم لحظات بايخة بالبداية ) وطبعا اهم شي نشوف شرطة جوثام وضع الاكشن : ) والله طلع لهم حس لول. وايضاً نقطة مهمة .. هذي جوثام, بلد تو فيس, البطريق ,, وفريز .. والخ من باقي الشلة ( اللي سبحان الله ,, ما يقوى عليهم غير باتمان؟ المصخرة ذي مو هنا p: ) + الناس العادية .. تبي تشوفهم كمان, مواطنين جوثام. أحححح جداً هالنقطة أشوفها مثيرة ولو شوي بالنسبة لي


الكتاب الأول عجبني لكن .. مش بالمستوى المطلوب. أنا اعتبره مقدمة لا أكثر لشخصيات. تتعرف عليهم وتحفظ أسمائهم p: (في حركة درامية رفعت لي ظغطي بآخر قصة واللي يقهر حاصلة جائزة >_> لا تعليق. دراما رخيصة)

عموما، الكتاب الثاني هنا الحماس. من أول شابتر , daydreams and believers .. واو, هذي هي الكتابة الزينة، استمتعت فيه من بدايته لنهايته k_hand:. الحلو في هالشابتر الكومنتري وتعليقات موظفة الاستقبال عن قسم الشرطة والناس العاملة فيه : ) جوثام مدينة مريضة، وكل يوم تشوف مصايب وأنواع .. المهم الشرطة دايم وسط هالامور، فأحد تعليقاته :

"These men and women investigate the most heinous crimes you've ever heard of. They walk through bloodbaths looking for answers for dead people .. And yet they spend half their time cracking me up"

xD
(ايش هالإحساس الجميل )

والقصة اللي بعدها soft targets .. الجوكر يا ولد :") مرة ذي ذكرتني بفلم دارك نايت... الفوضى والهلع في كل مكان. عندك الجوكر من جهة ، باتمان من جهة ، والشرطة والمدينة بأكملها من جهة أخرى.
حمااااس مو طبيعي !!! . وفي حاجة بذات برااافو على الكاتب ( في كتاب سكوت سنايدر .. الجوكر طالع خااااارق.. بس عموما عشان ما احرق ،، ودي بروبيكر يكتب باتمان بس بنفس أسلوبه هنا p: ) هذي من أحلى قصص الجوكر الي قريتها. براحة من ازين قصص الكتاب للان. أتمنى الكتاب الثالث يكمل على هالمستوى .. جدا مستمتع باللي شايفه.

صح, نقطة غير مهمة لكن جوردن!!! مب موجود k_hand طلع معتزل ويدرس الإجرام-لوجي بجامعة جوثام : ) .. سعيد انا. + باتمان ولو طلعاته خفيفات جداً, ما عندي مشكلة.
- سلبية ,, مايكل لارك ما رسم كل القصص : ( .. تباً! رسمه للجوكر رهيب.

أخر شي .. فيه مسلسل تلفزيوني بسم جوثام شغالين عليه الان, نفس الفكرة بيكون. هههه لكن اللي يضحك انه حتى في هذي مارفل سبقتهم :stuck_out_tongue_wi

^
ما أدري كيف تقارنون DC بمارفل.. في فارق في الجوده بين الشركتين حتى لو الأولى متأخره وقتياً عن الثانيه.. DC تعتني بعالمها كتابياً جداً وتعين افضل المخرجين لأفلام ابطالها وأفضل الرسامين والكتاب لقصصها المصوره بينما مارفيل قصصها اقل بكثير وافلامها نفس الشيء ولو انهم اخراجياً مقبولين.

ماني قادر اصف الحماس اللي خالجني مع ارك محكمة البوم.. باتمان وإجابة سؤال "جوثام تكون.." وكيف تطور الشخصيه.. تشابتر المتاهه مجنون رسومياً وكتابياً.
غير نظرتي عن قصص باتمان تماماً.

واللحين ارك موت العائله ورجوع الجوكر.. في بدايته لسا وشكله بيكون ايبيك.. وكالعاده الجوكر من النوع اللي مستحيل تتوقع ايش بيسوي.. على قولة باتمان "ما يتوقع حركات المريض النفسي الى مريض نفسي زيه".

تعديل: لازم تقرؤون "the man who loughs" , شيء عظيم لأعظم فاليان.. الكوميك ذا يبينلك قد ايش ان الكل ضعيف امام جنون الجوكر.

^^^^^
نظرتي ولو أني قريت جزء بسيط من مارفل و دي سي. كلهم نفس الشي >_> حتى الكُتاب والرسامين لو تبي تلاحظ لهم تاريخ وأعمال بكل الشركتين :laugh:: عندهم كتب خورافية فعلاً, والخاااااايسات كمان موجودات. والأغلبية اللي يقول واحدة من الشركتين احسن من الثانية, ما قرء الخياس لسا :: بعيداً عن جودة الكتب .. فيه ميزة حلوة من مارفل, كتب "omnibus" الكولكشن, الجامعة لكل شي .. كاثرة عندهم أكثر من dc. وغير انه سهل تلحق بكتب مارفل وترتيبها ,, طلعت بتجربة أحسن معهم من هالناحية. DC اذا تبي تمشي مع سكوت سنايدر وكتبه كورت أوف أولز "المجلد الأول" ثمن 2 " ستي أوف أولز ".. ثمن 3 "موت العائلة" ( سبويلر لنقطة بثالث: الجوكر وجهه مختفي @@!!! وش السالفة؟ ما قالو. طلع فيه كتاب بس برا هالترقيم ويقولك السالفة.. النظام الترولي والملحوس ذا أكرهه!! خلو سنايدر لحالوه, والتفرعات اللي مالها داعي واللي بس تلحس المخ بوجودها.. لاتعليق. )
سيء جداً سيء oint_up_2: دخلته بس لأشوف شلون الجوكر قطع بوجهه. (اسم المجلد faces of death .. مرقمينه على أساس بيكملوه ثمن سحبو عليه >,> )
و على طاري مسلسلاتهم, انا لا شفت "أيجنت أوف شيلد" أو "أرو" .. لساتني. أرو متحمس له! لكن شيلد مالي نفس أشوفه أبد, ما حرك الفضول عندي, ومن إنطباعات الناس شكله اي كلام. مسلسل "جوثام" ولو أنه بيجي بعده .. اذا بيطلع أي شي قريب من جوثام سنترل "الكتاب" :laugh:: فبتحمس. المشكلة انا اللي يضحكني انه دي سي متأخرة هنا ولما يطلعو بعد مارفل .. لول الشغلة عندي تضحك ومريبة قليلاً xD .. يعني حسيت لو مارفل ما عملت كيذا ونجحت ,, dc ما كانو تحركو.

نقطة قوية لمارفل بالنسبة لي .. شخصياتي المفضلة كلها عندهم =) وأفلامهم والعابهم من صغري مستمتع فيها.

3/5 تقييمي لRUN سكوت سنايدر بباتمان للأن.
كورت أوف أولز, سيتي أوف أولز .. ماعجبوني كثير بصراحة مع اني استمتعت فيهم, لكن يضلو إحبااااط وهذا بعد كل المدح اللي شفته.
البومات ياكلو الوطاويط؟ توني أدري لكن ما عجبتني الصدفة هنا >_> .. وحركة الجماعات السرية اللي ما يدري عنها باتمان طلعت من قبل.
وحاجة نرفزتني جداً .. اللي هي جوثام, جوثام , جوثاااام .. بس خلاص P:
وبعد كل التعذيب اللي أكله بروس !!!! ,, طاب بسرعة لول؟ ( جزئية التعذيب كانت حلوة *_* )
( يب, كنت داري! ) لا جديد لا جديد >_>

وكمان الأرت .. أمممم ما عجبني كثير .. :stuck_out_tongue_wi

الخ الخ.

===


موت العائلة, لما الجوكر راح ليزور جوردن ليسترجع وجهه.. اللي عمله مش معقول :/ (والله أني فرحت يوم أقرء جوثام سنترل >> واضح الفلم أخذ إلهام كبير منه!! الواقعيه وبعض الأحداث, و..... هيث لدجر!!!! الجوكر بذات .. )
عموماً اللي عجبني ب"موت العائلة" .. بديت أحس الكاتب مدرس كيمياء p: هههه غير فهمه بالمركبات الكيميائية والفلسلفة..

لازلت أتمنى سكوت سنايدر يحسن من مستواه قدام. ( السلسلة الوحيدة اللي قاريها ومن كتابته غير باتمان كانت American vampire وهذا الثاني كان مشي حاله )

سبويلر لنقطة بثالث: الجوكر وجهه مختفي @@!!! وش السالفة؟ ما قالو. طلع فيه كتاب بس برا هالترقيم ويقولك السالفة.. النظام الترولي والملحوس ذا أكرهه!! خلو سنايدر لحالوه, والتفرعات اللي مالها داعي واللي بس تلحس المخ بوجودها.. لاتعليق.

أنقر للتوسيع...

الأرك مو بس منحكر في كتب باتمان, عالم جوثام وابطاله كلهم يمرون بالأرك ولهم قصص خاصه في الأرك, مثلاً بداية ارك عودة الجوكر Detective comics #1 بعدين تمر غلى الفرقه الإنتحاريه وكيف يمسكون هارلي اللي بتاخذ وجه الجوكر, وبعدين مباشرةً على كوميك البات وومن #1 وبعدين الكات وومن #13 و #14.. وهكذا, تمشي على ترتيب معين, عشان تفهم كل شيء لابد تمشي على هذا الترتيب. حتى ارك محكمة البوم فيه نفس الحاله.. بالعكس الطريقه ذي احلى شيء, توريك قد ايش عوالم ابطالهم مترابطه مع بعضها والتغير في كوميك باتمان يطال كل كوميك في عالم DC. حبيت الحركه.

^^^
حلو ياخي لو هم مرتبيلك اياها .. حلو لو كلها تلقاها بكتاب واحد, أنا ماشي على ترقيم صحيح ثمن أكتشف فيه كروس أوفرز ولازم أقرء الكتب الفلانية لأفهم اللي صار هنا .. ولا, كمان لازم ترتيب معين (الشغلة معاناة بالنسبة لي :: وهم مو مسهلينها.)

شباب كيف مستوى
Batman: The Black Mirror
American Vampire
i vampire

في كوميكس ممتازة لـ Catwoman ؟ حتى لو تكون لـ باتمان بس كاتوومان تلعب دور كبير فيها, عادي.

the long halaween كوميكس لباتمان, كات وومن تلعب دور فيه..
ما أعرف كوميكس ثانيه لباتمان تحتوي كات وومن, بس اقرأ الnew 52 تبعها, نازله 14 شابتر تقريباً وممتعه..

belmont قال:

شباب كيف مستوى
Batman: The Black Mirror
American Vampire
i vampire

أنقر للتوسيع...

(أول أثنين من نفس الكاتب )

the black mirror .. تحذير!! الكوميك ذا عليه سالفة مسودة جداً جداً@@!! سواءاً باتمان أو لا, وجدت الكوميك مريض بشكل مو طبيعي, وأكبر فجعة انه باتمان!! والله أبد ماتوقعتها منه. باتمان صحيح صاير مسود وعنيف من زمان, بس بلاك ميرور.. مايصلح للقلوب الضعيفة نهائي. وحاجة ممكن تسد البعض.. بس باتمان اللي هنا مش بروس بل ديك جريسون (اللي هو روبن الأول ), وقبل قرائة هالكتاب لازم لازم .. قراءة The killing joke, لأنه .. ما بخرب.
بصراحة ولو انه جابلي الإكتئاب ( يوم استعيره, كنت أدور شي وناسة .. طلعت بفلم رعب ) لكن كل ما مر الوقت (من زمان قاريه) ودي ارجعله مرة ثانية, وبذات اني وقتها كنت ضايع. ( يعني مثلاً ..وين راح بروس؟ ليش ديك صار باتمان؟ .. وأسئلة كثير. يعني للي ما عنده فكرة عن تاريخ باتمان ماح يستمتع فيه بشكل المطلوب)


American Vampire
كاوبويز, مصاصي دماء ,, وكل شوي قفز, بين الماضي والحاضر.
جيد, ما عجبني كثير لكن أستمعت فيه والأرت فيه حلو,, قريت أول ثلاث مجلدات .. هو كلما يمشي يتحسن.. بس ماهو أحسن من TWILIGHT :stuck_out_tongue_wi

الكتاب الأخير ما قريته.

Don JoKer قال:

في كوميكس ممتازة لـ Catwoman ؟ حتى لو تكون لـ باتمان بس كاتوومان تلعب دور كبير فيها, عادي.

أنقر للتوسيع...

ليش catwoman يعني ؟ .. أعرف BATMAN HUSH >>> لها دور كبير فيه.

crazy_apple قال:

ليش catwoman يعني ؟ .. أعرف BATMAN HUSH >>> لها دور كبير فيه.

أنقر للتوسيع...

ليش لأ ؟ هي تعجبني. تصرفاتها, حواراتها, شخصيتها ككل .. من نوع الشخصيات الي plain fun to watch/read بدون مايكون في تعقيد او عمق في شخصياتهم
خصوصا لمن تكون مع باتمان, ثنائي رهيب!

شكرا عالتوصيات : )

يعطيك العافيه crazy apple .. حمستني ل بلاك ميرور جداً .

http://acomicbookblog.com/2011/03/batman-where-to-start-reading/

المقال ذا بيفيدك جداً.

باتمان انعمله ريبوت كامل وشخصيات DC كلها.. بعد ما تقرأ اهم الكوميكس في المقال(مو كلها.. بعضها) ابدأ في الريبوت.. جداً مستواه ممتاز.

The Killing Joke - The Man Who Loughs اهم قصتين. لازم تقرأهم في اقرب وقت.

اوكيه عملت بحث ثاني وجالس أنزل كل كوميكات (جمع كوميك ) باتمان الأساسيه والمهمه ..
بالنسبة ل Batman Year One معمول له فلم أنميتد وقارنتها بالكوميك نفسها بالضبط ..راح أشاهد الفلم أفضل لي

وأرفق لكم القائمة لتعم الفائدة للكل .. اللي بالهاش # هم الأساسين ومهمين must read

​

Where To Start Reading: Batman

#Year One
Batman: The Man Who Laughs


#The Long Halloween & Dark Victory
Batman: The Gauntlet and Robin: Year One


#The Killing Joke
Arkham Asylum: A Serious House on Serious Earth


#Death in the Family
Batman: A Lonely Place of Dying & Robin: A Hero Reborn


#Knightfall Part 1-3
Batman: Prodigal


#Cataclysm & No Man’s Land Vol. 1-5
Batman: Evolution – New Gotham Vol. 1 & 2


#Hush
tman: War Drums & Batman: War Games Vol. 1-3


#Batman: War Games
#Batman: Under the Hood


#Identity Crisis
The OMAC Project


#Batman and Son
Resurrection of Ra’s Al Ghul


#Batman R.I.P.
#Batman: Battle for the Cowl
#Batman and Robin: Batman Reborn


#(The New 52) Batman Vol. 1: The Court Of Owls
Batman Vol. 2: The City of Owls


#The Dark Knight Returns
The Dark Knight Strikes Again
​

أنقر للتوسيع...

اوك الموضوع ميت حرفيا عموما بحط مشاركتي
واخيرا بديت بسلسة injustice ووش اقول عنها بيكون injustice xD بحقها
كملت السنه الاولى 36 عدد بيوم واحد واقل شي ممكن اقوله هو ان السلسله ملحميه ادمانيه
بأختصار Epic انصح الكل يبدأ بقرائتها

ما أقرأ كوميك كثير لكن بديت بواكين ديد وأنا حاليا بالايشوز 30 , شفت أربع مواسم من المسلسل
فيه تشابه في الأحداث بينها وبين الكوميك لكن مع اختلاف التايم اللاين لحصول هذه الاحداث
كذلك حصول هذه الاحداث مع شخصيات مختلفة .. عموما الكوميك أروع بكثير و أكثر جرأة
والأهم من دون تمطيط يا واد أرك المزرعة سريع سريع دقايق ويجينا القوفونور

أعتقد كيركمان مؤلف بارع لجعله فكرة مستهلكة كالزومبي فرانشايز محترم و ناجح فالامر هنا أكثر من
مجرد قتل زومبي وامشي و محاولة النجاة دائما هناك الحزن و الماساوية و السياسة و فلسفة حياة النجاة
فعل الضروري في عالم بشع متوحش .. شخصيات الكوميك كلها الأفضل بالفرانشايز و الرائع هنا كيركمان بارع جدا
في كتابة شخصيات وبنائها ثم قتلها جزار
فيه كوميك مشابهة تقدم تضحيات و دراما وشخصيات واقعية يا ليت توصوني ؟

ناوي أقرأ جستيك ليج بعد واكين ديد

كح كح *ينفض الغبار*

لا بس حبيت احيي الموضوع ثاني مرة مع اني ما اطيق الكوميكس اصلاً خخخخخخ