hits counter

الموضوع الرسمي لـ كمال الأجسام

soosi

True Gamer
فوق الطلب :-
خلطه باور طبيعي قبل التمرين .. مجربه .. وكنت ازيد اوزاني بذيك الفتره وماواجهت اي اعراض هدم وتعب بعد التمرين

150 - 200 ميلي حليب
ملعقه عسل
ثلاث او خمس حبات تمر
قهوه (بودره)

بالخلاط لمده 3 - 5 دقايق

قبل التمرين بساعه تاخذهم .. وتدخل زي الحصا

يبلي اجربها :)

انا ما احط تمر , احط موز

باجرب تمر هذه المرة وباقول الك النتايج ( انشالله احصل تمر )
 

gameshark

Hardcore Gamer
شباب انا سمعت عن كبسوله (حبه) تحرق الشحوم حق الكرش و الصدر لكن يحتاجلها ركض يومي , السأل هو هل الكبسوله موجوده من حقيقه و شو أسمها ؟
وهل فيها أي خطر على الجسم أو أي أعراض جانبيه ؟
 

PS

True Gamer
^
أنا ماعرف شو هو نوع الحبوب بضبط,بس أرعرف شباب أستخدموها في مرحلة التنشيف بعد بناء الجسم,طبعاً هي ماتعطي مفعول ونت جالس لازم نظام غذائي و جري أو مشي معاهم الحبة.

يقولون كان مفهولها يخلي الجسم يعرق بكميات كبيرة.
 

PS

True Gamer
شباب... انا كل يوم اخلص علبه زي هذا الحجم من حليب السعودية.. هل هذا يغنيني عن استخدام البروتين؟ لاني سمعت ان الحليب يحتوي على كمية كبيرة من البروتين.


21283193161.jpg


وممكن احد يعطيني فكرة عن انواع البروتين اللي تستخدمونها وهل الحليب واللحوم تغنيني عنها, وهل لها اي اضرار؟

أنت تلعب حديد شو هدفك تشد الجسم و تكون عضلات خفيفة؟

3 وجبات ماتكفي للاعبين حق اللي يلعب حديد كيف أنت تقول بس هذا.

وكمية البروتين اللي يحتاجها لاعب الحديد ضعف وزنه 60×2=120 جرام بروتين.
 

Netero

True Gamer
أنت تلعب حديد شو هدفك تشد الجسم و تكون عضلات خفيفة؟

3 وجبات ماتكفي للاعبين حق اللي يلعب حديد كيف أنت تقول بس هذا.

وكمية البروتين اللي يحتاجها لاعب الحديد ضعف وزنه 60×2=120 جرام بروتين.

الهدف عضلات خفيفة, جسمي نحيف جداً.
 

Xeon-Q8

True Gamer
العفو Netero
بس انا اشجعك للقراءه والبحث في النت بخصوص كمال الأجسام ، واذا تعرف انجليزي
هالموقع يعتبر كنز http://forum.bodybuilding.com/


يبلي اجربها :)

انا ما احط تمر , احط موز

باجرب تمر هذه المرة وباقول الك النتايج ( انشالله احصل تمر )

شرف كبير تجرب الخلطه

انت المعلم الكبير هنا في المنتدى واستاذنا :inlove:
 

Xeon-Q8

True Gamer
شباب انا سمعت عن كبسوله (حبه) تحرق الشحوم حق الكرش و الصدر لكن يحتاجلها ركض يومي , السأل هو هل الكبسوله موجوده من حقيقه و شو أسمها ؟
وهل فيها أي خطر على الجسم أو أي أعراض جانبيه ؟

ابعددد كثر ماتقدر خصوصا إذا تم ذكر حرق مواضع معينه في الجسم

the biggest lie
مافي حرق موضع معين من الجسم وترك الباقي ، الجسم ينزل دهون بطريقته الخاصه وعلى حسب تكوين جسمك
وعموما اخر منطقه يخرج منها الدهن هي البطن

العب كارديو يوميا مع دايت محترم وراح ينزل وزنك تدريجيا
 

gameshark

Hardcore Gamer
ابعددد كثر ماتقدر خصوصا إذا تم ذكر حرق مواضع معينه في الجسم

the biggest lie
مافي حرق موضع معين من الجسم وترك الباقي ، الجسم ينزل دهون بطريقته الخاصه وعلى حسب تكوين جسمك
وعموما اخر منطقه يخرج منها الدهن هي البطن

العب كارديو يوميا مع دايت محترم وراح ينزل وزنك تدريجيا

مشكور على الرد , يعني بالإختصار أبعد كل تفكيري عن الحبه .
 
شباب ... ابغى رجيم ممتاز انا تقريبًا طولي 173 ووزني للاسف حول الـ 115، والوزن الطبيعي الي يناسبني 74 تقريبًا يعني على القيم التقريبية المفروض اخسر 40 كيلو تقريبًا
السؤال ابغى رجيم مناسب، ويساعدني اخسر هالوزن ويفضل لو يكون سريع، ومايهم لو قاسي، المهم مايضرني.
وشكرًا
 

Fahad Al-Shareef

True Gamer
شباب طولي 186 ووزني تقريباً 93 .. ابغى انحف + اعضل واقسم الجسم بشكل معقول :) .. وش تنصحوني اسوي ؟ .. انحف لما اصير فلات اول ولا وش اسوي بالضبط :(
 

X-SRI-X

True Gamer
.. انا مقبل على رياضة كمال الاجسام فادعوا لي بالتوفيق :cool::
-----------

معلومة ... الشباب المهتمين بالبروتين 3 زبادي = 22 جرام من البروتين .. 3 بيضات = 21 جرام من البروتين والفرق بينهم : ان الزبادي اقل في السعرات والكوليسترول
التونة 100 جرام = 26 جرام بروتين
صدر دجاج = 44 جرام بروتين


موقع ممتاز
bodybuilding.com/

للتغذية والمعلومات الغذائية للمواد ( كل شي تقريبا )
http://nutritiondata.self.com بس اكتب في خانة البحث عن اسم المادة الغذائية
 
التعديل الأخير:

soosi

True Gamer
شرف كبير تجرب الخلطه

انت المعلم الكبير هنا في المنتدى واستاذنا

معلم والاستاذ ؟ هذه كبيره عليي الصراحة بس تسلم على المجاملة :)

وكلنا نفس المستوى ونتعلم من بعض , انا احب اجرب اشياء جديدة , تمارين جديدة ألخ اذا فيها منطق طبعا .
ادعي اليي احصل تمر :tongue:
 

Conqueror

True Gamer
أنا ولله الحمد الآن كملت سنة من التدريب المتواصل ، و هدفي هو التكبير باستخدام مكملات طبيعية و غذاء للوصول للجسم المثالي، في البداية سويت تقريبا 5 شهور من التدريب و التكبير و حصلت على كتلة عضلية معقولة و بعدين من شهر 2 بدأت حمية للنزول بالوزن إلى معدل دهون مناسب حتى تظهر تفصيلات العضلات، تعلمت كثير من هالرحلة و نزلت وزني بعون الله من 107 كيلو و معدل دهون زهاء ال27% إلى 88 و معدل دهون حوالي 15% (الهدف هو 10% دهون)، حبيت بس أقول لكل الشباب اللي بدهم ينزلوا وزنهم التالي :

ما في حبة سحرية في السوق تنزل وزنك ، أنا جربت على فكرة animal cuts و جربت آخذ L-Carnitine ، الأول سبب لي كثير عوارض جانبية (رح تلاقي أغلب حوارق الدهون بتسبب نفس العوارض) ، أهمها وجع أعلى منطقة الصدر من ناحية القلب و صارت تنزل نقط ماء من أنفي من فترة و ثانية ... على أي حال أنصح الجميع بالابتعاد عن حوارق الدهون و بخاصة المعتمدة على الكافيين لأن أساسها تسريع نبضات القلب ، أنا عني ما قدرت أستحمل نصف علبة و وقفتها (المفروض العلبة الواحد تكفيك شهر) و ما حسيت فرق بكمية الدهون اللي خسرتها لما وقفته ، ابعدوا عن الحوارق كلها ضرر بضرر.
 

Dr.Dreams

Hardcore Gamer
وش رايكم بالـbulk protein مثل ماسمعت ان نسبه الدهون معدومه عكس الوي بروتين؟؟

هل ينصح به؟
 

USefQ80

True Gamer
حاليا قاعد انشف ! صارلي سنتين العب حديد لكن للأسف كل اكلي ماله داعي و كل فاستفود p; !
وزني كان 92 قبل شهر
حاليا 86 ! نسبة الفات ما ادري جم p; !! شلون احسبها ؟ p;
الهدف 75 !

انا الفات متيع اكثر شي بالجزء السفلي من الجسم ! شنو نصايحكم حق الكارديو ؟ لأنه اكثر شي ساحب عليه و مو معطيه ويه !

الأغراض اللي اخذها :
Whey protein بطعم الموز الإسطوري p;
amino beef
Tit Extreme
Glutamine
و راح ازيد عليهم شي باجر لأنه الCLA اول امس خلص !
 

NOBLE

Hardcore Gamer
اشتركت قبل رمضان بالنادي 3 شهور , كان وزني في أيام التمرين 56 كيلو , :innocent::
بس لمن دخلنا شهر رمضان قطعت عن النادي.عند يوم العيد بالضبط سويت قياس لـ وزني و طلع 50 !
و الحين إنشالله راح أزيده , أبي أكلات قوية تزيد الوزن لأني راح أخش النادي ست شهور :D

و شي ثاني أقدر أضخم عضلآتي بدون هالبروتينات و الخرابيط هذي يعني أكل طبيعي فقط ؟
 

Conqueror

True Gamer
Dr Dreams

قصدك الmass protien ؟ هو نفسه whey لكن مع كمية كربوهيدرات و فيتامينات حتى يعطي حريرات أعلى و بيختلف المحتوى بحسب المصنع ، و على فكرة الوي بروتين كمان خالي من الدهون (أصلا هذا سبب انتشاره)

Noble
نعم تقدر بس محتاج تاكل كثير خاصة بالنسبة لوضعك و الأفضل أنك تتلعم تحسب نسبة البروتين و الدهون و الكربوهيدرات بالأكل اللي بتاكله يوميا حتى تقدر تعرف كام تاكل كل يوم.
 

Solay

Double Jumper
ودي ابدأ بالحديد بس خايف بكرة لا عضلت وسحبت على التمارين يترهل جسمي وما عاد يرجع زي أول,هل صدق يترهل الجسم والا ينشد زي أول عادي؟!

طبعا أتكلم عن تعضيل طبيعي موب تعضيل مصارعين.
 

soosi

True Gamer
ودي ابدأ بالحديد بس خايف بكرة لا عضلت وسحبت على التمارين يترهل جسمي وما عاد يرجع زي أول,هل صدق يترهل الجسم والا ينشد زي أول عادي؟!

طبعا أتكلم عن تعضيل طبيعي موب تعضيل مصارعين.

هذا انتوا ,ناويين على السحبة قبل لاتتمرنوا :tongue:

على العموم لا ماراح يترهل

وبالنسبة الى تعضيل مصارعيين لاتخاف ماراح توصل الى هالمستوى :)
 

Golden_Sun

True Gamer
للعلم،
من الخرافات المنتشرة:

1) أكون كتلة عضلية لكن اخاف تتحول لترهلات او دهون بعد الانقطاع عن التمرين او التوقف.
تركيبة الانسجه العضلية شي والدهون شي آخر. مافيه شي في الطبيعية يتحول من انسجه عضلية لدهون او العكس.
الانسجه تضمر، تقل فتَبرز الدهون اكثر.

2) حبوب فيتامينات، او مكملات عذائية (بروتين، وجلوتامين، وامينو، والخ الخ) هل فعليا تحتاج؟
قبل لا تاخذهم هل فكرت تشوف مكوناتهم؟ مواد حافظة، مواد كيميائية، كثرتها تؤثر على الكبد.
الافضل طبعاً ان توقف عن استخدامهم ولو تبي بروتين، فيه انواع organic مع الاسف مو متوفرة بالخليج (الا اذا احد عنده علم؟)، وبطبيعة الحال هم اغلى من التجاري، لأنهم منتجات طبيعية وسعرها طبيعي، الغريب الرخص في التجاري.
هذا احد الامثله: http://www.inbalancenutrition.ca
وطبعاً افضل شي هو الاكل الطبيعي، بدون مكملات لكن ان كنت تبحث عن انظف وافضل مكمل غذائي شوف الموقع اللي فوق.

اذا تبي صحه، فكر باول شي طريقه اكلك، هل تاكل مأكولات فيها: طحين ابيض، سكر ابيض، جلوكوز، فركتوز، MSG، وغيره من المواد الحافظة؟ اذا لازم تستوعب شنو قاعد تاكل، تحاول تبرمج عقلك للإبتعاد عنهم، وبعدها تبدأ تبرمج عقلك على الاكل الصحي. وتستبدل الطحين الابيض، بالطحين الاسمر، السكر الابيض، بالسكر الاسمر، وتتحول لخضروات وفاكهه غير معالجة وطبيعية. حتى الحليب والالبان اختار الطبيعي (لمن عايش في الكويت، خل يجرب منتجات Alban، مزرعه كويتية تقدر تزورها تتأكد من صحتها ومدى جودة منتجاتهم في الوفرة) جميع منتجاتهم في مركز سلطان.

المفروض في المنتجات الغذائية سرعه انتهاء صلاحيتها، شلون فيه اكل وخضروات وفواكة تظل اسابيع بالثلاجه صالحه للأكل؟ هل مره سألت نفسك هالسؤال؟ ابدأ من هنا اذا تبي جسد سليم، قبل لا تفكر بالمكملات الغذائية، فكر في غذائك الاساسي نفسه بالأول!
 
التعديل الأخير:

Conqueror

True Gamer
بناء الأجسام هو أسلوب حياة ، مو برنامج تدريب تسويه 9 شهور مثلا و بعدين تنقطع نهائي عن التمرين و تفتح على الأكل ، اللي بيتبع هذه الطريقة فما رح ياخذ نتيجة مرضية.

تعقيبا على كلام الأخ golden sun ، الحملات الإعلامية للمكملات و المحترفين اللي يحطوهم على الأغلفة تأثر كثير فينا كمستهلكين و بتبهرنا و تخلينا نرغب بالشراء ،و أكثر من مرة ثبت تلاعب في مكملات البروتين ، على سبيل المثال myofusion من gaspari nutrition الآن قايمة ضدهم شكوى أن المحتوى البروتيني بالبودرة تبعهم نصف ما هو مكتوب على العلبة (يعني كل سكوب يعطيك تقريبا 12 جرام بروتين بدل 24).
أيضا أقامت مجلة الconsumer report اختبار على عدة أنواع بروتين من أشهرها Optimum و EAS و muscle milk و syntha 6 ، و تكشف أن EAS و Muscle milk عندهم نسبة عالية من المعادن الضارة أكثر من المسموح به ، الكلام هذا كان قبل سنتين و الآن أغلب المصنعين صاروا يعبئوا بروتينهم في مصانع عندها شهادة GMP (شهادة تضمن جودة التعبئة) و رح تلاقي هالرمز موجود على أغلب العلب الآن.
الأمر الآخر هو احتواء البروتين التجاري الرخيص على محليات صناعية و منكهات ثبت ضررها ، لكن في أنواع تجارية من نفس الشركات طبيعية بالكامل (قليل ما ألاقيها في أسواق الخليج)
image_24156_450_white.jpg

image_28848_450_white.jpg


النوعين اللي فوق طبيعين (خاليين من المنكهات و المحليات الصناعية) ، أنا مجرب تبع optimum ، طعمه خفيف مو مثل العادي و كمان لازم تنظفه بسرعة من الخلاط أو الكأس بعد ما تخلص و إلا بتلاقيه بيلتصق.
 

Game Time

Banned
نصوحني بثلاث انواع من الحبوب لتخفيف الوزن :

رويال سليم

فيا أناناس

سايدر سليم

في حد مجرب بيقلك اسئل مجرب ولا تسئل حكيم :)
 
التعديل الأخير:

BaKREee

Hardcore Gamer
فوق الطلب :-
خلطه باور طبيعي قبل التمرين .. مجربه .. وكنت ازيد اوزاني بذيك الفتره وماواجهت اي اعراض هدم وتعب بعد التمرين

150 - 200 ميلي حليب
ملعقه عسل
ثلاث او خمس حبات تمر
قهوه (بودره)

بالخلاط لمده 3 - 5 دقايق

وش نوع وكمية القهوه ؟ ووش الفايدة من القهوة
 

Xeon-Q8

True Gamer
soosi
دوما متواضع :))

---

وش نوع وكمية القهوه ؟ ووش الفايدة من القهوة
القوه العربيه المطحونه ، فايدتها تكمن في : الكافايين اللي يعطيك نشاط وتركيز في التمرين


في حد مجرب بيقلك اسئل مجرب ولا تسئل حكيم
ابعد عن الحبوب ، مجرد اجهاد لقلبك (ترفع دقات القلب) ومالها اي نفعه بنظري
وحالات وفاه كثيره بالكويت عندنا بسبب حبوب التنشيف ، يستخدمونها غلط ، يتعب قلبه ويموت

تمرن بضمير يوميا وظبطلك دايت وتمرن عدل ، اضمنلك 100% راح تنزل بشكل سريع وافضل من اي واحد ماخذ حبوب تنشيف وتخسيس
 

s3rorh

True Gamer
شباب .. أيش السالفه .. محد ناوي يتبرع و يحمس بقيه الشباب الدببة .. بشويه صور لكرشته المعضله .. !
 

zlatanovic

True Gamer
قبل اسبوع بدأت اخذ الكرياتين .. نصحني احد الشباب اني اخذهـ قبل وبعد التمارين ( نص سكوب قبل ونص بعد ). ولقيت ان النص اللي بعد يسبب تصلب للعضلات. هل هذا مفروض يصير؟
واي نصائح بخصوصه ؟
 

PS

True Gamer
الكرياتين يزيد صلابة العضلة و يحبس الماء فيها,ويحافض عليها على هذا الشكل,أنت تقول سكوب ماعرف حجم السكوب اللي تتكلم عليه لكن النسبة في البداية تكون خمسة قرام في الجرعة الواحدة و ترتفع مع الاستمرار الى 10 , ولايزيد أستخدام الكرياتين أكثر من شهر و ترجع له بعد تركه شهر أذا تبا أو تستخدم أنواع ثانية من المكملات.

في ناس ياخذون كميات أكبر لكن هذا اللي أنا أعرفه.
 

zlatanovic

True Gamer
سكوب 5 مليجرام. اول اسبوع كنت اخذ 15 ميليجرام باليوم. والحين 5 مل باليوم.
لكن السؤال هل يؤخذ بعد التمرين او لا؟ ومشكور على التفاعل =)
 
أعلى