hits counter

الموضوع الرسمي Miles Edgeworth: Ace Attorney | المشي و الإمتلاك

king zell

Network Director
Administrator
AAIMEcover.jpg


الجهاز | Nintendo DS
المطور | Capcom
الناشر | Capcom
موعد الإصدار | 16 فبراير (أمريكا) ، 19 فبراير (أوروبا)
الموقع الرسمي | http://www.ace-attorney.com/



أقدم لكم.. FAQ زيل الأليم للموضوع الرسمي..

سـ \ ليش هذا الموضوع مش مسويله توسيط مثل أي موضوع رسمي ثاني؟
أولا لأن هذا مش أي موضوع ثاني. ثانيا توسيط الكلام اسوأ إختراع في تاريخ المنتديات العربية.

سـ \ ايش هي سلسلة Ace Attorney؟ ما عمري سمعت فيها..
ممتاز.. اذا اتبع الخطوات التالية.. سجل الخروج من المنتدى.. قفل الكمبيوتر أو الجهاز اللي تتصفح منه النت.. لا تقرب من أي لعبة أبدا مرة ثانية.. و كنصيحة إضافية روح لزاوية الغرفة و اجلس فيها و فكر ليش انت فاشل الى هذا الحد..

سـ \ خلاص أعترف أنا فاشل! بس أبي أعدل الوضع، علمني ايش هي سلسلة ايس أتروني؟
إنك ما تعرف السلسلة جريمة. اما إنك ما تعرف ويكيبيديا هذي مصيبة أعظم. مرة ثانية اتبع الخطوات في السؤال الثاني.

سـ \ لعبت أجزاء فينكس رايت السابقة.. لكني أكره مايلز ليش هو البطل هنا؟
أرسل لي رسالة خاصة فيها عنوان بيتك.. راح أجيك مع شوية شباب و نشرح لك ليش هو البطل.

سـ \ أوكي أوكي.. مشاغل الحياة أنهكتني.. ما لقيت وقت اقرأ عن اللعبة الجديدة.. ايش تفرق عن أجزاء اللعبة المعتادة؟
أولا و الأكثر أهمية.. بطل اللعبة الجديدة هو الشخصية الأسطورية الإمتلاكية مايلز بن ادجورث.. هالمرة بدل ما تكون محامي الدفاع بتكون محامي الإدعاء.. و بالتالي اللعبة بتبعد عن قاعة المحكمة و بيكون التركيز الرئيسي فيها على التحقيق خارج المحكمة و مقابلة أطراف الجريمة و موقعها و تحليل معطياتها.

سـ \ هل هالشي يعني إن اللعبة بيكون أسلوبها مختلف؟
لا طبعا.. على الأقل مش من ناحية أجواء السلسلة القديمة الحماسية.. هالشي يتجسد في خاصية جديدة تدعى المنطق أو logic و فيها تحاول تربط بين معطيات الجريمة المختلفة.. طبعا ممكن تخطيء و ممكن تصيب في الربط.. و بعدين بتستخدم Crime Reproduction Gadget عشان تجمع معلوماتك مع بعض.

سـ \ طيب كيف أخسر؟ اللعبة ما تعاقبني على أخطائي؟
أكيد اللعبة تعاقبك.. انت جرب تغلط.. و بنت فون كورما بتجلدك.

سـ \ أوكي كيف تقييمات اللعبة؟ هل هي ممتازة فعلا؟
توجه للسؤال الثاني..

سـ \ ما أقدر أنتظر اللعبة!
اذا ما تقدر تستحمل مرة فديمو اللعبة موجود في ستور DSi حاليا.

سـ \ وين الصور الشخصية و التواقيع؟
للأسف انت متأخر.. كل العضويات الرهيبة و الأسطورية في المنتدى حطت أفاتر مايلز ادجورث قبل لا يفتح هالموضوع.


miles-edgeworth-ace-attorney-investigations-wallpaper-2-small.jpg

 
التعديل الأخير:

Zero

فريق الأنمي
تصفيق حار، كلنا متحمسين :rockon:
 

Gon freeces

True Gamer
سؤال اللي أسأله بكل موضوع فينيكس رايت : لازم اكون لاعب الأجزاء اللي قبل ؟ و الحين هذي الألعاب موجودة بآي تونز ولا لسة ؟


: (
 

Wellscha

Hardcore Gamer
شكلي بستلف ٣ و ابولو جستس من خويي.

وراي مشوارـ
 

Zero

فريق الأنمي
سؤال اللي أسأله بكل موضوع فينيكس رايت : لازم اكون لاعب الأجزاء اللي قبل ؟ و الحين هذي الألعاب موجودة بآي تونز ولا لسة ؟


: (

السؤال الأول: المفروض تستحي على دمك فينكس رايت للحين ما لعبتها؟! المفروض تطلع برى ولا ترجع إلا لما تختم السلسلة كلها علشان يصير عندك ذوق تعرف تقدر فيه الأشياء الرهيبة :angry::

السؤال الثاني: مو الجزء الأول المفروض نزلوه كلعبة آيفون\آيبود تتش؟

لازم تلعب السلسلة بالتسلسل علشان تعرف من إيدجوورث وتعرف ويش هي سلسلة فينكس رايت أرهب لعبة من كابكوم :rockon:
 

Niessu7

True Gamer
لول موضوع اسطوري اهنيك عليه .
 

king zell

Network Director
Administrator
سؤال اللي أسأله بكل موضوع فينيكس رايت : لازم اكون لاعب الأجزاء اللي قبل ؟ و الحين هذي الألعاب موجودة بآي تونز ولا لسة ؟

: (

ما أدري كيف بعض الناس ما لعبت الجزء الأول الى الآن

يعني كابكوم نزلته عالجوالات (سوني اريكسون نوكيا الخ).. الأيفون.. الدي اس .. الوي حتى!
 

Black

True Gamer
أهنيك على الموضوع محمد :laugh:: .. بروح ادور لي زاوية بالبيت .
 

hussien-11

Senior Content Specialist
اللعبة حصلت 8.0 من جيم سبوت ، تقييم جيد ، مع انها سبين-اوف بس شكلها بمستوى أي جزء آخر .

The Good




  • Great story
  • New gameplay elements always keep you busy
  • More freedom to explore and investigate than previous games in series
  • Makes the most of the environments outside the courtroom.

The Bad




  • Not challenging enough.

http://www.gamespot.com/ds/adventure/gyakutenkenji/review.html?tag=topslot;thumb;2

بعض المواقع و المجلات التافهة الي أعطت اللعبة 6 ، الظاهر خسف الألعاب الحلوة لأسباب مثل الجرافيكس و أشياء ثانية مثل التركيز على التيكست صاير موضة ! تحس المراجعات صايرة مضروبة بشكل مو طبيعي .
 

Tanton

True Gamer
:xd::laugh:::laugh:::laugh:::laugh::

أهنيك محمد عالأسئلة الأسطورية

أنتظرها بفارغ الصبر
 

Dark soul

Hardcore Gamer
يعطيك العافية محمد على الموضوع ..

بديت امس العب فيها و انهيت اول قضيتين .. امم انطبعاتي الاولية :

- محبط شوي ,ابي اجواء المحكمة
icon9.gif

- التحقيق ممتع كالعادة و اصعب
- اللوجك اضافة رهيبة !
- ايدجورث رهيب 3>
- الموسيقى جيدة .. بس ما تقارن بالاجزاء الرئيسية
- اللعبة بشكل عام حسيتها اصعب من باقي السلسة
- بدري نحكم على القصة .. بس اكيد مافي خوف عليها (B
- ابي اجواء المحكمة
icon9.gif
 

Salman

True Gamer
لول محمد, رهيب التقديم.
مراجعة IGN وصلت أيضاً:
http://ds.ign.com/articles/106/1069401p1.html
The Ace Attorney series has never reached a true level of excellence. While there are some really strong elements added for Miles Edgeworth, the core is still trial-and-error gameplay. Some of the logic left me scratching my head and it's entirely too linear. Fans of the Ace Attorney series will like it, no doubt about that, but there's also no denying that the series is running out of steam.
ما أعرف, هل أصبحت اللاخطية معيار تِنسَب كل لعبة في العالم لما تفتقره؟
أتوقع مراجعة جيم سبوت بتقييمها النهائي و محتواها أنصفت اللعبة أكثر من مراجعة IGN, اللي واضح جداً إنها جاية من شخص مو فاهم (ولا حاول يفهم) charm السلسلة بتاتاً. نقطة إن منطق اللعبة أحياناً يكون غريب و ينتظر منك خطوات غريبة هذي موجودة في السلسلة بشكل عام, و لكن المشكلة مو موجودة بالكثافة و التركيز اللي تخلينا المراجعات نعتقده. ما لعبت هالجزء إلى الآن و لكن مراجعات الأجزاء السابقة كلها شددت على نفس النقطة و بالنهاية طلع الموضوع مبالغ فيه.

اليوم أو بكرة نلعبها إن شاء الله
 

Double T

True Gamer
الحمااس .. بس اخلص Uncharted و اختبارات راح العبها .. مهما يكون مستواها راح العبها هذي اللعبة عشق لا ينتهي
 

hussien-11

Senior Content Specialist
The Ace Attorney series has never reached a true level of excellence

ههههههههه
أجل السلسلة عمرها ما وصلت لمستوى ممتاز يا ign ، براااااااااافو عليكم
الله يخليلكم ألعابكم الممتازة الي ما أشتريها بخمس قروش
 

JOE

True Gamer
موضوع رسمي "فلة" :laugh:: احييك صراحة مستر محمد
3821792718_8e2061d6fe_o.gif


رغم اني ما اعطي مراجعات السلسلة هذه بس عجبتني الارقام للآن ..... اليوم ولا بكرة ادور لها
 

HAL-9000

TG news editor
موضوع فلّة :laugh::
خلصت الأول من زمااان و حالياً قاعد ألعب الثاني و واصل في القضية الثانية. نفسي ألعب هذا الجزء بس أنا مصّر إني أخلص كل الأجزاء السابقة
 

Mista Koo

Creative Director
بالراحة أفضل موضوع رسمي على الاطلاق :rockon:
دائما أتساءل ليش الواحد يسوي موضوع طول بعرض ونص اللي بيدخلون الموضوع ما رح يقرونه :confuse:

يبي لي أصلح دي اسي بأسرع وقت عشان ألعبها!
 

Jonas

True Gamer
ممتاز.. اذا اتبع الخطوات التالية.. سجل الخروج من المنتدى.. قفل الكمبيوتر أو الجهاز اللي تتصفح منه النت.. لا تقرب من أي لعبة أبدا مرة ثانية.. و كنصيحة إضافية روح لزاوية الغرفة و اجلس فيها و فكر ليش انت فاشل الى هذا الحد..

اشوف انه مفروض يسجل خروج بعدين يدور له اقرب جبل ينط منه
aniphoe1nixbravado150x1.jpg
 

Salman

True Gamer
أنهيت القضية الأولى. القضية قدمت مستوى جيد بإعتبارها قضية أولى (لا زالت القضية الأولى في أبولو جستس أفضل قضية أولى في السلسلة بدون نقاش), و شخصية مايلز توصلت بالشكل المطلوب قياساً على التطورات اللي حدثت لشخصيته لحد الجزء الثالث. اللعبة أعطتني إحساس مختلف عن الأجزاء الماضية؛ حرية في التحرك, سبرايتات مطورة, بيئات جيدة على أقل تقدير. و لكني لحد الآن
أفتقد المحكمة. وأتمنى اللعبة تقدم لي إبداع في أطوارها المختلفة يغنيني عن المعارك الرهيبة اللي كانت تصير في المحكمة
. القصة ما زالت رصينة, و ما زالت هناك تلميحات يفهمها فقط الشخص اللي لعب الأجزاء الماضية, تلميحات تعطيك إحساس بترابط السلسلة ككل مثل ما عوّدَتنا.
 

Solay

Double Jumper
ماحد عنه اي معلومه متى بينزل الجزء الأول عالايفون؟!

ان شاءالله تعجبني السلسله.
 

Revolver

True Gamer
متحمممممممس! يعطيك العافيه على الموضوع زيل!
يالله مقدر انتظر العب اللعبه @_@ بنظف الدي اس من الغبار على ما تطيح اللعبه بيدي T_T
 

hussien-11

Senior Content Specialist

دائما أتساءل ليش الواحد يسوي موضوع طول بعرض ونص اللي بيدخلون الموضوع ما رح يقرونه :confuse:

طيب اذا ما كنت تقرأ خلي شوي تقدير على الأقل للناس الي تتعب بهذي المواضيع

الحمد لله انه لسه فيه ناس بتقرأ
 

G7Ga7

True Gamer
لازم مواضيع رسمية أكثر تصير زي كذا :laugh::

مراجعة بلوق مولتي بلاير.
باختصار يقول اللعبة راح تعجب الفانز, لكن اذا كنت جديد عن السلسلة ابعد عنها.

انا لازم أكمل اخر قضية في السلسلة. لعبت الثلاث اجزاء ورى بعض الصيف الماضي إلا اخر قضية لول.

تعديل:
طيب اذا ما كنت تقرأ خلي شوي تقدير على الأقل للناس الي تتعب بهذي المواضيع

الحمد لله انه لسه فيه ناس بتقرأ

دائماً يُشكرون على جهدهم. بس مشكلة المواضيع الكبيرة هذيك انها تاخذ وقت وجهد ضخم, وهالشيء يأدي لتأخير مواضيع رسمية أو حتى انعدامها عشان محد عنده وقت.
 
التعديل الأخير:

hussien-11

Senior Content Specialist
ما يأدي لانعدامها ، الي ما معاه وقت يسوي موضوع زي موضوع ستريت فايتر4 ، يسوي مثل هذا الموضوع ما في مشكلة ، بس مو نشوف مواضيع كبيرة و الناس الي سوتها تعبت و نقول مالها داعي .. شي عجيب .

عالعموم خلونا في مايلز ادجوورث أحسن
 

Mista Koo

Creative Director
انا لازم أكمل اخر قضية في السلسلة. لعبت الثلاث اجزاء ورى بعض الصيف الماضي إلا اخر قضية لول.
أيها المجرم :angry::.. بدون مبالغة هذيك القضية >>> الأجزاء الثلاثة!
 

Salman

True Gamer
جحجاح, القضية الأخيرة في الجزء الثالث بنظر الكثيرين أفضل قضية في كل أجزاء فينكس رايت. و لا تنسى تكمل أبولو جاستس أيضاً.
سمعت إن جزء إيجورث له علاقة و لو بسيطة بجزء أبولو جاستس. مو متأكد من هالمعلومة, و لكن الأفضل الكل يكمل الجزء الرابع حتى يكون في الـ safe side.
 

hussien-11

Senior Content Specialist
مايلز ايدجوورث فيها فان سيرفس كثير هنا و هناك للأجزاء السابقة ، لاحظت هالشي من أول قضية ، مثال : البلوبادجر على تي شيرت ماجي بيرد :w00t: ، و مكتب ايدجوورث و الدرع المكسور الي فيه !
 

Ze Truth

Banned
يا اخي ايس اتورني تعطيني شعور بالنشوه ما احس فيه باي لعبة ثانية وبالذات في المراحل الاخيرة من القضية. شعور رهيب.

كل اللي ابغاه من هالجزء انه يكون مثل اللي قبل مو احسن بس زيادة.

اللي ابي اعرفه هل فيه احد خلص جزء بدون ما يستخدم جايد؟ لول ما اظن.
 

X-SRI-X

True Gamer
للحين ما لعبت اللعبة
موجود عندي الجزء الاول
بس ما اهتميت فيها
حسيتها لعبة مملة
وقلت خلني اجربها في يوم لكن ما لقيتها ( سالت عامر وقتها عن اللعبة )
واليوم شفتها
عشان كذا
راح العبها واذا عجبتني بكملها بشراء اجزاء اخرى
 

Still Alive

True Gamer
سـ \ ايش هي سلسلة Ace Attorney؟ ما عمري سمعت فيها..
ممتاز.. اذا اتبع الخطوات التالية.. سجل الخروج من المنتدى.. قفل الكمبيوتر أو الجهاز اللي تتصفح منه النت.. لا تقرب من أي لعبة أبدا مرة ثانية.. و كنصيحة إضافية روح لزاوية الغرفة و اجلس فيها و فكر ليش انت فاشل الى هذا الحد..

ولو انه القصد من كلامك مزاح بس حطمتني :confuse:
 
أعلى