hits counter

الموضوع الرسمي Tales of Graces F: حكايات قُريّدسْ *بضمّ القاف وتشديد الياء*

Sora Diersly

True Gamer
toglogo.png


الأجهزة: نينتيدو وي, بلاي3
المطوّر: نامكو, تيلز ستديو, تيم ديستني (اللي سوى تيلز اوف ديستني 2, تيلز اوف ريبيرث)
الناشر: نامكو بانداي
مصمم الشخصيات: Inomata Mutsumi
وقت الإصدار: 10 ديسمبر 2009, و 2 ديسمبر 2010 و 13 مارس 2012 (الامريكي)
تقييمات اللعبة: فاميتسو عطتها 36 (ثاني افضل تقييمات لسلسلة تيلز, الأولى من نصيب زيليا بتقييم 37 من 40) وباقي المواقع ماعطوها وجه :/
الموقع الرسمي: http://www.namco.com/console/tales-of-graces-f


ميديا اللعبة:

تريلر 1:

[video=youtube;9dldWZDIXJk]http://www.youtube.com/watch?v=9dldWZDIXJk[/video]


تريلر 2: الصداقة

[video=youtube;_dP0XsM23j0]http://www.youtube.com/watch?v=_dP0XsM23j0[/video]


تريلر 3: جيم بلاي TGS 2010

[video=youtube;44n-v6tO24o]http://www.youtube.com/watch?v=44n-v6tO24o[/video]


جيم بلاي الكو اب:

[video=youtube;1HBDmRC5NA4]http://www.youtube.com/watch?v=1HBDmRC5NA4[/video]



الجيم بلاي اللي خلاني أقول أن اللعبة MUST بالنسبة لي!

[video=youtube;H2AACwrkads]http://www.youtube.com/watch?v=H2AACwrkads[/video]


القصة:


ممالك ثلاثة: Windol, Strata, Fendel يتحاربون في محاولة أمتلاك Efinea (عالم اللعبة) عن طريق إستنزاف وإمتلاك المصادر الطبيعية للحياة Arles واللي يُستخلص منه Cryas. هذي المصادر هي أساس حظارة أيفينيا السريع ومصدر إزدهارها على مدى القرون. في مملكة Windol توجد مدينة تُدعى Lhant, وفيها يسكن طفل صغير مليء بالحيوية يُدعى Asbel. أسبيل كان يعيش حياة مُهملة طبيعية كـ أي طفل آخر مع أصدقائه المُقرّبين, وفي يوم من الأيام حصلت حادثة غامضة أدّت إلى إيقاظ روح المسؤولية في داخله التي دفعته ليُسجّل في أكادمية الفُرسان الخاصة بالمدينة. بعد 8 سنوات من الحادثة الغامضة, يظهر أسبيل أكثر نضوجاً وفارسٌ مُغوار. وهنا تبدأ القصة :]


الشخصيّات:

أسبيل:
العُمر: 18

togasbel.png

أكبر أبناء زعيم مدينة لاهونت. تربّى تحت يدّ والده الزعيم, وكبير الخدم فريدريك ليأخذ العهدة من والده في زعامة المدينة. بسبب أحداث غامضة, أسبيل قرّر أن يلتحق بأكاديمية الفُرسان بدلاً أن يكون زعيماً على المدينة. كَبُرَ أسبيل في الأكاديمية ليكون الفارس القويّ الذي يستطيع أن يُخفي مشاعره بسهولة ويظهر بمظهر القائد دائماً. دائماً يساعد الآخرين, ولا يستطيع تركهم لوحدهم ليواجهوا المصاعب.

صوفي:
العُمر: مجهول.

togsophie.png

قابل أسبيل صوفي خلال خضم معركة على الحدود بين لانهنت (ويندول) وفيندل. الفتاة التي تُعطي إنطباع بالهدوء والبراءة في الحقيقة تملك قوة هجومية كافية لمُساعدة أسبيل في طرد جيوش فينديل من المنطقة! للأسف صوفي فاقدة لذاكرتها, ولاتستطيع إسترجاع أي من معلوماتها الشخصية أو ماضيها, بما فيها أسمها. لذلك يقوم أسبيل بتسميتها تيمُّنناً بـ زهرته المُفضّلة, صوفي


هوربرت أوزويل:
العُمر: 17

toghubert.png

أخ أسبيل الأصغر منه بـ عام. كان مُطيعاً في صغره لأخيه الأكبر, ولكن أثناء نشأته قرّر هوربرت الإنضمام إلى جيش Strata, والآن يملك أسماً قوياً بينهم. يكنّ هوربرت مشاعر سيئة لـ أخيه في كل مرة يكون بالجوار

تشيريا بارنز:
العُمر: 18

togcheria.png

حفيدة كبير الخدم فريدريك الذي يعمل في منزل الزعيم. تملك شخصية فرِحة مما يجعلها الشخصية الإيجابية عند مواجهة المصاعب. تكنّ مشاعراً عاطفية تجاه أسبيل, ولا تستطيع أن تبوح بها. تملك حساً قوياً فيما يتعلق بمساعدة من يحتاج في منزل الزعيم, كونها تربّيت لكي تكون مُفيدة من تعمل في خدمتهم.


باسكال (مشعلاني؟)
العُمر: 22

togpascal.png

عبقرية فيما يتعلّق بالأمور الميكانيكية. باسكال تصادف أسبيل خلال رحلته وتقرّر الإنضمام. لا تعرف التوقيت المُناسب للحديث, ولا تستطيع تفهّم شاعرية المواقف في بعض الأحيان, فـ قد تتحدث بأمور ليست في وقتها المُناسب.


مالك سيزر (بالله ذي أسماء؟)
العُمر: 40

togmalik.png

مُعلّم أسبيل في أكاديمية الفُرسان. شغل بالغ يُمكن الإعتماد عليه. يستخدم سيوف غريبة التصميم ونظامه القتالي يعطيه القُدرة على رمي سيوفه على الأعداء. يُعتبر مالك هو المثل الأعلى لـ أسبيل ويتطلّع أسبيل ليكون مثله في المُستقبل.


ريتشارد
العُمر: 19

togrichard.png

أمير مملكة ويندول. يملك شخصية مُسالمة مُحبّة للخير, وقد أستطاع إكتساب إحترام جميع الناس في المملكة بسبب شخصيته الرائعة. يضع ريتشارد ثقة غير محدودة في أسبيل حتى مُنذ أن كانوا صغاراً.


الجيم بلاي:

المعروف عن هالسلسلة هو إمتلاكها لنظام قتال خرافي. طبعاً النظام معقد علي ان اشرحه, لكنه سهل التكيّف معه جداً. لذلك بخليك تكتشفه بنفسك p: بس المُهم هنا هو الإضافات الجديدة اللي تمت في هذا الجُزء:

- إمكانية تغيير الشخصيات أثناء المعركة. هذي حركة جديدة على السلسلة, اللحين تقدر تغير الشخصيات وانت تلعب بإستخدام إختصارات بأزرار التحكُم. هالحركة راح تضيف خلطات لنظام القتالي الخارق الخاص باللعبة, وبالتالي تزيد من كمية الكمبوهات, الخطط الإستراتيجية لهزيمة زعيم مُعيّن...الخ

- Around Step هذي قُدرة جديدة تقدر تستخدمها أثناء القتال وتعطيك الفرصة للإلتفاف على العدو بنسبة 360 درجة. لما تكون خلف العدو تكون عندك الفُرصة لإحداث ضرر أكبر للعدو. وبرضوا تُستخدم هذي الحركة لتفادي الهجمات.

- نظام تطوير الشخصيات وإكتساب المهارات الجديدة اسمه Alias وفكرته تشبه فكرة فف12 إلى حدِ ما (تكسب skill points خلال المعركة وتفتح فيها مهارات جديدة للشخصيات) لكن الفرق هنا أن اللعبة تلقائياً راح تغيّر الـ Alias بعدما تحترفه شخصيّتك. وتقدر تبدل بين خطط التطوير من القائمة.

- Duelize هو نظام الصياغة (تطوير الادوات) وفيها تقدر تدمج الأدوات اللي تسقط من الاعداء وتسوي منها أدوات أفضل, وتقدر تدمج أنواع الطعام وتسوي أطباق جديدة أفضل, وبرضوا تقدر تدمج وتطوّر الأسلحة الخاصة بالشخصيات, وهالشيء يتمّ عن طريق سيارة أي بائع في اللعبة.

- Kamenin Merchant: هذي السلحفاة راح تقابلها في اللعبة كثير. عن طريقها راح تقدر تدخل للعبة ميني جيم بسيطة تُدعى كامينن ميرشنت. هذي اللعبة تقدر تلعبها اونلاين بنسخة الـ DS ولا أدري عن وجودها في نسخة البلاي3 حتى الآن.

- Carta: ميني جيم ثانية موجودة بالنسخة اليابانية من اللعبة ولا أدري عن وجودها في الأنجليزية منها أو لا. اللعبة عبارة عن أقوال من ألعاب تيلز كلها السابقة, وهدفك تخمن أي شخصية اللي قالت هالجُملة. اللعبة مُقتبسة من لعبة قصائد يابانية قديمة (شاعر المليون بنسخته اليابانية, وأخيرا xD)

- تجميع البذور. هي إضافة جميلة للعبة. تجمع بذور مختلفة في اللعبة وترجع تزرعها في مكان مُعيّن في مدينة لاهونت. أعتقد لما تحصد بذور نادرة, تحصل أدوات خاصة ;)

مَرجِع وشروحات في اللعبة

الـ Mixer وآليته:

س: وشو الميكسر؟
الميكسر هذا جهاز يخليك تركب اغراض داخله ويجلس يخلط لك ويصنع لك حاجات خلال مسيرتك في اللعبة.

س: هل هو مهم؟ وش مدى أهميته؟
الميكسر مُهم جداً للي يلعب بصعوبة أعلى من Normal وأشك أنك تحتاجه من الأساس لو كنت تلعب على النورمال أو أقل.

س: طيب, أنا ماني نوب, قاعد ألعب على المستوى الأعلى من العادي, كيف بيفيدني؟
الميكسر فيه خانات تركب فيها طبخات (Dish) و أدوات إستهلاكيّة (Consumable) و موادّ (Materials) و كُتُبْ (Valuables). وكل وحدة من هذولي لها شروط معينة لازم تصير علشان الميكسر يشتغل. فوق مستوى العادي راح تحتاج أدوات أكثر علشان تنجو في المعارك بسبب سُرعتها, وبعض الأحيان إستخدام الأدوات داخل الدنجنز يخلص, وماعندك أي محل حواليك تشتري منه, أو مفلس. وش تسوي؟ ترمي أداة العلاج داخل الميكسر وتسوي الشروط علشان الميكسر يسوي لك حبّة!

س: طيب ممكن تشرح كل وحدة من اللي ذكرتهم: طبخات, أدوات إستهلاكية, مواد, كُتب, بشكل أوضح من كذا؟
طيب, أول شيء خليني أبدأ بالأكلات (Dishes) الأكلات ذي تسويهم أول شيء لما تدمج نوعين من المقاضي (Ingredients) اللي تحصلهم من الأعداء/صناديق/تشتريهم من المحلات/تلاقيهم مرمية في الأرض/أو حتى تسويهم بالمكسر برضوا. الدمج يصير عن طريق الDualizing عند أي بياع في اللعبة. لما تدمج اي عنصر غذائي مع الثاني وتحصل طبق أكل, تقدر تركبه في الميكسر. لما تركبه, لازم تطبق شروط الصحن نفسه علشان يمديك تستفيد من ميزته.
مثال: سويت صحن Curry عن طريق دمج عنصرين Spice Set + Veggie Set, وجيت ركبته في الميكسر. صحن الكاري ميزته أنه يعطيك Critical Damage X2 لكل أعضاء الفريق, و Revive From KO لأحد الشخصيات لما تموت أثناء المعركة. لكن, علشان يتفعّل فيه شرط معين لازم يصير أول علشان الميكسر يسوي لك صحن كاري داخل المعركة, ألا وهو In Battle: When Someone is KO'ed يعني خلال المعركة لازم أحد يموت أول.

أهم شيء لازم تلاحظه وانت تركب أي طبق داخل الميكسر هو أنك تناظر مقوّمات الشروط اللي لازم تسويها حتى يتفعّل الميكسر. كل صحن له شروط, ومن المفردات المهمة اللي لازم تنتبه لها في الشروط هي: In battle (في المعركة) أو Post-Battle (بعد إنتهاء المعركة). ولما تطبق الشروط, زي ماقلت, يتفعّل قدرة الصحن. الجدير بالذكر هو أن الأكلات ممكن تقلب المعركة في صالحك بعدما تكون فاقد الأمل في بعض الاحيان, لذلك لا تستهين بقُدرات الأكلات أبدا!

س: هل لو حطيت كل خانات الميكسر أكلات, اصير أقوى شيء في الدنيا؟
تستهبل؟ لا طبعا. الميكسر يسوي لك أكلة وحده, وتعتمد على وش الأكلة اللي محطوطة فوق. الميكسر يطبخ لك صحن واحد بس في المعركة (سواء بدايتها/نهايتها)

س: هل أقدر اسوي أكلات زي ماأبي طول الوقت؟
أيه, لكن يعتمد على عدّاد الـ Eleth الخاص بالميكسر. يعني لو أفترضنا أن الميكسر فيه 500 نقطة إيليث, والطبخة تكلّف 50 إيليث. لما تنطبخ في المعركة, راح تنتهي المعركة وتلاحظ أن الإليث حقك صار 450/500. والعدّاد ذا يسترجع بطرق كثيرة: تعبيه من عند البيّاعين بمقابل مادّي, أدوات إستهلاكية تعبيه لك, صناديق (كنوز) يكون فيها كمية تعبئة للإيليث حقك (غالبا في الدنجنز الطويلة)

س: هل أقدر أزيد معدّل الإيليث وأصير أطبخ لفترة أطول؟
أيه, فيه كُتب تساعدك على زيادة العدّاد بطُرق مُختلفة. وغالباً العدّاد يزيد بمُجرّد تستخدمه أكثر.

س: كُتب؟ ايه ماشرحت ذي لسى!
أوكي اسمع, الكُتب هذي تحصّلها في اللعبة وهدفها أنها تدعم الميكسر حقك وتخليه يسوي شغلات إضافية مش في نطاقه الطبيعي. مثلاً فيه كتاب يخليك تطبخ صحنين في المعركة بدال واحد, كتاب ثاني يخليك كل مامشيت أكثر في اللعبة, كل ماأمتلئ عدّاد الميكسر, كتاب آخر يشترط عليك أنك ماتنلمس في المعركة, وبالتالي يزيد نقاط الميكسر...ألخ الكُتب تفيدك في المعركة بشكل كبير! وكُتب غيرها تنفعك وانت تمشي في اللعبة, حتى ماتحتاج تكون في معركة!

س: هل تكلّف إيليث ذي بعد؟
أكيد, كل شيء بحقه! بس الغريب بالموضوع أن تكلفتها مش واضحة تماماً. يعني ماتدري بالضبط كم تكلّف! غالباً تعتمد على آدائك داخل المعركة (نظرية من عندي)

س: أقدر أستخدم أكثر من كتاب؟
ايه تقدر تستخدم أي كمية من الكتب عادي, لكن زي ماقلت, كل شيء بحقه. ولما تحط كُتب كثيرة, راح تستنزف الإيليث حقك كله بمعركة وحدة تقريبا!

س: كم عدد الكُتب باللعبة؟
مدري, لكن أنا حصلت لحد اللحين 27 كتاب, ومتأكد أن فيه أكثر بعد!

س: طيب خلنا من نظرياتك ذي, وخلينا نركّز في الفاكتس! وش سالفة الأدوات المُستهلكة؟
الأدوات المُستهلكة هذي زي العلاجات والشغلات اللي تقدر تستخدمها داخل المعركة من قائمة Items. تقدر ترميها في الميكسر لما تبغى تنتج كمية منها, والفكرة هنا أن الأدوات المُستهلكة ذي شروط إنتاجها مهوب داخل المعركة. هذي تُنتج برا المعركة, وبالتحديد بمسافة مشيك داخل اللعبة.

س: مسافة مشي؟ كيف يعني؟
اللعبة تحسب لك الكيلو مترات اللي تقطعها فيها (كويس حتى بالنظام الأمريكي مازالوا مستمرين بالكيلو بدال عبط الأميال) وبالتالي, شروط الأدوات الإستهلاكية تعتمد على الكيلومترات اللي تقطعها حتى "يحاول" الميكسر أنه ينتج لك أداة جديدة. وركز على "يحاول" لأن فيه % لنجاح العملية. بعض الأدوات العاديّة مثل العلاج اللي يزيد 30% من طاقتك (شغل أبو كلب) تقدر مثلا تسويه بشرط أنك تمشي, وبنسبة 50% الميكسر راح ينتج لك واحد.

س: كم المُدة اللي ياخذها حتى يتعامل مع النسبة ذي؟
تقريبا كل كيلو متر تقطعه يبدأ يحاول الميكسر أنه ينتج قطعة. وطبعا النسبة تحدّد أمور كثيرة, فـ فيه بعض الأدوات مكتوب في شرطها Traveling: Very low prod. chance يعني تقريبا النسبة شبه معدومة لدرجة أنها مهيب مسجّله! والنسبّ عشرية, فـ تلاقي بعض الادوات نسبها 0.5% وشغلات ثانية تاخذ مشي لقريح وادرين حتى الميكسر يتصدق عليك ويسوي لك وحده :/

س: هل الأدوات ذي تكلّف نقاط في الميكسر؟
طبعا. والأسوأ من كذا, أنه كل ماصارت الأداة فعاليتها عالية, كل ماصارت تكلّف إيليث أعلى, ونسبة الإنتاج أقل! يعني عادي لو تحصّل أداة تطلب 1000 نقطة إيليث علشان تنتج بنسبة 1% ويخلص عدّاد الإيليث 10 مرات وأنت ماطلعت بحبّة وحدة لسى! هنا أقولك أحسن لك تشتري القطعة ذي لو لقيتها عند بيّاع اشرف لك من أنك تحاول توفّر وتسويها لأن الموضوع شبه مُستحيل ومُكلف للإيليث اللي راح تعبيه بفلوس في النهاية, على أية حال.

س: هل عدد الأدوات اللي اقدر احطها في المكسر محدود مثل محدودية الطبخات؟
لا, الطبخ محدود لأنه يصير داخل إطار المعارك (قبلها/خلالها/بعدها) الماتيريالز/الكونسيومبلز/الكُتب مفتوح لك الكمية المُستخدمة, وبالتالي صارت كلها تكلف إيليث أضعاف مضاعفة, مقارنة بالطبخات :/

س: طيب بما أنك جبت طاري الماتيريالز, وش سالفتها ذي بعد؟
الأدوات الخام نفس الأدوات المُستهلكة من ناحية الشروط, لكن ميزتها انك لما تسوي بما فيه الكفاية, راح تزيد عدد الخانات في داخل الميكسر (مع الوقت)

س: كم عدد خانات الميكسر بالأصل؟
تبدأ اللعبة بـ 3 والعدد الكُلّي 16. تقريبا راح تكره نفسك على ماتزيد الخانات, أنا حرفيا مادريت أن الخانات تزيد بسبب دمج المواد الخام إلا لما خلصت اللعبة!! وفي النهاية ماكان معي إلا 5 خانات, فـ يبغالك تركز على العدد من البداية لو تبغى خانات أكثر.

س: طيب شُكرا على الشرح المُفصّل. أي شيء ثاني تبي تزيده قبل ماأبدأ العب؟
ايه, أنتبه لترتيب الخانات في الميكسر. لما تحط شيء فوق شيء, فـ الأفضلية للي فوق دائما. إذا ماأستوى شرط الأداة, الميكسر راح ينتقل للي بعده مُباشرة.

---------------------------------

قائمة الملابس في اللعبة:
ومن متى تيلز من دون ملابس إضافيّة؟ لقيت طريقة تحصل فيهم ملابس السباحة والرسمية (اللي سعرهم 3$ للواحد في الستور بالمناسبة) تقدر تحصلهم باللعبة بطريقة سهلة. بس لازم تكون طلعت الطيارة وتقدر تسافر بأي مكان بالأول, ثم تبدأ تسوي الخطوات هذي:

لملابس السباحة:
أول شيء سوي سكان لمنطقة شمال غربي قارّة Strahta حتى تكتشف منطقة Beach Resort, ثم أتجه لها وأنهي قصّتها.

- لبس أزبيل: شيّك الفخّارة بجنب محل بيع الأدوات في Oul Raye.
- لبس شيريا: شيّك طاولة محلّ الأدوات في Sable Izoole وبيعرض لك صاحب المحل صفقة بمبلغ قيمته 10,000. وافق على الصفقة وأدفع, بيعطيك اللبس.
- لبس مالك: تكلّم مع الرجال اللي واقف قدام بوابة Yu Liberte الجنوبية, وبيعطيك أياه.
- لبس هيوبرت: أهزم عدو مُحدّد تحصّله في داخل الروكاغوغ. العدو تلاحظ أنه ماسك سروال هيوبرت قبل ماتدخل معاه بالمعركة حتى, لول.
- لبس صوفي: أهزم عدو مُحدد تحصله في الجهة اليسرى من دنجن Strahta Ruins. تلاحظ أن العدو ماسك لبس صوفي قبل ماتدخل في المعركة معه :]
- لبس باسكال: أهزم عدو محدّد في أول غرفة في Sandshroad Ruins, هذي المنطقة تحصلها جنوب شرق منطقة Oul Raye لما تطلع منها من الجهة الجنوبية.

لملابس الرسميّة:
- لبس آزبيل: تاخذه عن طريق إكمال مُهمة Inn Request في Lahnt متعلّقة بـ أم آزبيل (السفينة)
- لبس صوفي: تاخذه من منطقة Turtlez HQ. تكلّم مع السلحفاة اللي عليها فقاعة كلام وبتحصله.
- لبس هيوبرت وشيريا: تحصلهم من Katz Korner أحد مهمّات الـ Inn Request الخاصة فيه.
- لبس باسكال: بتحصل لبس باسكال أول ماتوصل لـ Sandshroad Ruins (افضل فترة تحصله فيه, هو لما تجي تدور على لبس السباحه حقها)
- لبس مالك: بتحصّله في غرفة الزعيم في Bathus Citadel.

---------------------------------

التايتلز:
التايتلز في اللعبة حاجة أساسية. هي أسلوب تطوير شخصيتك وتعلّم هجمات جديدة. هي طريقك الوحيد أنك تكون أقوى!

أسئلة عن التايتلز:

س: وش هي التايتلز؟
التايتلز هي عبارة عن باكجات فيها كمية هجمات/إضافات لخصائص شخصيتك (قوة, ماجيك, تحمّل..ألخ)/ملابس.

س: طيب كيف أستخدمها؟
التايتلز, كل وحدة منهم, فيها 5 لفلات ولفل ماستر. الـ 5 لفلات تكسب فيها مميزات/تحسينات لمستوى شخصيتك/ملابس..ألخ أما لفل الماستر فهو يعطي بونس إضافي للقوى الإضافية اللي في الباكج بذاتها. مثلاً لو أفترضنا تايتل معيّن لآزبيل فيه +5 P. ATK تحصله في لفل 3 للتايتل ذا, وكم ميزة ثانية بلفل 1,2,4,5, فلو وصلت الباكج ذا لـ لفل 3, تتفعل الميزة ذي, بغض النظر عن نوعيتها. لو وصلت التايتل لـ مستوى 5, خلاص تصير فتحت كل المميزات اللي بالتايتل, ويبقالك أنك تحصل بونص لـ P. ATK+5 وغيرها من المميزات لما توصل لـ مستوى الماستر.

س: بونص؟ كيف ذي؟
البونص كمية إضافية قد تشكل فرق في قتالاتك لما تكون جمعت بونصات كثيرة لنفس الميزة. مثلا فتحت مميزات 3 تايتلات مختلفة بلفلاتها كاملة, وكلهم فيهم P.ATK+5 فـ لو وصلتهم كلهم الثلاثة للفل الماستر, بتكون بدال ماتعطي شخصيتك 5 + 5 + 5 = 15 ATK تكون عطيتها 5(+2) + 5(+2) + 5(+2) = 21 ATK. فتحدث فرق كبير بمستوى هجمات الشخصية نفسها بعد كذا.

س: اوه كلام كثير! طيب كيف أرفع مستوى التايتل؟
بنقاط المهارة Skill Points, وتحصلها من المعارك برضوا.

س: كيف اقدر افتح تايتلز جديدة للشخصية؟
أساليب فتح التايتلز للشخصيات متنوع جداً. في الحقيقة, كل شخصية لها نمطها نوعا ماً, لكنهم يجتمعون في كم أسلوب شائع تفتح فيه تايتلز جديدة, وبعدين يختلفون في تفرعات ثانية. علشان أكون أوضح من كلام عام زي كذا, تابع هالقائمة:

التايتلز تنفتح لما:
- تمشي في القصة.
- تشاهد Skits معيّنة بأماكن معيّنة. (السكيتس هي محادثات جانبية تصير لما تضغط زرّ الـ Select في اماكن معينة/وقت معيّن في اللعبة. وعدد السكيتس يتجاوز الـ 50+ لول) مش كل الـ Skits يجي عليها تايتلز, لكن بعضها فيها!
- بعض الشخصيات تحتاج شخصيات ثانية معها في الفريق أثناء القتال (مثل ريتشارد) وبالطريقة يقدر يتعلّمون تايتلز جديدة مع الوقت.
- تستخدم هجمات الشخصية كثير. تقريبا أغلب هجمات الـ A وخصوصاً الـ CC 4 لما تستخدمها كثير ينفتح لها Mastery Titles وعن طريقها تقدر تقوّي الهجمات بذاتها.
- أستخدم خواص اللعبة الأساسية كثير! اللعبة فيها خواص مثل الشراء, الطبخ, الدمج والميني جيمز كلها إضافات ممتازة تساعدك على فتح تايتلز جديدة! مثلا: كل ماطبخت أكثر, كل ماتعلّمت شيريا تايتلز أكثر. نفس الموضوع مع باسكال, كل مادمجت ماتيريالز, تفتح كم تايتلز جديدة لها, ولما تشتري وتعبّي بطاقة الـ Stamps, هيوبرت راح يتعلّم تايتلز جديدة. صوفي تتعلّم تايتلز جديدة لما تجمع بذور وتزرعها, ريتشارد يتعلّم من الناس اللي يدخل معهم بالفريق, وآزبيل يتعلم لما تجمع أرواح أعداء أكثر (تاخذ روح العدو لما تقتله أكثر من مرتين أو ثلاث تقريبا) ومالك يتعلم لما تلعب اللعبة لساعات أكثر. وبرضوا فيه أمور ثانية كثيرة لما تسويها في اللعبة, شخصياتك راح تاخذ عليها تايتلز. بإختصار: كل حاجة تجمعها/تسويها في اللعبة تتكافئ عليها بطريقة أو بأخرى, حتى لو جمعت فلوس/صرفتهم, راح تلاحظ أن أحد شخصياتك يحصل تايتلز جديدة.

س: يعني حرفيا ألعب وانا فالها, وماأزال أحصل تايتلز. جميل جداً! طيب لو بغيت هجمة معينة أكتسبها قبل ميزة أخرى, هل أقدر اسويها؟
أيه و لا. أيه لو كانت الميزة في تايتل ثاني, فـ تقدر ببساطة تحول لأي تايتل ثاني وتسحب على التايتل الحالي اللي شغال على تلفيله. لكن لو كانت الهجمة اللي تبيها في اللفل الخامس من التايتل, لازم ترفع لفل التايتل لـ 5 وهذا كله بيكلف SP على أية حال. بس يمديك تنتقل لأي تايتل بأي وقت/ترجع له بأي وقت. فيه مرونة رائعة في اللعبة أنها تعطيك الفرصة تختار الطريق اللي تبي شخصيتك تسلكه. تقدر تركز على تايتلز الهجمات الجديدة, أو تركز على تايتلز اللي ترفع قوة الدفاع الجسدي, أو حتى تركز على مسترة أي تايتل تحصله, لكن بيكلفك وقت وقتال من اللحين لأسبوع قدام P: كلها تعتمد عليك وعلى توجّهك الشخصي في تحديد مسار شخصياتك.

س: نايس! واضح أن التايتلز أمرها سهل!
لا أبدا, فيه تايتلز بتطلع عيونك على ماتطلعها (مثلا لازم يصير معك فوق 1,000,000 حتى تقدر تطلعه) أو لازم تهاجم بهجمة معينة لأحد الشخصيات أكثر من 2000+ مرة علشان يطلع لك؟ صحيح فيها إضاعة وقت عجيب على بعض التايتلز, لكن إذا أنت مهتم بـ بلاتينيوم اللعبة, راح تحتاج تنتبه لهالشغلات من بداية اللعبة. لكن لو تبغى تتسلى بس, فـ راح تكون سالفة التايتلز - بالنسبة لك - أمر مفروغ منه :]

س: طيب وش تنصحني أبدأ فيه من ناحية الإختيارات؟
أنصحك تدخل على القائمة وتقرأ مميزات كل تايتل وكم يكلفك علشان توصل للهجمات/المميزات اللي تبغاها. بغض الأحيان إضاعة الوقت في محاولة الوصول لـ هجمة معينة مش مهم قد أهمية أنك تستمتع باللعبة وتعيش التحدّي اللي تفرضه عليك.

س: أي نصيحة للي يفكر يجمع أكبر قدر ممكن من التايتلز؟
لا تدخل المعارك بأقل من مستوى Hard علشان تضمن أكبر قدر ممكن من الـ SP في كل معركة. صحيح المعارك بتكون أصعب شوي (خصوصاً إذا مش متعود على أسلوب اللعبة وإضافاتها الجديدة في القتال) لكن راح تفرض عليك تحدّي منطقي نوعاً ما لو كنت متجهّز له تمام, وبالنهاية راح تمستر التايتلز زي شربة الماء لو كنت على طور الـ Evil (حرفياً 2000+ SP لكل معركة! لول)

---------------------------------
التروفيز وحلم البلاتينيوم:حلم البلاتينيوم في هذي اللعبة مهوب صعب. لكنه بيضيع وقتك فعلا, لو كنت تفكر في البلاتينيوم تابع القراءة. لو مو مهتم أقفز للي بعدها.

التروفيز في اللعبة زي ماذكرت, مهيب صعبة لكنها تتطلب منك أنك تجمع أمور كثيرة في اللعبة وغالباً اصعب جزئية فيها هي لما تكون مجبور تسوي Grinding لأدوات...نقاتل أكثر... تخلص طوابق أو دنجنات طويلة... تقاتل أكثر...تنهي معارك معينة بأوقات قياسيّة...تقاتل أكثر...ألخ. تلاحظ أن القتال اكثر شيء راح تسويه تقريبا (وهذا شيء بديهي كونك تلعب لعبة آر بي جي) لكن المُمتع بالموضوع هو عدد الشخصيات الكبير, عدد الهجمات الكبير نسبياً, نوعية الأعداء, القدرة على تغيير مستوى صعوبة المعارك بأي وقت, والكثير من الأسباب الثانية تخليك قادر أنك تفل أمها وانت تلعب بدون ماتحس بالوقت بصراحة! (كملت 119 ساعة هنا وكأني لاعب 30 ساعة لول) فـ أقدر أقول أن بلاتينيوم هذي اللعبة راح يكون تجرُبة مُمتعة أكثر من كونها مُملة في بعض ألعاب الآر بي جي الثانية. لذلك, لو كنت مهتم بهالجانب, خلينا نكمل.

أول شيء, خلينا نلقي نظرة على
قائمة التروفيز. تلاحظ أن غالبية الصعوبة تكمن في عنصرين:
هذي لها طريقة, لكن تحتاج تسوي Grinding وتقاتل أعداء كثير وتجهّز الميكسر بطريقة مُحدّدة

وتروفي التايتلز. من حسن الحظ منتب مطالب أنك تفتح التايتلز كاملة لكل الشخصيات, لكنك مطالب تفتح على الأقل 80% منها لكل شخصية, وهذي 100 تايتل لكل شخصية عدا ريتشارد اللي تحتاج 80 بس. ذكرت فوق بعض الطرق الممكنة اللي تقدر تفتح فيها التايتلز, وإذا تبغى تعرف أكثر عن بقية التايتلز وكيف تفتحها, تقدر تشيّك قائمة الشخصيات بالأسفل, كل أسم مرتبط بالتايتلز حقتهم. القائمة (شبه) كاملة, ونسبة اللي فيها يكفي أنك توصل 100 لكل شخصية بالراحة.

آزبيل تايتلز
صوفي
هيوبرت
شيريا
باسكال
مالك
ريتشارد

هنا راح أحط أفكار واساليب مع الوقت تشرح مجموعة تايتلز وكيف تحصلهم بسرعة:

1- الكوستمز. الملابس الإضافية حاول تجيبها كلها لأن كل واحدة = تايتل.
2- الدُمى (في آرك Lineage & Legacies الإضافي) اللي تجمع أدواتها وتسمح لك تسويها, تخليك تتعلم كوستمز + تايتلز جديدة لما تبدلها مع الـ Humaniod في الدور الثاني في Telos Astue. الطريقة اللي تصنع فيها الدُمى تحتاج لهذي الأدوات:

Asbel = Corrupted Edge + Everlight (To make everlight you need Luminous Core+ Perilous liquid)
Sophie = Mythical Scale + Giants Shield
Hubert = Killer Fang + Godwood
Cheria = Alluring Feather + Needle of Extinction
Malik = Arcane Gear + Meteorite
Pascal = Fantabulous Fur + Classified Seed
Richard = Incredible Bone + Demons claw

ماعندك فكرة عن مواقع دروب هذي الادوات؟ فيه وحوش كثيرة في الآرك الإضافي يسقطونها:

Luminous Core drops from Hoploid, Evocatoid, Auxilioid (All from Eleth Research Laboratory)

Perilous Liquid drops from Luminescent Roper

Corrupted Edge drops from Sigma Enemies (Lastalia Shaft)

Mythical Scale drops from Sand Drake (Strahta Desert Ruins), Core Drake (Lastalia Shaft)

Giants Shield drops from Natural Star (Fendel Glacier Ruins)

Killer Fang drops from Labyrinth Lizard (Fendel Glacier Ruins), Goliath Bat (Gustworks Ruins), Legendary Wyvern (The field outside Telos Astue)

Godwood drops from Sky Treant (Strahta Desert Ruins)

Alluring Feather drops from Hellstorm Harpy (Lastalia Shaft), Radiant Eagle (Arcadia Garden)

Needle of Extinction drops from Braid Spider (Strahta Desert Ruins)

Arcane Gear drops from Wailing Golem, Platebreaker (All from Eleth Research Lab)

Meteorite drops from Blitzer Bear (Arcadia Garden)

Fantabulous fur drops from Horkew Kamuy, Ovinnik (Fendel Glacier Ruins)

Classified Seed drops from Midnight Shade (Strahta Desert Ruins)

Incredible Bone drops from Terrane Boar (Lastalia Shaft)
لما تجمع 6 من كل أداة, راح تقدر تسوي من كل دُمية 6 حبات, وبالتالي تقدر تلعب فيهم كلهم كل مرة مع شخصية مختلفة. بكذا راح تضمن 6 تايتلز لكل شخصية. المجموع 36 تايتل من مهمة بسيطة زي كذا :]
3- طريقة أخرى أنك تلعب بـ ريتشارد معاك في الفريق دائما وتبدّل بين الأعضاء كل فترة وتخلي ريتشارد موجود دائما. بهالطريقة راح تفتح 5 تايتلز له بمجرد أنه يتعود على أعضاء الفريق اللي يقاتل معهم. برضوا لو احترف التايتلز هذي, راح يفتح تايتل ماستر لها كلها (5 إضافية).
4- أشتر حاجات كثيرة, مع الوقت راح تقدر تفتح 3 تايتلز لـ هيوبرت. وجمّع 1,000,000 علشان تفتح 4 تايتلز إضافية برضوا.
5- كمل الـ Collector Book كامل (Consumables, Dishes, Materials, Weapons, Armors, Unique Equipments, Gems, Valuables) وكل ماكملت شيء منهم راح تحصل كمية تايتلز مش بسيطة لكل شخصية! (كمل الطبخ وتحصل 4 تايتلز لشيريا, كمل الأدوات الإستهلاكية وتحصل 4 لمالك, كمل مواد الخام وتحصل 4 لباسكال, كمل أسلحة وتحصل 4 لآزبيل...ألخ)
6- خلي شيريا هي المعالجة ومع الوقت راح تلاقيها حصلت 3 تايتلز.
7- ألعب بريتشارد وتحكم فيه فترة طويلة وراح تحصل أنك حصلت 4 تايتلز جديدة!
8- لما شخصياتك كلها تُصاب بـ حالات سلبية, أياً كانت, راح تحصل تايتل xxxxproof خاص فيه. يعني كل شخصية 7 تايتلز.
9- كل شخصية تملك 4 تايتلز يحصلون عليها لما يسوون كمبو 100 ضربة (لوحدهم). الأول 15 ضربة, الثاني 30, الثالث 50 والتايتل الرابع 100.
10- كل شخصية تملك 3 تايتلز يحصلون عليها لما يسوون كمبوهات تختلف بالتصميم (هجمات A أو B مختلفة في كل مرة)
11- آزبيل يحصل على 4 تايتلز لما تدخل في 2000 معركة ناجحة. أول تايتل 200, ثم 500, ثم 1000, والأخير 2000.
12- على الأقل 20 تايتل لكل شخصية يجيك من القصة (عدا ريتشارد)
13- كمل أكبر عدد مهمات جانبية قدر الإمكان. بعضها فيها تايتلز, وبعضها ملابس = تايتلز.

بالنسبة لباقي التروفيز, وخصوصاً تروفيهات المعارك لزُعماء التشابترات اللي مطالب تهزمهم بأقل من دقيقة. لك فرصة أنك تهزمهم بأقل من دقيقة, لكنك تحتاج تكون محترف فعلياً بالسلسلة/أسلوب القتال في اللعبة/دقيق/سريع/مرتب/لفلك عالي. لو تفتقر لأغلب هذي المقومات (مثلي) أجل يبغالك تأجل هالتروفي لـ +New Game.

وش سالفة النيو جيم بلص؟
هذي ميزة في اللعبة. تعيد اللعبة من جديد وتبقى عندك الأدوات/أسلحة وهالأمور, لكن يرجع لفلك 0. بس لو تقيسها, بتلاقي نفسك أفضل بمراحل من عدة نواحي:

1- بما أنك تقدر تستخدم أحسن سلاح عندك من أول اللعبة, يعطيك أفضلية أنك تخلص اللعبة أسرع, تهزم الزعماء اسرع لما تحط الصعوبة على الأيزي.
2- بعدما تنهي اللعبة المرة الأولى, تحصل مكافآت تفيدك في النيو جيم بلص بناءً على مجهودك اللي بذلته وإنجازاتك اللي سويتها في اللعبة الأولى. المكافآت تُعطى/تقاس بكمية الإنجازات اللي تسويها في اللعبة الأولى. مثال: تكمل كتاب الطبخ كامل 100% تحصّل 1200 نقطة زيادة على اللي مفروض تحصله بالأصل. النقاط ذي تعطيك القدرة أنك تبدأ اللعبة بمميزات إضافية. علشان تبدأ بالمميزات ذي, لازم تشتريها بالنقاط اللي تحصلها كمكافئة. كل مازادت نقاطك, كل ماصرت قادر على شراء مميزات أكثر, والمميزات ذي تعطيك افضلية كبيرة في اللعبة الجديدة.

قائمة النقاط والجوائز هنا توضح قيمة كل شيء.

وش أفضل أسوي كل شيء بالولكثرو الأول أو الثاني؟
الناس تقول يمديك تسويه بالاول, لكن الثاني مُفضّل عند الكثير من اللاعبين الجُدد للسلسلة/النظام القتالي المطوّر وأنا من بينهم.

سؤال: هل حصلت البلاتينيوم؟
لا. لكني شغال عليه :]

وش أفضل طريقة أحصّل فيها 9999 نقطة للـ Mixer ؟؟
الطريقة راح تاخذ منك وقت طويل من الكرف, لكن في النهاية فيه طُرق مُمكن تقلّل من الوقت وتختصر عليك إلى حدّ ما. أنا ابتكرت طريقة تعتمد على كم خانة عندك في الميكسر, ويُفضّل انك تحط اغلب اللي بأذكره في القائمة, وعلى قد ماتقدر تحط, راح يزيد من فرصتك في رفع المعدّل بعد كل مُباراة:

- ركّب كتاب Book of Satiation (كتاب يعطيك القدرة أنك تطبخ طبختين في المعركة الوحده.)
- ركب طبختين متأكد 100% انهم شروطهم راح تتم في المعركة (مثلا Soba Omelette شرطها لما تتجاوز المعركة 60 ثانية تشتغل وتدبل كمية الـ EXP في نهاية المعركة. وإذا تلعب بالـ Chaos mode ومتأكد أن احد شخصياتك ممكن تموت في المعركة, ركب طبخة شرطها أنها تشتغل لما تموت مثل Beef Curry وكذا)
- ركب كتاب Book of Potential (كتاب يسرّع نسبة زيادة عدّاد الميكسر كل ماطبخت)
- ركّب كتاب Book of Growth (كتاب DLC ميزته أنه يساعدك على رفع العدّاد بعد المعارك بنسبة 20% أسرع)
- ركّب أداة وحدة إستهلاكية أو خام (ماتيريالز/كونسيومبلز) ويُفضّل تكون نسبة تكوينها عالية (50%+)
- ركّب كتاب Book of Duplication (أعتقد انه كتاب DLC وميزته أنه بدال مايصنع لك الميكسر أداة وحدة, يصير يسوي 2x)
- ركّب كتاب Book of Fortune (كتاب يدبل نسبة نجاح تكوين الأدوات في الميكسر)

الطبخات في المعارك والأدوات اللي تنصنع من المشي كلهم يساعدون على زيادة العدّاد بنسبة ضئيلة. بس تخيل لو كنت مسوي كل اللي ذكرته فوق في الميكسر حقك مرة وحدة؟! (تحتاج 8 خانات) أضمن لك نسبة زيادة عالية خلال فترة قصيرة :]

----------------------

كيف أقدر أجيب رقم كمبو عالي؟
الطرق تختلف, لكن شخصيا ماجبتها, بس لقيت شخص في يوتيوب قدر يجيبها, وهذي بتفيدك لأنك كل ماجبت رقم كمبو أكثر, كل ماضمنت نقاط أكثر تكسبها في نهاية اللعبة, وتستفيد من هالنقاط في الـ NG+ في كسب مميزات اكبر حتى تبدأ بشكل أفضل/أسرع.

طريقة رهيبة تجيب فيها Combo x999
[video=youtube;scDCRnQFMMI]http://www.youtube.com/watch?v=scDCRnQFMMI[/video]

---------------------------------
 
التعديل الأخير:

key_san

Hardcore Gamer
محلات قليلة جداً جابت اللعبة , والمشكلة ما لقطت ولا محل عنده إياها
 

Sora Diersly

True Gamer
^
:"( دبرها حتى لو تضطر تطلبها من امازون!


وبالمُناسبة! منهو بيتبرع يسوي لنا تواقيع؟ :") أدري اني أعرف أسوي أحسن من ثلاث أرباع أغلفة الألعاب. لكن حالياً خارج نطاق الخدمة :/
 

Dark Master

فريق الأنمي
محلات قليلة جداً جابت اللعبة , والمشكلة ما لقطت ولا محل عنده إياها
في جده ؟؟

استنى بيت الكمبيوتر يوم السبت بالكثير
 

HeNNeSSy

True Gamer
ناوي اخذها بعد ماكمل من سايلنت هيل

مالك سيزر

يذكرني الاسم بمطعم سيزر بيتزا ههههههههه
 

soosi

True Gamer
بيت الكمبيوتر في الراشد قال اسبوع الجاي

القريدس ذكرني بكبمارو
:D
 

Mesharey

True Gamer
تجربتي بتيلز مع فيسبيريا كانت أكثر من كافية ما أفكر آخذ لعبة تيلز جديدة إلا إذا غيروا أسلوبها >.>

يعطيك العافية عمر ; )
 

Sultan/X

Banned
قرديس xD


تصدق موضوعك حببني بلعبه احتمال اخذها لن صراحه هانوعيه من الالعاب من زماااااااااان عنها مشكور ^.^
 

Sorrow

Gamer
حاجزها من بيت الكمبيوتر من كم يوم ومطوله شكلها على بال ما تجي :sadwalk:
 
التعديل الأخير:

key_san

Hardcore Gamer
شكلها مع بيت الكمبيوتر
متعمد ما شفت شي عنها , حدي جربت الديمو وبس
 

Omni-Doom

The Last Quincy
^
إيه لا تسوي مثلي ...نص المشاهد صرت حافظها من التريلرات :tongue:
 
مع احترامي لجمهور تيلز و سلسلتها ابصراحه اقول كفايه , من وجهت نظري الشخصيه ومتابعه سلسلة تيلز , انا اشوف تقريبا القصص متشابه وخصوصا الضربات كوبي بيست محبط حقيقه , مع اني من محبين الالعاب الكلاسك بس تيلز طاحت من عيني , لازم يغيرون نظام القتالي والقصص
 

Omni-Doom

The Last Quincy
يمكن أكون معك بنظام القصص جزئيآ ....مو كل الأجزاء تتشابه لكن نسبة كبيرة منهم تحسها نفس الستايل

أما عن نظام القتال ....كم جزء لعبت ؟؟ و الضربات أشوفها جزء من ستايل السلسلة...يعني تيلز و بقية السلاسل الآربيجية ( الطويلة فقط ) عندها تكرار في الضربات ( شين ميجامي , شادو هارتس , فاينل فانتسي...الخ ) ....لكن محد يبغاها تتغير و السبب زي ما قلت فوق....يعني لعبة لتيلز بدون هجماتها المعروفة ( demon fang , temepst sword , sword rain , ignition....etc ) ما راح أحس إنها تيلز ^^"

بعدين هم كل جزء يحافظوا على الهجمات القديمة و يضيفوا مجموعة جديدة من الهجمات.....عالعموم رأيك قابل للنقاش و احترمه جدآ ^^
 
يمكن أكون معك بنظام القصص جزئيآ ....مو كل الأجزاء تتشابه لكن نسبة كبيرة منهم تحسها نفس الستايل

أما عن نظام القتال ....كم جزء لعبت ؟؟ و الضربات أشوفها جزء من ستايل السلسلة...يعني تيلز و بقية السلاسل الآربيجية ( الطويلة فقط ) عندها تكرار في الضربات ( شين ميجامي , شادو هارتس , فاينل فانتسي...الخ ) ....لكن محد يبغاها تتغير و السبب زي ما قلت فوق....يعني لعبة لتيلز بدون هجماتها المعروفة ( demon fang , temepst sword , sword rain , ignition....etc ) ما راح أحس إنها تيلز ^^"

بعدين هم كل جزء يحافظوا على الهجمات القديمة و يضيفوا مجموعة جديدة من الهجمات.....عالعموم رأيك قابل للنقاش و احترمه جدآ ^^


انا يوم قلت لازم يغيرون النظام القتالي , انا ما اقصد يغيرون الضربات بشكل جذري , الي كنت اقصده يطورون النظام ويخترعون شيء ثاني نفس في لعبة FFX13 طوروا نظام القتال واظافوا نظام الشيفتات ع سبيل المثال , وانا شخصيا من زمان ما لعبت تيلز بس اشوف اخوي يلعبها , بس الجزء الاخير الي هو فيسبيريا اشوفه احسن عن الاجزاء السابقه من حيث القصه , بس مالعبتها
 

Omni-Doom

The Last Quincy
أوكي طيب تيلز في أجزائها القديمة ما كان يمديك تمشي بحرية في أثناء المعركة زي ما هو موجود في فيسبيريا ...و جزء من الأجزاء ( تيلز أوف ريبيرث ) كان معتمد على نظام التنقل الثلاثي

في النهاية أنصحك تلعب ( ليجنديا , ريبيرث , أبيس ) و راح تعرف إنو في فرق في أنظمة القتال ^^

و معليش لو فهمتك غلط :innocent::
 

key_san

Hardcore Gamer
شوف مقاطع لعب حق tales of xillia
هي أخر جزء نزل في اليابان شوف كيف طوروا في نظام القتال
بالنسبة لي أشوف في كل جزء النظام فيه يتحسن أكثر وأكثر بس المميز كان مال phantasia و destiny اللي لما الشخصية تسوي سحر قوي يوقف القتال لما سخلص السحر ويكمل
 

Sora Diersly

True Gamer
مع احترامي لجمهور تيلز و سلسلتها ابصراحه اقول كفايه , من وجهت نظري الشخصيه ومتابعه سلسلة تيلز , انا اشوف تقريبا القصص متشابه وخصوصا الضربات كوبي بيست محبط حقيقه , مع اني من محبين الالعاب الكلاسك بس تيلز طاحت من عيني , لازم يغيرون نظام القتالي والقصص

عزيزي, تيلز لعبة كلاسيكية فيها أساسات ثابتة ومنها أسلوب القتال (رغم تطوّره مقارنة بسابقه). هل قد شفت دراجون كويست تتغير مثلا؟ هي نفس الطقة. الناس تحبها بسبب كلاسيكيتها. اللحين تقول الجزء هذا مافيه تطوّر؟ انا مااقدر اجاوب لك على هذا السؤال إلا لما ألعب اللعبة. خصوصاً لأن آخر جزء لعبته من السلسلة هو سمفونيا قبل قرن, ولا لعبت فيسبيريا/زيليا/ابيس. لذلك جرعاتي للسلسلة أشوفها مناسبة, وكلي حماس للجزء هذا :]

مشكلة لو اللعبة ماوصلت للسعودية بالوقت المناسب >.>"
 

Sora Diersly

True Gamer
نايس :"] متحمس للإنطباعات اجل~
 

Omni-Doom

The Last Quincy
^
انتظر الشعب يخلص اختباراته :tongue:

على فكرة إنتا اشتريتها ؟؟ و بعدين ما لعبت ولا جزء من بعد سمفونيا ؟؟؟ يا رجل !! ولا حتى سمفونيا 2 ؟؟
 

Sora Diersly

True Gamer
^
لا :/ ماني فان لأجهزة نينتيندو المحمولة. نادراً مااشتريهم/ألعابهم. حتى KH:COM ماشريتها/لعبتها إلا لما نزلت نسخة ريميك على البلاي2

عموماً أنا جايب اللعبة اليوم :"] متحمس جداً, خصوصاً أن عطلتي بدأت رسمياً
 

Omni-Doom

The Last Quincy
^
بس تيلز أوف سمفونيا 2 كانت على الوي...و أبيس نزلت على البي اس 2 قبل العدس :nerd:
 

Sora Diersly

True Gamer
^
ماجبت الوي إلا قبل كم شهر :/ والبلاي2 ماجبتها. وين المُشكلة؟ لأيش التحجير ذا xD ؟
 

Omni-Doom

The Last Quincy
هههههههههههههه لا والله مو تحجير ...بس أغلب اللي أعرفهم كانت بدايتهم مع سمفونيا ( نفس حالتي بالضبط) و من بعدها صاروا متابعين لجميع أو أغلب أجزاء السلسلة أو على الأقل لعبوا الجزء الثاني ^^"

أنا مستغرب من إنو آربيجاوي مثلك مفوت كم جزء ؟؟ :tongue: بس يا عمي اللي يسمعني يقول هذا فرض مهي لعبة :laugh::
 

Primal

( ̄ー ̄)
^
مب ذي اول تليز تطلع برى اليابان غير فسبريا؟على اي اساس يقولون ما تغيرت(من جهتهم)
 

hussien-11

Senior Content Specialist
عمر ترى جيم تريلرز جماعة يحبوا ألعاب الاربيجي بشكل كبير، اذا أعطوها تقييم منخفض فاحتمال انه اللعبة فعلا مش بالمستوى، خلونا ننتظر و نشوف

مب ذي اول تليز تطلع برى اليابان غير فسبريا؟

لا طبعا، كثير أجزاء صدرت بنسخة غربية أذكر منهم ديستني - ليجنديا - سيمفونيا - ايبس ، كلهم صدروا في الغرب قبل فيسبريا.
 

Primal

( ̄ー ̄)
^
اقصد الجيل هذا
 
أعلى