hits counter

الموضوع الرسمي Tactics Ogre | خلنا نتعلق مع بعض

Colorization

True Gamer
tactics_ogre_let_us_cling_together.jpg

(على فكرة، السب-تايتل مال اللعبة هو المفضل عندي لأي لعبة. أحسه إيبك! ترجمته بالعنوان عشان ما يكون كله إنجليزي.)

تاكتكس أوغر SRPG من المصمم Matsuno وتتبع سلسلة Ogre، وتعتبر حجر الأساس لـ FF Tactics. إذا تحب الألعاب الإستراتيجية والقصص السياسية (كعادة ماتسونو) بتعجبك اللعبة وايد. إذا تحب نظام الجوبز بتسعبل مع اللعبة. :wow: أعتبرها الوسط ما بين الكلاسيكية البحتة (فاير إمبلم) والتطور الجنوني (ديسجايا).

http://en.wikipedia.org/wiki/Tactics_Ogre

ون-أب (مراجعة جيريمي باريش): ١٠
جيم سبوت: ٩
جيم إنفورمر: ٩
آي جي أن: ٨.٥

موعد الصدور ١٥ فبراير، عقب باجر. كل الإنطباعات إيجابية، أعتقد إنه هذا أكثر ريميك متكامل سوته سكوير، وإلا؟ من ناحية الإضافات وطبيعة الريميك؛ ماتسونو بنفسه مع فريق اللعبة الأصلي يشتغل على الريميك، ومش outsource لشركة ثانية. متوقع ٣٠ متحمسين و ٢ يلعبونها لذلك مافي داعي أكرر الفشل الذريع مرة ثانية. :sarcastic:

إن شاء الله أول ما توصلني بكتب إنطباعاتي. أقدر أتكلم عن اللعبة الأصلية لكن الريميك عفس وايد أشياء (للأحسن) لذلك مابي أشتت أحد. قد يكون آخر موضوع أكتبه بحياتي لأي منتدى لأني زهقت من الألعاب أصلا. ما ودكم تدعموني شوي... رفعوا معنوياتي. اشتروا اللعبة. لعبوها معاي. هيك يعني :crying:

(كان ودي أخليه موضوع ٢ في ١ وأحذف معاه دي كيو٦. بتكلم عنها هني بعد أوكي؟ مادري ليش كل ألعابي مالها جمهور. :/ )
 

hussien-11

Senior Content Specialist
مادري ليش كل ألعابي مالها جمهور

نفس الشي صار معاي أكثر من مرة لكن نصيحة لاتخلي هالشي يهمك ، حتى لو شخص واحد فقط ولا اثنين يهمك رأيهم و لعبوا اللعبة فهذا شي جيد لول

دراجون كويست خليها لموضوع منفصل

بانتظار اللعبة ، بتكون رابع لعبة اشتريها للجهاز ان شاء الله ، بعدها منتظر ثيرد بيرثداي و تايب-زيرو علشان أترك الجهاز يرقد بسلام .

بس سؤال : ايش الأفضل عندك هذي و لا فف تاكتكس و ليش ؟ و نقطة أخرى : كيف مستوى الأوست ؟
 
صدقني لو ما فتحت الموضوع كولو ما اتوقع احد بيفتحه غيرك هههه

مو عشان شي لكن انت مرة متحمس للعبة .. صارت باسمك ^_^
 

Colorization

True Gamer
يس PSP.

أفضّل هذي من ناحية الجيم بلاي، وايد فيها تفكير وإستراتيجيات (وهذا كلام كبير بالنسبة لي لأنه FFT الجيم بلاي مالها خرافي)، ونظام الجوب تحفة. فاينل فانتاسي تاكتكس مع إنها تشابه قصة TO بوايد أشياء، لكني حبيت شخصياتها أكثر والقصة بشكل عام. ميزة TO إنه فيها وايد نهايات، ومن أوائل الألعاب اللي تعطيك خيارات تغير مسار القصة تماماً. فكروا إنها لعبة SNES يعني شي جبار بصراحة. القصة مو خطية مثل FFT، وفيها ٨ نهايات. اللعبة طويلة وايد، ومع إني أيضاً كنت ألعب وايد في FFT لكن مساحة التجربة واللعب بالشخصيات في TO أمتع وأعمق. بالنهاية، اثنينهم أحبهم حيل، لكن ممكن أرجّح الكفة لـ TO في هذا الوقت بسبب الريميك: كل العيوب حلوها، وأضافوا أشياء جديدة تماماً مو بس عالقصة لكن على الجيم بلاي، يعني أسلوب اللعب الواسع أساساً صار أوسع. متحمس لإعادة الترجمة، لأنه ريميك/بورت FFT كان أسطوري من ناحية الترجمة. ما أحب أستخدم كلمة أسطوري، لكن الترجمة تستاهل. شي غير مسبوق، خاصة إنه اللعبتين فيهم سياسة وحروب، لذلك الترجمة أصعب بكثير من باقي ألعاب اللولي بوبز، وكان واضح هالشي بالإصدارات الإنجليزية لكلا اللعبتين؛ ترجمتهم القديمة سيئة.

الساوندتراك تحسه epic من ناحية المنظور الحربي لكن ما أراهن إنه بيعجبك. بعطيك بالبروفايل بعض الأشياء اللي عجبتني. دايماً ساوندتراكات ماتسونو يكون لها طابع حربي، وفي رأيي النوع هذا من الساوندتراكات ممتاز حق اللعبة لكن ممكن ما يكون شي مفضّل إنك تسمعه خارج اللعب. بس أحبه.
 

Colorization

True Gamer
نسيت أقول،

3cf50e57dae348f69640bdb21405875c_7.jpg


ماتسونو بشحمه ولحمه يلحقني بتويتر. وناسة. :>
 

Sora Diersly

True Gamer
فكرت في اللعبة, انا يعجبني تطور ديسجايا كثير لكن فف تاكتكس ماشجعتني ابدا, ماحسيت فيه سلاسة بالتحكم هذاك الوقت واخذت مني وقت طويل علشان اتعود عليها.. ولا انسى البُطئ العجيب في اسلوب اعطاء الأوامر وحركة الشخصيات -_- جاب لي جلطة اذكر! (التلفيل مايفيد, إتجاهات شخصيتيك مهمة جدا لو ماكانت ملتفته بطريقة معينة تروح ملح.. الخ) حسيتها معقدة بقوة.. ومافهمت الجوبز وشراء الجنود مُسبقا.. ماادري هل هاللعبة هذي مطابقة لتاكتكس؟

ديسجايا فيها سلاسة عجيبة في التحكم وقوائم الأوامر..


عموما انا رايح اشيك لها فيديوهات اللحين
 
التعديل الأخير:

MZX

Gamer
بتكون هذه ثاني لعبة SRPG ألعبها بعد ديسجايا .


ما كنت ناوي عليها الحين ، بس الموضوع الرسمي رفع عداد الحماس عندي ،

نشوفكم بعد يومين :rockon:
 

Colorization

True Gamer
إتجاهات شخصيتيك مهمة جدا لو ماكانت ملتفته بطريقة معينة تروح ملح.. الخ
أعتبرها ميزة مو عيب. اللعبة تخليك تفكر عكس أغلب ألعاب الـSRPG. التلفيل مهم لأنه يعطيك Job Points عشان تقدر تشتري حركات وتفتح جوبات يديدة. اللعبتين يشبهون بعض.
 

Mario2

True Gamer
من اكثر الألعاب اللي متحمسلها هالسنة وشكلي برجع لشعور اللاوعي اللي تخليك مبحلق عينك وتعزل البيئة المحيطة ، اريد سيكويل من الحين :( .
 

hussien-11

Senior Content Specialist
انا نويت عليها أكيد لكن اللعبة بتقعد على الأقل على الأقل أسبوعين اذا مو ثلاثة قبل ما توصلني : (

ماني عارف ليش بس 90% من وقتي "الجيمزي" صاير على المحمول .. صرت أحس نفسي "أوتاكو محمول" - ان صح التعبير - مثل اليابانيين lol
 

Sora Diersly

True Gamer
لسى شفت فيديوات, حسيت القوائم اسهل وإلا ..؟ طيب التشابه بين فف تاكتكس و TO ايش بالضبط؟؟ انا ودي باللعبة بس خايف اتحسف -_- خاصة مافيه اي نسخة مُستعملة...
 
^
منتج زي كذا ما يتحسف عليه حتى لو اخذته بـ 80 دولار , توكل على الله واطلبها
 

Colorization

True Gamer
تشابه بكل شي، الفاونديشن مال أسلوب اللعب هو نفسه، مستوى الصعوبة، وحتى بعض الشخصيات. لكن! هذي ريميك و وايد عيوب عدلوها، لذلك بتكون accessible أكثر من FFT. على كلام ماتسونو، هذا re-build حق اللعبة (تغيير بنواحي أساسية كثيرة) والفريق الأصلي حق اللعبة بالكامل هو المشرف على الريميك، عكس FFT PSP كانت بورت (مافي أي تغيير بالجيم بلاي) مع إضافات.
 

Sora Diersly

True Gamer
ايش العيوب اللي صلحوها؟؟ ممكن تذكرها..؟
 

squall leonhart

True Gamer
رح اشتري اللعبة بما انه موضوعك الاخير ..و كمان احب اعمال ماتسونو
 

Majeed

Warrior of Liberation
طول عمري كنت مشتهي ألعب فف تاكتيكس لأني قريت وأنا صغير كيف تطلع البستر سورد فيها P:

تباً محمد مواضيعك تحمس حتى لو سطرين >_< إذا شفت اللعبة بشتريها إن شاء الله. فيديوات الجيمبلاي دخلت مخي.
 

Colorization

True Gamer
وايد، ما تهمك لو ما لعبت الأصلية لأنها ما بتشكل فرق لك. الريميك noob friendly عكس اللعبة الأصلية. مساعدات كثيرة أكانت توتريالز مفصلة أو شرح للأشياء الجديدة كل ما تتقدم + Wheel of Fate وهي إنك تقدر ترجع إلى آخر ٥٠ "دور" بالمعركة وتلعب من جديد. إعتبرها زر الـrewind بالمعركة: إختر أي من الـ٥٠ دور الماضية وعيد خياراتك. إضافة ممتازة جداً. صدقني، أضمن لك متعة خرافية لو كنت تحب الألعاب الإستراتيجية.

b780b420e78f49149e2849dc509683ff_7.jpg


LET US CLING TOGETHER!l

ألعبها من الصبح. الريميك ينوصف بكلمة وحدة: يا. إلهي. كلمة ريميك قليلة بحق اللعبة. بجد واو. هذا اللي يحصل لما فريق اللعبة الأصلي بالكامل يرجع ويشتغل على لعبته. يشتغل بضمير خالص.

خل زيرو مشن و REmake يصفون على جنب بس، هذا أفضل ريميك بالتاريخ.
 

hussien-11

Senior Content Specialist
للأسف ما رح أقدر أبدأ ألعب فيها إلا بعد ماتوصلني النسخة الأوروبية الي بتصدر آخر الشهر -__-

إضافة الـ rewind عبقرية و أعجبتني جدا جدا ، أتمنى تصير ستاندارد بكل ألعاب التاكتكس في المستقبل P:
 

DONY

True Gamer
شباب انا متحمس للعبة خاصة اني احب الـ SRPG ومتحمس بزيادة لأني لسة مخلص Fire Emblem Radiant Dawn على الـ Wii , وحابب اجيب الـ PSP عشانها وعشان كم لعبة ثانية بس تنصحوني اجيب اي موديل ؟؟ وبرايكم اصبر للـ NGP ولا اختصر واجيبلي هالجهاز ؟؟؟ محتار صراحة .
 

hussien-11

Senior Content Specialist
شباب انا متحمس للعبة خاصة اني احب الـ SRPG ومتحمس بزيادة لأني لسة مخلص Fire Emblem Radiant Dawn على الـ Wii , وحابب اجيب الـ PSP عشانها وعشان كم لعبة ثانية بس تنصحوني اجيب اي موديل ؟؟ وبرايكم اصبر للـ NGP ولا اختصر واجيبلي هالجهاز ؟؟؟ محتار صراحة .

الـNGP قدامه سنة كاملة لحد ما يصدر ، من هنا لسنة يخلق ما لا تعلمون P:

القرار قرارك ، لكن لو حبيت تشتري الجهاز خذ الـ PSP3000 أشوفه أفضل من الـgo كخيار ، بيكون عندك خيار التحميل + خيار تشغيل الألعاب من الديسك ( في ألعاب ما صدرت على الستور ) + شاشة أكبر
 

Colorization

True Gamer
مثل ما قال حسين، لا تاخذ الـGo. هو جهاز جذاب لكن للأسف لا سوني ولا الشركات ملتزمة فيه، هذا غير إنه الأسعار مرتفعة مقارنة مع أمازون (أتكلم عن الألعاب القديمة). خذ لك PSP-3000 مع ميموري بالحجم اللي يعجبك واستمتع! البلاي ستيشن ستور خيار ممتاز جداً، تقدر تختصر الوقت مع الألعاب الجديدة وتشتريها على طول (لو إني طلبتها من أمازون كان خذت أسبوعين >.<). وطبعاً هذي الألعاب بتشتغل عالـNGP لذلك انت مو خسران.

آنا براجع اللعبة في ترو جيمنج، بس سريسلي، لحد ينطر المراجعة، بيكون تقييم عالي لأني فان حق اللعبة واللي هي أساساً ممتازة. اذا مهتم فيها خذها، رايي بيحمسك لا أكثر.

آنا قاعد أكتب نوتس على كل الأشياء الجديدة واللي شدّت انتباهي. هذي بعضها:

  • خاصية Wheel of Fortune اللي شرحتها فوق. محد يفكر إنها تخلي اللعبة أسهل. بالنسبة لي، مثل فورزا ٣، هالخيار يعتبر عازل لحالات العصبية والقلق اللي ممكن تتسبب فيها المعارك. وبالنهاية، انت لك كامل الحرية بطريقة إستخدامك له (ومهما استخدمته فهو ممتع). لازم نتذكر إنه بالإضافة للتحدي، احنا نبي متعة بعد من الألعاب. آنا أستانس من التحدي القاسي لكن يظل، هي إضافة وما تعيق أي شي على الإطلاق. بالعكس تماماً.
  • فيه Music player يحط لك الساوندتراك كامل. تنفتح لك موسيقات يديدة كل ما تتقدم. طيب. سو وات. ليش أذكره هني؟ لأنه... كل تراك في له comment من الملحنين. MIND BLOWN. يلعن شكلج يا سكوير، لازم تحطين هالميزة الحين بكل ألعابج الياية! كل لحن له شرح. شنو الهدف من الأدوات المستخدمه أو من الـfeel ماله، بالإضافة إلى كومنتس زيادة أحياناً. ولأنه الساوندتراك يعتبر ريمكس (ريمكس مش الكلمة، خل نقول re-worked)، بتشوفهم يشرحون التغييرات. "أضفنا طبقة من المعرف إيش عشان نضيف غموض أكثر لهذا الثيم" وهيك يعني.
  • اللعبة، مثل فاينل تاكتكس، زاوية التصوير فيها مايلة. الحين ضافوا ميزة (إضغط مربع ثم يمين) وراح يتغير شكل الخريطة بالكامل. بتصير مثل Fire Emblem أو Super Robot War، زاوية تصوير ثنائية الأبعاد. أيضاً تقدر تسوي زووم إن و زووم آوت.
  • فيه قسم يشرح لك كل شي؛ كل شخصية وكل مدينة وكل شي. كل شي (مثل FFT لكن أفضل بألف مرة). القوائم خرافية. واو، مادري شلون كنا نلعب الجزء الأول؟ كل شي متغير للأحسن.
  • تقدر تدخل على خيار يخليك تشوف timeline الأحداث. يعني بيحط لك الآتي "قصة - معركة - قصة - قصة - معركة". لما تضغط على أي منهم، بتشوف مختصر يقول لك المقطع هذا كان يتكلم عن شنو. لما تضغط X وانت هني (بشاشة المختصر)، راح تنعرض لك القصة مرة ثانية، المشهد بالكامل، كأنك قاعد تلعب. حوارات وأنيميشن وكل شي. أوه/ماي/غاد D:

صور توضيحية للنقطة الأخيرة:
١/ http://twitpic.com/40dx7l
٢/ http://twitpic.com/40dxc7
٣/ http://twitpic.com/40dxhx

صور توضيحية للكاميرا:
العادية: http://twitpic.com/40cx2w
ثنائية الأبعاد: http://twitpic.com/40cxc8

بجد بجد بجد... ريميك أسطوري. عودة حميدة لماتسونو. آاااااه شكراً سكوير! والله كان حلم، والله! >ـ<

تعديل: ما تكملت عن المعارك. لول؟ شقول؟ Revamp بنسبة ٧٠٪ تقريباً؟ أكثر؟ قوائم - سكيلز - طريقة التلفيل - كل شي متغير، والتغيير يتراوح من طفيف إلى شي جديد. مرة ثانية: للأحسن.
 
التعديل الأخير:

hussien-11

Senior Content Specialist
واو o_O

المزايا انت الي انت قاعد تتكلم عنها رائعة جدا و تعتبر لمسات جميلة لإرضاء الفانز و اللاعبين الجدد ، يلا كويس من زمااان ما لعبت لعبة تاكتكس زي الناس ، وننتندو صايرة بخيلة بإصدارات فاير إمبلم : (

بيكون تقييم عالي لأني فان حق اللعبة

خليك منصف يا فتى ، اذا أخذت اللعبة تقييم عالي مفروض هالشي يكون لأنها تستحق و مش لأنك فان لها فقط P:
 

Colorization

True Gamer
عشان جذي كتبت "لأنها ممتازة أساساً". آنا فانبوي للسلاسل اللي أحبها لما تكون ممتازة بس. p: (ميجامان١٠ أحبها بس ما كانت من التوب٣ للسنة الماضية.)

ممكن اللي أقصده هو إنه اللعبة قديمة ومستواها آنا أعرفه. يعني لو كانت إصدارة يديدة ما بقول هالكلام أكيد. ألريدي عندي عيوب كاتبها للأسف. -ـ-

يا رب تبيع، Ogre سلسلة ممتازة وفريدة من نوعها بس القاعدة الجماهيرية حقها ضعيفة.
 

DONY

True Gamer
شكراً شباب , انشالله بحاول اجيبها اول ما اجيب الجهاز .
 

Sora Diersly

True Gamer
للأسف انا علقت في مفك3 حاليا.. راح اجيب OT تقريبا لما اخلص الترم هذا. كلامك ياكولور مُقنع بقوة >.> اتمنى تعجبني قد مااعجبتني ديسجايا.. راح اجيبها اول مايخلص الكوارتر الحالي .. بحدود الشهر بإذن الله :)
 

hussien-11

Senior Content Specialist
القاعدة الجماهيرية ضعيفة لكل ألعاب التاكتكس محمد مش بس لهذي ..
 

DONY

True Gamer
حسين , انا جريت جزء تاكتيس اللي على الدي اس .. بس صراحة ابداً ما عجبتني سواء بطىء رتب اللعبة او اسلوب الرسم .. هل هاللعبة Tactics Ogre قريبة ليها او قريبة لجزء تاكتيس اللي على الـ PSP ??
 
أعلى