الموضوع الرسمي Modern Warfare 3 / الحرب العالمية الثالثة !

[Primal]

اقترح ينقل الموضوع لقسم اللعبة

 

[chris]

^^
شكلك داخل جو في اللعبة حمود :laugh::

 

[Primal]

لوووووووول
http://www.computerandvideogames.com/325444/modern-warfare-3-user-review-average-plummets-to-28-on-metacritic/?cid=OTC-RSS&attr=CVG-News-RSS

 

[MAX9009]

^^
شكلك داخل جو في اللعبة حمود :laugh::

من كثر الطلب عليها انعديت ولعبتها وخلصتها :xd: ولا كنت ناوي اطنشها

 

[يمكازي]

أنهيتها , ممتازة .

ممكن هذا الجزء هو الأقصر و الأكثر خطية , لكن الأكثر سينمائية و حماساً ! بعض المشاهد أستغرب كيف نجحوا في تنفيذها مع هذا المحرك , كانت مشاهد مصقولة بشكل كبير و صعب أنساها . القصة تم إغلاقها بشكل ممتاز , نهاية الأحداث متوقعة من البداية لكن المهم لي كيف نوصل لهذه النهاية ؟ وش هو المشهد السكربتد المجنون اللي راح نشوفه ؟ الألحان ما توصل لمستوى الجزء الثاني للأسف , لكن المين ثيم كان رائع و تم استخدامه أكثر من مرة . ممكن يوم أرجع خطوة للوراء و أشوف اللعبة بشكل عام , أشوف أضعف نقطة فيها الأعداء اللي هم نفسهم مع ذكائهم و تفاعلهم و أنميشنهم , لكن ليش ما حسية بهذا الشيء و أنا العب ؟ العناصر اللي يتم أضافتها على الجيم بلي من فترة لفترة , ما أبغي أحرقها , لك راح تحس أنك " وور مشين " . بالمناسبة , في لحظات مؤثرة في اللعبة و مفجعة بعض الشيء للاعب , لكن مثل مرحلة " نو رشن " من الجزء السابق ما في .

سبويل للمشهد النهائية .

محتوى مخفي: >

رائع , يوم سقطنا على الأرض , أقول لا ما راح تنتهي بهذه الطريقة , طلع مكروف , لو تشوفون حالتي في هذي اللحظة لول , يبدأ القتال الأخير , يوري مسكين أنقذ الموقف . يوم بدأت اللعبة بـQTE كنت أضغط بأقوى ما عندي لول , موتت ماكروف كانت رهيبة و الأرهب الجلسة الهادئة لبرايس , جوست , سوب , ساندمان , جاز , كلهم ماتوا في هذي الحرب , برايس استحق انتقامه لاخوانة , أحب القصص العسكرية , و هذا اللي خلاني اتعلق بهذة القصة .

 

[Painkiller Q8]

الاونلاين ادمااااااااااااااان .. يذكرني في ايام Call of Duty 4 !!!! ماشاءالله كل الشباب القداما موجودين واللعب جنون ام الحماس !! يبيلي كم يوم اسخن وبعدين ادخل على Search and Destroy وامزج هناك !

الحمدلله فعلا الحين الواحد يقول BYE BYE "LAG" . والله مهما دخلت مع اجانب او عرب الكونكشن اخخخخخخخضر :rockon: مادري شنو التغيير لكن الحمدلله الواحد يلعب وهو مرتاح !

MW3 سواء كامبين او اونلاين سكتت كل منافسينها !

 

[Raheem]

^^^^
بتلفيلد؟؟؟

 

[Tiger]

الاونلاين إدمان سلس وما فيه لاق إبدا

 

[Raheem]

شباب وش تنصحوني باتلفيلد او كود8؟؟

 

[Akilla]

^^^^
بتلفيلد؟؟؟

شباب وش تنصحوني باتلفيلد او كود8؟؟

شباب رجاء اللي مايحب كول اوف ديوتي لايدخل مواضيعها ولا يقلب الموضوع نقاش، طبعا بحكم انه ذا الموضوع مش رسمي فمش مشكلة ولكن موضوع اللعبة الرسمي بيكون الموضوع الرسمي لكول اوف ديوتي فقط

http://www.true-gaming.net/boards/showthread.php?t=24019&p=839096&viewfull=1#post839096

 

[Raheem]

ابغى نصيحتكم انا ماقلت اكرره اللعبة

 

[Xeon-Q8]

خذ كود8

 

[يمكازي]

الظاهر في ريجن لنا , خمس ساعات لاعب ولا جيم دخلني على اجانب ! لو ما دخلني على مود معين يعني مافي عرب الظاهر , النظام جداً ممتاز

 

[Akilla]

ابغى نصيحتكم انا ماقلت اكرره اللعبة

يكفي انك جبت طاري باتلفيلد بس!

عموماً اللعبتين حلوات وكل لعبة ولها رهابتها, وش تاخذ هذا شي راجع لك, اذا تحب تلعب مع مجموعه كبيرة من الاعبين وبخرائط كبيرة ولعبة " هاردكورديه " خذ باتلفيلد.

اذا تحب لعبة سلسلة وتشتغل 60 فريم بالثانيه والفان بيس حقها ضخم جداً خذ كود!

بالنسبة لي جالس العب كود هاليومين, السورفايفل مود ممتاز جداً ورهيب!

 

[Painkiller Q8]

ابغى نصيحتكم انا ماقلت اكرره اللعبة

لاتتردد .. اخذ كود وانت مغمض !!! كامبين واونلاين افضل

 

[Sea.roOock]

للاسف، بالنسبة لي هذا الجزء الأقل تطورا في السلسلة.

ما انكر إن لازالت اللعبة تقدم لمساتها الاركيدية وجو التحدي في اللعب الجماعي، لكن تصميم الخرائط سيء جدا و هو أقل من باقي السلسلة.

ماكنت بشتريها اساسا لأني إكتفيت من هالألعاب لكن اخوي "مجنون" أجزاء السلسلة فاضطريت أجربها، الأشياء اللي تنرفزني دايما هي ميكانيكية اللعب اللي مو راضية تتغير بتاتا، الأخطاء اللي تواجهها أثناء اللعب مثل واحد قدامك تحاول تطعنه و الطعنه "ما ادري كيف" ما توصل له و يقلب عليك !!! يعني هالشي معاني منه من كود 4 و للحين موجود و رغم إختلاف المطورين لازالت بعض الأشياء ماتغيرت، لدرجة إن المراجعين ماصاروا يعلقون على هالنقطة لأنها صارت موجودة في كل جزء و نفس العيب، طبعا انا ما اتكلم عن هالعيب بس في غيره كثير و يضايق فعلا.

اعجبتني البيركات الجديدة و الكيل سترايك و الإضافات عليه، يلله نستانس شوي مع اللعبة و نحول لباقي العاب الشهر.

على فكرة شباب، اللي يقدر يتحداني و يحاول يغلبني free 4 all يضيفني مع رسالة تعريفية. PSN ID: sea-rock16

 

[Xeon-Q8]

 

[Vorg Zangief]

الظاهر في ريجن لنا , خمس ساعات لاعب ولا جيم دخلني على اجانب ! لو ما دخلني على مود معين يعني مافي عرب الظاهر , النظام جداً ممتاز

مثل mw2
ما يدخلك الا مع عرب :> و الاشارة 4 خضراء :>
هذا احلى شيء .
والسيء ان اللعبة كلها ركض و سرعة كبيرة باللعب . مو مثل بلاك اوبس الا كانت ابطأ و افضل من هالناحية .
و صح الدولفين دايف . صارت اركض و اقفز بعدها خليك ضاغط دائرة @@ بس مو مثل اللي ببلاك اوبس xD حسافة ليش شالوها مادري .
على كل حال اللعبة ممتعة كالعادة . السلسلة دائماً تقدم لعب مسلي جداً راح تخليك تقضي ساعات لعب :> طويلة :>

 

[Solay]

لول وراهم على الصليب,بكل برستيج الا التاسع..

أقترح أن المسلمين يوقفون على البرستيج التاسع..:

 

[SAUD~F-16]

^
لول
اشوى لقيت علم السعودية! بلاك اوبس ما كان موجود, مدري على اي اساس يحطون الأعلام ويشلونه؟

 

[Sir Guts]

صرت العب الأون لاين و الشكر يعود لأخويائي المدمنين \=

بعض اعلام الدول موجودة .. انا حاط السعودية و بكل فخر 3>

الحين لفل 26 و هذا و انا مالعب بجدية بس كذا للوناسة

 

[SAUD~F-16]

فيه احد مشترك بخدمة حقتهم ؟ انا حملت الابليكيشن وفيه اشياء مفيده. بس ابعرف الاشتراك بفلوس وشفايدته? غير الاضافات؟
مع اني حاس انه مايسوى

 

[Xeon-Q8]

لول وراهم على الصليب,بكل برستيج الا التاسع..

أقترح أن المسلمين يوقفون على البرستيج التاسع..:

اظن اختياراتهم للبرستيج مصدرها رموز واوسمه حقيقيه .. وهذا الواقع .. اغلب اوسمه الشجاعه او اي وسام يعطى في الحروب او المواقف ( الباسله) عند الغرب عباره عن صليب "مزخرف" بطريقه معينه

لو ترجع للجزء الأول من MW .. شفنا برستيج او "وسام" من الجيش السعودي .. والبرستيج الأخير .. الصليب الذهبي .. وسام الشجاعه والفدائيه في البحريه الأمريكيه

فـ اظن انها اوسمه حقيقيه .. وماله دخل اعتقادات فريق التطوير .. ودي اوصل البرستيج السادس او العاشر واوقف عنده

 

[Xeon-Q8]

وكل سنه تثبت انها مكسوره تقينا .. انتشر الهكر .. هكر السكور .. اللي خرب الليدربورد

وهكر البرستيج .. وقريبا الهكرات اللي شفناها في الجزء السابق

 

[fall out boy]

^^

الحمدلله اني ما خذتها .. لول

 

[Master Assassin]

شباب ارجو المساعدة

كيف ادخل طور السبيشال اوبس عالإكس بوكس لأني حاولت كثير ودخلت السرڤايڤر وأسوي بحث مطول بدون فايدة وحتى الميشن مادري صراحة ايش المشكلة مع العلم اني ما واجهت مشاكل نهائياً بالأطوار الباقية بالأونلاين
والبحث فيها عن سيرڤر فاضي أحياناً ما ياخد أكثر من ثلاث ثواني
وشكراً

 

[Sir Guts]

وصلت لفل 43 .. شباب اوقات في ناس اضربها ماتموت!!!

و هو يكون قدامي و انا وراه! .. لا يكون رجعنا للهاكات الخايسة؟

 

[HDNA]

الكشف عن موعد إصدار المحتوى الإضافي الأول للعبة Modern Warfare 3

أعلن فريق التطوير Infinity Ward أن المحتوى الإضافي الأول للعبة Call of Duty: Modern Warfare 3 سيتم إصداره في الرابع والعشرين من شهر يناير القادم على جهاز الإكس بوكس360، في حين من المتوقع إصداره بعد شهرٍ من هذا الموعد على البلايستيشن3 والحاسب الشخصي كما جرت العادة، وقال Robert Bowling أن محتويات هذه السنة ستكون مختلفة عن سابقتها، حيث لن تقتصر فقط على خرائط إضافية لطور تعدد اللاعبين بل ستحتوي أيضاً على مهمات لطور Spec Ops بالإضافة إلى أشياء لم يسبق لللاعبين أن شاهدوها من قبل.

http://www.true-gaming.net/home/53277/​

 

[SAUD~F-16]

وصلت لفل 43 .. شباب اوقات في ناس اضربها ماتموت!!!

و هو يكون قدامي و انا وراه! .. لا يكون رجعنا للهاكات الخايسة؟

لا هاك ولا هم يحزنون ,, الموضوع له علاقة بالأتصال والهوست . ( الا اذا كانت على البي سي فما عندي فكرة,يمكن يكون هاك!

حاليا بالبرستيج الثاني تقريبا,وما العب غير HQ وهاردكور:inlove: , ومن خلال تجربتي لجميع الأسلحة وجدت ان ال تايب 95 اوفر باورد( اذا اضفت معها رابد فاير) ووقعت في حبها,
الشيئ الوحيد الي محزني تصميم المراحل, كم اتمنى الDLC يكون فيه من مراحل mw2:sadwalk:

 

[Sky Walker]

جربت الاونلاين امس بشكل مكثف ..

للحظة شكيت اني العب اونلاين MW2 ..