hits counter

نقاش مانجا Yakusoku no Neverland -مكتملة

Netero

True Gamer
عجبني تفسير حقيقة الشياطين، الحبكة مطابقة لسبب عشق الشياطين للدماغ خصوصاً. فقط لازم يفسروا كيف الشياطين اللي صائمين عن لحم البشر عايشين. ونورمان زي ما قيل فوق أتمنى ما يصير شرير وعدو.
 

Abdo Aly

True Gamer
لو كان الوضع كدا من البداية كان اي فايده الاتفاقيه القديمه من الاساس كان يموتهم كلهم و يمنعو عنهم الطعام انتهينا
a
 

AM152

True Gamer
لو كان الوضع كدا من البداية كان اي فايده الاتفاقيه القديمه من الاساس كان يموتهم كلهم و يمنعو عنهم الطعام انتهينا

هما عملوا الإتفاقية لأن ده كان غير ممكن وقتها

فى الوقت ده كان فى حرب بين الطرفين و زى أى حرب فى خسائر كبيرة و ممكن إستنتاج إن ماكنش فى تفوق لأى طرف ، من جهة قدرة ال Demons على التطور مرعبة و الإمكانيات اللى عند بعضهم زى لويس تخلى مواجهتهم غاية فى الصعوبة خصوصا فى الماضى و من جهة تانية الأسلحة المختلفة اللى البشر بيستخدموها شكلت خطر على ال Demons و استمرار الحرب مش فى مصلحة أى حد

الإتفاقية اتعملت بهدف وقف الحرب و الوصول لحل شبه سلمى حتى لو ده معناه التخلى عن نسبة من البشر لل Demons و ماحدش حاول يغير الوضع طول ما كل حاجة مستقرة بس الوضع اختلف حاليا

فى حاجات كثيرة اتغيرت ، الوضع فى مجتمع ال Demons بقى غير مستقر ، نسبة من الأطفال هربت و التجارب على البشر أدت لظهور أفراد عندهم القدرة على الدخول فى مواجهة مباشرة ضد ال Demons و ده مع إنقلاب مينرفا ضدهم و حاليا بقى فى إمكانية حقيقية للقضاء على ال Demons ماكانتش موجودة فى الماضى
 

prin_ce

Gamer
هو على الأغلب تعرض لتجارب بس بهدف زيادة سرعة النمو و اللى اتكلم عنها فى الشابتر و يمكن للسبب ده واضح من مظهره إنه أكبر فى السن


لا لم يزداد نموه لأنه إذا لاحظت فإن طوله نفس طول راي فقط ايما أقصر منهما لذلك بدا في اول وهلة انه اكبر ..غالبا لو افترضنا أن نورمان قد سلطت عليه التجارب فإن التغيير سيكون في القوة العقلية اي انه محتمل أن ذكاءه قد ازداد على ماكان عليه ؟!
 
التعديل الأخير:

AM152

True Gamer
لا لم يزداد نموه لأنه إذا لاحظت فإن طوله نفس طول راي فقط ايما أقصر منهما لذلك بدا في اول وهلة انه اكبر ..غالبا لو افترضنا أن نورمان قد سلطت عليه التجارب فإن التغيير سيكون في القوة العقلية اي انه محتمل أن ذكاءه قد ازداد على ماكان عليه
هو فعلا نفس الطول بس أظن إن الحجم أكبر خصوصا لما تقارنه بصورته القديمة ، ماظنش إن التجارب حاولت تزود ذكائه لأنه كان ذكى جدا من البداية
 
التعديل الأخير:

prin_ce

Gamer
هو فعلا نفس الطول بس أظن إن الحجم أكبر خصوصا لما تقارنه بصورته القديمة ، ماظنش إن التجارب حاولت تزود ذكائه لأنه كان ذكى جدا من البداية

لكن لو كان هناك تغيير لكان اول من لاحظه ايما لما قابلته أضف إلى ذلك راي و باقي الاطفال فما داموا لم يلاحظوا اي تغيير فهذا يدل على أن نورمان حجمه طبيعي لأن وجود تغيير على الشكل هو من الأمور التي لا يمكن أن تخفى على أحد فما بالك لو كان ذلك الاحد هم اصدقاء طفولتك بالتالي هذا احتمال بعيد...هناك احتمال آخر و هو أن نورمان استطاع أن ينجوا من تلك الاختبارات بشكل من الأشكال و ممكن أن يبين الكاتب ذلك في قادم الفصول.
نقطة أخيرة لا أعلم ان كنتم قد لاحظتموها و هي ملامح وجه ايما في آخر الفصل بعد سماعها بمقترح نورمان كان يبدوا عليها الصدمة و هذا يدل على أنها لن تقبل بهذا المقترح ..فالغالب انها ستجنح للحل السلمي لكن السؤال هل ستتمكن من إقناع نورمان ام ان شخصية نورمان الجديدة بخلاف ما كنا نعرفها لأنه لو كان نورمان القديم فاضمن انه سيوافق ايما لأنه يحبها لكن الظاهر ان نورمان الحالي أكثر منطقية و يغلب عليه العقل كما ان الحقد الذي يحمله للوحوش قد يكون أكبر من أن يستسلم لعاطفته ما رأيكم في هذه النقطة ؟!
 
التعديل الأخير بواسطة المشرف:

retha

from a parallel universe
^
استخدم السبويلر تاق!
 

AM152

True Gamer
لكن لو كان هناك تغيير لكان اول من لاحظه ايما لما قابلته أضف إلى ذلك راي و باقي الاطفال فما داموا لم يلاحظوا اي تغيير فهذا يدل على أن نورمان حجمه طبيعي لأن وجود تغيير على الشكل هو من الأمور التي لا يمكن أن تخفى على أحد فما بالك لو كان ذلك الاحد هم اصدقاء طفولتك بالتالي هذا احتمال بعيد...هناك احتمال آخر و هو أن نورمان استطاع أن ينجوا من تلك الاختبارات بشكل من الأشكال و ممكن أن يبين الكاتب ذلك في قادم الفصول.
نقطة أخيرة لا أعلم ان كنتم قد لاحظتموها و هي ملامح وجه ايما في آخر الفصل بعد سماعها بمقترح نورمان كان يبدوا عليها الصدمة و هذا يدل على أنها لن تقبل بهذا المقترح ..فالغالب انها ستجنح للحل السلمي لكن السؤال هل ستتمكن من إقناع نورمان ام ان شخصية نورمان الجديدة بخلاف ما كنا نعرفها لأنه لو كان نورمان القديم فاضمن انه سيوافق ايما لأنه يحبها لكن الظاهر ان نورمان الحالي أكثر منطقية و يغلب عليه العقل كما ان الحقد الذي يحمله للوحوش قد يكون أكبر من أن يستسلم لعاطفته ما رأيكم في هذه النقطة ؟!

بالنسبة لنورمان فالفصول الجاية ممكن توضح اللى حصل بالضبط

بالنسبة للنهاية فالخلاف بين نورمان و إيما متوقع و ماظنش إن نورمان هايغير رأيه و إن كنت أظن إنه ممكن يدى إيما فرصة عشان تثبت وجهة نظرها قبل مايتحرك
 

Abdo Aly

True Gamer
مفيش نقاش اذا لا احد تعجبه الأحداث

images


شابتر 121 ما في شي
شابتر 122 هو المهم
الخلاف بين راي و ايما مع نورمان بيحصل في النهايه رافضين مبدأ الاباده (يا ريت لو حطوا ارك لما كانو في قريه الشياطين )
مش عارف الوضع دا فكرني بتوكيو غول هممم
 

AM152

True Gamer
@Abdo Aly

هى الفكرة مش إن الأحداث ماعجبتش حد قد ما هى إن الموضوع تم الكلام عنه فعلا ، عموما شابتر 123 قدم تطورات جديدة و كان جيد جدا فى معظمه

النقطة اللى عدد من المتابعين كانوا قلقانين منها (و أنا منهم) و هى عدم الإتفاق بين حقيقة ال Demons و وضع Musica تم شرحها فى الشابتر و طلعت نقطة مهمة و أساسية و مش شئ عشوائى

Musica وضعها مختلف عن باقى ال Demons العاديين و على الأغلب هى مش لوحدها و أظن إن فى حاجات تانية لسه مانعرفهاش عنهم خصوصا مع بعض التلميحات عن الشخصية عند ال seven walls (مش متأكد إذا كان يعتبر قائد ال Demons و لا شئ مختلف)

اللى حبيته فى الشابتر إنه تعامل مع أفكار إيما بشكل منطقى ، فى الوقت الحالى و مع المعلومات المتوفرة هدف إيما مستحيل تحقيقه و ده اللى أكد عليه الشابتر و الطريق الوحيد بالنسبة لها هى إنها تواجه نورمان بأفكارها عشان توصل لقرار نهائى بخصوص الموضوع فقط و دى نقطة تم عرضها بشكل جيد فعلا

نهاية الشابتر بتوحى بتوجه كان متوقع بالنسبة لى مع الحوار بين نورمان و مساعده فى الشابتر اللى فات، أظن إن المجموعة دى عندها مشكلة مع إيما و مجموعتها خصوصا مع قربهم لنورمان
هدف المجموعة ممكن يكون التحكم فى نورمان و قرارته (أو حتى أخد القيادة منه) و وجود إيما و راى هايشكل عقبة فى خطتهم و أظن إن فى مواجهة هاتحصل بين الطرفين
 

Solay

Double Jumper
الرتم للأسف مره بطئ، شابتر كامل راح على حاجه ممكن تقولها بثلاث صفحات.

بس عموما المعلومات اللي ذكرت بالشابتر ممتازة، فعلا كان فيه عدة بلوت هولز مصيبه لو ماانتبه لها بس طلع الكاتب مصحصح.
 

Netero

True Gamer
خطة نورمان منطقية وممتازة، باقي بس تموت إيما بسبب شيء ما وأكون مبسوط.
 

retha

from a parallel universe
أنا مع نورمان، الي شافه من بعد ماترك الميتم شيء ماراح تفهمه إيما. أتمنى خطته تنجح وبعدها تبدأ إيما تتدارك الوضع، كيفها عاد.
 

AM152

True Gamer
كنت فاكر المجموعة مع نورمان هاتتحرك ضده بس الموضوع طلع مختلف و بصراحة تصرفاتهم منطقية مع اللى مروا بيه ، من جهة تانية الشابتر ده بيأكد إن مافيش إمكانية للتعايش مع ال Demons

حتى مع وجود هدف مشترك فى الآخر كل ال Demons عاوزينه هو التغذى على البشر و مافيش طريقة لتجاوز النقطة دى و بالتالى مافيش حل

بصراحة فكرة القضاء على Race بالكامل مش فكرة جميلة و أقدر أفهم ليه إيما مش مقتنعة بالموضوع بس فى نفس الوقت ده الحل الوحيد و المنطقى فى الوقت الحالى و ماقدرش أقول إن نورمان مخطئ أو إنه محتاج يغير خطته :confused::
 

Tohi

تـأَمُّل
الأحداث من بعد قولدي يوند حتى مرور السنتين كانت غير مثيرة لإهتمامي مطلقًا...الكاتب للأسف ما أعطاها البناء الصحيح والرتم كان سريع، فالقارئ كان يحس وكأنها "خرابيط" @@ والتوجه بشكل عام ما أعجبني بصراحة.


عمومًا، الوضع تحسن شوية في الأحداث حقت إقتحام الملجأ، وأيضًا كيف إنه قتل شخصيات *بالرغم من إنها فعليًا شخصيات ما نعرفها* فجأة ومن دون سابق إنذار أعطى إحساس بالخطر، لكن بعدها فجأة ظهر مينيرفا كذا سريع وبعد تدمير الملجأ علطول ، وظهوره في ذيك اللحظة كان نوعًا ما غير مبرر، ولكن يلا نمشيها.


ظهور نورمان وكونه مينيرفا في الواقع! أعتقد كثير كان صعب عليه يتقبل هذي الفكرة، لأننا من زمان كنّا ننتظر عودة نورمان و"ارك" يشرح الأحداث اللي حصلت له وأيضًا يلتقي بإيما والباقين في وضع أكثر بؤسًا (&) وفعلًا كما قال أحد الأعضاء فوق "كانوا يحسسوني بالخوف" آخر تشابترات الطريقة اللي يظهر فيها نورمان، بسبب إنه ظهر بطريقة غامضة وهدفه غامض وكل شيء حصل له حتى هذه اللحظة غامض.لكن على أية حال، آخر تشابتر نزل أعجبني جدًا! ايش سبب إعجابي له؟ اممم غير واضح جدًا في الواقع، أعتقد إنه طمئنني شوية من ناحية نورمان، وأيضًا حبيت جدًا التطور اللي حصل لشخصيته، وكمان رجوع "الإستراتيجية " مرة أخرى اللي كانت ميزة العمل! بدلًا من حكاية الأبواب السبعة المملة (&)

عمومًا أتمنى الكاتب ما يشطح كثير قدام، وإنه يكون فعلًا فيه "بعض القطع الناقصة من الأحجية" في خطة نورمان.
 

Tohi

تـأَمُّل
126
امممم ما أعرف مشاعري نحو الفصل صراحة...حبيته، أو لا....هذا بيعتمد على الأحداث القادمة.وأتمنى فعلًا إن الاستراتيجية تعود للمانجا :(
في شخص قرأه؟
 

Zy-ad

True Gamer
اخر خمس فصول ماقريتها
لكن احس المانجا من بعد ارك الجولدي بوند
ماهي ماشيه بنظام ورتم ثابت
احس الوضع عشوائي شوي صار
ما اقول انه صار سيئ طبعا بس بنفس الوقت اتمنى الكاتب يكون مخطط كويس للارك الاخير
 

Abdo Aly

True Gamer
126
امممم ما أعرف مشاعري نحو الفصل صراحة...حبيته، أو لا....هذا بيعتمد على الأحداث القادمة.وأتمنى فعلًا إن الاستراتيجية تعود للمانجا :(
في شخص قرأه؟

فعلا الوضع يعتمد علي الشباتر الجايه اكثر الشابتر دا بيطرح كام سوال
 

AM152

True Gamer
@Tohi__1

قرأته و زيك شايف إن الموضوع هايعتمد على سير الأحداث القادمة
الأحداث من بعد قولدي يوند حتى مرور السنتين كانت غير مثيرة لإهتمامي مطلقًا...الكاتب للأسف ما أعطاها البناء الصحيح والرتم كان سريع، فالقارئ كان يحس وكأنها "خرابيط" @@ والتوجه بشكل عام ما أعجبني بصراحة.
عمومًا، الوضع تحسن شوية في الأحداث حقت إقتحام الملجأ، وأيضًا كيف إنه قتل شخصيات *بالرغم من إنها فعليًا شخصيات ما نعرفها* فجأة ومن دون سابق إنذار أعطى إحساس بالخطر، لكن بعدها فجأة ظهر مينيرفا كذا سريع وبعد تدمير الملجأ علطول ، وظهوره في ذيك اللحظة كان نوعًا ما غير مبرر، ولكن يلا نمشيها.

ظهور نورمان وكونه مينيرفا في الواقع! أعتقد كثير كان صعب عليه يتقبل هذي الفكرة، لأننا من زمان كنّا ننتظر عودة نورمان و"ارك" يشرح الأحداث اللي حصلت له وأيضًا يلتقي بإيما والباقين في وضع أكثر بؤسًا (&) وفعلًا كما قال أحد الأعضاء فوق "كانوا يحسسوني بالخوف" آخر تشابترات الطريقة اللي يظهر فيها نورمان، بسبب إنه ظهر بطريقة غامضة وهدفه غامض وكل شيء حصل له حتى هذه اللحظة غامض.لكن على أية حال، آخر تشابتر نزل أعجبني جدًا! ايش سبب إعجابي له؟ اممم غير واضح جدًا في الواقع، أعتقد إنه طمئنني شوية من ناحية نورمان، وأيضًا حبيت جدًا التطور اللي حصل لشخصيته، وكمان رجوع "الإستراتيجية " مرة أخرى اللي كانت ميزة العمل! بدلًا من حكاية الأبواب السبعة المملة (&)

عمومًا أتمنى الكاتب ما يشطح كثير قدام، وإنه يكون فعلًا فيه "بعض القطع الناقصة من الأحجية" في خطة نورمان.

متفق معاكى بالنسبة للأحداث من بعد جولدى بوند ، الرتم كان سيئ جدا و الأحداث كانت عشوائية و بصراحة حتى آرك جولدى بوند نفسه كان عندى عدد من المشاكل تجاهه و اللى حسيته إن على عكس الآرك الأول الكاتب ماخططش بشكل كافى لباقى القصة :disappointed:

عدم قتل أى شخصية فى آرك جولدى بوند كان شئ غير منطقى و خطأ من الكاتب و ده اللى حسيت إنه انتبه ليه مع إقتحام الملجأ بس للأسف ماقدرش يخاطر و يقتل أى شخصية معروفة (حتى من الشخصيات الجديدة) و ده شئ كان ملحوظ و ضايقنى و إن كان يعتبر تحسن عن السابق

أظن إن الكاتب كان عنده نية لعمل آرك خاص بهروب نورمان و ده واضح من التفاصيل اللى ذكرها بخصوص الهروب و اللى تنفع كملخص لآرك بس تراجع عن الفكرة لسبب ما ، ممكن لأنه ماقدرش يضيفه وسط الأحداث الأساسية أو لأنه ماقدرش يقدم الهروب بشكل منطقى

الوضع اتحسن نسبيا من بعد رجوع نورمان للقصة ، حبيت شابتر 125 و اللى قبله لأنهم رجعوا جانب الصراع النفسى و الإستراتيجية و اللى كانوا أهم مميزات فى العمل ، زى الآرك الأول كل شخصية سواء نورمان أو إيما أو راى ليها نظرة مختلفة للمشكلة و طريقة حلها و الصراع بين طرق التفكير المختلفة كان من النقط اللى حبيتها فى العمل بالإضافة للرجوع للإعتماد على الخطط مرة تانية
للأمانة ماحبيتش التطور اللى حصل لنورمان فى البداية و كنت أفضل لو كان الوضع اتعكس و كان راى هو اللى فى مكانه بس طريقه تقديمه فى الشباتر الأخيرة كانت جيدة فعلا و خطته منطقية و مقنعة

بالنسبة لشابتر 126 فالوضع مختلف

فى البداية ممكن أفهم تفكير إيما ، الشخص اللى بيتحرك تحت تأثير كره عميق ممكن يرتكب جرائم أو يشكل خطر حتى على اللى معاه مش أعدائه فقط و الموضوع مش مجرد تعاطف مع ال Demons زى ما ذكرت بس فى نفس الوقت إحساس باقى الشخصيات مبرر و مافيش حل بديل و هنا بييجى اللى حصل فى النهاية

واضح إن الكاتب مش هاياخد إتجاه قتل ال demons و الجزئية بخصوص Musica على الأغلب هاتكون المعلومة الناقصة اللى هاتسمح بوجود إمكانية للتعايش بين ال Demons و البشر و كون إن Musica هى اللى ذكرت لإيما موضوع الأبواب السبعة فده تأكيد لأنها عارفة إن الإمكانية موجودة بس تعامل الكاتب مع النقطة دى هو اللى هايحدد إذا كان ده تطور جيد و لا سيئ
إذا كان ده شئ ممكن فليه ماحصلش من زمان بدل الحرب بين الطرفين و المشاكل فى عالم ال Demons الناتجة على الإعتماد على ال Mass Production ، السبب لازم يكون منطقى و الإمكانية لازم يكون تحقيقها صعب بشكل يبرر عدم حدوثها طوال مئات السنين و إلا الموضوع هايبقى غير منطقى و عشوائى

حتى لو الموضوع كان منطقى فده برضه مش معناه تحقيق السلام بسهولة و اللى ال Demons عملوه فى المزارع و فى Lambda مش شئ بسيط ممكن تجاهله و دى نقطة قلقان منها مع التوجه الحالى

عموما الحكم على الموضوع هايبقى صعب فى الوقت الحالى و الشباتر الجاية هى اللى هاتحدد و اتمنى إن الكاتب يكون اتعلم من أخطائه السابقة و يقدم شئ مختلف
 
التعديل الأخير:

Tohi

تـأَمُّل
127
ما أعجبني..........
 

Abdo Aly

True Gamer
الحال فضل يعجبك و فصل لا
الفصل 127 قدم اجابات مرضيه واضح ان الكاتب ععندو مشاكل في الحفاظ علي الرتم مش عارف ضغط خارجي علشان ينهي الاحداث او من المحرر
 

Tohi

تـأَمُّل
الحال فضل يعجبك و فصل لا
الفصل 127 قدم اجابات مرضيه واضح ان الكاتب ععندو مشاكل في الحفاظ علي الرتم مش عارف ضغط خارجي علشان ينهي الاحداث او من المحرر
:laughing::laughing:
إذًا موزيكا طلعت تشّكل تهديد كبير لخطة نورمان وبشكل يفسر نظراته المصدومة، كون قطرة من دمائها ممكن تخلي الشيطان من النوع الإستثنائي @@ اقدر أتفهم نورمان، وواضح إنه عانى جدًا من الشيطان في الفترة السابقة، لكن تغيره بهالشكل مخيف بصراحة...
اقدر أتفهم ايما كمان من ناحية إنها تبغى تساعد موزيكا، لكن لسه أفكارها شوية أنانية وصعبة التطبيق خصوصًا في الأحوال الراهنة، وحقيقة إنه الشياطين حتى لو صار عندهم جسد استثنائي، رغبتهم في أكل البشر ما راح تختفي، وهي مشكلة.
مثل ما قال الأخ عمرو في رد سابق، واضح الأدوار بين نورمان وراي انعكست، للأسف، وراي هو اللي بيحاول يجيب حل وسط كونه العقلاني اللي تسنت له الفرصة يقابل شياطين مثل موزيكا.
بصراحة، كنت أتمنى لو نورمان هو اللي قابل موزيكا :(

نقطة أخيرة، أتمنى الصداقة بينهم ما تخرب، لأنه لو حصل كذا.....كل شيء تم بنائه في الآرك الأول بيضيع :confounded:
 
التعديل الأخير:

Netero

True Gamer
بكل صراحة العمل تطور بأفضل شكل ممكن بعد الارك الأول، ولا زال جدا ممتاز. فيه كم سلبية هنا وهناك لكن بالمجمل ما أقدر أشوف سيناريو أفضل من الحالي. ١٢٧ حسسني إن الكاتب ذكي ويقدر يربط كل شيء من دون تناقضات، ووسع الموضوع وربطه بالطبقات الاجتماعية بشكل جداً ذكي وrelevant لواقعنا الحالي.
 

AM152

True Gamer
شابتر 127

الشابتر ممكن تقسيمه لجزئين بالنسبة لى ، الجزء الأول متعلق بموزيكا و حقيقة وضعها و الجزء الثانى يبقى تعامل نورمان مع الوضع الجديد و اختلافه مع إيما

بالنسبة للجزء الأول كنت اتكلمت قبل كده إن سبب عدم تحقيق التعايش بين ال Demons و البشر لازم يكون مقنع و بعد ما تم شرحه فى الشابتر أظن إنه كان مقنع فعلا باستثناء نقطة معينة

من جهة خوف العائلة المالكة من قدرة موزيكا و محاولتهم للتحكم فيها شئ منطقى فى حد ذاته ، المسألة مش مقتصرة على موزيكا فقط و إنما فكرة الوعد من أساسها كانت بهدف إن العائلة المالكة تتحكم بشكل كامل فى المزارع و بالتالى فى عالم ال Demons و ده شئ مشابه للى بيحصل فى عالم الواقع فعلا ، الشئ اللى ماكانش مقنع نسبيا يبقى قدرة العائلة المالكة على القضاء على أتباع موزيكا

كل اللى موزيكا محتاجاه إنها تدى شخص تانى كمية بسيطة من دمها و بعدها الشخص ده مش بس هيحافظ على شكله و إنما هايكتسب نفس القدرة و ممكن ينقلها لأشخاص تانيين ، بالنسبة لل Demons اللى عندهم الخوف من تدهور أشكالهم ده مش شئ بسيط و كون إن قصتها انتشرت لعدد من القرى يخلينى اتصور إن معظم ال Demons هاينضموا ليها و مع طريقة الإنتشار السهلة نسبيا فأتباعها هايزيدوا بشكل سريع أو على الأقل هايبقى صعب القضاء عليهم بس عموما النقطة دى ممكن تجازوها و تفسيرها بعدد من الأشكال و مش هاعتبرها نقطة أساسية

الجزء التانى و المهم يبقى الخلاف مع نورمان (للتوضيح ترجمة جامينى بوكس كان فيها خطأ ، فى جزء من حوار نورمان مع إيما الترجمة الصحيحة ليه على ما أظن إن نورمان قال لإيما إن حتى لو كانت موزيكا و سانجو أصدقاء فهما مش هايسامحوهم على محاولة القضاء على باقى ال Demons)
إذًا موزيكا طلعت تشّكل تهديد كبير لخطة نورمان وبشكل يفسر نظراته المصدومة، كون قطرة من دمائها ممكن تخلي الشيطان من النوع الإستثنائي @@ اقدر أتفهم نورمان، وواضح إنه عانى جدًا من الشيطان في الفترة السابقة، لكن تغيره بهالشكل مخيف بصراحة...
اقدر أتفهم ايما كمان من ناحية إنها تبغى تساعد موزيكا، لكن لسه أفكارها شوية أنانية وصعبة التطبيق خصوصًا في الأحوال الراهنة، وحقيقة إنه الشياطين حتى لو صار عندهم جسد استثنائي، رغبتهم في أكل البشر ما راح تختفي، وهي مشكلة.

متفق مع اللى قلتيه هنا و الحقيقة إن كل شخص ليه أسباب مقنعة لوجهة نظرة ، من جهة كلام نورمان عن عدم توقف ال Demons عن أكل البشر صحيح و الدليل سانجو نفسه و اللى توقفه عن أكل البشر راجع فقط لعدم إقتناعه بفكرة المزارع و من جهة تانية فكرة عمل إبادة جماعية ل Race مش شئ بسيط بأى شكل و فعلا كنت اتمنى لو الوضع اتعكس و كان راى هو صاحب الفكرة و نورمان اللى كان بيحاول يوصل لحل وسط

بالنسبة لى خطة نورمان فيها مشكلة ، لو خطته بتعتمد على القضاء على المزارع عشان ال Demons يفقدوا اشكالهم و بعدها القضاء على العائلة المالكة و النبلاء إيه اللى يخليه يضمن إن العائلة المالكة ماتنتبهش لده و تنقل قدرتها لعدد من ال Demons كحل أخير للدفاع عن النفس ( هو للأمانة ده مستبعد لأن معناه فقدانهم لجزء من سيطرتهم على عالم ال Demons بس ده إحتمال وارد لو هاتخسر كل حاجة) ، فى نفس الوقت كلام إيما صعب التطبيق على الواقع

بغض النظر عن النقط دى هل فى إمكانية لحل وسط ؟ بالنسبة لى ممكن بس هايبقى أصعب و مش مضمون

الوضع فى عالم البشر مجهول حتى الآن بس ممكن عمل محاولة لإستكشافه و معرفة إذا ممكن الإنتقال ليه قبل الحكم بعدم وجود إمكانية ، حتى بالنسبة لعالم ال Demons موزيكا أكيد هاترفض القضاء على باقى ال Demons بس ممكن الوضع يختلف لو تم فقط القضاء على العائلة المالكة و النبلاء و أتباعهم ( و اللى يعتبروا أعدائها) و بعدها يتم نشر قدرتها و عمل وعد جديد ، ال Demons مش هايفقدوا رغبتهم فى إلتهام البشر بس ممكن إضعاف قوتهم عن طريق الحرب و ده مع الحصول على الإمكانيات و الأسلحة اللى عند عائلة راترى و اللى ظهرت أكثر من مرة خلال العمل ممكن يحقق نوع من التوازن يمنع الDemons من مهاجمة البشر ، ده ممكن يكون معناه القضاء على نسبة كبيرة من ال Demons على عكس رغبة إيما و برضه خطر ال Demons مش هاينتهى تماما على عكس رغبة نورمان بس على الأقل ده أحسن من الإبادة الجماعية

أظن إن نورمان بالذات عنده الذكاء الكافى إنه يوصل لحل وسط و يحققه بس المشكلة إن اللى مر بيه مش بسيط و حتى لو فكرة الأبادة ممكن تبقى خاطئة من ناحية أخلاقية فده بالنسبة له أهون من المخاطرة و التعرض لخطر ال Demons مرة تانية ، الحل المناسب للكل هنا مش موجود و المسألة بتعتمد على إيه اللى عندك استعداد للتضحية بيه
 
أعلى