hits counter

Ratchet & Clank: Size Matters - الموضوع الرسمي-

Naif

Executive Member
بادئ الموضوع #1
بما ان اللعبة باقي اسبوع تقريبا و تصدر .. تحتاج موضوع رسمي ..



Ratchet & Clank: Size Matters
تطوير: High Impact Games
عدد اللاعبين: 1-4 (اونلاين)
موعد الاصدار:
US: February 13, 2007
Europe: January 7, 2007
الموقع : http://www.us.playstation.com/PSP/Games/UCUS-98633


قصة اللعبة:
حتى في اثناء اجازة بطلين المجرة راتشت و كلانك لا يمكنهم الابتعاد فيها عن المغامرة، اذ يؤدي اختطاف فتاة صغيرة و محاولة اقتفاء اثرها الى مغامرة جديدة لراتشت و كلانك تقودهم الى اكتشاف حضارة ضائعة من المخترعين الاذكياء (Technomites) و يكتشفون ايضا خطة شريرة ضخمة!

بعض النقاط السريعة عن اللعبة:
- فريق التطوير High Impact Games مكون من عدد من الموظفين اللي اشتغلوا في انسومنياك سابقا

- احداثها تقع بعد احداث جزء ديدلوكد

- يحتوي اللعب الجماعي في اللعبة (اللي يمكن لعبة بواسطة اكثر من جهاز بي اس بي "اوفلاين" او اونلاين) على عدد من الاطوار المختلفة مثل Deathmatch و Team Deathmatch و capture the flag التقليدية بالاضافة الى طور Iron Lombax الذي يدخلك في تنافس بين فريقين يجب عليكم التنافس في انهاء مهمة ما قبل الفريق الاخر. المهام تختلف باختلاف الخرائط كما ان المهمة الواحدة تحتوي على عدد من الخطوات المختلفة.

- نظام الـarmor اختلف، في هذا الجزء بتجمع قطع مختلفة بتحصلها في مناطق مختلفة من اللعبة . بعض القطع للراس و بعضها للارجل و الايدي الخ ( Helmet, Body, Gloves and Boots).. و اذا جمعت الـset الكامل بتحصل bonuses مختلفة (يمكن الحصول عليها ايضا عن طريق عمل تنويعات مختلفة من الارمورز ) مثل حركات خاصة او حماية اضافية ضد عنصر محدد (النار - الثلج .. ) ..

لقطات:



المزيد: http://media.psp.ign.com/media/824/824315/imgs_1.html

فيديو:

http://www.youtube.com/watch?v=4UjPnu46HCU
يحتوي لقطات من اللعبة و لقاءات مع المطورين

http://www.youtube.com/watch?v=KEHnhfCOi8E
جيمبلاي
 

Ash

إداري سابق
#2
اللعبه ما تتفوت للي عندهم PSP أكيد , أتمنى النجاح للفريق مثل ما نجح فريق RTD بداكستر .

بالنسبه للسلسلة جزأ ديد لوك الأخير كان لعبه أركيدية أكشنية بحته , العنصر البلاتفورمي باللعبه يضيع تدريجيا مع كل جزأ جديد , بس تضل متعة اللعبه "المسترة" الأفضل في الجزأ الأخير خصوصا مع نظام المهمات .


صورة تذكرني بأيام الجزأ الأول ..
 
#3
اللعبة حاجزنها من الشهر اللي فات !!

اجزاء البي اس 2 ادمان ومتعه ...اممم للأسف مالعبت ديد لوك من لعبت الديمو ...بس متأكد انه حلو !!

يعطيك العافيه نايف !
 

Naif

Executive Member
بادئ الموضوع #6
اخيرا .. اليوم وصلت اللعبة عندنا

بعد ساعة لعب تقريبا .. بعض الانطباعات:
- اسلوب اللعب منقول بشكل ممتاز على البي اس بي .. التحكم يحتاج وقت حتى تتعود عليه (لوول كل ما اريد الف الكاميرا انزل ابهام ايدي اليمين تحت .. بعدين اتذكر انه مافي انلوج .. "كنت قاعد العب الجزء الثالث من فترة و متعود على تحكم البي اس 2 .. " ) في اسلوبين للتحكم و كل واحد منهم جيد (واحد تستخدم فيه الانالوج في التحكم العادي براتشت و الدي باد للمشي على جنب و الثاني فيه العكس .. ما اعتقد اي واحد لعب العاب السلسلة من قبل يحصل التحكم صعب .. و اتوقع اللي هذي اول تجربة لهم بيتعودون على التحكم بسرعة بعد ..
- الرسومات حتى الحين ممتازة جدا .. شوية اقل عن جودة العاب السلسلة السابقة و لكن مستوها على البي اس بي فعلا رئع .. العروض جيدة (لكن خلفياتها شوي باهته ) لكن بعدها تضحك ..(لوول على كوارك في البداية .. خسارة مافي دكتور نفاريوس -_- كان رهيييييييب )
- الاصوات و الموسيقى رهيبة .. من افضل ما سمعت على البي اس بي ..


بعدني ما جربت الاونلاين .. متحمس له وايد (ما جربت الاونلاين في الجزء الثالث و ديدلوكد للاسف)

لوول زحمة العاب البي اس بي في هذي الفترة .. اريد العب غورومين .. و المشكلة اني قاعد العب لعبتين ما ينمل منهم (بروتبل اوبس و هذي .. )

المزيد من الانطباعات قريبا ..
 

Naif

Executive Member
بادئ الموضوع #7
خلصت اللعبة اليوم

اكثر عن 6 ساعات بشوي

- المؤثرات المرئية افضل مؤثرات شفتها على البي اس بي .. خاصة في القتال الجوي بكلانك .. رهييبة
- الكاميرا ممكن تكون مزعجة بعض الاحيان (يوم تقرب على جدار يكون خلفك .. و يكونون في وحوش قدامك) .. بس معظم الوقت الكاميرا ممتازة و تؤدي واجبها ..
- الكوميديا اقل من اي لعبة راتشت اند كلانك سابقة للاسف ..
- الرسومات\ اسلوب اللعب \ الادمان تقترب من جودة العاب البي اس 2 بشكل كبيييير


واحدة من افضل الالعاب اللي لعبتها على البي اس بي .. الحين ببدا ادخل الاونلاين فيها ..
 
#9
خلصت اللعبة اليوم

اكثر عن 6 ساعات بشوي

- المؤثرات المرئية افضل مؤثرات شفتها على البي اس بي .. خاصة في القتال الجوي بكلانك .. رهييبة
- الكاميرا ممكن تكون مزعجة بعض الاحيان (يوم تقرب على جدار يكون خلفك .. و يكونون في وحوش قدامك) .. بس معظم الوقت الكاميرا ممتازة و تؤدي واجبها ..
- الكوميديا اقل من اي لعبة راتشت اند كلانك سابقة للاسف ..
- الرسومات\ اسلوب اللعب \ الادمان تقترب من جودة العاب البي اس 2 بشكل كبيييير


واحدة من افضل الالعاب اللي لعبتها على البي اس بي .. الحين ببدا ادخل الاونلاين فيها ..
مبروك :)

اللعبة قصيرة لهذي الدرجه ... لعبت لعب عادي ... ولا تخطيف ؟!

اللعبة وصلتني امس ...

انطباعاتي الأوليه مثل نايف تقريبا !

التحكم والتصوير بالنسبة لي ممتاز جدا ومافيه أي مشاكل أو صعوبات ..إلا نادرا نادرا ..لكن تطلع منها بسهوله ...

1up خرطي ...اللي كاتب المراجعه يقول أنا لعبت كل الأجزاء الأوليه ويقول اضافة الPDA جميله ههه .. لا ويقول اللعبة صعبة في النهاية لدرجة انك لازم تختار استراتيجيه معينه حتى تعدي في النهايه ...هههه .. معلومه يديده ! ...المشكله انه يعتبرها عيب في اللعبة !

خذيتها هي وجورومين .. بابدى فيها انشاء الله ما دام هي الأقصر ..جورومين أقل شي 12 ساعه !!
 

Ash

إداري سابق
#10
شباب الجزأ يشبه أي واحد بالضبط ؟

البلاتفورمي - الأول ؟
الأكشني + البلاتفورمي - الثاني و الثالث ؟
الأكشني - ديدلوك ؟
 

Naif

Executive Member
بادئ الموضوع #11
شباب الجزأ يشبه أي واحد بالضبط ؟

البلاتفورمي - الأول ؟
الأكشني + البلاتفورمي - الثاني و الثالث ؟
الأكشني - ديدلوك ؟
حسيتها اقرب للجزء الاول

اللعبة قصيرة لهذي الدرجه ... لعبت لعب عادي ... ولا تخطيف ؟!
المغامرة الرئيسية قصيرة .. خاصة اذا كنت لاعب السلسلة من قبل فتكون عارف شو هي الاسلحة الجيدة او اللي متعود عليها.. عند الرئيس الاخير رجعت للمناطق الثانية و خلصت بعض التحديات و المراحل مرة ثانية على شان ازيد طاقة راتشت و اشتري اسلحة زيادة .. (يعني كنت اقدر اخلصها قبل ..) .. بس بعدني باقيلي اشياء وايد ما سويتها (تجميع كل الارمورز و السكينز و اخلص تحديات كلانك ... الخ)