Hideo Kojima يفقد Bungie توازنها كليا

[Humam]

I did stroll over and watch the MGS4 trailer and it was super nice. It also looked far more achievable than the Killzone 2 stuff from E3, which it's already being compared with. As a matter of fact, it looked eerily like the newest Ghost Recon footage, but with a crazy dancing robot. Graphically, it's going to be more about art than technology this generation. I honestly think the 360 and the PS3 will end up looking about the same. Only the Revolution is a mystery.

http://www.bungie.net/News/TopStory.aspx?story=tgs&p=4797599

لوووووووول... أجل ميتل جير 4 مثل جوست ريكون !! هذولي من جدهم والا ينكتوا !! يعني ما اتخيلت التصيد يوصل لهذه الدرجة .. جوست ريكون أول شي خليها تقدم الجرافيكس " السيء " مقارنة بميتل جير 4 في 60 إطار في الثانية وقتها نفكر 100 مرة قبل ما نسوي أي نوع من المقارنات .. لا أحلى شي لازم يدخلوا ال 360 وانه راح يقدر يسوي زي كذة لازم الدفاع التلقائي ..

بنجي.. خليك على هيلو 3 أحسن لك لأن ال 360 محتاجها " بقوة "

 

[rubso]

http://www.bungie.net/News/TopStory.aspx?story=tgs&p=4797599

لوووووووول... أجل ميتل جير 4 مثل جوست ريكون !! هذولي من جدهم والا ينكتوا !! يعني ما اتخيلت التصيد يوصل لهذه الدرجة .. جوست ريكون أول شي خليها تقدم الجرافيكس " السيء " مقارنة بميتل جير 4 في 60 إطار في الثانية وقتها نفكر 100 مرة قبل ما نسوي أي نوع من المقارنات .. لا أحلى شي لازم يدخلوا ال 360 وانه راح يقدر يسوي زي كذة لازم الدفاع التلقائي ..

بنجي.. خليك على هيلو 3 أحسن لك لأن ال 360 محتاجها " بقوة "

خخخ شفت البروفايل مالك "Creating a Thread" .. توقعت موضوع من هذا النوع ..
جوست ريكون فلته .. الرسومات كان مستواها Great .. وكلامهم صحيح

I honestly think the 360 and the PS3 will end up looking about the same.

يعني المواجهة راح تصير على جودة الالعاب الآن مو على قوة الرسومات .. الله يعين

 

[Xeno]

It looked early like the newest Ghost Recon footage

ماقالوا It looked the same as Ghost Recon

وأهم شيء فالموضوع جرافيكس جوست ريكون سيء... لاتعليق صراحة...

 

[Humam]

جوست ريكون الجرافيكس فيها " لا باس " خصوصا انه 30 إطار في الثانية.. لكن تجي بنجي وتقارنه بميتل جير 4 مع كل هذي المؤثرات وقوة الفيزكس والأنيمشنز وفي 60 إطار في الثانية,, هذي نكتة العصر بكل صراحة.

ثم ليش نقول كلام بنجي صحيح بخصوص النكست جنريشن وهي أصلا ما عندها عدة تطوير الPS3 وما تعرف ايش خباياها.. الموضوع واضح ما يحتاج تبرير, يكفي ان هيلو هو سلاح مايكروسوفت الرسمي .. ميكروسوفت حاطة بنجي تحت باطها واعتقد طرف ثاني إن ماكنت غلطان ..

شي غريب من شباب ال 360 انه مازلوا مقتنعين بعد كل هذا ان ال 360 -= الPS3 ...

 

[Xeno]

جوست ريكون لنش تايتل وبتصدر بعد شهرين, ميتل جير4 باقي لها سنتين... وش ينقال أكثر من كذا يعني؟!! قارن بين ألعاب اللنش على البلاي ستيشن 2 والألعاب اللي نزلت بعد سنتين!
هذا غير أننا ماشفنا إلا عرض فيديو من ميتل جير 4, ومهما كان سي جي ولا ريل تايم ولا بري ريندرد يظل "عرض".

مسألة التفاوت في القوى بين الجهازين تكلمنا عنه كثير وهو أكيد بيكون حاضر لكن ليس بالشكل اللي قاعد أنت وبعض المتعصبين يخيلون لأنفسهم وأعتقد رزدنت إيفل 5 أغلقت الكثير من الأفواه.

 

[rubso]

جوست ريكون لنش تايتل وبتصدر بعد شهرين, ميتل جير4 باقي لها سنتين... وش ينقال أكثر من كذا يعني؟!! قارن بين ألعاب اللنش على البلاي ستيشن 2 والألعاب اللي نزلت بعد سنتين!
هذا غير أننا ماشفنا إلا عرض فيديو من ميتل جير 4, ومهما كان سي جي ولا ريل تايم ولا بري ريندرد يظل "عرض".

مسألة التفاوت في القوى بين الجهازين تكلمنا عنه كثير وهو أكيد بيكون حاضر لكن ليس بالشكل اللي قاعد أنت وبعض المتعصبين يخيلون لأنفسهم وأعتقد رزدنت إيفل 5 أغلقت الكثير من الأفواه.

بالاضافة الى ان متعصبي البلاي 3 ، يطبلون كثير على سالفة 60 اطار بالثانية ، ما يعرفون انه لعبة كـ Doom 3 تطلع لك 60 اطار بالثانية غير العاب البي سي الاخرى ، فماذا تتوقع من الاكس بوكس 360 والعابه ، غصباً عن اللي ما يرضى انه راح تنزل لعبة Super Graphics ..
وكلام زينو واقعي Resident Evil 5 أغلقت الكثير من الافواه ..

 

[m7tram]

لول .. ياحليلكم

 

[SHABASH]

انا اتمنى ان ميتل جير 4 تنزل اطلاق مع ps3
عشان ما يعطوا فرصة ان هالو 3 تعمل زحمة
لان عندي خبر ان ميكروسوفت تخطط اطلاق هالو 3 بنفس فترة اطلاق ال ps3

 

[Xeno]

لول .. ياحليلكم

ياليت تكون ردودك محترمة يامحترم, مافي داعي لأسلوب المقاهي هذا.

 

[m7tram]

ياليت تكون ردودك محترمة يامحترم, مافي داعي لأسلوب المقاهي هذا.

؟؟؟ وانا غلطت ؟؟

قلت يا حليلكم .. قلتها بنيه صافيه وما كان قصدي شي .. لاني احب المواضيع الي جذي اتكون فيها مناوبات واعتراضات ..

واذا خلاص الرد مو عاجبك سو له تعديل وتنتهي السالفه

 

[Xeno]

اسمح لي بس أي واحد يقرا ردك بيعتبره استحقار أو استهزاء, في خمسين ألف جملة ثانية تقدر تستخدمها غير هذي, عموما مافي مشاكل.

 

[m7tram]

ما صار الا الخير ومره ثانيه راح اكتب خمسين ألف جمله بدالها

 

[saloome]

انا مبسوط بصراحة من كل الاستهانات اللي تصير شي يبسط

خلي الفان بويز حقين سوني يستهترون قدر الامكان بالاكس 360 لين يشبعون دام المواجهه لسه بعيده وحلو الواحد يصدق الوهم لما يشوف عروض مفبركه ونصها بري رندر وسي جيات ولاتمت اي صلة بالجيم بلاي ويجي يقارنها بالعاب كان عندها الثقة التامة على انها تعرض بالجيم بلاي وتكون قابلة للتجربه بعد

الامر هذا يحدث وحدث فعلا الجيل الماضي ومو بس مع سوني حتى مايكروسوفت سوتها لما تم عرض قدرات الاكس بوكس الحالي باللقطات اللي قالوا انها معمولة ريل تايم للبنت والربوت الضخم كل هذي خرابيط فاضية وكلها مجرد تك ديموز وميكانيكيات تستخدمها فقط لاعطاء فكره عن كونسبت معين لا كثر ولا اقل لكن مايمنع ان الاجهزة بعد كذا تطلع برسوم حلوه وجبارة لكن ددائما يظل الجيم بلاي هو الحكم عن بري رندر او عروض سينمائية مفبركه .....المشكله انه مع كل جيل راح تظل موجوده هذي الفئة اللي فعلا عن حسن نية قبل ماتنام تقنع نفسها ان اللي شافته جيم بلاي وانه اللعبة بتكون زي اللي شافه في العرض لكن الوقت يثبت له كل شي

فيضل الاكس بوكس 360 فعلا حتى الان الاقرب للمنطق لاني رايت وصدقت بعيني وقت ما اشوف الجيم بلاي لجيرز اوف وور او اوبليفيون او كيميو او او او اللي كثير ماكانت متخفية تحت شعار انها عملت بالريل تايم وبقوة الجهاز

اما عن ذوق الاخ همام الرفيع بتقييم الجرافيكس فما الومه صراحة لانه من هواة البري رندر والسي جي لكن لما ينزل البلايستيشن3 راح يرجع ينظم لركب هواة الجرافيكس الجبار من داخل اللعب لانه ماراح يلاقي ولا شي من اللي شافة بهالعروض على ارض الواقع

للملاحظة ماراح ارد على هالموضوع اكثر من هالرد لانه ماراح نوصل لنتيجه ابدا فاللي بيعترض على نقطتي يعترض زي مايبي

وشكرا

 

[Humam]

زينو ميتل جير صح بقيلها سنتين .. بس كوجيما الآن كم صار له شغال عليه ؟ على أبعد مدى 3 شهور فقط .. وكوجيما أكد أن الجرافيكس راح يتحسن ..لا تعليق صراحة.

رزدنت ايفل 5 ممتازة.. بس ليش تقارنوا دائما بألعاب ملتي بلاتفورم ؟ ألعاب الملتي بلاتفورم مستحيل تجيك شركة و تقدم فروقات كبيرة لصالح الجهاز الأقوى .. هذا شي معروف و مسلم به كليا .. المشكلة احنا حقين السوني المتعصبين كنا مقتنعين تماما ان الاكس بوكس الأول متفوق تفوق تام على البلاي ستيشن 2 تقنيا وماكان عندنا مشاكل.. ليش هذي المرة انتو مو مقتنعين ان الPS3 متفوق ؟ ثم المشكلة أنا ما بجيب كلام من عندي, أنا حتى ألان ما شفت مطور واحد محايد قال ان الPS3 أضعف من ال 360 أو حتى مساوي له.. الكل بيجمع وبيتكلم الأمر واضح ليش ترجعونا على هذي المسألة.. أنا بقول ان ال 360 ماراح يقدم لنا جرافيكس مذهل.. بس ايش الفائدة اذا عطونا أنيميشنز من الجيل الماضي ؟ مثل ماقال كوجيما اذا استهلك كل قدرات الجهاز في المضلعات والتكستشرز ايش راح تبقي لل AI والفيزكس و الأنيمشنز ,, هذا بالزبط صاير مع جيرز اوف وور, بالله عليكم حركة الشخصيات " البشر مو الوحوش " مو كأنهم من الجيل الماضي.. عاد على قولكم لسة بدري وياريت تتحسن علشان أطلع غلطان " لحد يصدق "

روبسو, ايوة من حقنا نطالب ب 60 إطار في الثانية .. تبغى تعرف ايش الفرق ؟؟ العب GT4 على البلاي ستيشن 2 .. في نظام الإعادة .. خلي الإعادة تشتغل عادي بعدين اضغط زر التبطيء " والله ناسي ايش هو " وشوف كيف جي تي 4 in motion تظهر جدا بشعة وهي 30 إطار .. ثم رجع على الوضع العادي وشوف اللعبة كيف مذهلة وهي 60.. المسألة مو مسألة مودلز .. وكلنا شفنا فورز موتور سبورت على الصور كيف وكيف in motion .. وقيل عنها قاتلة جي تي زروا وبهتانا !!

بروجكت جوثام ريسينج 3 على ال 360 أعترف إن صورها مذهلة للغاية .. لكن بعد ما شفت أحد عروضها... بيزار بنفسها أكدت إنها 30 إطار في الثانية, يعني ايش في إحباط أكثر من كذة.

أما سلومي هههههههههههه والله إنك رهيب, فعلا أنا من المولعين بالسي جي والبري رندرد جرافيكس, بس خلاص الآن صرت من عشاق الريل تايم على الPS3 " فقط " لأنه أفضل من الCG ههههههههه.. يكفي ميتل جير 4 لسة مصمم إنك منت متصعب للاكس 360 ؟ ياخي انت مرة مايعجبك شي

 

[Xeno]

ودام أن رزدنت إيفل 5 يمكن تقديمها على الاكس بوكس 360 فهذا خير دليل على التقارب في القدرات

احنا حقين السوني المتعصبين كنا مقتنعين تماما ان الاكس بوكس الأول متفوق تفوق تام على البلاي ستيشن 2 تقنيا وماكان عندنا مشاكل.. ليش هذي المرة انتو مو مقتنعين ان الPS3 متفوق ؟

تقارن الفرق بين البلاي ستيشن 2 والاكس بوكس بالفرق بين البلاي ستيشن 3 والـ360؟ 0_0
يمكن مايجي ربع الفرق...

حتى ألان ما شفت مطور واحد محايد قال ان الPS3 أضعف من ال 360 أو حتى مساوي له..

لا بالعكس أنا قريت كذا تصريح من EA يقول الجهازين متقاربين في القدرات.

وجيرز أف وور اللي تضحك عليها حاليا, مممم يعني اعتبره تحدي بيني وبينك وبنشوف وين بتكون نهاية اللعبة تمام.

خخخخ أما سالفة بروجكت جوثام 3 فعلا تضحك, أصلا ياهمام الكمبيوتر اللي جالس عليه أنت مايقدر يعرض على شاشته أكثر من 30 إطار في الثانية :bigSmile: فما تقدر تحكم من عروض تشوفها بالويندوز ولا الريل, بس بيزار قالوا أنهم فعلا وصلوا لـ30 لكن هدفهم 60 إطار.

أوه نسيت شي... Forza > GT4 :razz:

 

[squall leonhart]

لووووووووووووووووووووووووول اتذكر اول فيه ناس كانت تقول استنوا TGS و رح تشوفوا عاصفة الالعاب لل 360 ... نفسي اعرف فين راحو؟؟ ^_^

يعني تحاولون انكم تقنعونا انك هيدو الي يعتبر اكثر المطورين مصداقيه و عمره ما قال شي و ما سواه ... تحاولو تقنعونا انه كذاب !!!!!!!!!!!!!!!!!!!! فين المنطق ... هذي هي قمة التعصب صراحه

بعدين على حكاية العاب الملتي بلات فورم اكيد رح يكونوا نفس الشي .. مع الفرق الكبير بين ال ps2 و xbox الا ان الالعاب متاشبه رسوميا ... هل هذا الشي يعني ان الجهازين متساوين في القوه ؟؟؟ طبعا لا.

الفروقات بين الجهازين رح تبان في الالعاب الحصريه و كمية الانيميشن و الذكاء الاصطناعي .. الخ ... يعني مثلا تقدر تقارن لعبة مثل نينجا جايدن مع لعبة ملتي حتى و لو كانت ممتازه مثل برنس اوف بيرسا !!!!!!!!!!!!

سلومي انت صراحه متعصب و ما في شي يعجبك اذا حتى يد الريفو مهي عاجبتك و تبغى يد عاديه بدالها

 

[AMG]

انا ما اعرف ليش اى فريق تطوير يعلق على فريق تطوير ثانى ؟:suspiciou

يعنى ايش دخل بانجى فى متل جير4 علشان يعلقوا عليها المفروض المجلات و مواقع الالعاب المحايدة يكون لهم حرية التعليق و التحليل الان اى فريق ما راح يكون عادل فى الحكم على عمل فريق اخر مافى معاه مصلحة

هذا اول درس فى دروس ال Common sense
​

 

[Xeno]

لووووووووووووووووووووووووول اتذكر اول فيه ناس كانت تقول استنوا TGS و رح تشوفوا عاصفة الالعاب لل 360 ... نفسي اعرف فين راحو؟؟ ^_^

مادري من هذول الناس, يعني أصلا أنت من كثر تواجدك فالمنتدى, ماتنشاف إلا إذا بيلعب ميلان لول.
ألعاب الاكس بوكس اليابانية أعلنت وتم الإعلان عنها فالـMicrosoft Japan Summit (اللي أنت كنت غايب وقته ) أما اللي قالوا استنوا عاصفة ألعاب TGS فالظاهر هم نفسهم اللي قالوا البي إس بي بيفشل وهم نفسهم اللي قالوا الدي إس هو الفيرتشوال بوي 2... باختصار شخصيات خيالية وهمية تخترعها عقول المتعصبين عشان يسوون فيها "قلنا لكم وماصدقتوا شفتوا الحين", بالضبط كذا مثل متعصبين الكورة اللي فالمقاهي. :razz:

بعدين على حكاية العاب الملتي بلات فورم اكيد رح يكونوا نفس الشي .. مع الفرق الكبير بين ال ps2 و xbox الا ان الالعاب متاشبه رسوميا ... هل هذا الشي يعني ان الجهازين متساوين في القوه ؟؟؟ طبعا لا.

لول مش هذا هو المقصود, المقصود هو أن لعبة جبارة رسوميا ويمكن من أفضل 3 ألعاب نكست جن رسوميا حتى الآن بتصدر للـ360... فلا يجي واحد ويقول ميتل جير 4 مستحيل تظهر بنفس القوة على الـ360, لا هذا والمفترض أن ميتل جير 4 بتكون لعبة جيل أول على البلاي ستيشن 3, يعني منطقيا الـ360 المفروض يشغلها بدون مروحة تبريد <<<<< معلش مالقيت تعبير أفضل.

 

[Xeno]

لول التنين المائي لايكون تفكر واحد من اللي يشتغلون على هالو 3 جاء وقعد يكتب, هذا فقط كاتب فموقع Bungie اللي كتب هذا الكلام, يعني محرر أخبار ومقالات وهكذا... مب الـLead Designer

 

[AMG]

لول التنين المائي لايكون تفكر واحد من اللي يشتغلون على هالو 3 جاء وقعد يكتب, هذا فقط كاتب فموقع Bungie اللي كتب هذا الكلام, يعني محرر أخبار ومقالات وهكذا... مب الـLead Designer

حتى ولو الموقع موقع فريق بانجى

يعنى لو موقع سونى نشر مبيعات الاكس بكس راح تصدقها ؟؟؟

مو بالضرورة الى يكتب يكون من الفريق لكنه يوصل وجهة نظر الفريق

هذا الدرس الثانى من دروس ال Common sense

:razz::razz:
​

 

[Xeno]

لا غلطان وأكبر غلطان, مايقول لك "وجهة نظر الكاتب تعبر عن نفسه فقط ولاتعكس بالضرورة وجهة نظر الشركة/الموقع/القناة"... الخ.

 

[AMG]

لا غلطان وأكبر غلطان, مايقول لك "وجهة نظر الكاتب تعبر عن نفسه فقط ولاتعكس بالضرورة وجهة نظر الشركة/الموقع/القناة"... الخ.

سيبك من الحوارات هذى كلها انت مقتنع بى الى تنشر فى موقع بانجى ؟؟؟

بالنسبة ل
"وجهة نظر الكاتب تعبر عن نفسه ........" فلوووووووووووووووووووول لو انت واخد هاذى حجة نقاش

زي اى كاتب فى موقع خاص بشركة او فريق تطوير راح يعكس افكار و آراء و مصلحة تلك الشركة و هذا شىء معروف و طبيعى don't fight it



​

 

[Xeno]

ناقشتك بالعقل مارضيت تبي أناقشك بأطول ضحكة هاك هذي:

لووووووووووووووووووووووووووووووووووووووووووووووووووووووووووووووووووووول

وهذي بعد... don't argue

شسوي بعد

 

[AMG]

ناقشتك بالعقل :

صحيح صحيح زيو انهى احسن
​

 

[Humam]

ودام أن رزدنت إيفل 5 يمكن تقديمها على الاكس بوكس 360 فهذا خير دليل على التقارب في القدرات

أنا ماعندي إشكال في الجرافيكس إلي راح يطلعه الاكس 360 .. أكبر دليل بروجكت جوثام ريسينج وجيرز اوف وور صور تهبل, الإشكال عندي هل راح تشتغل بنعومة ؟ الأنيمشنز كيف ؟ الفيزكس ؟ ال AI .. هذا الي أقصده بالفرق بين ال 360 والPS3 بشكل عام غير الجوانب الثانية.. إذا واحد أخذ له لفة على B3D " أعتقد هناك في خبراء كثيرين " راح يلاقي مجموعة كبيرة تقول إن هذا هو الفرق بين الPS3 وال 360 .. نفس الشي كلام كين كوتراجي إلي قاله أول .. ونفس الشي إلي لمح له هيديو كوجيما .. ونفس الشي إلى خلى AGEIA تقول إن بعض خصائص الPhys X راح يشغلها الPS3 والPCs المتطورة فقط .. ونفس الشي إلى خلى Factor 5 تكنسل كل مشاريعها على ال 360 وتتجه للPS3 حصريا .. بعد كل هذا يازينو تبغى تفهمني إن الPS3 متساوي مع ال360 .. والله لو تفحط لين متى ماراح أقتنع, لأني راح أرفضه كعقل ومنطق قبل لا أرفضه كتعصب

تقارن الفرق بين البلاي ستيشن 2 والاكس بوكس بالفرق بين البلاي ستيشن 3 والـ360؟ 0_0
يمكن مايجي ربع الفرق...

أقارن و بسهولة.. أبسط مثال إن الاكس بوكس الأول ماعنده لعبة اتفوقت على GT رسوميا وفيزيائيا.. حاب تعتبر كلامي خزعبلات أو رأي ماعجبك عادي جدا .. كل يغني على ليلاه زي مايقولوا

لا بالعكس أنا قريت كذا تصريح من EA يقول الجهازين متقاربين في القدرات.

امممم انا قرأت تصاريح لEA من رئيس قسم التكنولوجيا تقول الجهازين تقريبا متقاربين مع تفوق نسبي للPS3, ما علينا, EA اصلا شركة له علاقتها المتعددة وتحاول تظهر بشكل ما إنه مع الكل.. لكن تظل القاعدة الراسخة إن سوني ملجأ EA .. علشان كذة قالوا تفوق نسبي للPS3

خخخخ أما سالفة بروجكت جوثام 3 فعلا تضحك, أصلا ياهمام الكمبيوتر اللي جالس عليه أنت مايقدر يعرض على شاشته أكثر من 30 إطار في الثانية

أما هذي من جد مافهمتها .. أنا عندي ألعاب أشغلها على الراديون 7500 مو في 60 إطار إلا في 78 إطار في الثانية .. بس تكون طبعا من سنة جدي الشي الثاني بالعكس في أشياء تقدر تشوفها من الفديو بسهولة, ايش معنى ميتل جير 4 عرفنا بالراحة إنا في 60 إطار .. طيب ماناخذ من فيديو أعتقد انك كررت كلامي وقلت بيزار فعلا قالت انها على 30 إطار و يهدفوا إلى ال 60 ..بس اللعبة المفروض لنش تايتل يبغالهم عصاة سحرية حتى يقفزوا هذي القفزة الكبيرة ..معليش مرة ثانية الجزء الرابع ان شاء الله

زينو, الاكس 360 يعرض ميتل جير 4, لكن بنفس كمية المؤثرات ونفس الفيزكس ونفس ال AI ونفس كل شي بالزبط ؟؟ الظاهر في مستحيل رابع بينضم لقائمة المستحيلات الثلاث

الشي الي مستغربه انك قاعد تقول ان الكلام ما يعبر بالضرورة عن موقف بنجي .. كلام غريب .. يعني موقع رسمي لفريق تطوير, لو ما يعبر عن رايه المفروض ما ينشر أصلا .. بس الحركة واضحة ما يبغالها فهلوة .. من جد متعودين على ذي الحركات ..

 

[Xeno]

بعد كل هذا يازينو تبغى تفهمني إن الPS3 متساوي مع ال360 .. والله لو تفحط لين متى ماراح أقتنع, لأني راح أرفضه كعقل ومنطق قبل لا أرفضه كتعصب

متى ذكرت كلمة "تساوي" أنا؟ أنا قلت تقارب ماقلت تساوي, يكفي البلاي ستيشن 3 بينزل بعد أقل شيء سنة من الـ360 عشان يكون أقوى.

ونفس الشي إلى خلى Factor 5 تكنسل كل مشاريعها على ال 360 وتتجه للPS3 حصريا ..

عاد اسمح لي هذي قولها حق واحد كاجوال اضحك عليه فيها, Factor 5 مانقلت للبلاي ستيشن 3 إلا بالـ$$$ مثل كل التعاقدات اللي في العالم.
الفيزياء والـA.I هذي أشياء تتعلق بالمطور مهما كان الجهاز قوي أو ضعيف, شفنا ألعاب على الاكس بوكس ذكاؤها الاصطناعي مضحك مقارنة بألعاب معينة على البلاي ستيشن 2 متعوب عليها.

أقارن و بسهولة.. أبسط مثال إن الاكس بوكس الأول ماعنده لعبة اتفوقت على GT رسوميا وفيزيائيا.. حاب تعتبر كلامي خزعبلات أو رأي ماعجبك عادي جدا .. كل يغني على ليلاه زي مايقولوا

لول على كيفك هي ننجا جيدن على قولة أحد المراجعات بيقعد البلاي ستيشن 2 يكح دم ويدوخ ويتبهذل ومابيجيب رسوم مثلها, نفس الشيء بانزر دراجون ودووم 3 وألعاب أخرى... أحلى شيء إذا همام يسوي فيها حيادي وحقاني. :bigSmile:

امممم انا قرأت تصاريح لEA من رئيس قسم التكنولوجيا تقول الجهازين تقريبا متقاربين مع تفوق نسبي للPS3, ما علينا, EA اصلا شركة له علاقتها المتعددة وتحاول تظهر بشكل ما إنه مع الكل.. لكن تظل القاعدة الراسخة إن سوني ملجأ EA .. علشان كذة قالوا تفوق نسبي للPS3

لول زين ما أنكرت بعد, ومع ذلك تعصبك خلاك تحول الكلام لنكتة أو هزل.

أما هذي من جد مافهمتها .. أنا عندي ألعاب أشغلها على الراديون 7500 مو في 60 إطار إلا في 78 إطار في الثانية .. بس تكون طبعا من سنة جدي الشي الثاني بالعكس في أشياء تقدر تشوفها من الفديو بسهولة, ايش معنى ميتل جير 4 عرفنا بالراحة إنا في 60 إطار .. طيب ماناخذ من فيديو أعتقد انك كررت كلامي وقلت بيزار فعلا قالت انها على 30 إطار و يهدفوا إلى ال 60 ..بس اللعبة المفروض لنش تايتل يبغالهم عصاة سحرية حتى يقفزوا هذي القفزة الكبيرة ..معليش مرة ثانية الجزء الرابع ان شاء الله

لأن عرض ميتل جير 4 مأخوذ من شاشة, لو العرض دايركت فيد مستحيل تحدد إلا إذا استخدمت برنامج يبطئ سرعة الفيديو لدرجة قصوى وظهرت الصورة بثلاث انعكاسات يعني 60 إطار... هذا اللي أعرفه وجربته.

الشي الي مستغربه انك قاعد تقول ان الكلام ما يعبر بالضرورة عن موقف بنجي .. كلام غريب .. يعني موقع رسمي لفريق تطوير, لو ما يعبر عن رايه المفروض ما ينشر أصلا .. بس الحركة واضحة ما يبغالها فهلوة .. من جد متعودين على ذي الحركات ..

1- أصلا ماقالوا جوست ريكون = ميتل جير... راجع أول رد لي فالموضوع.
2- شيء طبيعي رأي كاتب ماله صلة بفريق اليعمل لايعكس رأي الفريق, بكرة أنا أو أنت نكتب موضوع فيه تحليل لخبر ما, أكيد كل واحد بيكتب من منظار رؤيته ومابيعبر عن رأينا جميعا.

 

[Humam]

متى ذكرت كلمة "تساوي" أنا؟ أنا قلت تقارب ماقلت تساوي, يكفي البلاي ستيشن 3 بينزل بعد أقل شيء سنة من الـ360 عشان يكون أقوى.

طيب آسف .. راح أعدل الجملة:

بعد كل هذا يازينو تبغى تفهمني إن الPS3 مقارب مع ال360 .. والله لو تفحط لين متى ماراح أقتنع, لأني راح أرفضه كعقل ومنطق قبل لا أرفضه كتعصب

حلو ؟

عاد اسمح لي هذي قولها حق واحد كاجوال اضحك عليه فيها, Factor 5 مانقلت للبلاي ستيشن 3 إلا بالـ$$$ مثل كل التعاقدات اللي في العالم.
الفيزياء والـA.I هذي أشياء تتعلق بالمطور مهما كان الجهاز قوي أو ضعيف, شفنا ألعاب على الاكس بوكس ذكاؤها الاصطناعي مضحك مقارنة بألعاب معينة على البلاي ستيشن 2 متعوب عليها.

معليش زينو, أكيد الهرجة فيها فلوس, بس في عوامل ثانية, يعني تبغى تفهمني إن مايكروسوفت المسكينة ماقدرت توفر مبلغ أكبر من مبلغ سوني لفاكتور 5 علشان كذة ماقدرت تمسك الفريق في صفها ؟؟ فاكتور 5 شافت في فلوس وفي جهاز محترم.. ريل نكست جنريشن .. مش 1.5..

وبعدين لاتحاول تقلب موضوع الفيزكس والذكاء الصناعي لموضوع مهاري خاص بالمطور, هذي حجج واهية أنا مستغرب انسان فاهم مثلك يقولها .. الفيزكس والAI والجرافيكس والأصوات هذي كلها تعتمد اعتماد كلي على قدرات الجهاز والCPU وعمليات المعالجة .. طبعا مهمة الفريق فقط إنه كيف يستغلها القدرات الي أمامه بالشكل المطلوب, أقرأ موضوع EA وميدل اوف اونور 3 وبتفهم ايش اقصد .. يعني بالله مثلا لو فريق كوجيما على سبيل المثال, فريق جدا ممتاز ومهاري, لو نزل لعبة على الدريم كاست, جهاز أضعف من البلاي 2 , تتوقع بسبب مهارة كوجيما وفريقه اللعبة راح تكون مشابه للذكاء الصناعي الموجود في لعبة من نفس انتاج فريق كوجيما على البلاي 2 ؟؟ مستحيل .. لو كذة الشغلة خلاص مافي لزوم لأجهزة ومعالجات جديدة بلاي ستيشن 1 ركب عليه كروت جرافيكس جديدة وانتهينا ... بالعربي الفصيح اذا ال 360 قدراته أقل كيف بيطلع ألعاب مقاربة المستوى للPS3 في الفيزكس والAI وو .. إلخ ؟ بالمناسبة لا تمسك على نقاط زينو وتتجاهل نقاط ثانية ما لقيت لها حجج واهية من تفكيرك .. ما شقناك علقت على تصريحات AGEIA وان بعض خصائص الPhys X لن يتمكن ال 360 من تشغيلها

لول على كيفك هي ننجا جيدن على قولة أحد المراجعات بيقعد البلاي ستيشن 2 يكح دم ويدوخ ويتبهذل ومابيجيب رسوم مثلها, نفس الشيء بانزر دراجون ودووم 3 وألعاب أخرى... أحلى شيء إذا همام يسوي فيها حيادي وحقاني.

لول طبعا مو على كيفي لأني الكلام مابجيبه من راسي بل من واقع, الي كنت أقصده أن مدام البلاي ستيشن 2 قدر يصنع لعبة مثل GT4 بهذا المستوى الهائل في كل الجوانب فباب المقارنة بينه وبين الاكس بوكس مفتوح على مصراعيه وخصوصا انه فشل في تقديم لعبة تضاهيها جودة, ثم مين قلك إني محايد ؟؟ بالعكس, أنا متعصب جدا لسوني وهذا الشي يعرفه القاصي قبل الداني, لأني انسان أحب أظهر على طبيعتي...ما أحب أتخفى وراء قناع الحياد وانا في الواقع متعصب, زي مايفعل البعض هنا.. تحب اذكر أسماء والا عنه ؟ واقولها صراحة أمام الجميع يس أتمنى ال360 يفشل فشل ذريع وما يشم رائحة النجاح .. فعلا شعور غريزي أتمنى إنه يتحقق لأنه جهاز مضخمينه على ايش ما ادري.. من جد 1.5... حتى توربيدو الي كان متحمس له بعد ماشاف الريفولوشن كنسل عليه ههههه

لول زين ما أنكرت بعد, ومع ذلك تعصبك خلاك تحول الكلام لنكتة أو هزل.

ليش أنكر ؟ أنا حبيت أظهر فقط تلاعبك بالعبارات, EA قالت صراحة بتفوق الPS3 .. وخلي عنك حكاية الهزل والتنكيت تعرف اني شخص دايما اطقطق واتونس .. ما يحتاج التصيد بهذا الشكل

لأن عرض ميتل جير 4 مأخوذ من شاشة, لو العرض دايركت فيد مستحيل تحدد إلا إذا استخدمت برنامج يبطئ سرعة الفيديو لدرجة قصوى وظهرت الصورة بثلاث انعكاسات يعني 60 إطار... هذا اللي أعرفه وجربته.

زينو رجاء, محاولتك للتشكيك في ميتل جير من جديد وإنها مش 60 إطار مدعاة للضحك بقوة .. في أشياء تبان بسهولة وما يحتاج لها فهلوة, مستع اجبلك عرضين واحد لميتل جير 2 واضح جدا ان اللعبة 60 إطار وعرض ثاني لميتل جير 3 واضح جدا فيه أيضا أن اللعبة 30 إطار.

1- أصلا ماقالوا جوست ريكون = ميتل جير... راجع أول رد لي فالموضوع.

ها أجل ايش قالوا ؟ هذا برضو نوع من التلاعب في العبارات, الي يبغوا يوصلوا له حسب تفكيرهم المريض " هو عرض رائع بس عادي ال 360 يقدر يسوي مثله " .. من جد ماتحتاج شطارة .. وأعيد واكرر لو مايعبر عن رأي الفريق المفروض ما ينشر بلاش بهللة زايدة..

أقول زبطوا جهازكم بس ماعندك أحد

 

[Xeno]

بعد كل هذا يازينو تبغى تفهمني إن الPS3 مقارب مع ال360 .. والله لو تفحط لين متى ماراح أقتنع, لأني راح أرفضه كعقل ومنطق قبل لا أرفضه كتعصب

حلو؟

لول ماعتقد بنوصل لنهاية... خلاص اللي يعجبك.

معليش زينو, أكيد الهرجة فيها فلوس, بس في عوامل ثانية, يعني تبغى تفهمني إن مايكروسوفت المسكينة ماقدرت توفر مبلغ أكبر من مبلغ سوني لفاكتور 5 علشان كذة ماقدرت تمسك الفريق في صفها ؟؟ فاكتور 5 شافت في فلوس وفي جهاز محترم.. ريل نكست جنريشن .. مش 1.5..

أنت صراحة تلخبط الواحد, مرات تتكلم بمنطق ومرات بتعصب, يعني الاكس بوكس 360 مش جهاز نكست جينيريشن؟ أقول هدي بس وخذ لك حبة باندول, شديد على الألم خفيف على الرأس.

وبعدين لاتحاول تقلب موضوع الفيزكس والذكاء الصناعي لموضوع مهاري خاص بالمطور, هذي حجج واهية أنا مستغرب انسان فاهم مثلك يقولها .. الفيزكس والAI والجرافيكس والأصوات هذي كلها تعتمد اعتماد كلي على قدرات الجهاز والCPU وعمليات المعالجة .. طبعا مهمة الفريق فقط إنه كيف يستغلها القدرات الي أمامه بالشكل المطلوب, أقرأ موضوع EA وميدل اوف اونور 3 وبتفهم ايش اقصد .. يعني بالله مثلا لو فريق كوجيما على سبيل المثال, فريق جدا ممتاز ومهاري, لو نزل لعبة على الدريم كاست, جهاز أضعف من البلاي 2 , تتوقع بسبب مهارة كوجيما وفريقه اللعبة راح تكون مشابه للذكاء الصناعي الموجود في لعبة من نفس انتاج فريق كوجيما على البلاي 2 ؟؟ مستحيل .. لو كذة الشغلة خلاص مافي لزوم لأجهزة ومعالجات جديدة بلاي ستيشن 1 ركب عليه كروت جرافيكس جديدة وانتهينا ...

أنا متفق معاك ومافي أي مشكلة, الأساس الجهاز وقدراته وحدوده التقنية.

بالعربي الفصيح اذا ال 360 قدراته أقل كيف بيطلع ألعاب مقاربة المستوى للPS3 في الفيزكس والAI وو .. إلخ ؟

شكلك ملخبط بين "مقارب" و "مساوي"... الحين إذا في 20 خاصية تتعلق بالذكاء الاصطناعي للبلاي ستيشن 3, الاكس بوكس كم؟ 7 أو 9 مثلا؟ أعتقد الرقم بيكون أقرب بكثير, وماعندنا أرقام محددة في مواصفات الأجهزة حتى تقول لي البلاي ستيشن 3 ذكاءه أكبر من الـ360 بكذا كذا فرق.

بالمناسبة لا تمسك على نقاط زينو وتتجاهل نقاط ثانية ما لقيت لها حجج واهية من تفكيرك .. ما شقناك علقت على تصريحات AGEIA وان بعض خصائص الPhys X لن يتمكن ال 360 من تشغيلها

لأني بختصار ماقريت هذي التصريحات, وعلى كل إيش المشكلة؟ أكيد البلاي ستيشن 3 بيتفوق في "بعض الخصائص" على قولة AGEIA.

لول طبعا مو على كيفي لأني الكلام مابجيبه من راسي بل من واقع, الي كنت أقصده أن مدام البلاي ستيشن 2 قدر يصنع لعبة مثل GT4 بهذا المستوى الهائل في كل الجوانب فباب المقارنة بينه وبين الاكس بوكس مفتوح على مصراعيه وخصوصا انه فشل في تقديم لعبة تضاهيها جودة

لوووووووووول أجل كيف ترفض المقارنة بين الاكس بوكس 360 والبلاي ستيشن 3 والفرق بينهم أقل بكثير من "الفجوة" اللي بين البلاي ستيشن 2 والاكس بوكس؟ فعلا تناقض غريب.

ثم مين قلك إني محايد ؟؟ بالعكس, أنا متعصب جدا لسوني وهذا الشي يعرفه القاصي قبل الداني, لأني انسان أحب أظهر على طبيعتي...ما أحب أتخفى وراء قناع الحياد وانا في الواقع متعصب, زي مايفعل البعض هنا.. تحب اذكر أسماء والا عنه ؟ واقولها صراحة أمام الجميع يس أتمنى ال360 يفشل فشل ذريع وما يشم رائحة النجاح .. فعلا شعور غريزي أتمنى إنه يتحقق لأنه جهاز مضخمينه على ايش ما ادري.. من جد 1.5... حتى توربيدو الي كان متحمس له بعد ماشاف الريفولوشن كنسل عليه ههههه

بالتالي نص كلامك مافيه أي مصداقية وكله انحياز, ثم استغرب إذا تطلب الواقعية والمنطق من الشخص اللي تناقشه وأنت تقول مثل هكذا كلام, يعني قضيت على أي أمل أني آخذ هذا النقاش بجدية صراحة...
أنا مثلا مايحتاج أقول أني متعصب للاكس بوكس, لكن إذا ناقشت شخص من طرف آخر أحاول أجاريه بالمنطق, بس دام أنك بايعها...

ليش أنكر ؟ أنا حبيت أظهر فقط تلاعبك بالعبارات, EA قالت صراحة بتفوق الPS3 .. وخلي عنك حكاية الهزل والتنكيت تعرف اني شخص دايما اطقطق واتونس .. ما يحتاج التصيد بهذا الشكل

تلاعب بالعبارات؟ تبي يعني أجيب فقرة EA مع أنك قريتها والكل قراها وأقريت بذلك فردك الماضي؟ غريب أمرك, أنت اللي تغير كلامك بين رد ورد حسب تردد موجة التعصب الظاهر.

زينو رجاء, محاولتك للتشكيك في ميتل جير من جديد وإنها مش 60 إطار مدعاة للضحك بقوة .. في أشياء تبان بسهولة وما يحتاج لها فهلوة, مستع اجبلك عرضين واحد لميتل جير 2 واضح جدا ان اللعبة 60 إطار وعرض ثاني لميتل جير 3 واضح جدا فيه أيضا أن اللعبة 30 إطار.

لول متى شككت؟

أنا قلت لك فقط ماتقدر تحدد بروجكت جوثام 30 أو 60 إطار من عرض فيديو على الويندوز أو الريل أو الكويك تايم, مشكلة التعصب يقلب الكلام عندك تفكر كل شيء ينقال لك ضدك وضد ألعابك. :question:

ها أجل ايش قالوا ؟ هذا برضو نوع من التلاعب في العبارات, الي يبغوا يوصلوا له حسب تفكيرهم المريض " هو عرض رائع بس عادي ال 360 يقدر يسوي مثله " .. من جد ماتحتاج شطارة .. وأعيد واكرر لو مايعبر عن رأي الفريق المفروض ما ينشر بلاش بهللة زايدة..

ممممم طيب خلاص قالوا اللي قالوه, بس تدري وش أهم شيء فالموضوع... العنوان... بنجي تفقد توازنها, وأهم شيء كليا.

 

[Humam]

زينو انتظر توقيعي الجديد .. رهيب جدا بيعجبك

 

[Xeno]

همام الله يعطيك ألف عافية أنك مارديت, خلنا نروح ننام وبكرة نشوف توقيعك, إذا استهزائي ترا ماتشوف خير.