Gran Turismo HD : التفاصيل الكاملة من فامتسو !!

[Humam]

كازانوري يماوتشي, رئيس بوليفوني ديجتال اتحدث بتفصيل كامل عن GT HD عبر مجلة فامتسو.. سوني ستصدر نسختين منفصلتين من Gran Turismo HD, كلا النسختين راح تدعم الأونلاين.

النسخة الأولى​

​

Gran Turimso HD : Premium​

والي راح تعتبر GT5 : Prologue والي راح تستخدم قدرات الPS3 الحقيقية.. معلومات عنها:

- تدعم ملتي بلاير أونلاين

- الطفس يتغير أثناء اللعب

- موديلات السيارات مفصلة بدقة حتى من الداخل

- جمهور ثلاثي الأبعاد بالكامل

- تحتوي على مسارين, واحد قديم والآخر جديد

- تحتوي على 30 سيارة

- يمكنك شراء 30 سيارة إضافية ومسارين إضافيين عبر الأونلاين

- الأونلاين في هذه النسخة راح يشتمل على 4 أطوار هي (Quick Race/Tuned Race/Private Race/Time Attack)

- الفكرة من إصدار نسخة Premium مع طور أونلاين هو لتوسيع قاعدة الشبكة وتثبيتها بالشكل الكافي قبل صدور GT5.

- GT5 لن ترى النور قبل العام 2008

النسخة الثانية​

Gran Turisom HD : Classic​

- هي نفسها GT4 المحسنة برزلوشن 1080p
- تدعم الأونلاين

- 20 سيارة تتسابق في مضمار واحد

- اللعبة راح تأتي بدون أي سيارة أو مضمار !! ستوجب عليك تحميل السيارات والمسارات عبر الأونلاين.

- الأسعار كالتالي : سعر السيارات القابلة للتنزيل: 50 - 100 ين ( نصف دولار - 0.80 دولار ) -المسارات: 200 ين ( 1.68 دولار ) - الدراجات النارية: 500 ين ( 4.20 دولار )

- 750 سيارة و 50 مضمار ستكون متوفرة للتحميل.

- المستخدمين سيمكنهم تحديد أسلوب وتنظيم السباقات بأنفسهم بكل حرية في الأونلاين.

- مو كل السيارات والمضامير راح تكون متوفرة في أول يوم من صدور النسخة, التحديثات راح تكون شهرية أو أسبوعية وهكذا.

- حتى الآن لم يحدد ما إذا سيكون هناك إتاحة لخاصية التبادل والمتاجرة بين المستخدمين خوفا من حدوث عمليات متاجرة لأموال حقيقية.

=========================================================

إذن .. نسختين من GT HD.. بعد ما اطلعت على المعلومات.. أقدر أقول سوني قاعدة تلعب صح وبأسلوب تسويقي استراتيجي ذكي.. حركة مثل هذي راح تجعل أونلاين الPS3 ينتعش بسرعة الصاروخ.. وبما إنه نسخة HD Classic راح تكون بلا مضامير أو سيارات في البداية, وبما إنها ما كلفتهم أي شيء في التطوير, فغالب الظن إنها راح تكون bundle مجاني مع الجهاز إما على بلو راي أو على نفس الHDD.. وقولوا همام ما قال

 

[gray fox]

Gran Turimso HD : Premium

هممم ..بديت اهتم ....بس بورت ويقولوا 60 فريم و1080P اي حد يسويها !!

لكن اذا فيها مضمارين وكم من سيارة ...أتقد بسويلها طاااف بقوة لين ما تجي GT5
واللي على قولت همام :

لن ترى النور قبل العام 2005

ويؤكد :

وقولوا همام ما قال

هههه التلفيق بام عينه :: !!

لا بس صدق كم التاريخ المطروح ....... لانه يمكن ما اتحمل-_-", خاصه اني بحط في الحسبان انها بتصدر في التاريخ المطروح + سنة على الأقل ..مثل ما متعودين مع بولافوني !!!

 

[hussien-11]

- GT5 لن ترى النور قبل العام 2005

؟؟؟


تصدق .. لحد الان ما جربت جران توريزمو4 !! ان شاء الله باخذها هاليومين ، من زمان عنها و الله

معلومات جيدة بس ما تحدث عن أهم نقطة ، الفيزيائية و قابلية المركبات للتحطيم ؟
​

 

[Humam]

تم تعديل التاريخ

هذي كل المعلومات المتوفرة حاليا.. أنا أكثر شي مهتم ليه هي نسخة البريميوم الي راح تعطينا فكرة عن GT5.. وأهم شي تواجدها في TGS..

Sony I LOVE you

 

[ASWD]

ول..2008..اذا الله احيانا يصير خير بعدها -ــ-

 

[gray fox]

- GT5 لن ترى النور قبل العام 2008

لا :cryy: :cryy: :cryy:


ليش عاد 2009 ...على الأقل زيدوا عدد المركبات والمضامير في البريميوم حتى تكون تستاهل سعرها على الأقل ...نكته 30 سياره ما ادري 60 ومرحلتين خلهن اربع .....يقولون انه ديمو ويفكونا -_-"


Sony I Hate you

 

[Humam]

بس الغريب.. مين الرهيب إلي راح يخسر فلوسه في GT4 HD Classic.. ههههه أرجع أشتري نفس السيارات والمسارات الي في GT4.. طيب GT4 عندي على البلاي 2 واقدر العبها HD.. ما أعتقد راح تحقق نجاح كبير, هي مجرد Business Model أو زي ما نقول Prototype للي مكن نشوفه مستقلا في ألعاب الPS3..

صور واضحة:

 

[king zell]

لول و أنا كنت أضحك على اساس انها demo استعراضي

 

[Mario2]

لوووووووول حتى انا على بالي ديمو ..

خخخ .. سوني بتربح ذهب من الاضافات ..

 

[mario0o]

ان شا الله يبوني ادفع 100% على السيايير والحلبات وكل مره يضيفون شي احسن من اللي قبل عشان نشتريه !!


GT5 2009 :sealed:

 

[CyberMaster]

حلوه ذي مره النسخه الكلاسيك لعبه بدون مظامير وسيارة يعني تشتريها وتتفرج عليها اذا بغيت تلعب تدفع فلوس عشان تنزل شي تلعب به
اما لو كنت ما تجي مجاناً مع الجهاز فهذي بصراحه اسؤ واجشع استعمال لفكرة المحتويات القابله للتنزل بمقابل !

 

[NSider]

لول صراحة السالفة كلها مهزلة.

أولاً .. ليه نسختين؟ ليه مو وحدة فيها كل شي؟ حتى لو جات نسخة الكلاسيك مع الجهاز، أشوف أن حتى نسخة البريميوم ما تستاهل لعبة لحالها. المفروض يحطونهم في ديسك واحد ويبيعونهم بسعر مخفض.

ثانياً .. أسعار السيارات مرتفعة. وليه يبيعون عدد كبير من السيارات والمضامير كذا؟ المفروض يبيعون عدد قليل ونادر، والباقي unlockables اللاعب يفتحهم بجهده مو بفلوسه.

ثالثاً .. إذا ما يبون المبادلة بين اللاعبين عشان خوفهم من التعامل بفلوس حقيقية، ليه هم يبيعون السيارات بفلوس حقيقية؟ لول.

أوكي، مقتنعين أن اللعبة عبارة عن ديمو سريع لقدرات الـPS3. لكن الطريقة اللي يبيعون فيها السيارات ويقسمون اللعبة لديسكين منها نسخة الكلاسيك الرهيبة استغلال زائد. من جدهم؟!

قال أونلاين مجاني قال.

 

[Final Fantasy]

- GT5 لن ترى النور قبل العام 2008

مشواااااااار :_:

 

[Humam]

يوسف تحس إنك مكبر القصة, وين الأهمية ؟ أصلا رزق الهبل على المجانين.. محد مجبر انه ياخذ اللعبة ويقعد يدفع فلوس على سيارات ومضامير قد لعبها.. كل واحد يدور على الي يناسبه من المعروض, .. أعتقد سوني كررت مرار إن اللعب راح يكون مجاني .. و بعض
المحتويات القابلة للتنزيل راح تكون بفلوس.. مثلا لعبة سنق ستار راح تتيح تحميل بعض الأغاني مجانا ( مثل ما شفنا اغنية ديستني تاشيلدز في E3 الماضي )..الحكم من منظار ضيق عبر مشروع على الطاير على خدمة أونلاين متكاملة هو الإجحاف بعينه.. على الأقل في خطة واضحة وهذا شي يبعث على الاطمئنان..

بعدين يوسف إذا كنت من مجانين GT الي الخبر أتعسهم لهذه الدرجة, فأنا إلي ما فوت نسخة من نسخ GT في حياتي ( اللهم النسخة الثالثة من GT4 برولوج ) مو مهتم لهذا الشي.. خلي سوني تسترزق نبغى نشوف جهاز زاحف.

 

[king zell]

يوسف تحس إنك مكبر القصة, وين الأهمية ؟ أصلا رزق الهبل على المجانين.. محد مجبر انه ياخذ اللعبة ويقعد يدفع فلوس على سيارات ومضامير قد لعبها.. كل واحد يدور على الي يناسبه من المعروض, الحكم من منظار ضيق عبر مشروع على الطاير على خدمة أونلاين متكاملة هو الإجحاف بعينه.. أعتقد سوني كررت مرار إن اللعب راح يكون مجاني .. و بعض المحتويات القابلة للتنزيل راح تكون بفلوس.. مثلا لعبة سنق ستار راح تتيح تحميل بعض الأغاني مجانا ( مثل ما شفنا اغنية ديستني تاشيلدز في E3 الماضي )..

بعدين يوسف إذا كنت من مجانين GT الي الخبر أتعسهم لهذه الدرجة, فأنا إلي ما فوت نسخة من نسخ GT في حياتي ( اللهم النسخة الثالثة من GT4 برولوج ) مو مهتم لهذا الشي.. خلي سوني تسترزق نبغى نشوف جهاز زاحف.

ليتك تصرف لننتيندو و مايكروسوفت بنفس الطريقة اذا اتخذوا قرارات مشابهه :gasp:

 

[Humam]

لول أوكي راح أصرف لننتندو ومايكروسوفت بأحسن من كذة.. بس بشرط.. إنك توقف وقفة رجل صادق وتعترف إن PES6 ال 360 = زبالة.. هع !

 

[king zell]

لول أوكي راح أصرف لننتندو ومايكروسوفت بأحسن من كذة.. بس بشرط.. إنك توقف وقفة رجل صادق وتعترف إن PES6 ال 360 = زبالة.. هع !

you wish :cooool:

 

[Humam]

ههههههههه إذن you wish too

 

[NSider]

همام المشكلة يبيعون أشياء ما تسوى السعر والمفروض تكون في اللعبة أصلاً!

لو يبون يبيعون شي، مثلاً يبيعون pack فيه 20 مضمار بـ10 دولار .. معقول. والسيارات تنباع في packs بعد بأسعار معقولة أكثر وتختلف حسب قيمة وقوة السيارة.

ما أقول أني مابي سوني تربح أو تدور الفلوس، لكن صراحة بالطريقة هذي وبالأسعار هذي فهي نصب وبقوة. سالفة الـhorse shield بو 5 دولار اللي في أوبليفيون ما تجيب نص النصب اللي في هذي.

 

[Humam]

لا تنس مقولة سوني الشهيرة " you’re paying for potential " لول..

أنا أتفق معاك في حكاية الPacks.. والشي المرفوض فعلا إن هذي الأسعار على لعبة قد لعبناها وجربنا سياراتها ومضاميرها.. لو على لعبة جديدة ممكن تنبلع بسهولة أكثر.

 

[dragonwarrior]

المشكلة أن اللعبة فاضية ؟؟؟؟ لازم تشتري ؟ مصخرة قمة الأستغلال على الأقل خلونا نجرب 4 سيارات لوووول
حدها مصخرة.
ألا أذا اللعبة ببلاش (من غير تنزل السيارات).

 

[The Sinner]

فعلا اللعبتين اشوفها مصخرة وحدة ديمو اللي هي البريميوم والثاني بس سحب فلوس نصب عيني عينك