hits counter

Viva Pinata - الموضوع الرسمي

Naif

Executive Member
لوول حظي سيئ .. اليوم رحت الصبح السوق على شان اشوف الالعاب اللي عنده و اقرر .. القهر حصلت اللعبتين (جيرز و بيناتا ) و احترت بينهم .. قلت برجع له بعدين و بخذ بيناتا (حسيت انها بتعجبني اكثر .. ) يوم رجعت ما حصلتها في المحل .. ><

ريو لا تكون انته اللي اخذتها P: .. قالي باجر العصر بتوصله دفعة جديدة ..

هذا الموضوع الرسمي للعبة من الحين :)
 

ryo hazuki

True Gamer
ياريت انا يلي اخذتها انا اليوم رحت ابوظبي و دورت محل محل كل ما ادش اقولهم فيفا بينياتا يطلعون لي فيفا الكوره ....او يقولون شوهاذي ... بعدين دشيت عند سوداني لابس المحل و يلعب فاينل قلتله شي العبه قال مابيبها .....كرهته صدق

و كنت طالع وفقدت الامل و شفتها بالحظ عند محل واحد و يايب نسخه وحده و سبيشل اديشن
وطلعت من المحل قمه من الفرح اول مره اشتري سبيشل ادشن ووقفني الشرطي :cryy: وعطاني مخالفه 10000 درهم مخفي(تلوين) ..مااقدر اوصف شعوري بصراحه شوي و بيني انهيار عصبي


السبيشل ادشن روعه و جدا جذاب و حاطينه بطريقه ان الدسك مرماي في حديقه روعه .

شباب لازم تطالعون هذا GOW VS Viva Pinata

http://www.youtube.com/watch?v=VfTXrIsJ-6s هههههههههههههههههه

9/10 تقييم روعه والله
box-art-se.jpg
 

Ginko

Banned
من الي قراته وسمعته عن اللعبه، شكلها من جد "تحشيش" لووول

ابخذها بنفس اليوم الي باخذ فيه الوي.
 

Kratos

True Gamer
Ginko قال:
من الي قراته وسمعته عن اللعبه، شكلها من جد "تحشيش" لووول

ابخذها بنفس اليوم الي باخذ فيه الوي.

اللعبة إدمان .. أجرتها وجلست عليها 4 ساعات بعد ما كنت مخطط لـنص ساعه :p

فيها شوية مشاكل بالفريم ريت .. لكن رهيبة
 

CyberMaster

True Gamer
ryo hazuki قال:
و كنت طالع وفقدت الامل و شفتها بالحظ عند محل واحد و يايب نسخه وحده و سبيشل اديشن
وطلعت من المحل قمه من الفرح اول مره اشتري سبيشل ادشن ووقفني الشرطي :cryy: وعطاني مخالفه 10000 درهم مخفي(تلوين) ..مااقدر اوصف شعوري بصراحه شوي و بيني انهيار عصبي


السبيشل ادشن روعه و جدا جذاب و حاطينه بطريقه ان الدسك مرماي في حديقه روعه .

box-art-se.jpg
الظاهر اول دفعه من اللعبه هي سبشل ادشن فقط ولفتره محدوده تنباع بسعر النسخه العاديه 49$ والأن مافيه نسخة عاديه امريكيه بعد ماينتهى السبيل ادشن يمكن راح يكون فيه نسخه عاديه
عشان كذا لو تبحث في امازون و EBgames و Gamestop ماتلقى الا اصدار واحد وبسعر 49$
http://www.gamestop.com/product.asp?product_id=200167
سبشل ادشن و بـ49$ عرض مغري صراحه :moneymouth:
هذي صور للنسخه السبشل (اليابانيه)
http://image1.play-asia.com/640/PA.70670.006.jpg
http://image4.play-asia.com/640/PA.70670.008.jpg
http://image1.play-asia.com/640/PA.70670.007.jpg
 
التعديل الأخير:

mario0o

True Gamer
مبروك عليك اللعبة ريو .. لا تنسا تصور محتويات الغلاف :::wink:::

لووول ما حصلت DoA :yuck: ?
 

mario0o

True Gamer
مبروك عليك اللعبة ريو .. لا تنسا تصور محتويات الغلاف :::wink:::

لووول ما حصلت DoA :yuck: ?
 

Ryu-Bounty Hunter

True Gamer
اللعبة ما دامها من رير يعني هي مست بالنسبة لي بس يمكن مو في الوقت الحالي بس باخذها اكيد
اللي شرى اللعبة و جربها اي احسن هي ولا كاميو لأن كاميو ما عجبتني لذيك الدرجة -_-
 

ryo hazuki

True Gamer
من اول ماشغلتها و كملت لعب 7 ساعات متواصل مندون ما احس بالوقت , ماتوقعتها تكون بهذي الطريق الصراحه لعبه روعه من رير الموسيقى , الجرافكس الجيم بلي الواحد احلى عن الثاني

العبه يلي قال للاطفال اقوله شكلها للاطفال لكن منداخل العبه جدا عميقه و الاحداث فيها وايد و الاشياء المطلوبه منك وايد و مضحكه بشكل مش طبيعي الكوميديا فيها بالهبل

الاحلى الشخصيات الهيومن طريقه كلامهم و تصميمهم و حركاتهم تفطس من الظحك

الاحلى من نوعها بصراحه
اي احسن هي ولا كاميو لأن كاميو ما عجبتني لذيك الدرجة

هذيك مغامرات لكن فيفا استراتيجيه اذا لعبت سيمز او انيمال كروسنج اكيد هذي بتعجبك

بالنسبه لي هذي احلى عن كاميو

5 Extra Accessories
Create a new garden titled "chewnicorn" and you will recieve 5 extra accessories at the Pet shop when it is available.
Unlock More Accessories Code
Create a new garden and name it Bullseye. It will unlock new items for your pinata's to wear.

تقدر تسجل الاثنين اول ماتبدا دخل اول كود يوم يقولك اختار اسم الحديقه و بعدين دخل الكود الثاني و بعدها دخل الاسم يلي تريده للحديقه


انا وقفت كل الالعاب الثانيه عشانها و انشالله بكملها لانها وايد مرحه و اسلوب يديد
 
التعديل الأخير:

Naif

Executive Member
لوووول .. و الله اللعبة ممتعة واايد .. امس قعدت عليها يمكن 3 ساعات متواصلة .. ما اقدر انتظر حتى اخلص واجباتي و ارجع العبها ..

لوول ريو اذا تريد ترسلي هدايا تعرف الغيمرتاغ مالي ;)
 

Xeno

True Gamer
اليوم الصبح خلصت جيرز أف وور, العصر أخلص ديد رايزنج, بكرة فيفا بينياتا. :laugh:
 

Naif

Executive Member
لووول دخليكم حد يطرشلي فلوس .. مفلس للاخر .. (المشكلة بنيت سياج للديدان (ما رحموهم البينياتا الثانيات .. كل واحد دخل الحديقة قال بيكاله دودة ..) .. )

عندي شوية اسئلة:

- في طرق حلوة اقدر اربح فيها فلوس؟
- كيف اقدر اسوي رومانسينج بين مخلوقين لاول مرة و مافي قلوب فوقهم ؟ (الحلاوة ما تنفع الا اذا سويت لهم رومانسينج قبل)
- هل بتكبر مساحة الحديقة مع تقدم الوقت؟
- كيف اقدر ابيع الثمار من الاشجار بعد ما تنمو؟
 

Khalid-S

Executive Member
نايف .. تاكلهم كاندي اذا تبيهم يحبون بعض.
 

Naif

Executive Member
بس ما نفعت ؟؟ حاولت توني مع افعتين ما طايعين ياكلون الكاندي .. يوم قريت معلومات الكاندي مكتوب انه مفعولها ما ينفع الا اذا صار في رومانسينج قبل بين البينياتاز ..

بحاول مرة ثانية .. يمكن كنت اسوي شي غلط ..

تعديل: خالد لو تقدر تغير عنوان الموضوع للموضوع الرسمي .. غيرته بس ما اعرف ليش ما طالع في صفحة المنتدى؟
 

Khalid-S

Executive Member
خخخخخ اخوي الصغير كان يسويها .. بساله بشوف.

اوكي.
 

DeViL MiNd

Banned
اللعبه للاطفال المفروض يقولون لمن هم في 10 -
 

Xeno

True Gamer
Naif قال:
- هل بتكبر مساحة الحديقة مع تقدم الوقت؟
هذا السؤال أعرف جوابه... إيه وبقوة.
 

mario0o

True Gamer
حسب اللي قالي ريو هازوكي . ان مثلا كل مخلوقين تزوجهم بطريقة مختلفة اعتقد .. تكبر المساحة مع ارتفاع الليفيل .. وايد يمدحها ريو يقول يجلس ساعات عليها :smile:

اللعبه للاطفال المفروض يقولون لمن هم في 10 -
ريو يقول اليهال (الاطفال) ما بيقدرون يلعبونها لوول + هالموضوع الرسمي للعبة واللي عاجبتنه اللعبة واشتراها :::wink:::

وايد اتكلم بالنيابه عن ريو :yuck:
 
التعديل الأخير:

Ryu-Bounty Hunter

True Gamer
هذيك مغامرات لكن فيفا استراتيجيه اذا لعبت سيمز او انيمال كروسنج اكيد هذي بتعجبك

بالنسبه لي هذي احلى عن كاميو
زين زين
يعني اللعبة سمز و من رير و ردودكم تحمطني
بديت اتحمس للعبة!!
 

Lunar Poet

True Gamer
ودي لو اجربها .. كلامكم يحمس لول .. بس ما عندي X360 للأسف :normal:
Dr.Silence قال:
اللعبه للاطفال المفروض يقولون لمن هم في 10 -
يعني لازم يكون فيها دم و تقطيع عشان يلعبونها الكبار :roll:
 

Bounty

رحمه الله
لو تدرون اشكثر ودي العبها :(


بس يبيلي 360 و حاليا مشغول بالدراسه مستحيل اقدر آخذ واحد >_<
 

Ash Storm

True Gamer
هممم شباب في موضوع محيرني ><

انا اريد اشتري الـ 360 على شان العب جيرز اوف وار و فيفا بيناتا و العاب اخرى كثيرة ,, لكن ..
انا حاليآ مقيم بمصر , و لو بشتري الجهاز فراح اشتريه من دبي , و اخاف اني لو شريته و جبته يعطل عندي ( مثل ما حصل مع معظم اعضاء المنتدى ) و وقتها ما راح اقدر اعمل شي>< ما راح اقدر ارجعه و لا راح اقدر اجيب واحد جديد و لا شي ,,,, فأيش الحل؟ ما في طريقة معينة ممكن من خلالها اتجنب اني اجيب جهاز و بعد كم اسبوع يعطل؟
 

Naif

Executive Member
^ ما اعتقد في حل و الله .. حاول تنتظر شوي لين العام القادم اتوقع مايكروسوفت بتصدر النسخ الجديدة من الجهاز .. او اذا كنت مستعجل .. اشتره PAL من محل معروف مثلا فيرجن و اسئلهم اذا يقدمولك ضمان من فرعهم في مصر (اذا بتاخذه من دبي .. ) .. اما اذا خذيته من مكان ثاني .. مافي حل مثالي الا انك تلعب فيه في مكان دايما مركز عليه التكييف (لانه المشكلة الرئيسية للجهاز هي الحرارة .. ) و حاول تاخذ جهاز تاريخ تصنيعه قريب ..
 

Mesharey

True Gamer
حمستوني ودي آخذها خصوصا اني احب الألعاب نفس هالطريقة حيل، لكن صعب صراحة .. الألعاب كثيرة + قريب اني افلس بسبب السيارة ~__~


على ذكر حرارة الجهاز .. لاتشوفون جهازي المسكين حاطه داخل المخزن من كم يوم وكله غبار هناك وحر وبس مطلع اليده والعب فيه :yuck:
الواحد يدخل يستغرب يشوف يد بس P:
 

sanjiyan

Hardcore Gamer
انا لعبتها عند ريو والصراحة اللعبة حلوة و عميقة مثل ما قال.

اللعبة محتاجة وقت وايد و جهد كبير لكن للأسف كثرة الالعاب بتمنعني من لعبها ... يالله نستمتع فيها معاك ريو :laugh:
 

Naif

Executive Member
لوول شكرا ريو على الهدايا :)

اليوم تضايقت من بينياتا (ما اذكر شو اسمه) كان قاعد ياكل الديدان مالتي .. قعدت اضربه بالشوفل و بعدين مرض .. بعدها بشوي طلعلي هذاك اللي يكسر البينياتا المراض و ياخذ حلاوتهم .. المشكلة ما عرفت كيف اخيه يشفى لانه بعده مش من سكان حديقتي ..

هل في طريقة اقدر احمي بعض البينياتاز من باقي الانواع في حديقتي و لا اخليهم ياكلون بعض؟ ..

متى بقدر اكبر حديقتي لاول مرة؟ اريد احط البيت للهيلبر بس حجمه كبير وايد ما يكفي المكان ..
 

Evolution

Hardcore Gamer
اللعبة روعة صار لي 4 مدري 5 أيام محبوس في اللعبة

وأخواني أنواع المشاكل معي
تخيلوا يبون يلعبون
جيرز اوف وورز ، ديد رايزنق ، سماك داون ، فيفا 07 ، سبلينتر وأنا محتكر الـ 360 لها!!


عجيبة هاللعبة
 

ryo hazuki

True Gamer
في طرق حلوة اقدر اربح فيها فلوس؟
- كيف اقدر اسوي رومانسينج بين مخلوقين لاول مرة و مافي قلوب فوقهم ؟ (الحلاوة ما تنفع الا اذا سويت لهم رومانسينج قبل)
- هل بتكبر مساحة الحديقة مع تقدم الوقت؟
- كيف اقدر ابيع الثمار من الاشجار بعد ما تنمو؟

تقدر تربح فلوس لما تزرع شجر و يوم يكبر تبيه روح المحل يلي يبيع البذور و بتحصل بذره ب82 او اكثر ازرعها و لما تكبر تبيعها ب 300 انا شغال عليهن

الرومانس كل حيوان لازم يحصل اشياء عشان يسوي رومانس مثلا الدجاجه لازم تاكل ذره و pumpkinseed و يكون لها بيت اذا تريد تعرف المتطلبات اضغط Y على الحيوان ثم اضغط Y مره ثانيه و بتشوف تحت (رومانس ريكوايرمنت) وشوف شو يلي ناقص للحيوان و عطه اياه فيه حيوانات تفضل تاكل حيوانات اخرى عشان تتكاثر مثل الطيور تحتاج ديدان لذالك حاول تسوي تزاوج وايد بين الديدان

المساحه تكبر بعد لفل 10 اواكثر بقليل

اذا عندك ثمار تبغي تبيعهن اضغط B على الثمره ثم A عشان تختار المواد يلي تريد تبيعها و اخر شي اضغط Y عشان تحصل الفلوس و نفس الحال مع اي شي تبا تبيعه و اذا المكان ضيق عندك بيع البيوت و ارجع رتبها بترتيب تكون شبه متلاصقه عشان توفر مساحه و مابتخسر الكثير اذا بعت بيت و رجعت شريته

المشكلة ما عرفت كيف اخيه يشفى لانه بعده مش من سكان حديقتي ..
اذا مش من سكان الحديقه فعادي لو مات مش محسوب عليك

هل في طريقة اقدر احمي بعض البينياتاز من باقي الانواع في حديقتي و لا اخليهم ياكلون بعض؟ ..

من المشاكل المزعجه في العبه يوم البينياتا تتضارب و تصير كل دقيقه ضرابه الحل لازم الحديقه تكون فيها مساحات واسعه يعني مش متضايقين ....خل مكان عشان المشي و لا تزرع فيه ولا تحط بيوت فيه و المفترض يكون في النص وسط البيوت حاول تخلي البينياتا فرحانين و كل هذا يوم تضغط على الحيوان y
 
أعلى