hits counter

الموضوع الرسمي Gran Turismo 6 من يحتاج مايكروترانسكشن مع وجود جليتشات تجميع فلوس

khaled 13

True Gamer
اللعبة تسربت في الخليج من قبل يومين غريبه مافي احد شراها هنا او تكلم عنها !

المهم
قضيت مع اللعبة 5 ساعات تقريبا ولاحظت فروقات كبيرة

- الفيزيائية تحسنت كثير عن gt5 اللعبة صارت ممتعة اكثر في السواقة
- القائمة الرئيسية صارت افضل بكثير مع تصميم رايق واسرع بعد , الحين كل الخيارات صارت في قائمة وحدة وهي الهوم
- الجرافيكس تحسن مع إضائة خرافيه
- مافيه تثبيت اول ماتشغل اللعبة , تتثبت من حالها كل ماتقدمت في اللعبة !
- الكاميرا داخل السيارة صارت اكثر واقعية , تهتز مع الفرامل والتصادم
- طريقة التقدم في اللعبة هي تجميع النجوم بدل اللفل اب , كل سباق له 3 نجوم
- اختبارت الرخص مقفلة وتفتحها عند تجميعك عدد معين من النجوم في كل مستوى ولما تاخذ الرخصه ينفتح المستوى الثاني
- تحديات جديدة ممتعة اسمها coffee break زي مثلا يعطونك سياة مع لتر واحد من البزنين ومطلوب منك انك تقطع مسافه معينه قبل مايخلص البنزين


لكن فيه اشياء ازعجتني
- هبوط بسيط في الاطارات خصوصا مع الالتفات وزحمة السيارات
- الميداليات الذهبية سهلة جدا في اختبار الرخص , حتى الآن اخذت رخصة b و a
-بداية اللعبة فيها توترايل اجباري


واما بالنسبة للمايكروترانسكشن فما حصلت له اي علامه مع الأخذ بالإعتبار اني ماقدر ادخل اونلاين في اللعبة
تقريبا تجميع الفلوس مشابه لـgt5 في بداية اللعبة وحتى انه السباقات سهلة نوعا ما , وصلت مستوى ib (المستوى الثالث ) بدون ماشتري او اعدل على اي سيارة , فقط استخدمت السيارة اللي اجبروني اشتريها في بداية اللعبة ومع بعض السيارات اللي اخذتها هدية من السباقات وحاليا معي 170,000 cr

لكن فيه شيء لفت اتنباهي وهو انه في سيارت كثيرة سعرها فوق مليون فما ادري هل هي معمولة علشان تستفيد من المايكرو او لا , يبغالي اتعمق واشوف السباقات الأخيره قد ايش تعطيني فلوس وسيارات مجانية
 
التعديل الأخير:

W.W.W

True Gamer
جربت الديمو والي شفته مور اف ذا سيم , زيها زي الخامس >_>

كل شي ممكن اتقبله ألا الكاميرا ! ايش الي حصل ؟ من الجزء الرابع والكاميرا من أسوأ ما يكون والمشكله انك مجبور عليها وما في غيرها

اقصد لمن الكاميرا تكون ثابته تماما في الخلف , ولمن تنعطف ما تقدر تشوفها في الجوانب
 

khaled 13

True Gamer
صدقني في الجزء هذا تحس بثقل السيارة عكس الجزء الخامس ومتأكد انك تقدر تغير اعدادات الكاميرا وتخليها متحركه او ثابته في الخلف
 

Century Wizard

Become Human
افهم من كلامك ان اللعبة ماهي مبنية تماماً على المايكرو؟ يعني مو زي فورزا؟

الفيزكس و الجرافكس هل تفرق عن الخامس بشكل ملحوظ؟
 

khaled 13

True Gamer
مقدر اعطيك العلم الأكيد الحين لكن مبدئيا اللعبة مشابهه لـgt5 من ناحية التقدم
لكن اقدر أكد انها مختلفه عن فورزا اللي حسب ماسمعت انه مافيها سيارات مجانية تحصل عليها من السباقات ونظام الأركيد ماتقدر تلعب به إلا بسياراتك اللي شريتها !
وهذا القرف غير موجود في gt6

تعديل : بالنسبة للفزيكس والجرافيكس فيها فرق وراح تحس به خصوصا اذا مسترت الجزء الخامس
يمكن الرسومات نفسها ماتغيرت لكن فيه اشياء ثانية تحسنت مثل الإضاءة
 
التعديل الأخير:

ASWD

True Gamer
يعطيك العافية خالد.تعمق اكثر وركز على سالفة النصب ترانزاكشن وخبرنا هل اللعبة مبنية حواليه مثل فورزا5 اولا..شوف كيف نظام الريورد هل تحسه ابطئ من ناحية المبلغ اللي تحصل عليه او مثل ماهو فالسلسلة.احتمال اذا كانت خالية من ترسبات نظام النصب هذ اخذها مع داركسول 2 السنة الجاية
 

khaled 13

True Gamer
او كي فيه تورمنيت مكون من خمس سباقات كسبت منه 100 الف
وكل السباقات في المستوى الرابع تعطيك 25+ الف لكل واحد , يعني الفلوس مش مشكلة ابدا في اللعبة

لكن تبا تحديات الرخص سهلة جدا , حتى انه في 5 تحديات فقط لكل رخصة !
اخاف نسخة الشرق الأوسط مكجولة ؟ لأنه شيء غير معتاد من السلسلة يكون فيها الوقت الذهبي من تحديات الرخص سهل بالشكل هذا !
 

Painkiller Q8

True Gamer
كيف الماكروترانزاكشن معاك ؟؟؟

عارف ان نتجنبه قدر الإمكان ، لكن مع التوصيل ماحسيت انك تحتاج شي ضروري ؟؟ سياره معينه؟؟
 

khaled 13

True Gamer
^
اقرأ ردودي فوق اخ خالد , يبغالي اتعمق اكثر في اللعبة قبل احكم

---
من تصويري

vka5.jpg


w80v.jpg


62u4.jpg
 

mamiqdadi

True Gamer
أنا ناوي عليها لكن عندي ألعاب كثيرة مع بعض، بالإضافة للوي يو اللي على الطريق إن شاء الله، لذلك بأجلها شوية، حأتابع الإنطباعات هنا لين أجيبها، إيش يعني نسخة الشرق الأوسط مكجولة؟ نسختنا غير عن الأوروبية؟
 
التعديل الأخير:

CODE-X

عضو فريق TG كورة أوروبية
^
اقرأ ردودي فوق اخ خالد , يبغالي اتعمق اكثر في اللعبة قبل احكم

---
من تصويري

vka5.jpg


w80v.jpg


62u4.jpg
هذي كورنت جن ؟ :heart_eyes:

خبرنا عن وضع المايكروتسول معك لما تتعمق اكثر و يكون معك حكم واضح ...
 

khaled 13

True Gamer
هذي كورنت جن ؟ :heart_eyes:

خبرنا عن وضع المايكروتسول معك لما تتعمق اكثر و يكون معك حكم واضح ...
يب و 1080/60 بعد
بولي فوني مجانين في الجانب التقني , اللعبة فيها إضاءة ماعمري شفت مثلها حتى في الـpc


المهم
اليوم اشتغل رسيفر اللعبة ونزل تحديث اليوم الأول وحجمه 1.2 جيجا !
غيروا واضافوا اشياء كثيرة
 

kiryu

True Gamer
[video=youtube;mZPMUTtLUtQ]https://www.youtube.com/watch?v=mZPMUTtLUtQ[/video]
يخرب بيتهم بوليفوني @_@
 

loop

Hardcore Gamer
المراجعات محبطه نوعا ما .... 75 على الميتاكريتك


لكن ..


Polygon ـ9

ايرو جيمر ـ9

IGN 8
 
التعديل الأخير:

khaled 13

True Gamer
ماقدرت اقاوم واشتريت السيارة ذي

b8wu.jpg


لي معها ذكريات رهيبة في جران تريزمو 2 :heart:

اشتريتها بـ1.4 مليون وعدلت عليها شويه ثم شاركت بها اخر سباق في اللعبة وقدرت افوز
مع انه التحكم بالسيارة ذي صعب إلا اني استمتعت بالتحدي وحسيت بحماس كبير خصوصا آخر سباق في التورمنيت وانهيت اللعبة *تقنيا *
باقي لي كلاس s وبعض السباقات الثانية , حاليا 70 %

إيجابيات وسلبات اللعبة

+ فيزيائية وتحكم افضل
+ جرافكس ممتاز مع إضاءة مالها مثيل في الألعاب
+ تنوع كثير في السباقات و السيارات
+ مهمات جانبية ممتعة (مرحلة القمر !!!!)
+ موسيقى جيده

- هبوط اطارات خصوصا اذا تلعب على 1080
- نظام التقدم في اللعبة مشابهه لـgt5 واللي كان سيء بالأساس
- السيارات المجانية قليلة وغير مفيده غالبا
- لودينج لودينج لودينج
- مافيه تطور ملحوظ عن الجزء السابق والفريق كأنه استعجل على اللعبة ونزلها ناقصة

تقيمي لها 6.5
لو اللعبة مافيها ترانسكشين وعدلوا نظام التقدم التعبان تبع gt5 كان اعطيتها 8 ولا يمكن 9 بعد
 

SAUD~F-16

True Gamer
اللعبة تسربت في الخليج من قبل يومين غريبه مافي احد شراها هنا او تكلم عنها !
احسن. خلهم يبلوها ويشربوا مويتها.
.
.
.
.
:(

تستاهلين ياسوني
https://www.youtube.com/watch?v=fLaeE97AaxQ

اتمنى ينتشر الفديو بأسرع وقت

هههههههههههههههه احسن شيء الخطوة رقم 6 في الدسكربشن. يستاهلوا. هذا انتقام.
 

Dark Master

فريق الأنمي
أكبر سلبية باللعبة هي الافتتاحية اليابانية!

[video=youtube;l98c5WGQ6M4]https://www.youtube.com/watch?v=l98c5WGQ6M4[/video]
الاخراج بالعرض خرافي كعادة السلسلة بس ليش ماحطو اوست Moon Over Castle! :thumbsdown:

للمقارنة هذه افتتاحية الجزء الخامس

[video=youtube;RAAdtEN5hNQ]https://www.youtube.com/watch?v=RAAdtEN5hNQ[/video]

الجزئية الأولى بالعرض يتفوق فيها الجزء السادس بس الجزئية الثانية وقت عرض اللعبة الفعلي فالخامس يتفوق بأميال!
صوت المحركات مع الأوست معطي حماس كبير بالعرض:heart_eyes:
 
التعديل الأخير:

Painkiller Q8

True Gamer
ماقدرت اقاوم واشتريت السيارة ذي

b8wu.jpg

هههههههههههه السياره هذي اعتبرها Cheat !!!

اذكر واحد من الاجزاء حللته فيها وكنت اقود السياره بزر واحد .. دوووووس وادعم الطوف وهي تخلص السباق بنفسها :::laughing::: طبعا لازم تعديل full
 
أعلى