شخصية ألوي مخربة علي الجزء هذا أكثر على رغم انهم حاولوا يحسنون بعض الجوانب في اللعبة هذا و أنا بس صارلي ٥ ساعات باللعبة، الله يستر كيف بتحملها الى النهاية؟
ياخي الكتابة هنا أحسها إهانة لي من سوئها كأن اللعبة تقول غضب عليك تهتم بإلوي الشخصية التعبانة ذي واشوفها اسوء مثال على شخصية قيادية او البطلة اللي انقذت العالمHorizon FW:
- القصة بايخة، الشخصيات أبيخ أكثر و هالمرة شخصية ألوي صايرة منرفزة أكثر، يعني زايدة هذرتها و تشكيها و انت تمشي بالعالم ذلتنا هالجزء انها حامي الحمى ومنقذة الأمة اللي محد غيرها يقدر يسوي اللي المفروض تسويه وبهذا الأسلوب للأسف مستمرة مع الكل على رغم انها مرارًا وتكرارًا احتاجت لهم، مع ذلك أسلوبها لم يتغير، نرفزتني كثير خصوصًا بالأسلوب المتنمر عادته أكثر من مرة أن اذا ما سمعت كلامي و سويت اللي اقولك عليه راح اسويه انا غصبن عليك، مو كذا تسوي الشخصية القوية و القيادية معليش، شخصية زو لما حاولت تتبع التقاليد و البروتوكول و شافت انها لم تنفع، تمردت من خلفهم و قالت The age of permission has ended وبعدها تنطلق المهمة! شتان ما بين هذا الاسلوب و بين أسلوب آلوي. هذا غير بعض الاشياء الغير منطقية، للتو كانوا الكوينز يذبحوني و بعد ما قابلت ايلفا وقالت لهم امعنوا النظر هذه د. اليزابيث! قالوا اوه صح هذه الانسيستور! دنعوا لها و لازم تعالي عندنا! يا شيخ؟ اللي قبل شوي طيب ما لاحظوني اني الانسيستور؟ شخصية ريقالا كذلك يع. صوتها مزعععععججج.
- نرجع لموضوع الهذرة، ليش منرفزتني أكثر؟ لأنها قاعدة تحرق علي اللعبة بشكل ماله داعي، ما يمديني أفكر أو استكشف ٣-٥ ثواني ما تكمل الا علمتك خبيرة القارة من شرقها الى غربها ايش المفروض تسوي. يا بنت اسكتي، ليت في خيار صراحة يقلل من هذا الجانب ويخليها تسكت لفترة ثم تتكلم اذا كنت مدقر، لأن ما اشوف صاير اي صعوبة بالاستكشاف أو الالغاز للاثار او المهمات ايش اسوي و السبب الأخت تعطيك الحل على طول وما تعطيك اي فرصة تفكر.
- الاستكشاف و الاثار و الاشياء الجانبية باللعبة مرة رهيبة، حتى مسألة المخيمات كيف تبيّن لك جوانب من القصة، مسألة الاشاعات تسمعها داخل المدن و تطلع لك مهمة جانبية، و كل هذا تقريبًا من منتصف اللعبة راح ترغمك تسويها عشان تلفل لكن لما توصل تقريبًا اخر ٦ مهمات تصير الليفل حقك نفس المهمة او قريب منها، بسرعة يمديك تلفل او مرات المهمة اصلًا ما تصير صعبة بالليفل المطلوب فتمشي امورك. فما عانيت كثير مع التلفيل بسبب اني بالمنتصف اخذت راحتي وااااجد بالاشياء الجانبية والسبب النقطة الجاية:
- اللعبة عارفة عيوب العالم المفتوح، و قدرت تتجنب الاغلب اذا مو كلها. إلى كل المطورين اللي يبغون يسوون عالم كبير بطريقة تنقل ممتعة وسهلة لازم يتعلمون من هذه اللعبة، نظام النيران تروح لها للحفظ وتتنقل زي ما سوت Dark Souls من قبلها و منتشرة كثير في الخريطة بالنسبة لي خلى اللعبة خفيفة كثير بدال المشورة و الإستكشاف صرت ما استثقله! عادي أقول خلني افرفر هالمنطقة دامها صايرة مثيرة للإهتمام فقط لأن عاجبني شكلها أو شفت المخيمات أو شفت وحش نوع جديد أبغى اتهاوش معه و اذا خلصت أو ما ضبط معي أنحاش أقرب نار و ارجع لمسار المهمة الرئيسية. حتى لما اللعبة تقولك جمّع موارد التطوير قاعدة تسهلها عليك وتخليها كمهمات عشان تعرف و انت بالخريطة هل احد الموارد بجانبك أو لا، ناهيك عن ان تصميم العالم نفسه مذهل مذهل و حركة الScan اللي ماخذينها من Death Stranding شيء رائع، ليتهم برضو حركة تحديد المسار بشكل يدوي لكن مو مشكلة كبيرة هذه.
- نقطة كاملة لازم أتكلم عن اللعبة مع إضافة الصندوق اللا نهائي تنتقل له الأشياء أشكرهم جدًا. كشخص يأخذ كل صغيرة وكبيرة بطريقه هالشيء خلاني ارتاح جدًا من غثاء مسألة يمديني أشيله ولا؟
- جرافيكس اللعبة على طور 40 إطار مذهل! أفضل لعبة شفتها كمظهر شفته بحياتي.
- الأوست جيد في وقته لكن ما حسيت شيء راح يبقى للتذكار.
- القيمبلاي تطور عن الأول بكل جوانبه، و قتال الوحوش كذلك صار وحشي أكثر وممتع أكثر بكثير، صحيح ارى ان اللعبة هنا بعدت أكثر من تفضيل التجهيز قبل القتال ولكن لم تهمله إطلاقًا، في أكثر من مواجهة حصلت إن التجهيز و التسلل سهل علي المواجهة ان حصلت ولكن ما كنت أتضايق اذا وصلت هكذا، بالعكس كنت أستمتع لأن هذا اللي صار هو ما كان يطلبه الجمهور من المطور ان يحسنه، اللعبة حاولت و استطاعت ان تحسن الكومبات أكثر ولازم تصير عدائي أكثر و بذكاء انك تكون مستوعب محيطك و بإستخدام منطقتك أكثر من الجزء الأول.
- نسيت إذا في أشياء صراحة ثانية المفروض اتكلم عنها أو لا بس اتوقع هالقد كافي ههه.
نصائح للي بيلعب اللعبة جديد:
- اللعبة لا تلعبها أبدًا بإستعجال أو بس تبغى تخلص المهمات الرئيسية، هي اصلا راح ترغمك بالتلفيل ولكن من البداية إلعبها برواقة و اللعبة راح تكافئك بتجربة رائعة جدًا و انت تستكشف و تجرب مختلف الإستراتيجيات وكذا. أما لو تلعب بطريقة وحدا فقط راح تمل كثير.
- لا تخاف من ناحية توزيع نقاط التطوير، وزعها بطريقة تلائم لعبك أكثر ومن ثم الأشياء اللي تحسها بتفيدك او مثيرة للإهتمام، بنهاية المطاف راح تحصل نفسك خلاص تمشي أمورك بشكل ممتاز وما تهتم للنقاط هذه + يمديك تحصلهم كلهم. لكن نصيحتي هو بالبداية التركيز في مهارات الHunting, Survival بعدها الWarior, Stealth بعدها الMachine Master. حاول توزع ما بينهم مع إعطاء الأولوية بالترتيب ذا.
- لا تنسى إستخدام الValor وقت القتالات الكبيرة راح تساعدك كثير، لا تنسى الأسلحة الأفضل و تطويرها، لأن غالبًا يكون عندك فائض من الفلوس + الحصول على المتطلبات سهل = ايش يمنع تأخذ من وقتك شوي تأخذ فرة؟
- لو كنت تستخدم حركة تحط أكثر من قوس لا تقعد تحطم ورا بعض بنفس الوقت، هي تبقى ما تروح، هالطريقة تأخذ وقت طويل و يمكن تنضرب، اللي تسويه اضغط بسرعة هالازرار بالترتيب التالي دائرة > Tap L2 بعدها Tap R1 سوها مرتين و بتشوف ان لما تصوب عندك 3 أقواس أو اثنين.
- اللعبة جرافيكسها جميل جدًا لكن اذا تبغى تسهل على نفسك اكثر شوي بدل لا تسوي Scan كل شوي و تخلي الخطوط الصفرا دائمًا شغالة.
- برضو جرب الGyroAiming اللي بالنسبة لي كان رائع جدًا فقط إنك تعدل تصويبك بشكل طفيف و مش استخدامه بشكل اساسي للتصويب، يعني انا استخدم الأنالوق بشكل اساسي و اذا حسيت ابغى تعديل خفيف احرك يدي كامل عشان الGyro يعدل بشكل خفيف.
- مش حاب مسألة تجمع الموارد مع انها تسهلت فوق ؟ يمديك تشتري من بعض الشخصيات الباعة الموارد، وعشان تعرفها فعلها كمهمات ولما تكلم البائع بتحصل عليها شعار قلب. و من القائمة يمديك تعرف كملت المتطلبات ولا.
خلاص مدري إذا قلت كل اللي بخاطري ولا، عمومًا بالأخير لعبة 7.5/10
ياخي الكتابة هنا أحسها إهانة لي من سوئها كأن اللعبة تقول غضب عليك تهتم بإلوي الشخصية التعبانة ذي واشوفها اسوء مثال على شخصية قيادية او البطلة اللي انقذت العالم
ياخي مدري شصار ماذكر اني كنت كاره القصة في الجزء الاول مثل كذا حتى الوي نفسها يب ماكانت ممتازة بس ماكانت بالسوء ذا.يا رجال خلني ساكت لو بتكلم عن سوء الكتابة ما راح أوقف، يعني خذ عندك طول اللعبة إلوي تهدد وتندد الاعداء و سبحان الله يا صدفات القدر اللي تخلي الاعداء يموتون عند أخر لحظة بسبب آخر مش بسبب إلوي!
ياخي مدري شصار ماذكر اني كنت كاره القصة في الجزء الاول مثل كذا حتى الوي نفسها يب ماكانت ممتازة بس ماكانت بالسوء ذا.
ايدن بيرس من واتش دوغز ١ عنده منافس قوي على اسوء بطل فس السنين الاخيرة.
شكرا لك هذا اللي كان في بالي هم يحسبون ان الناس ترتبط بالشخصية القوية اللي مايهزها ريح بس مايدرون ان طبيعة الشخصية في الvulnerability تخليها more relatable ….. هو مدري هل هو هراء women empowerment او شيء ثاني.لان بالجزء الاول .. اولا ما كانت تتكلم مع نفسها بهالكمية ولا بالالغاز تحلهم ليك في 3 او 5 ثواني
ثانيا انت كلاعب تمر بمراحل مختلفة وياها بالجزء الاول
من طفولتها الى ان تطلع برا القبيلة .. يعني طول الوقت تحسها توها تكون نفسها كشخصية .. هذا غير ان المهام الجانبية سيئة .. فما تقدر تطلع منها بشيء سيء او جيد .. والمهام الاساسية نوعين وحدة عن الماضي والثانية عن انتقامها .. فنسبيا سلوكها الخايس هذا مخفي او للحين ما وصلت لمرحلة من الجراة انها تستخدمه ويا الكل
بهالجزء .. علشان يسوون نفس ويتشر ان كل شخصية اول ما تشوفه تعرفه .. سووها بطلة ميريديان وبطلة المفاوضات
لاحظ كل مهمة تقريبا هي معروفة فيها .. بدون اي مقدمة .. هذا مو عيب بدليل انه في ويتشر مطبق وبشكل جيد المشكلة ان هالشي منعكس في سلوكها مخلنا نحس انها انها اارفع وافضل من الناس وهالشي بس لان عندها فوكس مو لامور معينة بشخصيتها .. هالشي مخلي شخصيتها كريهة .. انانية .. متعجرفة مغرورة
يعني حتى الاصدقاء اللي المفترض انها تااخذ اريحيتها وياهم تعاملهم معاملة حقيرة .. ايرند وفارل .. بدل ما انها تكون في طبيعتها
بالمختصر ألوي كشخصية تطورت .. بس تطورت لاسوء شيء ممكن يصير لبطل .. تحولت لشخصية متعجرفة خايسة تفهم كل شي
شخصية بدون تواضع او ضعف اللي يسمونه الاجانب vulnerability ما بتخليك تتواصل وياها
=======
وصلت النص في النيوجيم بلاس .. التجربة افضل من اول مرة .. لان هراء تطوير الانفنتوري خلصته .. واكتشفت جانب سلبي .. الشخص اللي قرر ان يخفض عدد الاسهم من 60 بالجزء الاول الى 36 بالجزء الثاني يحتاج انذار وجلد !
طول الوقت واانا العب .. مستغرب .. ياخذون خطوات صح كجزء ثاني .. وبغرابة ياخذون خطوات كثيرة خطا .. ما مر عليي جزء ثاني غريب مثل هذا
يعني ديفل ماي كراي 2 .. سيء ما يحتاج نقاش
لاست 2 .. قصصيا ضعيف ... بس كل نواحي الجيم بلاي افضل مع نقد هني وهناك لبعض الامور اللي يمكن ما احسنوا تطبيقها
بس هذي غريبة .. يعني ما ادري شلون اوصفها .. اخذوا امور سلبية من الاول وحسنوها بالكامل .. واخذوا اشياء فيه كانت مضجرة بس ما تبين .. وكبروها وضخموها وخلوك تكرهها كره
اغرب جزء ثاني مر عليي .. اي صح واحقاقا للحق .. طور ال 40 فريم .. مو طبيعي ... اللعبه ككل تقنيا مو طبيعية خارقة جدا جدا جدا !
شيء غريب الإضافة حصرية للـ PS5
حسب كلامهم بسبب العوائق تقنيةشيء غريب الإضافة حصرية للـ PS5
Create amazing multiplayer worlds full of exciting locations, activities, and encounters
Guerrilla is looking for a Lead World Designer to bring the expanding Horizon universe to a multiplayer audience
Work closely with your Lead Combat Designer to design multiple machine enemies that provide variety of challenges against multiple players
- نظام التطوير في اللعبة. أعتقد إني طورت سلاح واحد مرة واحدة فقط واكتفيت. الشي يلي اضطريت طوره هو عدد الأسهم يلي أقدر أحملها لأن الوضع كارثي من دونه!
لعبتها وواصل نصفها تقريبا في مميزات كثيرة مقارنة بالجزء الاول وفي عيوب كذلك مقارنة بالجزء الاول
اول شيء الاستكشاف والمهمات الجانبية والاستكشاف الجانبي بشكل عام في اللعبة قفزة رهيبة جدا جدا مقارنة بالجزء الاول ومستمتع فيها جدا اكثر من القصة الرئيسية حتى لأن تاخذك لأماكن في عالم اللعبة مستحيل تروحها لحالك الى جانب تساعد كثيب في نقاط الخبرة والتلفيل ، القصص الجانبية تطور رهيب كذلك الي تاخذك في الانفاق والي تاخذك لمنطقة جانبية بالكامل تحت الماء الى جانب المحتوى القصصي فيهم جدا مشوق وممتع ويخليك تنغمس في العالم وشخصياته اكثر واكثر كذلك عجبني التدرج في فتح عالم اللعبة لأن فعلا ضخم جدا وفتح العالم مرتبط بقصة اللعبة وينفتح تدريجيا كل ماتتقدم في القصة وهذا الشيء جدا ممتاز للعبة بهذي الضخامة.
الجيم بلاي تطور بشكل جيد جدا وخصوصا القتال ضد البشر الي تعتبر من اكبر سلبيات الجزء الاول تم تحسينه بشكل كبير هنا واصبح قتالهم ممتع ومرضي واغلب قتالات البشر اصبح في خلفية قصصية لهم و ليس مجرد تحرير مخيمات وقتالهم بالرمح من اكثر الاشياء المرضية في اللعبة .
تجي لبعض السلبيات ، انا واصل لنصف القصة و مو فاهم اي شيء فيها والله ولا عارف سالفة البرامج الفرعية المملة وتحريرها ، اشتقت والله لتشويق قصة اليزابيث سوبيك تبع الجزء الاول و الغموض حولها جدا ممتازة كانت .. الترجمة العربية سيئة جدا من اسوأ العاب سوني من هذي الناحية يعني ماقدروا ياخذون شوي مترجمين من لعبة غوست يضبطون لهم الترجمة، خاصة ان اللعبة لغتها شوي صعبة والترجمة تخليها اسوأ واسوأ .. كذلك مثل ماقال @vetoo اللعبة غلب عليها طابع الاكشن في هذا الجزء لأن الاعداء يكشفونك كلهم بشكل سريع ويخليك تدرعم عليهم وهذا الشيء يقلل من الاستراتيجية في اللعبة عكس الجزء الاول الي كان متوازن اكثر من هذي الناحية
ختمت الاضافه ولا لا ؟؟؟
انهيتها
اللعبه ممتازه وعشت معها لحظات جميلة
انصح بتجربتها خصوصا اللي فاتته (مثلي ومشترك في PS+)
بالنسبة لي الجزء الاول افضل منها ،،
لا ما لعبتها يقولون ممنوعه عندناختمت الاضافه ولا لا ؟؟؟
مدري عن الستور الي عندك انا شريتها من الستور الكويتيلا ما لعبتها يقولون ممنوعه عندنا
الاستور الاماراتيختمت
مدري عن الستور الي عندك انا شريتها من الستور الكويتي