hits counter

موضوع انطباعي Yakuza Kiwami : اسف على التاخير كيريو تشان

شيطون

Fortnite Lover
cfspgTg.jpg


الصيف الماضي لعبت زيرو لما نزلت على الpc واللي اعتبرها من افضل العاب الجيل بعد ويتشر 3 وبلودبورن
فكنت متحمس اكمل رحلة الياكوزا معا كيوامي لكن دامها نزلت مجانا على البلس فقلت خلاص العبها وماله داعي انتظر نزلوها على ال pc
كيوامي مو بمستوى زيرو لكن تضل لعبة ممتازة

القصة صدمتني وماتوقعت الشيء اللي حصل في بدايتها خصوصا بعد مالعبت زيرو
والقصة ممتازة لكن السرد ماتوفقوا فيه بعض امور قدموها بشكل غريب وماتعمقوا بالشخصيات وبعضهم تقدم بشكل يجعلك ماتخذه بجدية
باذكرها في سبويلر تاج احتياط للحرق على اللي مالعب
شخصية جينقو اللي ظهر من العدم وطلع راس البلاء
كليا ماتقبلت ذا الشيء ان شخص يظهر بنهاية اللعبة ويكون حجر اساسي فيها

من ناحية ثانية نيشكيما اللي هو شرير اللعبة الاساسي ومعا كذا ظهوره جدا قليل
بس ثلاث مرات ظهر باللعبة بدون مشاهد الفلاشباكات (اللي كانت ممتازة وتجعل تحول شخصيته مقبول)

اكثر شيء احبه في ياكوزا انها عكس كل العاب العالم المفتوح اللي ترميك في عالم ضخم 40% منه فارغ
هنا العكس العالم صغير ولكن مليان بمحتوى كبير وميني جيم كثيرة
تلعب بولينج ,بلياردو ,بيسبول ,تغني بصوت معفن (الشخص اللي اقترح فكرة الكروكي كميني جيم في السلسلة اتمنى يكون حصل ترقية كبيرة ::laugh::)

ناجي لاكثر شيء حبيته في اللعبة وهو majima everywhere
شفت اغنية انا المثلث اللي كانت تجي في سبيس تون تنطبق على ماجيما في كل مكان موجود ::laugh::
تجده في محل وجبات سريعة او في البقالة مرات تتضارب معا ناس ويجي يدخل القتال ضدك
مرات تلعب بولينج فيدخل هو ويلعب ضدك غير رسائل الايميل اللي يرسلها لك وتطيح في مواقف رهيبة ومضحكة مثل احتفالية خروج كيريو من السجن:tearsofjoy::tearsofjoy:

giphy.gif


بجانب جملة الكيريو تشان الخالدة اللي صرت حتى انطقها وانا امشي لول
على ان نشبته مكررة وممكن تتقاتل معه فوق ال 30 مرة لكن يضل شيء جدا ممتع
و ماجيما افضل شيء في اللعبة شخصيته جنونه مطارداته كلها تصنع مواقف خورافية وممتعة

من افضل الاشياء اللي تحسنت عن زيرو هنا هي شجرة التطوير صايرة مرتبة ومنظمة اكثر من شجرة زيرو الفوضوية
ايضا تغير الاستايلات اثناء القتال صاير افضل بكثير لانك تقدر تسوي كومبو جميل بالتغير السريع ذا

على كل اغلب الامور اللي ذكرتها باللعبة تواجدت في زيرو (مادري عن باقي اجزاء)
لكن حتى الحركات القتالية وبعض الانميشن كانت نفسها اللي في زيرو لدرجة انك تحس اللعبة هنا dlc قصصي اكثر من ماهو جزء مكمل او ريميك للعبة قديمة خصوصا انه اقل حجما وكم ومحتوى
بس تضل لعبة ممتازة قضيت فيها 25 ساعة وحبيت كل ثانية قضيتها فيها بستثناء اول شابتر في اللعبة

القصة على عيوب سردها واللي تبين التطور الواضح اللي حصل لمطوري اللعبة مابين 2005 و2015
لكن تضل ممتازة ومؤثرة وبالذات النهاية ...

بس لازم اقول ان سبب حبي للقصة والشخصيات واللي جعلني مهتم باللي يحصل واشوفه مؤثر هو اني لعبت زيرو اقبله
كثيرين رح يجادلون بعدم ضرورة لعب زيرو قبل كيوامي لان بسحب سنة الاصدار فبين الجزئين فوق ال10 سنين والسلاسل تلعبها بحسب سنة الاصدار مو الاحداث
لكن بالنسبة لي لو مالعبت زيرو ماكنت رح اكون جدا مهتم باللي حصل لكيريو وعلاقته معا نيشكي وكل شيء حصل بينهم في زيرو
وبعدها شفت الفيلم واللي جاب لمحات من طفولتهم


كلها رح تشعرك بقوة العلاقة بين الاثنين وليش اللي حصل جدا مؤثر
لعب كيوامي مباشرة بدون زيرو والفلم رح تعطيك تجربة ناقصة حتى لو كانت التجربة الاصلية على البلاي ستيشن 2 بذا الشكل

فيس العب زيرو قبل كيوامي ورح تشكرني فيما بعد
وعلى سيرة زيرو فذا كامل انطباعي عنها في موضوعها الرسمي

وخلاص هنا ينتهي الموضوع البسيط ذا عن ياكوزا كيوامي
واتمنى الموضوع ذا يكون سبب في دخول البعض للسلسلة الرائعة ذي والمظلومة
وانهي الموضوع بذا الاوست الرائع

 

شيطون

Fortnite Lover
الخطوة الجاية العب كيوامي 2 لكن مو الان
بانتظر وقت طويل خصوصا ان عندي العب لسه مالعبتها وفيه العاب ممتازة لسه بتصدر الفترة الجاية
فرح اشوف اذا سيجا مهتمة باكمال نقل السلسلة لل pc واذا فعلا بيصدرون 2 لل pc فرح العبها عليه ان شاء الله
واكمل هالسلسلة الخورافية
 

Pineapple

True Gamer
راح انتظرها على البي سي ان شاء الله ، و متوقع ان سيجا راح تنزل كل الأجزاء عليه.
 

Bounty

رحمه الله
انا في فكرة تروح وترجع لبالي اني ارجع اخلص المهمات الجانبيه لجزء زيرو وكيوامي 1.. بس خايف من الOverwhelming الي مو مخليني حتى اتحمس العب الثاني أو السادس،، خصوصا وان باقيلي الخامس مالعبته T_T

تجارب المهمات الجانبيه للسلسلة لعبة ثانيه تماماً وشرحه حيل 3>
 

Suzuki Yu

True Gamer
انا في فكرة تروح وترجع لبالي اني ارجع اخلص المهمات الجانبيه لجزء زيرو وكيوامي 1.. بس خايف من الOverwhelming الي مو مخليني حتى اتحمس العب الثاني أو السادس،، خصوصا وان باقيلي الخامس مالعبته T_T

تجارب المهمات الجانبيه للسلسلة لعبة ثانيه تماماً وشرحه حيل 3>
بسيطة اهتم فقط بالمهام الجانبية في زيرو 5 و 6 هم أحلى شي.

كيوامي 2 ما عندي فكرة للان ما لعبتها.
 

شيطون

Fortnite Lover
زيرو لعبت حول ٣٠ مهمة جانبية واغلبهم كانوا ممتعات بشكل كبير ولحد الان اذكرهم اهمهم مهمة منتجين الأفلام والولد اللي يبغاك تشتري له مجلة بالغين ::laugh::

كيوامي مالعبت فيه كثير مهام جانبية لكن فيه مهمة استغربت انها جانبية وهي مهمة the yakuza wife حسيتها انها جزئية من اللعبة الرئيسة وقاموا وضعوها كمهمة جانبية خصوصا أن فيها تمثيل صوتي!!
 

Suzuki Yu

True Gamer
زيرو لعبت حول ٣٠ مهمة جانبية واغلبهم كانوا ممتعات بشكل كبير ولحد الان اذكرهم اهمهم مهمة منتجين الأفلام والولد اللي يبغاك تشتري له مجلة بالغين ::laugh::

كيوامي مالعبت فيه كثير مهام جانبية لكن فيه مهمة استغربت انها جانبية وهي مهمة the yakuza wife حسيتها انها جزئية من اللعبة الرئيسة وقاموا وضعوها كمهمة جانبية خصوصا أن فيها تمثيل صوتي!!
يب الجزء الاول كان فيها مهما فرعية لها علاقة بالمين-ستوري.
نسيت اذكر الموضوع هذا وفي اللعبة الاصلية كانت تتحدد بالماب بلون أخضر اذا ماني غلطان... هذا الشي (التنبيه) مو موجود في كيوامي.
 

إبراهيم 906

السميدع
من قدر يفوز على ماجيما في القتال الاول بعدما طلعت من السجن وايش اللي بيتغير بالقصة لو فزت
أنا جلدني جللللد
 

HeNNeSSy

True Gamer
من قدر يفوز على ماجيما في القتال الاول بعدما طلعت من السجن وايش اللي بيتغير بالقصة لو فزت
أنا جلدني جللللد


تحصل مئة ألف سكيل بوينت
 
أعلى