كيفكم شباب

أتوقع الكل يذكر موقع Wii Have a Problem 

هذيك الأيام كنت أقول لا وييين ومستحيل أصلا الناس اللي تسوي كذا هم قاصدينها وياسلام تصير الحوادث هذي وبالصدفة يكون فيه كاميرا شغالة توثق الحدث

إلى آخره من ردات الفعل المشابهة ..

المهم انه فعلا صارت الأشياء هذي تصير

للشباب اللي راحوا بعيد الويي سليم وشاشاتي كلها سليمة وما فيه أي عاهات مستديمة ولا شيء ولله الحمد

الضرر جاء في رفيقة الدرب وساعدي اليمين (في الحقيقة هي تعتبر من ضمن ساعدي اليسار ) كان الاصابة في ساعة اليد ..

السالفة وما فيها اني جالس في امان الله ألعب بواريو وير أنا وواحد من الشباب اللي جاء يطلع على الجهاز

الزبدة انه مع الحماس تعرفون والحركة الزائدة (ولا ننسى الطول ساعد في العملية هذي ) حركة يدي بسرعة وضربة في أحد قطع الأثاث القريبة مما سبب الآتي :

1- انقطعت الساعة .  هي ما انقطعت لأنها معدن فالأفضل أقول انفصلت الساعة

2- انقطعت معرفتي بالوقت الحالي نظراً لما تم ذكره أعلاه

3- خسرت في الجولة هذيك في واريو

جلست اسبوع تقريبا بدون ساعة والمشكلة انها ليست مشكلة كبيرة ولا تاخذ وقت لتصليحها ولكن كل مره أقول بكرة بكرة والا اذا طلعت أنسى آخذها ..

وكان اسبوع قلق لأني صرت أشوف الجوال اذا بغيت أعرف الوقت والا ما اعرف الوقت ..

ما كنت أعرف انه المسألة بهذي الصعوبة بدون ساعة

عموما اليوم رجعت للتزامن مع العالم بعودت الساعة الى معصمي مره أخرى

 ===========

الشيء الثاني أبشركم تم تحديث الـWii بسلام 

حملت كل الـChannels المتوفرة ..

الـNews ما فتحتها الا مرتين يمكن (ما لي في الأخبار أصلا لكن عندهم أخبار التقنية حليوة )

الـForecast بين فترة وفترة

الـBrowser فكرته حلوه لكنه بدائي جدا وهذا شيء متوقع لأنه Beta وحسب كلامهم في النسخة النهائية بتتوفر الخصائص الكاملة له ..

الـVoting ممتعة وتسد الفراغات اللي بين تغيير الألعاب

إلى الان باقي لي أنزل الفريند كود حقي في الموضوع اللي في قسم الشبكة وأضيف الشباب اللي هناك لكني دائما أتكاسل في هذا الشيء ..

قريب ان شاء الله ..

=====

أخيرا ..

تم تعديل الجدول الجامعي بشكل أكبر وبكذا أكون وصلت للخطة الأولية تقريبا وأكون ألغيت ساعات الفراغ اللي بين المحاضرات

شكرا على القراءة شباب