الموضوع الرسمي لـ كمال الأجسام

طولي 174 ووزني تقريباً 69 أو 68

من صجك ماتقدر على البوش اب؟ غريبه توقعت امتن

اوك ، نجي لسالفه التمارين ، انت مشترك في نادي ؟ ولا تبي تمرين تسويه في البيت ؟

الوقت ما يساعدني اشترك بنادي
فيا ريت يكون تمرين بالبيت

طيب ، اول شغله اشتر دنابل 2.5 - 5 كيلو

وطبق نفس هالفيديو
http://www.youtube.com/watch?v=80cV6hr8GTw
http://www.youtube.com/watch?v=WYtnmBJt5L4
http://www.youtube.com/watch?v=zEdntNlT2-E

الفكره : دام انك تشتغل وتتمرن على الصدر + اكلك منتظم وصحي (ثلاث وجبات على الأقل ) بتبني عضل ويشتد الجلد وتروح الترهلات + ثبات على وزن فتره علشان يتأقلم جلدك مع وزنك الجديد فتره كافيه

وبشكل عام خطأ انك تمرن عضله وحده*صدر* وتترك باقي جسمك ، في تمرين الصدر بتشتغل عضله الصدر + ذراعك كامل ، لكن بتبقى عضلات من دون تمرين
حاول انك تحرك جسمك بشكل عام ولو بتمارين تسخين

موفق خير

اوووووه ذكرتوني قبل 6 سنين كان عدنا عسكرية في الثنوية,وكان الدبل (العقاب) أنك تسوي البوش اب و أنا كنت من اصجاب الاوزان الثقيلة فوق 110
فأول ماقربت ادخل الثنوي كنت ابي اسوي بس وحدة على الاقل وكان مستحيل بعد المحاولات في البيت والضحك قدرة أسوي مرة وحدة و أنا وزني 110 أو أكثر,والحمد الله بعد هل مرة أنفتح معاي التكرار و قدرة أسوي 10 كحد
أقصى و المدرب يستغرب يقولي هل وزن و تقدر تسوي.

يعني بالمختصر أضغط على نفسك و سوها مرة وحدة و أذا قدرة خلاص كل شوي عيد و بتشوف نفسك تكررها بسهولة.

Xeon-Q8 قال:

التشميس + التمرين + اثبت على وزن مده 3 - 6 شهور .. وقل وداعا للترهلات

أنقر للتوسيع...

ما هو التشميس؟ " راح يعمل بحث ".

بكرة رايح مركز متخصص في التغذية، راح أطلب منهم يجهزون لي جدول يساعدني لبناء عضلاتي، لكن حتى الآن جاهل في النقطة اللي قلتها، هل حمل الحديد يحرق وينزل الوزن وحتى كان بمقدار بسيط؟ المنطق يقون نعم لكن ابغي اتأكد أكثر.

التشميس ، يشمس ، شمس ، (تعرّض اجزاء من جسمك إلى اشعه الشمس في وقت مناسب (الساعه 8 إلى 10 الصبح )


نعم ، حسب معلوماتي وخبرتي المتواضعه ، لعبه الحديد اكثر لعبه يحرق فيها الجسم سعرات حراريه >> حرق الدهون وانزال الوزن ،
تحرق بشكل كبير (بشرط تلعب بتكرارات عاليه 12 - 15 تكرار ) بوزن متوسط لاثقيل ولا خفيف جدا

وحاول تنوع في تمارينك ، وبتشوف نتيجه طيبه في خلال 12 اسبوع ان شاء الله

شباب ايش رايكم في Muscletech ؟ .. المشكله ان الاوبتيمم خلص ومابقى الا هذا

نوع منتاز لكن نسبة الفات فيه كبيرة,اللي جسمهم ضعيف زين لهم لانه يساعد في زيادة وزنهم.

^ طيب كل الانواع كذا ولا بس نوع واحد ؟

تعديل :

سؤال ثاني: طيب لو ما املى الـScoop .. مثلاً احط ثلاث ارباعها او مليانه الا شوي .. ماينفع ؟

أنت كاتب أسم الشركة,أكتب أسم المنتج أي نوع بتحديد عشان نعرف كم نسبة الفات فيه و كم نسبة البروتين.


Muscletech

عندها منتجات وايد مثال
Nitro-Tech
هذا Total Fat 1.5g نسبة الفات فيه
و هذاProtein 25 g نسبة البروتين.

وغيره من نفس الشركة
Mass Tech
Total Fat 4.5g الفات
Protein 40g البروتين


يعني الشباب اللي يتمرنون يستخدمون كل نوع على حسب الكورس اللي هم فيه.

وبنسبة لسوال الثاني,اذا نقصة من الكمية بتكون نسبة البروتين أقل,مافي ضرر بس تختلف كمية البروتين اللي تاخذها.

المنتج هو : Nitro-tech ..

طيب مره يعني تفرق كثير ؟ .. لانه مافيه الا هو متوفر حالياً

ومشكور :*

Nitro-tech

هذا منتاز و كثير شباب يستخدمون هذا أو المواصفات اللي نفسه بس شركات ثانية لان نسبة الفات فيه قليلة.

كويس .. بجربه وان شاء الله يطلع مثل ماتقول ..

شكراً

Not Responding قال:

شباب ايش رايكم في Muscletech ؟ .. المشكله ان الاوبتيمم خلص ومابقى الا هذا

أنقر للتوسيع...

مادري اذا للحين شريت ولا لأ

هذي اكبر شركه نصب في تاريخ اللعبه ، ابعد عنها وعن منتجاتها كثر ماتقدر
تشوف العلبه تقول شكلها فل ، تفتح وتشوف البروتين اقل من النص تحسب المحل ناصب عليك

وكلام فاضي عن زياده العضل بشهر او اسبوعين ، جربتها وكثير من ربعي والناس اللي اعرفهم انضحك عليهم
ومنتجاتهم غاليه من غير سنع

اي منتج ثاني او شركه ثانيه اصرفلك


ونصيحه للكل : صحن تونه مع بطاط او مع الملح والبهارات بعد التمرين اصرف مليون مره من سكوب بروتين
وبياض بيض الصبح

بروتين طبيعي 100% واضمنلك انك تستهلك 25 غرام بروتين
اما الصناعي حتى ما توصل 15 غرام وهم حاطين 25
حراميه

Xeon-Q8 قال:

مادري اذا للحين شريت ولا لأ

هذي اكبر شركه نصب في تاريخ اللعبه ، ابعد عنها وعن منتجاتها كثر ماتقدر
تشوف العلبه تقول شكلها فل ، تفتح وتشوف البروتين اقل من النص تحسب المحل ناصب عليك

وكلام فاضي عن زياده العضل بشهر او اسبوعين ، جربتها وكثير من ربعي والناس اللي اعرفهم انضحك عليهم
ومنتجاتهم غاليه من غير سنع

اي منتج ثاني او شركه ثانيه اصرفلك


ونصيحه للكل : صحن تونه مع بطاط او مع الملح والبهارات بعد التمرين اصرف مليون مره من سكوب بروتين
وبياض بيض الصبح

بروتين طبيعي 100% واضمنلك انك تستهلك 25 غرام بروتين
اما الصناعي حتى ما توصل 15 غرام وهم حاطين 25
حراميه

أنقر للتوسيع...

اتفق معاك في كل شي , خصوصا شركة النصب مصل تيك ! اكبر حرامية

هذه اخر مشترياتي

http://im21.**********/2012-08-31/1346428767511.jpg


optimum Hydro whey بروتين نكهة فانيلا

optimum casein بروتين بطئ الامتصاص نكهة فانيلا

Creatine mono كرياتين مونو من prolab هذه ثانية علبة اشتريها من prolab بعد ماكنت استخدم حق optimum , وثنينهم ممتازين

Jack3D :evil::

العلبة الصغيرة فيتامينات
وعندي xtend ساعات امزمز عليه وقت التمرين , نكهاتهم خرافية :inlove:
ومبروك شباب المشتريات

الحين انت تاخذ حصه من كل واحد كل يوم ؟

هذي اكبر شركه نصب في تاريخ اللعبه ، ابعد عنها وعن منتجاتها كثر ماتقدر
تشوف العلبه تقول شكلها فل ، تفتح وتشوف البروتين اقل من النص تحسب المحل ناصب عليك

أنقر للتوسيع...

أذا أنت تاخذ على حجم اللعلبة هذا شي راجع لك,الكمية مكتوبة في الخارج و كل شي موضح.
ماشي نصب في السالفة.

و سالفة الزيادة في أسبوع أو شهر,هذا شي تجاري و أذا أنت متعمق في اللعبة بتعرف أن هل كلام فاضي و تجاري و كل شي في لعبة الحديد يعتمد على التغذية السليمة و عقب يجي المكملات الغذائية.
و مافي منتج من هذي الشركة ولا من شركات ثانية تعطي هل نتايج في أسبوعين ولا شهرين.

أنا ما أذافع عن الشركة بس هذا أشياء واقعية.

Creatine mono كيف جدولك مع الكرياتين وكم الفترة اللي تاخده؟

طيب يا شباب ضروري هالمنتجات والاشياء ؟ اقدر العب حديد واحدث فارق بدونهم ؟

جسم رياضي,جسم مشدود عضلات خفيفة تقدر مع التغذية الكاملة يعني أكثر من 5 وجبات.

لكن عضلات بارزة و حجم كبير ما أعتقد.

PS قال:

أذا أنت تاخذ على حجم اللعلبة هذا شي راجع لك,الكمية مكتوبة في الخارج و كل شي موضح.
ماشي نصب في السالفة.

و سالفة الزيادة في أسبوع أو شهر,هذا شي تجاري و أذا أنت متعمق في اللعبة بتعرف أن هل كلام فاضي و تجاري و كل شي في لعبة الحديد يعتمد على التغذية السليمة و عقب يجي المكملات الغذائية.
و مافي منتج من هذي الشركة ولا من شركات ثانية تعطي هل نتايج في أسبوعين ولا شهرين.

أنا ما أذافع عن الشركة بس هذا أشياء واقعية.

أنقر للتوسيع...

الوزن يساوي نصف علبه بروتين شركه اوبتيمم والسعر دبل ، وكميه السيرفنق 3 سكوبات ويخلص بعشره ايام وماتزيد ولا كيلو او غرام في العضل
هذا النصب بعينه وعلمه

طيب يا شباب ضروري هالمنتجات والاشياء ؟ اقدر العب حديد واحدث فارق بدونهم ؟

أنقر للتوسيع...

نعم تقدر

طيب انا استخدم بس بروتين وفيه تقدم بس بطئ. ابغي اعرف وش فايدة هالسبليمينتز ومتى تستخدمونها؟
لاني ناوي اشد في الثلاث او الستة شهور الجاية ولاني عارف من وين او كيف ابدأ.
ياليت اللي عنده علم يفيدني.

فايدتها انها تعوض نقص البروتين والأحماض الأمينيه في الجسم ، وبعض البروتينات فيها فايتمينز

البدايه الصحيحه في اللعبه تبدا في الروتين ، عاداتك السيئه تقطعها نفس السهر اللي الحين انت تمارسه

1- اكل صحي ( ابعد عن المأكولات السريعه ) ، المشي على حميه للقضاء على الدهون او حميه لزياده الوزن
2 - التمرين بشكل صحيح واختيار جدول مناسب
3 - لا تضع لنفسك توقعات كبيره ، فتره ثلاث شهور صغيره جدا في اللعبه ، بتلاحظ فارق كبير في جسمك ونشاطك
لكن ماراح تكون مفتول العضلات ولا حتى من قريب او من بعيد ، لاتشوف روي كولمان ، او جاي كتلر ، هذول هرمونات ومنشطات .

ثلاث نقاط بشكل مختصر جدا جدا

ووالله يوفقك

شباب الموضوع ميت نبغى تفاعل

انا جالس اسوي INSANITY .. وفي اليوم الثالث لحد الآن ..


اللي يبغى يشارك حياه الله .. عشان نتفاعل ونتحمس مع بعض :]

شباب .. انا بالفتره الجايه راح احاول ابني جسمي بشكل سليم وطبيعي .. وما عندي اي خلفيه عن هالموضوع ..

ياليت لو احد يعطيني درس احياء مطول شوي .. او يدلني على مرجع موثوق اقرأ فيه .. وشكراً

شباب... انا كل يوم اخلص علبه زي هذا الحجم من حليب السعودية.. هل هذا يغنيني عن استخدام البروتين؟ لاني سمعت ان الحليب يحتوي على كمية كبيرة من البروتين.




وممكن احد يعطيني فكرة عن انواع البروتين اللي تستخدمونها وهل الحليب واللحوم تغنيني عنها, وهل لها اي اضرار؟

Not Responding قال:

شباب .. انا بالفتره الجايه راح احاول ابني جسمي بشكل سليم وطبيعي .. وما عندي اي خلفيه عن هالموضوع ..

ياليت لو احد يعطيني درس احياء مطول شوي .. او يدلني على مرجع موثوق اقرأ فيه .. وشكراً

أنقر للتوسيع...

مالك إلا قوقل ، كلام اشخاص غير موثوق .. بالنسبه لك على الأقل

شباب... انا كل يوم اخلص علبه زي هذا الحجم من حليب السعودية.. هل هذا يغنيني عن استخدام البروتين؟ لاني سمعت ان الحليب يحتوي على كمية كبيرة من البروتين.



وممكن احد يعطيني فكرة عن انواع البروتين اللي تستخدمونها وهل الحليب واللحوم تغنيني عنها, وهل لها اي اضرار؟

أنقر للتوسيع...

طبعا مفيد من لتر وفوق ممتاز لكمال الأجسام ، لكنه غير كافي اطلاقاً

6 بياض بيض و بيضه كامله الصبح ( او صحن كورن فلكس كبير مع الحليب طبعا )

على الغدا صدرين دجاج منزوع الجلد غير مقلي ، او ستيك لحم

العشاء علبتين (بيوم التمرين) -- علبه تونه

وقبل لا اتنام اشربلك قلاس حليب

بشكل عام تحتاج نظام واكل جيدا جدا لاستبدال البروتينات الاصطناعيه استبدال ناجح

--

فوق الطلب :-
خلطه باور طبيعي قبل التمرين .. مجربه .. وكنت ازيد اوزاني بذيك الفتره وماواجهت اي اعراض هدم وتعب بعد التمرين

150 - 200 ميلي حليب
ملعقه عسل
ثلاث او خمس حبات تمر
قهوه (بودره)

بالخلاط لمده 3 - 5 دقايق

قبل التمرين بساعه تاخذهم .. وتدخل زي الحصان

PS قال:

Creatine mono كيف جدولك مع الكرياتين وكم الفترة اللي تاخده؟

أنقر للتوسيع...

5 جرام يوميا ( ملعفة شاي صغيرة ) آخذه بعد التمرين مع البروتين , ايام اليي ما اتمرن فيها آخذه الصبح مع شرب ماء كثير

طبعا الكرياتين ماتفرق متى تاخده وخاصة المونو , بس هذا تفضيلي الشخصي لا اكثر