السلام عليكم ..

كيفكم شباب
 

رجعت بالامس من السفر واللي كان جدا رائع ..

فعلا المفروض الواحد يسافر ويغير جو شوي ..
 

بحيرة : 
 

الخميس الماضي طلعنا مع العائلة الى أحد المناطق البرية القريبة ..

المكان الرائع الجو جدا جميل والبحيرة كلها جدا رائعة (البحيرة من المطر طبعا لا أحد يفكر انه بحيرة طبريا والا شي ) 

  المشكلة الكبرى كانت في الناس نفسهم الموجودين يعني ما ترتاح منهم ازعاج وما فيه احترام لخصوصيات الناس أكثر من مره تجي سيارات ماره من امام مكاننا بالضبط يعني الواحد يخاف على الأطفال اللي معه وهم يلعبون امامنا يجيهم شيء ..
 

خلافا لهذه المشكلة البسيطة كانة طلعة جميلة والاهم فيها تغيير الجو
 

جمال (Camels) :
 

بعد ما وصلنا بسلامة لبلدتنا في يوم الثلاثاء اتجهنا انا وأبوي وأحد أخواني الى احد المناطق القريبة (بقريبة أقصد 170 كيلو متر عن مكاننا -_- )

كنا ذاهبين لزيارة أحد الأقارب لرؤيته ورؤيت الجمال (البعارين ) وكان المخطط اني آخذ كم صورة للحدث وأقوم بتوثيق اعلامي له  

لكن المشكلة انه تأخرنا شوي فكان الوصول بعد أذان المغرب ما أمدانا نوصل ورحنا أخذنا جولة على السريع على المكان الا والظلام عم المكان فما كان فيه صور -_-
 

لكن ما كان يمنع اني آخذ كم صورة من الطريق نفسه
 

عموما الحدث الأكبر انه متعارف على شرب حليب الخلفات (حليب الناقة) فكنت متفق انا واخوي انه ما راح نشرب ..

والواحد مهوب لازم ينغصب على شيء ما يعجبه (ويكفي المره الأولى ) 

المهم انه في ساعة الصفر حين تم تقديمه  وتوزيعه علينا الثلاثة ..

أبوي أخذ لأنه أصلا متعود يشرب وكان بجانبه اخوي وكنت متوقع انه يرفض كما الاتفاق واذا به الخائن يأخذ ..

أنا هنا تحيرت هل آخذه وأخربها مثل ما يقولون والا استمر على رأيي المتفق عليه ..

وبعد حلقات نقاش واستشارات بيني وبين نفسي قررت الرفض

 واتضح انه كان قرار سليم لأن اخوي امممممم كيف اقولها عانى من الآثار الجانبية للجرعة اللي ما تعود على الحليب يصير له هذا الشيء ..
 

لكن كانت الزيارة جدا ممتعة واناس جدا طيبين والواحد يفتخر انهم أقاربه
 

 شواء :
 

يوم الأربعاء ..

رحلة برية مع شواء وحركات حلوة

 سأدع الصور تتكلم ..
 

الشواية الأسهل كما تسمى توصل بالكهرباء وتدور من نفسها

خيمة غريبة تركيبها ما ادري وش يبي والمشكله انه كان هواء شديد وهي ما تقاوم الا المطر ما تقام الهواء الشديد لذلك اضطرينا نستخدم الحجارة لتثبيتها

آآآه على التحضر صابون وحنفيه في البر بطريقة جدا حضارية

تحركنا بعد المغرب من المكان متجهين الى الرياض بعد يومين رائعين قضيناهم بين أهلنا وأحبابنا

وهنا انتهى بنا المطاف في الرياض بعد صلاة العشاء من يوم أمس وآآه كم أحبك يالرياض

شكرا على القراءة  

P.S:

ما زلت في انتظار الـWii