كيفكم شباب  

نعم بالأمس أنجزت المهمة أنجزتها أخيرا
 

بأبدأ في شرح الموضوع من بدايته ..
 

الجهاز الجديد والانتقاله :

في نهاية الصيف الماضي انتهيت من تجميع جهاز الديسكتوب وانتقلت لإستعماله بشكل كامل ..

جهاز اللابتوب اللي كنت استخدمها سابقا بقى بدون شغل  

وبما انه كان لابتوب قديم وما يصلح يكون محمول أصبح موضوع على جنب واستخدمه عند الحاجة ..
 

الـ Kaspersky وبدايت المشكلة :
 

بعد فترة من شرائي للديسكتوب  فكرت في اني احمل برنامج حماية للابتوب لأنه كان تقريبا منذ سنتين ما ركب له برنامج حماية ..

وما كنت أهتم لذلك خاصة انه آخر الأيام كان لا يطاق وقلت ما يستاهل الموضوع خاصة انه كنت بأنتقل قريب لجهاز ثاني ..
 

المهم انه في هذا اليوم حملت الكاسبر سكاي للجهاز وسويت عملية سكان للجهاز حصل تقريبا فايروسين وكم ايرور ..

بعد ما حذفت الفايروسات تسبب عندي بمشكلة ..

ما أقدر اتصل بشبكة الـWi-Fi !!

ما أقدر حتى أسوي تزامن بين الجهاز والبوكيت بي سي حقي !! 

يمين يسار اعادة تشغيل أعيد تعريف الكرت جربت كرت آخر خارجي ما فيه حل -_-"

جربت أسوي استعادة للنظام والحمد لله اتصل بالشبكة لكن -_-

ما فيه استقبال بمعنى انه المعلومات ترسل للراوتر لكن ما ترجع لي أي معلومات ..

بمعنى ما استفدنا .. 

في الفترة هذي فكرة بالفورمات لكن كنت آخذ مادة (Data Transmaission and Networking)

فقررت أنتظر وأشوف بأستفيد منه في المجال العملي أو لا
 

Data Transmaission and Networking your so cool :
 

بعد ما انتهيت من المادة وانتهيت من الاختبارات رجعت لحل المشكلة ..

شغلت الجهاز قبل أمس في الليل الساعة 12 ..

في السابق كانت الاعدادت تلقائية فقمت وعملت يدويه حطيت للجهاز رقم ip وحطيت رقم ip الراوتر ورقم للـDNS (اللي يحول عناوين المواقع الى رقمها الـip)
 

بعد الاعدادت الى الان نفس المشكله ارسال لكن بدون استقبال ..

جربت الطريقة الثانية شغلت الدوس ( Run ثم اكتب cmd )

وقعدت اختبر الاتصال طبعا طريقة الاختبار انه يرسل 4 حزم للطرف اللي بتختبره واذا وصلته يقوم يرسل لك مره اخرى 4 بشكل متزامن ..

جربت اول شيء كرت الشبكة نفسه وما فيه مشكلة ..

اتصلت مع الراوتر وما فيه مشكلة ..

اتصلت مع DNS مقدم الخدمة وما فيه مشكلة ..

جربت اسوي اختبار لموقع جوجل وما فيه مشكلة يرسل و يستقبل منه !!

قلت يمكن تكون المشكلة من الـDNS فجربت ادخل الموقع عن طريق رقم الـip ولكن المشكلة نفسها !
 

حتى اني جربت اسوي مشاركة للملفات بين جهاز الديسكتوب واللابتوب واشتغل آخر حلاوة يعني المشكلة في اي شيء خارج نطاق الشبكة المحلية ..
 

بعد ما عرفت انه المشكلة عويصة أكثر من اللي أتوقعه بحثت في النت عن الحل ..

أحد الحلول كان يقترح انك تنظف الريجستري لأنه ممكن تكون المشكلة منه وكان حاط واحد من البرامج حملتها ..
 

جلس يبحث تقريبا ساعة ونصف ووجد 840 خطأ صحح 3 منها وقال تبغى نصحح الباقي اشتري النسخة الكاملة
 

كان الساعة عندها 4 في الليل وكنت تعبت من التجارب والتنقل بين الجهازين واحد ابحث في النت عن حل والثاني أطبق الحلول

نهاية المشكلة وانجاز المهمة :
 

اليوم الثاني حملت برنامج TuneUp Utilities 2007 ..

وبحثت في الريجستري ووجد فوق الـ1000 خطأ

بعد ما سوت عمليت التنظيف المشكلة ما انتهت -_-
 

أحد الخدمات اللي يقدمها البرنامج كانت انه ينظف ملفات الهارد ديسك ويصحح الملفات المعطوبة ..

بدأت في العملية هذي واللي استغرقت تقريبا 3 ساعات ..
 

ولكن المشكلة الى الان ما انحلت المشكلة
 

رجعت الى عملية بحثي ..

وبعد بحث طويل وجدت واحد يواجه نفس مشكلتي وكان مسوي نفس اللي سويته نظف الرجستري حذف الفايروسات والسباي وير ولكن ما انحلت مشكلته ..
 

في أحد الردود كان يقول تأكد بعد حذف الفايروسات وتنظيف الرجستري وغيرها انك تحمل هذا البرنامج ليعيد لك ترتيب ملفات الـNetworking

يقول انه بعض المرات تسبب عمليت تنظيف الرجستري وحذفت الفايروسات والسباي وير الى احداث فراغات في الملفات مما يسبب مشاكل في اتصالات الشبكة ..
 

وانا اهاااااااااااااااااا قل كذا من أول

حملت البرنامج وشغلته وسوى اعادة تشغيل ..
 

و أخيييييييييييييييييييييييرا
 

المشكلة انحلت
 

وكلها من البرنامج الرهيب هذا :

WinSock XP Fix
 

فنعم تم انجاز المهمة ..

كنت في كل مراحل انجاز المهمة أفكر بأني أفرمت الجهاز وخلاص أرتاح لكن فكرت في المشوار اللي بيصير بأني أنقل الملفات الموجودة ثم أرجعها بعد الفورمات خاصة انه ما عندي الا جزء واحد للديسك اللي هو الـC
 

عموما الحمد لله على توفيقي لحل هذي المشكلة ..

وأحلى شيء في حل المشاكل هو الشعور اللي تحس به بعد ما تحلها
 

وشكرا على القراءة شباب