Old Hunter
True Gamer
السلام عليكم جميعا !
انا اعلم اني ارتكبت جريمة بحق عالم الالعاب بعدم تجربتي لثنائية جالكسي، لكن انا قررت اتوب والعب اللعبتين صراحة، لذلك شريتهم قبل فترة مع الجهاز عشان اخوض التجربة واعطيها حقها. حاليا العب الجزء الاول .. و كل الي اسمعه ان الجزء الثاني هو من اعظم ما صنعت ميديا الالعاب في التاريخ. سألت نفسي .. ايش ممكن يتفوق على اللسته الي عندي حاليا و راضي فيها كل الرضا، لكن دخلت جالكسي كذا و زاحت كم لعبة و جات مكانهم! الجيف الي فوق يعبر عن حالتي وانا العب جالكسي بالضبط .. احساس انك تسبح بعوالم جالكسي، شعور جميل .. كمية افكار فضيعة .. ليفل ديزاين خرافي .. موسيقى وش اقول بس ؟ .. موسيقى مع حبي و عشقي لماريو .. الا انها جايه من عالم اخر.
انا لعبت اوديسي، عشقت اوديسي، جمعت الـ٩٩٩٩٩٩٩٩٩٩ قمر باوديسي .. لكن اوديسي كانت مغامرة استكشاف اكثر من انها مغامرة بلاتفورم. جالكسي عطتني احساس مختلف للبلاتفورم. كل مرحلة مصممة بالكامل بانك كلاعب تستغل كل قدرات اللعب عشان تتخطى مراحلها، للمعلومية فقط انا للتو وصلت للجالكسي الرابع، ما انهيت اللعبة، لكن قلت لازم صراحة اكتب انطباعي عن الي شفته لحد الان. كان لي مخاوف من التحكم الحركي ما اخفيكم، و اتعبني شوي في بعض المراحل، وايضا تصميم العوالم الدائري اتعبني ايضا .. لكن .. كنت سعيد جدا لما اكتشفت ان اللعبة ما تعتمد اعتماد كلي على العوالم الدائرية، والمراحل الي تعتمد على التحكم الحركي هي نوعا ما مراحل جانبيه. الى ان .. وصلت لعالم الجليد .. التزلج بالاخص .. ايش هذا التحكم المحكم ؟ الصلب ؟ التزلج جدا ممتع في اللعبة .. ما ادري لكن لعبت العاب كثير لما تدخل امور مائية ثلجيه في اللعبة .. اكره هذي المراحل، لكن ماريو جالكسي حببتني فيها.
رغم اني جاي من ٢٠١٩ ( احم ٢٠ ؟ ) لكن ماريو جالكسي فعلا لعبة لها بريق خاص، صعب الوم اي شخص حب هذي اللعبة او انهمك في عالمها .. او حب حتى يرجع يجرب مراحلها من جديد، الليفل ديزاين العجيب يخليك تنبهر كل مره ترجع للمراحل نفسها، عالم الثلج، و ايضا عالم قصر لويجي .. هذي افضل عالمين مريت فيها لحد الان. حتى الزعماء في جالكسي، رهيبين بشكل ! كل واحد منهم يخليك تستخدم افكار العالم الي خلصته او راح تخلصه بشكل ممتاز .. اوه لحظه .. تذكرت الموسيقى مجددا ، بالله تفضل :
جمال ..
يمكن انا ما اعرف اسرد افكاري بشكل مرتب لما اكتب انطباع عن لعبة معينه، لكن ماريو جالكسي، لعبة للتاريح من الي شفته لحد الان.
بكمل انطباعاتي باذن الله في هذا الموضوع : )
شكرا لك يالي قريت الموضوع كامل، و تحملت اللخبطه الي تصير وسط الكتابه.
اترككم مع أسئلة بسيطه لو تتذكون:
- الجالكسي المفضل عندكم ؟
- سر حبكم لماريو جالكسي اكثر من غيرها.