TGCast Weekly - Episode 14

[TGCast]

حلقة جديدة من برنامجنا الصوتي الأسبوعي الذي نستعرض بشكل مختصر فيه أهم أخبار ألعاب الفيديو هذا الأسبوع. تقديم: محمد البسيمي (king zell) ويوسف النفجان (NSider) للتحميل: اضغط هنا لتحميل نسخة MP3 عالية الوضوح (31 ميجابايت) ولسماع الحلقة مباشرة بنفس الوضوح:


اذهب للموقع للتحميل...



---------------
فريق عمل TG
موقع TG الرسمي -- ادخل لقراءة آخر أخبار ألعاب الفيديو و المزيد
http://www.true-gaming.net/home

 

[Isaac]

هع ، جاري القرني !

 

[Khalid-S]

جاري الاستماع ... ما قصرتوا.

موسيقى البداية لول عرفتها بالغش فما بقول ايش هي ...

خخخخخخ @ محمد: اجل في ناس بيستانسون. (جافف)

 

[Isaac]

افا شغلت الحلقة ...

وجتني الشاشة الزرقاء للويندوز ...

ثم ...

 

[Khalid-S]

خخخخ محمد مستلمني حش ... اجل لو وي فت فيها اتشيفمنتس ..

 

[Id]

جاري الإستماع...

تعديل : الكاست غير الرسمي في شوارع Burnout Paradise بمسمى "The Burning Cast" حازم و أنا وجحجاح و TFL و كولو :cryy: ... كاست غير رسمي موش مموممممكن ...

 

[Isaac]

خخخخخ خالد مايك وازوسكي حقي.. (O_>o")

 

[Humam]

هههههههههههههههههههههههه كبير يا جدو سرحان كبييير...

يوسف أعطى 6 دقائق لTWEWY.. الله يستر لسة الأسبوع الجاي و الي بعده بنشوف يوسف يتكلم عنها

يعطيكم العافية شباب.. الصوت في هذي الحلقة 100 % بيييييرفكت.

 

[Khalid-S]

محمد تحول الى مايكل سكوت ... اجل Nick to Nick لووووول ..

هل هذي آخر مره بنسمع فيها كاست ترو جيمنج؟ لوووووول ..... يالله بالانتظار

 

[Id]

مجرد رأي شخصي ... PS2 لا يقارن مع DS حتى لو كان الـDS دخل التاريخ بالمبيعات ... يظل Portable ...

 

[Colorization]

Mega Man 2 - Flashman Stage

تحرير: لول لحظة احس إنه غلط، بسوي ابديت لو طلع غير. تحرير2: صح.

 

[Colorization]

موسيقى النهاية من Fire Emblem لكن ما اتذكر أي لحن بالضبط (ممكن يكون المين ثيم).

كاست حلو وخفيف وجودة الصوت ممتاااااااازة، يعطيكم العافية!

 

[Isaac]

واحد طيب -____-"

 

[Xeno]

المهم كاست حلو يعطيكم العافية, 14 أسبوع كانوا روعة صراحة وأثبتوا نجاح الفكرة من خلال الاستمرارية (ومرت بسرعة اللعنة), بانتظار النكسن جن كاست.

 

[The Last Fantasy]

رهيب مثل كل مرة.

يعطيك العافية، وبانتظار الكاست بالشكل الجديد.. أتمنى ما يتأخر!

 

[Genya Arikado]

شكرًا، كاست ممتع كالعادة. راح نشتاق لكم كثير.

لكن ....

وين ممكن أنزل الحلقات القديمة (قبل ويكلي)؟

 

[Mario2]

الله يعطيكم العافيه محمد و يوسف .. كاست رهيب كالعاده .. احلى شي محمد يطلع بين الكلام كذا محشه ولازم رنة ميتل جير احسها صارت من الكاست ..p: ..

 

[The Shark]

كاست حلو رغم ان الاخبار مملة .. راح نفتقدكم شباب الايام الجاية ... و بالتوفيق ...

 

[ASWD]

جاري السترمة

 

[BioMario]

كاست حلو ..
بخصوص الوي احس بيسويها مع ماريو كارت وانا متأكد ..
و الشهر إلي بعدة رح يكون دمار
موسيقى النهاية رهيييييييييبة ..

وننتظر TG HD ^^

 

[ASWD]

يعطيكم العافية شباب..كاست جيد وممتع..احلى فقرة هالمرة كانت الكوورة لووووول

وان شاء الله ماتطولو علينا بالنكست جين..يعني الاسبوع الجاي خلاص الموقع بيتسكر

 

[Isaac]

ما أخفيكم شباب الكاست كان بارد جدا لو قارناه باللي قبله. ممكن الأخبار لها دور + كثرة الحديث عن نينتندو >_>

شباب، أتمنى تآخذون كلامي على محمل الجد وتركزون أكثر على مواضيع الفديوجيمز بشكل عام (ويكون للـ360 والـPS3) نصيب أكبر من الحديث في انطباعات الألعاب الجديدة مستقبلا.

+ آمل إنكم تقللون من الحديث عن الكورة وبالمقابل تركزون على الحديث عن المواضيع حقة المنتدى بشكل أكبر، فيه مواضيع كثيرة تستحق الأشادة أو حتى الإشارة، بس ما تجيبون لها طاري، أتمنى تعلقون على مواضيع المنتدى، لأنه بالنهاية يعد الفرع الأهم من الشبكة، وتلتفتون إلى مشاركات الأعضاء في المنتديين العام والألعاب (مثل ما كان Ginko يسوي زمان، فقرة المنتدى كانت من أحلى الفقرات في الكاست) ياخي في مواضيع كثير تستحق الذكر سواء كانت أخبارية أو نقاشية.

هذه بعض الأمثلة:
الموضوع الرسمي لميتل جير 4
Virtua Fighter 5 R , تفاصيل جديدة , اللوكيشن تيست , وصورة صغيرة !
سيجا تسجل ثلاث اسماء جديدة لألعاب قادمة بال U.S Trademark Office
PS3 Firmware 2.30 : الشكل الجديد للستور + DTS HD
Nintendo و الطرف الثالث...
سالفة الكونامي ID والبيتا حقت MGO اللي سوت ضجة في منتدى الشبكة.
موضوع أنريل 3 للـ360 وفقشات مارك رين.
قيرز أوف وور تحصل على سلسلة القصص المصورة الخاصة بها من DC
Mortal Kombat 8: MK vs DC (موضوع تحفة وتوقعت تنكيت كثير يصير عليه بالكاست)


وغيرها الكثير... يعني مدري أحسكم مرة مش معايشين المنتدى ولابد من دماء جديدة في الكاست، أحس الميلان إلى نيتندو بدأ يطفو إلى السطح.



+ بأمانة ملينا من سواليف الكورة...




الزبدة:


كاست فيه أخبار + تعليقات على مواضيع المنتدى >>>>>> كاست فيه أخبار + تعليقات على مباريات كرة قدم محلية لا تهم الشريحة الأكبر من مستمعي الكاست.



أتمنى إنكم تتفكرون جيدا في هذه الانطباعات، وتبدون بداية جديدة مع النكست - جن كاست، والله يوفقكم.


تعديل:

حتى عبارة "مافيه موقع عربي سوى 14 كاست متتالي" حسيتها مالها داعي بأمانة، وفيها شوية تعلي. ياخي أحمدوا ربكم اللي وفقكم تستمرون ولا تعلقون على الغير.

 

[Nintendo]

اول شئ يعطيكم العافيه شباب ..

راح اتفق مع حازم بشكل كبير .. الكاست يحتاج الاكس بوكس360 والبلايستيشن3 والPSP بشكل اكبر بالكلام .. يعني مثلا ذا الشهر صدرت كرايسس كور و قود اوف وور وماتذكر اننا سمعنا عنهم شئ ولعبة ذا ورلد اندز وذ يو اخذت حقها بزياده ..

ايضا فقرة الكوره ياريت ياتقللون منها او تخلونها للكوره العالميه .. يعني موقعنا موجه للخليج والمنطقة العربيه بشكل كبير فالكلام عن الدوري السعودي المحلي يعني ماعتقد انه بيلقى اهتمام كبير من الشباب .. القسم العام ايضا يستاهل كم دقيقه تشوفون مواضيعه لاننا بنشوف اشياء حلوه فيه على فترات ..

عموما الاسبوع نفسه كان ممل وماكان فيه شئ يحمس ..

 

[Id]

المنتديات فتحت للنقاش... ​

انا حبيت اتكلم من وجهتي نظر ... وصدقوني لولا ان الموضوع قهرني بس ما قلت بتكلم بس خلاص ... قلت لازم أتكلم ...

الموضوع ومافيه يقتصر على نقطتين واذا احد يخالفني يقرأ الكلمه الي بالأحمر فوق ويبدء يتكلم بعدين ..

الأولى ... أنا هنا من اقل من شهر ... ولله الحمد لقيت ناس تخليك تنبسط تسولف عن الفيديو جيمز و تتابعها بكل أشكالها و أجهزتها ... ولكن واجهة موضوع بصراحه قهرني جداً واذا كان الكلام الي فوق من الشباب ماوضح انا ابي اوضح ...

عندما تقوم بتقديم كاست شوف العالم من حولك ... صحيح انتم ماشاء الله الأوائل في المنطقة وماشاء الله من نجاح لأخر ولكن شوفوا مواقع ثانيه أجنبية عندها كاست ... موضحه شيء واحد [[اذا الكاست لجهاز يكتب انه لهذا الجهاز ... يعني مثل Acheivment Junkie ]] ولا غيرهم متخصصين بجهاز معين وعدم الخروج عن الموضوع ... بس انتم وبدون مبالغة يعني اقتصرتم على Nintendo وصار كأنه الكاست العربي للشركة ... وبعدين لا حولتم وتكلمتم على الرياضة كان كلامكم يقتصر وبوضوح على الهلال و الإتفاق ((ولا تعليق هنا )) وبعض النقاط عن الكرة العالمية ... ولكن اذا انت موجه الكاست لفئة مختلفة من اللاعبين تكلم بالعموم ولا تسهب بالكلام عن جهاز وتطيره في السماء ((حتى ولو هو ناجح)) يعني الكل يعرف ... بس يعني في العاب اسقط حقها ومواضيع هضم حقها ... ولكي ننجح لازم نتعلم ...

النقظة الثانية ... فكرة الكاست ووفقكم الله فيها وماشاء الله من نجاح لأخر ولكن يقولك المثل [[ ما يحسد المال الا أهله ]] ... فالحركة الي بنهاية الكاست كانت بصراحه في غير محلها ... من وجهة نظري ...

وتكفون يعني لو لعبة معينه طلعت و كان واحد من مقدميين الكاست متحمس لها من جد لا يقعد يذكرها بكثرة لدرجة غريبة ... يعني شفنا وش صار في اخر تصويت للعبة الاسبوع والي فازت بها PES2008 Wii ... وما ابي اعلق على هذا الموضوع زيادة ...

ولكن تذكروا شباب اننا هنا لمساعدتكم على الرقي ... حتى وان كان لي معكم أقل من شهر ترى احس لي معكم سنين بسبب التواصل الي حاصل من خلال الفيديو جيمز ...

والله الموفق ...

 

[Isaac]

معليه شباب ما أبي الموضوع يتشعب بس...

اسمح لي ثامر أرد على نقطة التشكيك في مصداقية التصويت.



الأربع اشخاص اللي على اسمائهم مربع بالأحمر تم تغيير أصواتهم إلى PES نزولا عند رغباتهم.

 

[Id]

أبي أعتذر

إلى من يهمه الأمر ...
​

أولاً الي صار صار ... وما أحد يقدر يقول إني سويت وماسويت ومن هالكلام ... بس أنا هنا حبيت أوضح نقطة لكي لا أفهم بمقصد خاظئ أو أن تكون ردة الفعل السلبية طاغية على ردوددي في المنتدى في الفترة القادمة ...

أنا لما كتبت ردي أمس كنت بحالة يشهد ربي انه توصف بالغضب ... وأنا فيني مشكلة الي على لساني أكتبه وما أخبي شيء .. وصحيح أخطئت بحق البعض بكلامي ... ولكن هذا الخطاء إن شاء الله يكون بداية جديدة لي ولغيري من عدة أوجهه تتمثل بالتالي ..

عندما شككت في المصداقية كما تتوقعون لما أقصد شخص وأعيد وأكرر لم أقصد شخص ولكن لمجرد إيضاح إني كنت أوضح وجهة نظر بشكل خاطئ ...

بالنسبة إني قلت إني مقهور ... فأتوقع أيضاً إني أكون فهمت بمعنى خاطئ من البعض .. ولكن الي حبيت أوضحه إني حبيت والله وأحلف وانا أقولها حبيت موقع TG ... وبمعنى الكلمة والله صار الموقع يومي ... وأقلها والله هذا الشيء الي مسويه من أول اسبوع سجلت بالموقع لأبين مدى إهتمامي بهذا الصرح ...

وهذا مجرد شيء قليل أقدمه لكم ... وإن شاء الله تكون هذي صفحة جديدة بيني أنا وكل من يرتاد هذا الموقع ...

والعذر والسموحة بس أنا مشكلتي أعصب بسرعة وما احب أكتم علشان أنام وانا مرتاح

... وسامحوني .. وأعدكم بكل جديد .. وننتظر الثورة ..​

 

[Isaac]

أهنيك ثامر على هالخطوة...

جل من لا يخطئ...

وأنا بدوري أعتذر شباب لو كلامي كان قاسي شوي،

لكن يعلم الله إنه كله في سبيل إننا نصل للقمة.

نتمنى تتوفقون ومن حسن إلى الأحسن إن شاء الله، في الكاستات القادمة. وكل تطورات الموقع.


والله يوفق الجميع.

الثورة جاية !! *ابتسامة سرية ودي أحطها بس نخليها لبعدين*

 

[Genya Arikado]

شباب لا تشيلوا هم، هذي الشيء كل البشر يسووه .. لما تشوف موقف مو عاجبك، بالبداية تمسك أعصابك، و ما تقترح/تنتقد الموقف إلا لما يصير كبير و يكثر، ولما تنتقده تنقده بلهجة شديدة، و بعدين ترجع و تعتذر، هالخطوة كل البشر يسووها، ماعتقد تقدر تلاقي شخص انتقد موقف و ماكان بهالطريقة.

المهم نرجع، صراحة محمد و يوسف، أوكي غير النقاط اللي ذكرها حازم و ثامر، أتمنى تضيفوا فهرس للألعاب الموجودة بالكاست، عشان اللي مايعجبه ولا لعبة من هذوين ولا خبر، مايضطر انه يسمع الكاست كامل.

 

[The Shark]

وين راح الكاست 15 ؟؟ لا يكون مات في الطريق ؟؟

 

[Nintendo]

لول بالطريق ان شاء الله .. الصبر جميل