hits counter

الموضوع الرسمي Pokemon HG/SS

C RONALDO

True Gamer
jkgig.jpg



قبل كم ساعه نزل التريلر الرسمي للعبه المنتظره Pokemon HeartGold/SoulSilver
هذا اول تريلر رسمي للعبه ,, اللعبه تحدد موعدها الرسمي الياباني وهو 12-9-2009 ,, يعني بعد شهرين وكم يوم
اللعبه ريميك لجزئين Gold/Silver اللي نزلت قبل 10 سنين على جهاز القيم بوي كلر ولكن هالمره على جهاز الدي اس ,,
اكثر مايميز هالجزء هو لما تجمع جميع الاوسمه الـ8 وتروح للدوري وتخلصه تروح للجزء القديم وهي منطقة (( كانتو )) مالت Red/Blue/Yellow ,, وتجمع الـ8 اوسمه وتخلص الدوري ,, يعني بهالنسخه ماتخلصها الا لما تجمع الـ16 وسام ,,
وهذي اللعبه الوحيده لبوكيمون اللي فيها اكثر من 8 اوسمه


نتكلم عن التريلر ,, انا بصراحه كنت ناوي مااشوفه وايد ,, يعني مرتين او ثلاث او خمس اذا كثرت
بس ماقدرت لوول وشفته فوق الـ50 مره :p
بس الشي اللي مخليني اتفائل فيه وانتظره بفارغ الصبر اني مااذكر فيه ولاشي ,, الا بس كم مكان ,, مثل كهف سلوبوك ,, وبناية البيلسبروت ,, حتى الكانتو مااذكره وايد لاني خلصته مرتين بس ,, مره اول مانزل ,, والثانيه بالريميك ,, اما جزء روبي وسافير خلصته يمكن 6 مرات وجزء دياموند وبيرل 3 مرات ,, اما قولد وسلفر ماخلصته الا مره وحده فقط ,, وهذا قبل 10 سنين ,, والنسخه اللي كنت لاعبها كانت كوبي والترجمه كانت فان سب وخط كبير وكلها اختصارات وكلمات غير مفهومه وكان عمري وقتها 11 سنه :p


شرايكم بالتريلر ؟؟ ,, واللي يذكر شي يليت لو يحطه بتاق سبويلر لاني ماابي اعرف :p (( مع اني اعرف نفسي وراح اقرا المكتوب لوول )) بس ودي العب اللعبه وانا ماادري عن ولا شي فيها ,, لاني جربت لعبت دياموند وبيرل اول مره وانا اعرف نص المدن وايضا اعرف كل البوكيمونات ,, عشان جذي فقدت المتعه اللي بهالجزء ,,


[YOUTUBE]<object width="480" height="385"><param name="movie" value="http://www.youtube.com/v/6R2ib2qSiiI&hl=en&fs=1&"></param><param name="allowFullScreen" value="true"></param><param name="allowscriptaccess" value="always"></param><embed src="http://www.youtube.com/v/6R2ib2qSiiI&hl=en&fs=1&" type="application/x-shockwave-flash" allowscriptaccess="always" allowfullscreen="true" width="480" height="385"></embed></object>[/YOUTUBE]

هذا لنك للفيديو من الموقع الرسمي (( مافي فرق بس انا اشوفه اوضح من لينك اليوتيوب ))
Pokemon HGSS

 

Silent Shadow

TG news editor
ما بظن التريلر بيحتاج موضوع جديد لحد ما أحد يسويلها الموضوع الرسمي قبل صدورها .
تعديل : التريلر هو نفسه الموجود بالموضوع السابق
 
التعديل الأخير:

Nintendo

TG editor-in-chief
كان حطيته بالموضوع الثاني اخ رونالدو,, عموما اللعبة شكلها رهيب مع اني وقفت العاب البوكيمون بعد روبي وسفير.

الله يعينكم الين يصدروا النسخه الانجليزيه..
 

C RONALDO

True Gamer
ادري انه التريلر نفسه اللي بالموضوع ,, وعنوان الموضوع ماتغير ,, يعني اكيد شويه اللي شافوه
فحطيتله موضوع عشان الكل يشوفه :)
 

Dr.Manhattan

True Gamer
شعر البنت لما تناظر فوق أو تحت تحفةXD
مظهر اللعبة صار حلو خاصة الكهوف و المدينة الي فيها فصل الخريف و المكان الي فيه نار،غير كذا مافيه شيء جديد بالتريلر
خلوا هذا الموضوع للعبة لأن مقدمته أفضل من القديم
 
التعديل الأخير:

q8 spy

True Gamer
يا سلاااام

متحمسله حيييييييييييل
 

aza619

Hardcore Gamer
واو .. رهيب التريلر

يجي منه :rockon:
 

Super Shadow

True Gamer
أول مرة أشوفه

التريلر جدا رهيب :crying:

ما حددوا موعد صدور النسخة الأمريكية؟

سؤال حق الي خلصوا بوكيمون جولد و سيلفر

البوكيموات الثلاثة الرئيسية في الأجزاء القديمة ( بلباسور ، تشارماندر ، سكرويلر ) أقدر أحصهم و أمسكهم ببوكيمون سلفر؟ لأني ناسي اللعبة ><
 
التعديل الأخير:

C RONALDO

True Gamer
سوبر شادو :rockon:

ليلحين ماتحدد ,, بس عالاغلب شهر 3 او 4
لان دياموند نزل شهر 9 باليابان ونزل بامريكا شهر 4
وبلاتينيوم نزل شهر 9 باليابان وبامريكا شهر 3
يعني بين 3 و 4 ,, مطول للأسف :sadwalk:

ايي تختار واحد منهم ,, هذا اللي اذكره :rockon:
 

Ash Storm

True Gamer
المؤثرات في القتال مازالت سخيفة مثل ما هي! ما في فايدة!
اللعبة مظهرها عادي صراحة, تمنيت اما جزء جديد بشكل جديد و متطور او ريميك محترم كمان بشكل جديد!
 

Silent Shadow

TG news editor
سؤال حق الي خلصوا بوكيمون جولد و سيلفر

البوكيموات الثلاثة الرئيسية في الأجزاء القديمة ( بلباسور ، تشارماندر ، سكرويلر ) أقدر أحصهم و أمسكهم ببوكيمون سلفر؟ لأني ناسي اللعبة ><
لا ما بتقدر . لازم تبدلهم من أحد الأجزاء القديمة .
 

C RONALDO

True Gamer
ash storm
اذا بتقيم الريميك لازم تقيمه على جزئه القديم اللي اهوا قولد وسولفر
واذا بتقارنهم مع بعض بتشوف الفرق وبتشوف انه ريميك محترم ,,
هذا مودفاعا عنه والله ,, بس انا برايي انهم مايغيرون طريقة القتال ,, لان اصلا هذا ستايل بوكيمون اللي تعودنا عليه ,, ومااتمنى انه يتغير
صدقني هذا ستايله ولو تغير بتتمنى يرجع نفسه القديم

سايلنت شادو

افاااااا !! خبري فيه تقدر تختار بينهم
حبطتني :crying:
 

Super Shadow

True Gamer
هذيل الثلاثيين كانو أهم شي بالنسبة لي :crying:
 

Silent Shadow

TG news editor
فيديو جديد من Pokemon Sunday بيعرض طريقة استخدام الـ Pokewalker وكيفية حسابها للخطوات وتأثيرها على البوكيمون
[YOUTUBE]Men1Wsz8TGs[/YOUTUBE]
كالعادة استحملوا هالمقدمين :(
 

Superx

True Gamer
اللعبة على الds ?
(وسؤال .. شباب شو احسن جزء بوكيمون على الds? .. لان لها اجزاء كثيرة ومادري آخذ اي واحد)
 

Super Shadow

True Gamer
^^

سمعت أن بوكيمون بلاتينيوم أفضلهم و فيهم البوكيمونات القديمة
 

Golden_Sun

True Gamer
حماااااااس.. شكلها عجيييييب!!!!!!!
انزين البوكي ووكر، هذا نفس نظام الdaycare ان كل خطوة امشيها احصل one exp؟
اذا ايي اوووف ونااااسة احطه في مخباتي واركض بالنادي LOOOOL حدي بكون وقتها فريك بوكميون!! P:
 

Dr.Manhattan

True Gamer
اللعبة على الds ?
(وسؤال .. شباب شو احسن جزء بوكيمون على الds? .. لان لها اجزاء كثيرة ومادري آخذ اي واحد)
ايه على الدي اس
أما أحسن جزء فيعتمد على ذوقك،لأن بوكيمون صارت ثلاث سلاسل , و كل وحده لها جيمبلاي خاص(Pokemon Dungeon و Pokemon Ranger و أجزاء بوكيمون العادية)
لو تبغى الجيمبلاي مثل أجزاء الجيمبوي خذلك بلاتينيوم
 

C RONALDO

True Gamer
حماااااااس.. شكلها عجيييييب!!!!!!!
انزين البوكي ووكر، هذا نفس نظام الdaycare ان كل خطوة امشيها احصل one exp؟
اذا ايي اوووف ونااااسة احطه في مخباتي واركض بالنادي LOOOOL حدي بكون وقتها فريك بوكميون!! P:

هلاااا والله :rockon:

اعتقد ايي ,, لان بالفيديو عقب ماخلص من المشي وحط بيكاتشيو بالدي اس زاد لفله مرتين :rockon:
موووبس جذي !! ,, تقدر بعد بالبوكيووكر تصيد بوكيمونات بالبوكي رادار :lebb:
 

C RONALDO

True Gamer
superx
شوف انا لعبتهم كلهم ,, بس ولاوحده خلصتها ,, اسمحلي بس بوكيمون حلاته بالار بي جي فقط
واذا ودك تغير يعني العب رينجر ,, الجزء الثاني توه نازل بامريكا ماصارلي جم شهر
لاتلعب دنجن ,, والله موحلو :(
 

Silent Shadow

TG news editor
^
كل شخص وذوقه ، بالنسبة لي ألعاب Pokemon Mystery Dungeon هي أفضل ألعاب بوكيمون اللي لعبتها على الـ DS كتجربة جديدة قدمتلي قصة فريدة من نوعها بالسلسلة وصعوبة خلتني أعيد بعض الـ Dungeons فوق الـ ١٠ مرات .
 

C RONALDO

True Gamer
ادري كل شخص وذوقه بس مايمنع اني انصحه
المهم
متمني شي ,, ودي لما اسوي surf يحطون شكل البوكيمون نفسه ,, مايكون كالعاده الظل الاسود
اووووف اما لو يسوونها :inlove:
 

Colorization

True Gamer
شي واحد ان ما صار ما راح اشتري اللعبة: خلوا اللعبة سريعة لما اشيل الأنيميشنز!!!

Zubat used Poison Sting
Pikachu is damaged
Pikachu is poisoned
Pikachu is damaged by the poison
Here comes the sandstorm
Zubat is damaged by the sandstorm
Pikachu is damaged by the sandstorm
The sandstorm is still hard

روقونا يا عالم. الله يعز دراغون كويست بس. بجد عقبها كرهت سيرة بوكيمون.
 

C RONALDO

True Gamer
^

تقدر تشيل الانيميشن اذا مالك خلق :p
انا اشيل الانيميشن لما استخدم البوكي رادار عشان الشايني ,,
 

Simplicity

Hardcore Gamer
بصراحة من العرض اللي أشوفه أشياء كثيرة كثيرة تغيرت وصارت والله إلى أحسن بكثيييير

المدينة الوسام الرابع حقت ال Ghost Pokemons تغيرت بشكل ال shrine حق Ho-oh تغير بشكل مو طبيعي صار جميل بشكل الخريف,,,حركة البوكيمون تمشي وراك قريت لها أثر أنا في منتدى Serebii ,,,وهذا شي حلو طبعا بالنسبة لي بوكيمونات الجيل الأول والثاني هي اللي أنا عشت معاها جو الثالث والرابع الصيفية هاذي ناوي بس بحق سول سليفر وهارت جولد شي ثاني لاصار ولا استوى ...

ولسا أبي أشوف المدينة حقت الوسام الثالث ...Normal Pokemons ...

حركة الجديدة هاذي بوكي وكر بصراحة يسلم لي عقلهم والله إنها تبي تفك أزمات مو طبيعيه من أول عشان ألفل لازم اتكي شرب شاهي مع الأقويا الأربعة ولا بعد مو على طول لما نعبي ال EV

بشكل عام,,,,راح يكون جزء مو طبيعي ومن الحين بستعد له معنويا ودايمونديا وبوكيمونيانا
 

Silent Shadow

TG news editor
معلومات جديدة من مجلة CoroCoro عن طريق GAF
- You follow Entei, Suicune, and Raikou around Johto, just like in the original games. However, Eusine is stalking Suicune.
- Ho-Oh is in the Tin Tower and Lugia is in the Whirl Islands, both at Level 45.
- There is a new feature in the game called the “Pokeathelon,” which is a mini-game feature that uses the stylus.
- The Pokemon Gyms have various traps.
- Red Gyarados appears in the Lake of Rage at Level 30.
- The Kimono Girls are part of the storyline and you meet them many times.
- Dialga, Palkia, and Giratina each learn moves they could not previously learn - Metal Burst, Hydro Pump, and Shadow Sneak (respectively).
- There are 9 mini-games. One of them could be the racing game I saw at the early premiere of the Arceus movie.
- Eusine, a character from Crystal, is in the game.
- Latios and Latias are in the games at Level 30.
- Mewtwo is in the game - Possible Kanto confirmation if it turns out to be true.
- Lugia and Ho-Oh have a “hidden ability.”
المعلومات عن أماكن وجود الأماكن الأسطورية وضعتها بسبويلر تاج .
المعلومات عن الشخصية اللي راح ترجع بتقدروا تشوفوها هنا
بانتظار نشوف سكانات من هالعدد .
 

C RONALDO

True Gamer
ترى حتى لاتيوس ولاتياس وميوتو بوكيمونات اسطوريه :p

اكثر شي حبيته شايني قرادوز ,, اما الباقي والميني قيمز عادي يعني ,, ناطر السكان
 
أعلى